تواصل

بس ............. كلمة كلمة من كلامك رشقت جوايا يا معلم .. مش عارفة ليه؟! . لاء ما هي غريبة مفيش كلام رشق معايا الرشقة الهباب دي قبل كده .. لاء وعايزة اكلمك.. لاء وعايزة اشوفك .. بتاع اية طيب.. غريب البني ادم ده والله.. امبارح الكمبيوتر باظ يا ادي الواقعة الهباب .. ويا ترى هو اون لاين ولا لاء.. طب اعمل اية طب اكلمه ازاي .. طب يا ترى لو دخل هيحس اني مش موجودة ولا مش هياخد باله..طب بلاش ده كله
بتاع اية يعني انا اصلا مهتمة ومتبعاك .. وانا اعرفك منين.. بس اهو كده.. خبط لزق قفشت معايا .. هي كده
تواصل .. هو مجرد تواصل .. واللي يحصل يحصل .. شكله واقعة طين
يلا بقى .. عادي .. محدش هيفهم ولا كلمة من اللي انا كاتباه ده .. واصحابي هيقولوا البت هيست .. وانت لو قريته هتقول مالها دي .. بس هي كده.. دماغي وقفت .. مفيش اي كلام مترتب او منمق هيوصف اي حاجة من التوريطة المهببة دي .. اه توريطة .. ما انا كنت كويسة على الاقل فاهمة اية اللي بيحصل في حياتي .. حلو وحش اديني فاهمة واللي حواليا فاهمين .. كدهمحدش فاهم حاجة خالص