Saturday, September 02, 2006

كلام خنقني

.. انا نفسي
دي بقى لما حد يكون مثلا ملوش خبرة في حاجة قوي وقاعد مع حد ليه خبرة في الحاجة دي قبله بيومين مثلا .. او حتى ملوش خبرة خالص .. بس غلطة الاولاني انه راح يستشير حد
تلاقي صاحبك بقى اتنفخ ويقول .. يااااااااااااااااه ده الموضوع ده صعب قوي .. ده انا نفسي معرفش اعمله
جملة بسيطة قد تجدها تقال بسلامة نية وتحتوى على نوع من انواع تقليل النفس
بس لو فكرت فيها كده بقى تبقى انت ساذج .. لان الجملة دي لما توجه لك بتحتوي مقدار هائل من تعظيم الذات وتحقير سعادتك ولازم يكون ردك الوحيد عليها لما تسمعها .. يعني اية انت نفسك دي .. مين انت نفسك .. طب انت عندك قصور في القدرات فمش حتقدر تعمل حاجة انا بقى معنديش نفس القصور



.. على الرغم من كده
دي بقى كلمة بتطلع لما يكون حد بقى متمرمط وبيحكيلك على المرمطة اللي هو اتمرمطها .. وقد اية غفر وسامح .. وييجي يقولك بقى يعني فلان عمل وعمل وعمل .. وعلى الرغم من كده انا ساكحته .. بجد كلمة مستفزة
يعني هو طاع عينه واتبهدل مقدرش يتشطر الا على كده وغصبها ورغمها على حاجة .. طب وكده عملتله اية


.. انا آسف
تخيل معايا حد بقاله خمس ساعات ماسك ودانك وعمال يقوللك في كلام .. الكلام ده كان حيبقى ارحملك لو كان قعد الخمس ساعات دول يقطع فيك بمشرط صغير حتة حتة كان ارحم لك .. بس طبعا الكرامة الانسانية عزة عليك ومش عارف تتكلم وراسم وش عبيييييييييييييييط مش باين منه اي حاجة من الخراب الداخلي اللي بقى عندك بسبب كلامه .. وييجي الاخ بقى بعد ما خلص يقولك انا اسف شكلي كده جرحتك
وبكل براءة هتقول طبعا .. لاء خالص اية اللي بيخليك تقول كده .. بالعكس شيء عظيم اني اسمعك بتتكلم .. وكانت فرصة سعيدة قوي
وانت من جواك بتقول ابن ........... حطك في خانة اليك بعد ما كنت هتقوم من هنا تسب وتلعن فيه مع كل اللي تشوفه .. ده قالك انا اسف .. حتحط في بقك جزمة وتسكت
عشان كده كل واحد يبهدل مشاعر حضرتك .. ويستهلك انسانيتك ويهدرها على الطريق العام ويعدي عليها اتوبيس سياحي اربع مرات .. لما ييجي يقولك انا اسف قله حاجة واحدة (تييييييييييييييييييت) وبس

5 comments:

BaTaBeeT said...

gazzer mara katab post...2al fih eh ?


إعملي منّي نسخة
تتعامل مع خلق وسخة
أصل سبّ الدين يفطّر

:D

BaTaBeeT said...

w a7eb akammel.... mesh تيييييييييييت بس

la2
تييييييت تيييييت تيريبيت
kaman

LAMIA MAHMOUD said...

بطابيط ..
دي حقيقة هي تيت ونص وتلت تربع بس مرضتش عشان الناس اللي بتقعد تقول الفاظكوا يا بنانيت وما يصحش .. واحنا مش ناقصين فقع

shaimaa said...

ya lamia asm3y w tnshy ma a7na ya ama bnsm3 klam ye5no2na

LAMIA MAHMOUD said...

شيماء..
لاء اصلها افورت .. لو مكنتش اتكلمت كنت طبيت ساكتة.. معلش سامحيني المرة دي