Thursday, October 21, 2010

إنها فقاعات لن تلبث أن تنفثئ

لما هي البدايات هي الأكثر إمتاعاً
أمال ليه السيجارة الأخيرة في العلبة ليها قدسيتها
وليه آخر حب هو اللي فاكرين تفاصيله
وليه اللحظة الأخيرة بينا
كانت الأكثر تميزاً؟!
****
مفيش داعي نمثل الحدوتة
مش لازم أبداً تبتسم ابتسامة خفيفة وتبصلي
كمان مش لازم ॥
ابص الناحية التانية ، واعمل مش فاكراك
****
سكوتك مشكلة!
وانت ساكت الدنيا بتفقد وضوحها
وانا قد ما بحب الغيوم
بفرح اكتر لما الشمس بتعرف تغلبها
****
انا دايماً بدور على واحد
يقدر يميز ما بعد ملامح الوشوش
****
ملحوظة : فيه حاجة كده!
****
ضحكتك كانت طول الوقت مهزوزة
وطريقتك وانت بتمد رقبتك وبتعرض نظريات سخيفة
ضحكك لوحدك على افيهات انت اللي قايلها
حاجة تقفل!
****
هو ليه مفيش عمليات استئصال ذاكرة
او ع الاقل
استئصال مرارة
بس م القلب