زمان كنت على طول بجيب 25 من 25 ولو جبت 24 اخبي الورقة واخاف اقول لبابا وماما
******************
زمان كنت بجيب كتاكيت انا وحسين ودايما نسميهم سمسم وتوتو .. وكانوا يموتوا مننا واعيط وحسين يقوللي كل دي اعمار يا لميا كل دي اعمار
*****************
زمان كنت بعيط على اغنية مع انه خشب في خشب في خشب
*****************
زمان كان حلم حياتي ان البحر يتحول ويبقى بحر فراخ بانية .. كنت بحبها قوي
******************
زمان كنت بقول حطلع مدرسة .. وكنت بهري الحيطان في بيتنا القديم ضرب بالعصاية .. لحد ما تتكسر
******************
زمان كنت بلعب مع حسين غرندايزر .. وما تسالونيش ازاي دي بتتلعب
******************
زمان كنت خجولة قوي .. بعيط بسرعة قوي .. بحلم كتير قوي
*******************
زمان .. كان .. وكان .. وكان
ما فاضلش حاجة من اللي كان زمان
skip to main |
skip to sidebar
بغلة العرش
ريبيكا لدافني موريية
صاحبة الجاذبية النفسية المهلكة ;)
seasone 3
U can download the movie by clicking on the pic
يا ورقي الاصفر عم نكبر .. عم نكبر
Facebook Badge
I'm now reading
بغلة العرش
A book with memories
ريبيكا لدافني موريية
My Mood
صاحبة الجاذبية النفسية المهلكة ;)
I'm now watching
seasone 3
آخر حاجة شوفتها تقريبا
U can download the movie by clicking on the pic
Poetry
ساعات باسمع
على سريرك
آهات بتونس الغربه
وبتصاحب .. بيوت الصبر
والحرمان
سواقي العمر ده لفت
وتعبت م الفرح والحزن
تقولش الدنيا كات حالفه
تموت زعلان
وباتذكّر
خطاك في النور
خطى خايف ل يتكسر
عشان خايف تعيش مكسور
وحالف ع البيوت تفرح
وتضحك في الوشوش كداب
مابانش المعنى في القصه
وزيف الفجر ع الابواب
ماحِلـْمتش البنات بعينيك
وماقدرتش
تلامس م السما شعره
وماوصلتش
لسر الفجر في الصوره
وكيف الواد
ماداقش النشوه في التأويل
وكيف ان الميدان مغرور
وكيف ان الغنا بالليل
بيكشف زحمة المستور
ويلعن ضِحكة العِمدان
تقولش الفجر كان عارف
بإن نهايتك اللي عشان ماصدقهاش
تكون في عينيه
في عز الصمت والحيره
وعز الوحده في الانعاش
خلاص مافضلش الا الموت
ولاجل يزيد مرارك .. مر
ويبقا الفجر متعلم بروحك وانت بتقول شعر
وتقرا الوِرد
للشارع وللماشيين
مفيش فاضل
ما بين الموت وبينك غير
يادوب لحظه
ماتتحسش
عشان عايشين
كبصة بنت ع الفستان
في نُص الشارع المردوم
تراب فتارين
خيوط مُرّه
تقيس البنت فستانها على المانيكان
يقيس الناس عليها الحزن
من برّه
شهادة طفل ان الشارع امبارح
ماكانش سعيد
عشان أصله
بيقرا الحزن في العواميد
وشايف من عيون صادقه
ملامحك خارجه م الجامع
برغم الدنيا داخله عشان
تصلي العيد
خلاص صدقت ان الموت .. قرار نافذ
وان مفيش زياره عشان ماتتعلقش بالحافز
خلاص .. هاتموت
مافيش داعي لدمعاتك
وموت مبسوط
وانا هافضل هنا ع الارض
أجيب سيرتك
وأقول الشِعر بالاكراه
وأوطّي الصوت
عشان ترتاح من الزيطه
واداري جيوب قميص الخوف
واسد الشق في الحيطه
وأخبي الفجر عن عينك
وهاستنى
صدور الأمر بالوحده
وصمت الآيه هايشيله
خلاص صدقت
إن الموت ماجاش عندك
وإن إنت بتمشيله
وإن الموت على سريرك
صديق الصمت والحيره
خلاص صدقت
إن الشِعر والإصحاب
ماجوش يزوروك
وان في قعدة القهوه
ماعدتش تيجي ع السيره
فلو جالك ملاك الموت
ماتضحكلوش
وماتدمّعش
عشان في الصوره تلمحني
واحس بعزتك .وانت
مابتسلِّمش للنهايات
وماسمعشي في طلوع الروح
بان القلب مات محني
وصَلِّي الوحده للاخر
وإضحك للكلام والصمت
وعَـلّي الصبر ع الآخر
ما ياما ضحكت واتلصمت
هاتشرق روحك البنور
عشان النور خلاص حاضر
وحضّر قلبك المجروح
عشان يُسأل
ورد بكل حزن وقول
أنا أشهد
بإن الرب ده وحده
وإن العمر ده وحده
وإن القلب ده بالذات
ماداقش الفرح ولا حاجه
وان مطارح اللذات
ماجاتش تزوره ولا حاجه
ده حتى جاي هنا وحده
ممدوح زيكا
غرفة 315
عني انا نتحدث
- LAMIA MAHMOUD
- cairo, egypt
- مبحبش نوم التوابيت مجنونة معجونة بمية عفاريت ... بتجادل كتير وترد وكعب جزمتها مهاودها ع الحنجلة ع الأرض
عذاب النفس
-
▼
2006
(74)
-
▼
September
(15)
- بيتنا الصغير الاخضراني
- كبرياء
- شيماء
- احلى حاجات في اخر ثلاث سنوات(من ساعة ما سيبتك لحد ...
