Wednesday, September 20, 2006

احلى حاجات في اخر ثلاث سنوات(من ساعة ما سيبتك لحد النهاردة)

بطلت البس واظبط مكياجي واعمل حسابي على اني حشوفك .. عشان في الاخر ما تجيش .. بقيت بلبس اللي على الحبل بيك او من غيرك



بطلت كل ما اصاحب واحدة اخاف منك تشوفها واخسرها بسببك



قربت من كل اصحابي اللي بعدت عنهم بسببك



عرفت ناس تانية وبقيت بخرج في كل حتة .. بطلت استغل كل وقت بعرف اخرج فيه بس عشان اشوفك


بطلت اقولك اتصل بيا طمني عليك لما تروح .. عشان افضل صاحية مستنياك ةفي الاخر اتصل بيك يقولولي نايم من ساعتين


بطلت اقعد مستنية ممكن تكون حتعمل اية في عيد ميلادي .. وانت في الاخر تنساه مع انه قبل عيد ميلادك باربع ايام وتيجي تقوللي انك بتحب واحدة تانية في نفس اليوم(يعني ماكانش كفاية انك نسيته)يلا مش مهم



بطلت اقعد مستنية سيادتك كل ما تعرف واحدة وتفتكر انك بتحبها لحد ما ترجع وتكتشف انك محتاجلي


بطلت اتخانق مع ماما على التليفون .. ما انا مبقيتش بستنى تليفون من حد ولا بتصل بحد خلاص


عرفت اني ممكن اتحب عادي يعني مش شرط منك .. رغم انها ما فرقتش معايا كتير بس برده.. معلومة مفيدة



بطلت افضل اعيط لحد ما انام عشان انت بتجرحني وانا مش عارفة اخد موقف



بطلت ابقى متنرفزة ومش عارفة اجمع كلمة على بعضها .. وتضحك عليا بكلمتين حلوين او حتى نص نص مش حلوين قوي


بطلت اقف ادافع عنك وعن اللي بينا قدام الناس كلها لوحدي


بقيت بلبس اللي انا عايزاه .. مش اللي انت عايز


بطلت كل ما اشوف في واحدة حاجة عاجباك اجري اعملها



لقيت نفسي بجد .. وحبيتها كمان .. ما بقتش متخيلة اني عشان احب نفسي لازم تكون انت بتحبني






المهم جدا بقى اني بعد ما لقيت نفسي وحبيتها .. اتكلمت انا وهي سوا ولقيتها لسة بتحبك .. بعد الوقت ده كله بتحبك .. بس للاسف معندهاش استعداد تعمل كل اللي فات ده تاني .. حد يحلها غيرنا بقى


27 comments:

ihapoof said...

Great
weghet nazar bardo ..
el nesf al mamlo2 mn el koob ..

nice post

LAMIA MAHMOUD said...

ihapoof
فعلا هي دي الفكرة .. النصف المملؤ من الكوب

shimaa said...

lessa bt7boh..da enty 2wya 2wii ya she5a ..no comment 72e2e 3'er eny b7b wshk 2ktr mn 3'er make up,b7so enty

Dr. Tantawy said...

جميله اوي يا لميا
بس الاجمل بجد
ان برغم كل السلبيات دي اللي بتكتشفيها بعد زوال العلاقه .. وجود علاقه حب بتكون قادره على اخفاء كل ده .. مش دي معجزه الحب بجد

LAMIA MAHMOUD said...

شيماء
كل اللي عوزتي تقوليه على الليلة دي وشي من غير مكياج .. ماشي يا ستي (:
وبالنسبة للسة بحبه فانتي اكتر حد عارف ان ده قل قوي جوايا .. بس مينفعش يتلاشى


طنطاوي
الحب في حد ذاته معجزة .. والعيوب ما بتختفيش في الحب اللي بجد لكن بنكيف نفسنا معاها


كارمن
اقتليه براحتك .. كده اكيد مش حبطل احبه .. ههههههههه
وبعدين انا بحبه وكارفاه يعني عادي .. بتحصل
ده بس كلام في السر بيني وبينكوا محدش يقولوا لحد
وانا اسمي لميا يا ستي ونورتيني انتي واختك يا قمر
امووووووووووووووووووه

يا مصر اكتب إليكي رسائلي said...

تحياتي ولحد عندكم جي اقول
بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات

LAMIA MAHMOUD said...

يا مصر اكتب اليكي رسائلي
وانت طيب .. وتحيات متبادلة

Ahmed Shokeir said...

جميل اوي كل الي قلتيه يالميا بيعبر فعلا عن الحب الحقيقي لكن للاسف من طرف واحد

الاجمل لما الواحد بيتحرر من كل ده من غير جرح بيكون اد ايه مرتاح

LAMIA MAHMOUD said...

ahmed shokier
العلاقة معقدة اكتر من ما تتصور ولا يمكن اظلاق اي مسمى عليها

Ahmed Shokeir said...

