Saturday, September 16, 2006

زمان

زمان كنت على طول بجيب 25 من 25 ولو جبت 24 اخبي الورقة واخاف اقول لبابا وماما
******************
زمان كنت بجيب كتاكيت انا وحسين ودايما نسميهم سمسم وتوتو .. وكانوا يموتوا مننا واعيط وحسين يقوللي كل دي اعمار يا لميا كل دي اعمار
*****************
زمان كنت بعيط على اغنية مع انه خشب في خشب في خشب
*****************
زمان كان حلم حياتي ان البحر يتحول ويبقى بحر فراخ بانية .. كنت بحبها قوي
******************
زمان كنت بقول حطلع مدرسة .. وكنت بهري الحيطان في بيتنا القديم ضرب بالعصاية .. لحد ما تتكسر
******************
زمان كنت بلعب مع حسين غرندايزر .. وما تسالونيش ازاي دي بتتلعب
******************
زمان كنت خجولة قوي .. بعيط بسرعة قوي .. بحلم كتير قوي
*******************
زمان .. كان .. وكان .. وكان
ما فاضلش حاجة من اللي كان زمان

21 comments:

Amira Hassan said...

ااه يا لميا

وممكن تقولي انه م الاخر كده
زمان كنا عايشين

و دلوقتي

على ما تفرج

LAMIA MAHMOUD said...

اميرة حسن
كل حاجة زمان كان ليها طعم
دلوقتي هو يعني اية طعم

shimaa said...

ana mosh fkra zaman 7alen, 7asa eno b3d 2wiii

LAMIA MAHMOUD said...

شيماء
ما هو زماااااااااااااااااااااااان
زمان جدا .. على اساس يا جميل اننا كلنا حنتم ال 81 قريب .. كل سنة واحنا طيبين
ههههههههه

الســـاحر said...
This comment has been removed by a blog administrator.
الســـاحر said...

اه والله زمان...بس خدى بالك ان الحاضر فى المستقبل برده هيبقى زمان..وان شاء الله يبقى حاضرك ومستقبلك جميل
وعلى فكره ممكن زمان اوthe woman
هههههههههههههههه

بس بجد الفكره جميله..لان كل واحد حاسس بيها ومش هتاخد صعوبه فى التاثير

LAMIA MAHMOUD said...

الساحر
بس زمان اللي بنتكلم عليه كان الزمان اللي مفيش شبهه تاني .. زمان ايام الطفولة والبراءة .. قبل ما السنين تجرح كل شيء فينا

littilemo said...

اه يا قلبي

LAMIA MAHMOUD said...

littilemo
سلامة قلبك يا باشا

We2am said...

zaman w ana so3'ayar..kont ba7lam ab2a kber..w lama kbert w tele3 dene fel donia...ana 3ayeza arga3 3ayla tane..hrob mn kol 7aga l 7odn el tfola wala mas2olya..

LAMIA MAHMOUD said...

وئام
يا كوكو انتي لسه عيلة .. ودي احلى حاجة فيكي ..

إنسان || Human said...

أه من زمان ياريت زمان يرجع ,,,,,إحنا بقينا ملوثيين

i love you said...

مش
دايما
الماضي
افضل

مـحـمـد مـفـيـد said...

العزيزه الحساسه جدا لمياء
اولا كل سنه وانتي طيبه ورمضان كريم
زمان زمان
انتي دايما لمسه الاحساس الداخلي للانسان وده دافع لتحقيق اي شي قادم فلا تياسي وتحلي بالصبر

مـحـمـد مـفـيـد said...

العزيزه الحساسه جدا لمياء
اولا كل سنه وانتي طيبه ورمضان كريم
زمان زمان
انتي دايما لمسه الاحساس الداخلي للانسان وده دافع لتحقيق اي شي قادم فلا تياسي وتحلي بالصبر

مـحـمـد مـفـيـد said...

العزيزه الحساسه جدا لمياء
اولا كل سنه وانتي طيبه ورمضان كريم
زمان زمان
انتي دايما لمسه الاحساس الداخلي للانسان وده دافع لتحقيق اي شي قادم فلا تياسي وتحلي بالصبر

LAMIA MAHMOUD said...

human
مش ملوثين قوي يعني .. بس اكيد كنا انقى


سيجارة
على حسب

محمد مفيد
وانت طيب .. والله اكرم .. في كلمة عبقرية كان كاتبها الاستاذ خالد كساب
كانت بتقول (الصبر مفتاح الفرج طب والصبر مفتاحه فين)

مداح القمر said...

لمياء...اسلوبك خطير ومليان احساس ...بس بجد كنتى بتعيطى على الاغنيه دى؟؟انا كمان كنت بعيط عليها..مع انه خشب فى خشب فى خشب انما يستاهل تقله دهب...كان بيصعب عليا وماابطلش عياط...تسمحيلى ف الاخر اقولك كل سطر ف البوست دا مريت بيه وحاسس كأنى كاتبه...الى الامام دائما وخلتينى استنى كل بوست ح تكتبيه

LAMIA MAHMOUD said...

مداح القمر
والله كنت بعيط عليه قد اية هو انسان كويس بس حظه وحش وخشب .. ربنا يخليك بجد ويسعدني لو بقيت فعلا بتحب تقرى اللي بكتبه.. واحنا نيجي فيك اية بس

كراكيب نـهـى مـحمود said...

مدونتك جميله اوي
طول عمري بيبهرني الجمله دي في شعر حجازي لاتنتظر احد فلن ياتي احد - هذا الزحام لا احد- البوست ده بيفكرني بايام غاليه عندي جدا ايام الطفولة باحلامها وبرائتها
انا كمان كنت بحب استعرضات صفاء ابو السعود في اعياد الطفولة وكنت بلعب مع اخويا سزوجي ومتساليش دي بتتلعب ازاي يلا اهيه ايام راحت ومسبتش غير خيال الظل

LAMIA MAHMOUD said...

كراكيب
انا بعشق الجملة دي اصلا .. بس دي من شعر فاروق جويدة مع التحفظات على شعر فاروق جويدة بس انا حبيت الجملة دي منه
ويالنسبة للعب مش حسال عشان ما نحرجش بعض