Monday, September 18, 2006

لعبة العشق التي نلعبها سويا .. نتظاهر بالغباء .. نتظاهر بالتجاهل .. والصمت حديث موصول
اغمض عيني كي لا تلمح اي مشاعر قد تعكسها .. تكتم صوتك كي لا افهم ارتجافاته الجلية .. تتجنب اي حوار قد يظهر فيه مشاعرنا الابدية
نمزح .. نضحك .. وكلانا يفهم ان اصول اللعبة تحتم الا نصرح بشيء
تفلت مني نظرة حب .. المح في عينيك عتاب فقد خالفت قوانين اللعب
حين تصافحني تصرخ يدك بين يدي رغما عنها (اني اريدك) ..تسحبها سريعا .. فاصول اللعبة تحكمنا
تسال قلبك .. ماذا يحدث حين يراني؟! .. ولماذا يدندن الحاني؟! .. فيجيبك عاشق .. تنكره .. وانا اعرف قلبك اكثر منك
سيسال عني فلا تنهره .. سيشدو باسمي فلا تزجره ..سيمسك فيك ان اردت الرحيل .. يغني بشعري فلا تنكره
تنتابك ثورة .. تعنفني ..تتهمني بالتآمر عليك لصالح قلبك .. وخطوط جبينك تتعانق
ثور .. اصرخ .. قل ما شئت .. قل ما عندك .. لكن دعني اسرح وحدي في خريطة تلك الملامح .. وسأكسر كل قيود اللعبة .. بل اكثر .. لن العب تلك اللعبة بعد اليوم
لا تجاهل .. لا ادعاء .. فانا رغم كل القوانين .. احبك

23 comments:

shaimaa said...

tyb hoa ento leeh 2sasn btl3bo le3ba,leeh mosh t3trfo lb3d mn 3'er any games talma en ento el2tneen bt7bo b3d,i guess en fe 7aga msh sa7 fe elmodo3,fe something ambigious ,but i,ll know it anyway ya lmy;)

LAMIA MAHMOUD said...

شيماء
اعتقد انك عرفتي

Epitaph said...

:)

and silence will gon on...and what our hearts want... will never get, unless we take some actions!!

a painful game to the heart and mind!!

مفلس افندى الرايق said...

لمياء والله عجبتنى جداااااااااااااااااا

لا بجد انا مش لاقى كلامى يوفيكى حقك بجد كلنا لازم نحطم قيود اللعبه ونلعب على على المكشوف بجد لازم نصارح اللى بنحبه بحبنا لان حبنا ماهواش جريمه

عجبتينى قوى
انتى جميله بجد يا لمياء

مداح القمر said...

برافو عليكى..بس انتى عايزه ليه تهدى قواعد حتى لو كانت للعبه...لو تزورينى وتقرى موضوع ملحمة كلام العيون ح تعرفى ان اللعبه دى اتقلبت خلاص وبقت جد...ماعدش ينفع هزار...بس صدقينى انا اول واحد ح اهد القواعد...اصلى خلاص بقيت جزء منها..شويه طالع لفووق وشويه لتحت..تحت اوى

LAMIA MAHMOUD said...

epitaph
it's really a painful game .. don't try it ;)

مفلس افندي الرايق
مبسوطة قوي انها عجبتك .. وياريت كلنا فعلا نهد قيود اللعبة .. شكرا كتييييييييييييييييييير على الكلام الكبير ده

مداح القمر
عشان القيود على كل شيء مطلوبة بنسبة .. لكن على توضيح المشاعر مرفوضة .. وجاري البحث عن الموضوع الوارد ذكره:)

Amira Hassan said...

اصرخ .. قل ما شئت .. قل ما عندك .. لكن دعني اسرح وحدي في خريطة تلك الملامح .. وسأكسر كل قيود اللعبة .. بل اكثر .. لن العب تلك اللعبة بعد اليوم
لا تجاهل .. لا ادعاء .. فانا رغم كل القوانين .. احبك




تحفه يا بنتي الحته دي

LAMIA MAHMOUD said...

اقولك تاني .. كنت عارفة انها حتعجبك

الســـاحر said...

الله الله على الفكره ....الفكره عجابنى لان الكلمات كتير بس الافكار نادره
بجد انا عجبنى الموضوع وفكرته
ربنا يوفقك

LAMIA MAHMOUD said...

الساحر
شكرا بجد

محمد أبو زيد said...

كتابة جميلة يا لميا
الحب لعبة
والكتابة لعبة أجمل

أجدع واحد في الشارع said...

بجد انا عجبنى التعليق بتاع
مدح القمر
وانا معاه فى كل كلمة

Alexandra said...

لو بتحبي قولي. مش مهم الطرف التاني عايز ينكر او يخبي ليه. المهم انت عارفة انت حاسة بأيه

we2am said...

انا عايزة اقولك حاجة واحدة..انا من كام يوم قبل ماقري البوست الجامد ده..كسرت قاعد اللعبة..و تجاهلت التجاهل..و ادعيت الادعاء..و النتيجة..؟؟
امبارح كنا بنعدي الشارع..ايدينا في ايدين بعض..;)

عوليس said...

بوست جميل فيه مشاعر بكر بتصرخ بحنان
بس مش عارف عجبنى اول البوست لغايه اصرخ باقى البوست حسيت انه مش من القلب مش عارف ليه؟.

ody911 said...

كلب مين دة إللى ميحبكش يا قمر
دة الكلام خلانى أحبك يا شيخة
وألف مبروك
وربنا يتمم بخير
وعقبالنا جميعا
ونفسى بنت تقولى بحبك بس
مش أكتر من كدة
بس أرجع وأقول
عادى بقة

مجرد احاسيس said...

الله
ومفيش كلام تانى

LAMIA MAHMOUD said...

محمد ابو زيد
الحب اجمل لعبة


اجدع واحد في الشارع
نفس الكلام الكبير تاني .. بس برده بجد شكرا قوي .. هي كده لازم في الحب لازم نهد القواعد

alexandra
ما انا عملت كده وجبت له ارتجاج في المشاعر ..هههههههههه.. معاكي حق المهم انتي حاسة باية لانها بتيجي مرة واحدة بس

وئام
حالا حقوم اتصل بيكي .. افهم ده مين ده

عوليس
هي مشاعر بكر فعلا .. ومش عارفة ليه انا كمان حسيت ان الباقي مش من القلب مع ان كل كلمة كانت من قلبي .. بس المهم ان في حاجة عجبتك حتى ولو كانت كلمة مش اكتر

ody911
معلش اصله مبيعرفش يقرا .. ههههه


مجرد احاسيس
الله عليك

مـحـمـد مـفـيـد said...

ياسيدي ياسيدي
ايه الحب ده
انتي وقعتي والا ايه؟

مفلس افندى الرايق said...

ازيك يا لمياء واخبار رمضان معاكى ايه ناويه تعملى ايه بقى

كل سنه وانتى طيبه

LAMIA MAHMOUD said...

محمد مفيد
مش هعرف ارد(:


مفلس افندي الرايق
انا الحمد الله يا فندم .. انت بقى ازيك ؟؟ .. اعملي اكسيبت على ايميلك عشان انا ضيفتك .. وكل سنة وانت طيب

aMiR-El ZaLaM said...

بصراحه أجمل بوست قريته :)

LAMIA MAHMOUD said...

امير الظلام
عشان من القلب
وعشان الحب اجمل لعبة
شكرا ليك على زيارتك ليا اللي من الواضح انها كانت طويلة