جايز يالميا التجربة تجربتك بس اللي قلتيه بيقول اللي علقت بيه

بس انا بصراحة اعجبت انك قدرتي تحطي ايدك على كل تلك التفاصيل

كلمه said...

2eh 7ar2et eldam de ?????????

fe nas 3dam m3refet.ha maksab
t2reeban y3ni .... da wa7ed menhom

LAMIA MAHMOUD said...

احمد
في فرق بين عدم الحب وعدم القدرة على اظهاره .. ولازم احط ايدي على التفاصيل ده كان عمر مش يومين
عموما انا مش دايما بحب اعرض حاجات شخصية كده بس حسيت الفكرة لذيذة
شكرا ليك


كلمة
ماشي يا بوب .. وبعدين انت اللي في القلب
هههههه

We2am said...

ya lmy...el 7ob zay el tyor
lazem y3esh fel nor

LAMIA MAHMOUD said...

وئام
سوري يا وئام
قالوا بي رد قلبي قال بحب الاولاني

أحمد said...
This comment has been removed by a blog administrator.
eZz said...

nadl ! that's all i can say about this creature

LAMIA MAHMOUD said...

ezz
مش بالظبط صدقيني .. ناس كتير ما بتعرفش تعبر عن اللي جواها .. ما بتفهمش اية اللي جواها ووقت ما بتفهمه بيكون الوقت فات .. اكيد كان في حاجات حلوة جدا برده في العلاقة بس احنا بنجمع سلبيات بس لاني بقول الحلو من ساعة ما سيبته .. البوست الجاي حيبقى الحلو وانا معاه

كراكيب نـهـى مـحمود said...

انا مصدقه اوي انها شجاعه اننا نعبر عن اللي جوانا كده زي ما حسناه ووجعنا يمكن ساعتها نعرف نخف ونبتدي من جديد
شكرا على الامتاع والاحساس الجميل ده

LAMIA MAHMOUD said...

كراكيب
هي مش شجاعة على قد ما هي دلدقة بدلدق كل اللي جوايا .. عشان ابدا اشتغل على نضيف
شكرا للزيارة

-- said...

عندما يتحول الحنين لقاتلا

على قدر مااعشق حنين الــ ( الإنسان ) للأشياء .. على قدر توجّعى بوجعهم كلما سن أسنانه ليمتص صبرهم ويخرج بهم لدنيا الوجع والاشتياق

وللأسف هذا الوجع يتخفى فى ثوب اللا مبالاة (فننكر ) إنكساراتنا واحتياجنا لمن نحن لهم !

قلمك يمتعنى

(ورداية )

-- said...

اول مرة اشوف مجرور بالألف :D

تصحيح لغوى (كارثة):

عندما يتحول الحنين لقاتلٍ

مابيعملوش ليه تعديل :D

LAMIA MAHMOUD said...

زعرورة
اجمل ورداية في المثلث الكروي
بصي يا ستي حاجات كتير في حياتنا بنقنع نفسنا انها ماتت ونقعد نكدب ونقول وجوانا ليها حنين لا يساعه اي قلب
واي حنين بيبقى مؤلم .. لو حنيتي لشيء حلو بتزعلي انه مش موجود .. ولو حنيتي لشيء مؤلم بتتمني لو عمره ما كان موجود

i love you said...

برافو
عليكي

LAMIA MAHMOUD said...

سيجارة
ما هو لازم كده

LAMIA MAHMOUD said...

caesar
لو اداني الفرصة حعرف اغيره
اكيد

Anonymous said...

بصي يا لميا

انا حاسة بيكي قوي قوي

وعارفة انتي قد ايه في نار

بس انتي يا لميا لو منسيتهوش هتفضلي عايشة في النار دي علي طول عمره ما هيتغير

واكيد هوه مش بيحبك

الي بيحب يا لميا ميعملش كده في حبيبه
ومش مشكلة انه مش عارف يعبر او بيغلط

المشكلة ان الحب يا لميا مش محتاج مقدرة علي التعبير
هوه بيعبر عن نفسه

مع كل الحب والمشاعر والرقة الي جواكي هتلاقي انسان يفهمك ويحبك بجد

وربنا معاكي يا لميا

LAMIA MAHMOUD said...

بنت
مش عارفة ليه حاسة اني اعرف انتي مين .. عموما حنعرف
بس كل اللي اقدر اقولهولك ميرسي بجد على انك حاسة بيا .. بس الاكيد اني مش بس نسيته لاء ده انا احتقرته وكرهته
ومعاكي حق هو اصلا مكانش بيحب لا انا ولا غيري
ولا المشكلة فيا ولا في التعبير .. المشكلة في ان فيه ناس مش بني ادمين من الاساس
شكرا ليكي