- لعبة العشق التي نلعبها سويا .. نتظاهر بالغباء .. ن...
- زمان
- بقالي كتيييييييييييييييير حاسة ان في حاجة بتتغير ف...
- حكاية بنت
- الخروج للرجال فقط
- جمل لا ممنطقة .. لا مرتبة .. لا اي شيء
- كل ده يا دنيا يا بنت الاية مرة واحدة
- tagged
- كلام خنقني
- افتح بيبان القلب للهوىوغصب عني يقفله الهوىكأني طير...
- لا تنتظر احدا فلن يأتي احد
-
▼
September
(15)
21 comments:
ااه يا لميا
وممكن تقولي انه م الاخر كده
زمان كنا عايشين
و دلوقتي
على ما تفرج
اميرة حسن
كل حاجة زمان كان ليها طعم
دلوقتي هو يعني اية طعم
ana mosh fkra zaman 7alen, 7asa eno b3d 2wiii
شيماء
ما هو زماااااااااااااااااااااااان
زمان جدا .. على اساس يا جميل اننا كلنا حنتم ال 81 قريب .. كل سنة واحنا طيبين
ههههههههه
اه والله زمان...بس خدى بالك ان الحاضر فى المستقبل برده هيبقى زمان..وان شاء الله يبقى حاضرك ومستقبلك جميل
وعلى فكره ممكن زمان اوthe woman
هههههههههههههههه
بس بجد الفكره جميله..لان كل واحد حاسس بيها ومش هتاخد صعوبه فى التاثير
الساحر
بس زمان اللي بنتكلم عليه كان الزمان اللي مفيش شبهه تاني .. زمان ايام الطفولة والبراءة .. قبل ما السنين تجرح كل شيء فينا
اه يا قلبي
littilemo
سلامة قلبك يا باشا
zaman w ana so3'ayar..kont ba7lam ab2a kber..w lama kbert w tele3 dene fel donia...ana 3ayeza arga3 3ayla tane..hrob mn kol 7aga l 7odn el tfola wala mas2olya..
وئام
يا كوكو انتي لسه عيلة .. ودي احلى حاجة فيكي ..
أه من زمان ياريت زمان يرجع ,,,,,إحنا بقينا ملوثيين
مش
دايما
الماضي
افضل
العزيزه الحساسه جدا لمياء
اولا كل سنه وانتي طيبه ورمضان كريم
زمان زمان
انتي دايما لمسه الاحساس الداخلي للانسان وده دافع لتحقيق اي شي قادم فلا تياسي وتحلي بالصبر
العزيزه الحساسه جدا لمياء
اولا كل سنه وانتي طيبه ورمضان كريم
زمان زمان
انتي دايما لمسه الاحساس الداخلي للانسان وده دافع لتحقيق اي شي قادم فلا تياسي وتحلي بالصبر
العزيزه الحساسه جدا لمياء
اولا كل سنه وانتي طيبه ورمضان كريم
زمان زمان
انتي دايما لمسه الاحساس الداخلي للانسان وده دافع لتحقيق اي شي قادم فلا تياسي وتحلي بالصبر
human
مش ملوثين قوي يعني .. بس اكيد كنا انقى
سيجارة
على حسب
محمد مفيد
وانت طيب .. والله اكرم .. في كلمة عبقرية كان كاتبها الاستاذ خالد كساب
كانت بتقول (الصبر مفتاح الفرج طب والصبر مفتاحه فين)
لمياء...اسلوبك خطير ومليان احساس ...بس بجد كنتى بتعيطى على الاغنيه دى؟؟انا كمان كنت بعيط عليها..مع انه خشب فى خشب فى خشب انما يستاهل تقله دهب...كان بيصعب عليا وماابطلش عياط...تسمحيلى ف الاخر اقولك كل سطر ف البوست دا مريت بيه وحاسس كأنى كاتبه...الى الامام دائما وخلتينى استنى كل بوست ح تكتبيه
مداح القمر
والله كنت بعيط عليه قد اية هو انسان كويس بس حظه وحش وخشب .. ربنا يخليك بجد ويسعدني لو بقيت فعلا بتحب تقرى اللي بكتبه.. واحنا نيجي فيك اية بس
مدونتك جميله اوي
طول عمري بيبهرني الجمله دي في شعر حجازي لاتنتظر احد فلن ياتي احد - هذا الزحام لا احد- البوست ده بيفكرني بايام غاليه عندي جدا ايام الطفولة باحلامها وبرائتها
انا كمان كنت بحب استعرضات صفاء ابو السعود في اعياد الطفولة وكنت بلعب مع اخويا سزوجي ومتساليش دي بتتلعب ازاي يلا اهيه ايام راحت ومسبتش غير خيال الظل
كراكيب
انا بعشق الجملة دي اصلا .. بس دي من شعر فاروق جويدة مع التحفظات على شعر فاروق جويدة بس انا حبيت الجملة دي منه
ويالنسبة للعب مش حسال عشان ما نحرجش بعض
Post a Comment