Monday, August 14, 2006

tagged

نزولا عند رغبة الاخ المدون الاستاذ محمد من مدونة كلمة هعمل الريبورتاج (على حسب اطلاقه عليه) ده


ـــ هل أنت راض عن مدونتك شكلاً وموضوعاً؟
مش قوي الصراحة .. بس انا حرة اهرتل زي ما انا عايزة

ـــ هل تعلم أسرتك الصغيرة بأمر مدونتك؟
اكيد .. ده امي كمان من اخوانا البلوجرز .. بس ولا حد معاه اللينك بتاع ماما ولا بتاعي .. هو اصلا اللينك شاحح في البيت عندنا شوية.

ـــ هل تجد حرجاً فى أن تُخبر صديقاً عن مدونتك؟ هل تعتبرها أمرا خاصا بك؟
لاء طبعا .. معظم اصحابي عارفين وبيدخلوا ويقروا .. عادي يعني في بيتها

ـــ هل تسببت المدونات بتغيير إيجابى لأفكارك؟ اعطنى مثال فى حالة الاجابة نعم
طبعا اكيد غيرت .. اصبح في وعي اكتير على حاجات كتير
بنت مصرية
وحاجات عرفتها منها على لبنان مكنتش معروفة بالنسبة لي زي مقال ام جان دارك اللبنانية

ـــ هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
حسب المزاج واللهي .. بس غالبا الي عقبوا اكتر على اساس اعرف اللي قرى لي ده بيفكر ازاي
لكن لو فايقة بفتح من اي حته ولأي حد

ـــ ماذا يعنى لك عداد الزوار.. هل تهتم بوضعه فى مدونتك؟
ولا حاجة خالص

ـــ هل ترى فائدة حقيقية للتدوين؟
تفاعل بين مجموعة من الناس في نقطة وسط يتلاقوا فيها .. في شيء مشترك بيجمعهم

ـــ هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
مجتمع متفاعل جدا ..

ـ هل يزعجك وجود نقد بمدونتك ؟ أم تشعر انه ظاهرة صحية؟
من حق كل واحد يقول رايه ومن حقي بردة اعتبره صح ولا غلط .. فالموضوع مش زعل وعدمه خالص

ـــ هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
لاء بالعكس من حقنا نتكلم شوية بقى سكتنا كتير .. وكويس ان بقى في رجالة الايام دي اهم بدأوا يندعوا

ـ هل فكرت فى مصير مدونتك حال وفاتك؟
يعني هيعملوها مزار سياحي.. خيبطل حد يكتب فيها وخلاص على كده .. بس اصحابي هيبقوا ينزلوا فيها النعي

ـــ آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك الخاص بها فى مدونتك؟
شجر الليمون (محمد منير) الملك طبعا

ـــ اكتب اسماء خمسة مدونين ليقوموا بهذا الاسقصاء بعدك
shimaa
amira hassan
moia
solo
nasry fe amrica

No comments: