الى كل بنت عاملة .. طالبة .. او حتى ما بتعملش حاجة وبتخرج من بيتهم
لا تركبي المواصلات العامة .. الدواء فيه سم قاتل.. سوري
قصدي بلاها مواصلات وقضيها تاكسيات .. ولا اقولك بلاش تاكسيات كمان .. قضيها كعابي .. ولا بلاش كعابي
يا بنتي اقعدي في بيتكوا وخلصي
ما هو اصل انتي لو نزلتي وركبتي الاتوبيس .. حتلاقي نفسك داخلة في علاقة اقوى من اي علاقة دخلتيها في حياتك .. حد سدغ وبلط وتنح واقف ومتنح ان ما كانش لازق فيكي وقرف ولو مش عاجبكوا اقعدوا في بيوتكوا انا عارف اية اللي خرج البنات اصلا .. كتهم البلاوي .. او يا حلوة اشتري عربية .. وليلتك سودة لو طلعتي جامدة وزعقتي .. تقفي تسمعي ابشع الالفاظ وناس تعلي صوتها وما تلاقيش يا حرام غير انك تنزلي تاخدي بقى تاكسي
تااااااااااااااااااااااااكسييييييييييييييييييييييييييييييي
ايوة يا قمر رايحة فين يا جميل
..................
طب وحتركبي ورا ليه ما تركبي قدام
لاء معلش ربنا يخليك .. بابتسامة لذجة جدا .. بس انتي متاخرة ولسة نازلة من الاتوبيس
سيجارة يا انسة
ولو بتشربي نصيحة تقولي ما بدخنش .. حتوفري على نفسك جزء كبير من المعاناة
اية يا قمر .. متجوزة يا جميل
لاء
ليه
محصلش نصيب
اية ده لسة
على جنب يا اسطى لو سمحت
اية ده احنا لسة ما وصلناش
معلش على جنب هنا حكملها كعابي
وحاولي تفلتي بقى من محاولة مسك ايد ظريفة وانتي بتحاسبي ارمي الفلوس في اي حتة بس ما تديهالوش في ايده
انزلي بقى يا حلوة خديها كعابي
ما هو كان حد واحد بس في التاكسي .. اديكي نزلتي بقى يا حلوة
واسمعي بقى .. ها يا مزة .. وتعليقات يخجل اي لسان عن ذكرها
وان كانت البنت وحشة مع الاعتراض على التعبير ده لان مفيش بنت وحشة .. بس اهي وجخة نظر عقيمة .. تسمع بقى احقر التعليقات اللي بتسيء لنفسية البنت ولو كانت حلوة نفس الكلام عادي
وده كله يا حرام عشان انتي بنت .. فتتمرمطي وما تقوليش لاء .. ولو زعقتي تبقي قليلة الادب .. بنت ايةة اللي تقف تاخد حقها من واحد بيضايقها .. ولو عيطتي تبقي مايعة ..ولو سكتي تبقي متقبلة
مش قلت لك من الاول اقعدي في البيت
22 comments:
طبعا طبعا
أمال الراجل يحس انه " فحلٌ " "حر" ازاي اذا ماكانش فيه حاجة ضعيفة يتقارن بيها ؟
لازم من أجل الحرية ان البنات و النساء يحسوا بالتقيد ... عشان تبرز حريتهم همه الذكورية
مش لازم يطبقوا الحكمة : و بضدها تميز الأشياء ؟
شغف..
اسلوب بجح جدا في فرض الذات والشخصية
:-S
mahom 7oreen yemseko edena w yetlaza2o fina !!!
7aga teshell
ahh neset a2ol...7elw awee el post ya lamia :)
ابشع حاجة سمعتها في الموصلات ان بنت انضربت بالقلم علي وشها علشان زعقت لواحد بيغلس عليها
تخيلي بالقلم علي وشها والابشع ان ما فيش حد قام قاله ايه اللي انت هببته ده
ما فيش غير واحد قام قال للبنت هاجيبلك اسمه بالكامل
يسلام هايروح يقوله يعني ممكن اعرف اسمك فيقوله لا
يرد عليه طيب خلاص مرسي..
دي بحد بقت حاجة تشل
متسبيه يمسك ايدك يا فوزية يمكن تطري في ايده
_______
اتجنقت مع سواء التاكسي
انتي اتجننتي فيه بنت محترمة تعمل كدخ
_______
انا مش راكبة ميكروباص تاني
ليه يا نونو
لان اللي راكبين دول استحالة يكونو بني ادميين
_______
ومع ذلك
ليلي مش ح تعقد في البيت عشان مزاجهم كدة
اسفة
مش ح اقعد في البيت
رائعة يا لمياء
بطابيط ..
صحيح هما حرين يمسكوا ويتلزقوا واحنا مفيش حتى حق الاعتراض .. ربنا يخليكي يا قمر
نوران ..
بتحصل .. ومرة حصل معانا انا واصحابي لما زعقنا في واحد قاللنا مش عاجبكوا يا حلوة انتي وهي خلي بابي ومامي يشترولكوا عربية هي الزحمة كده .. والناس بقى تمصمص شفايفاها وبنات اخر زمن
ابيتاف..
محدش حيقعد في البيت .. بكرة نفعدهم هما وننزل احنا
سديتى كل الحلول يا لميا
يعنى لا اتوبيس ولا تاكسى ولا ميكروباص ولا حتى كعابى لان الجامعة مش فى الشارع اللى ورا بيتنا
وبابا مش قاعد على بنك علشان يجيب لى عربية
خروج البنت من البيت ضرورى ان كان لحاجة ضرورية .. دراسة او عمل .. ومع ذلك بتتعرض لمضايقات سافلة من اشخاص مريضة
عن نفسى اتجاهل الامر بصمتى اوازيد من سرعتى لانى اخاف من تطور الامر
احيانا اتمنى لو كنت اكثر شجاعة لتأديب بعض من يسمون خطئا رجالا
violena
ما احنا قلنا يتنططوا يتشقلبوا هننزل وبكرة نقعدهم في البيت واللي يقولك يا مزة قوليله يا مز
مرة أعجبتني سيدة في منتصف العمر، كناأنا وأختي في السوق يومها في رمضان (!!!)، بدأت المعاكسات من هنا ومن هناك، ونحن بنات، بالطبع لا يجب أن نرد وإلا أصبحنا قليلات الأدب والحياء. التفتت هذه السيدة الى أحد المعاكسين وبدأت في الشجار معه، والجملة التي أعجبتني من كلامها هي قولها:"قل لي، ما الذي أتى بكم أيها الرجال إلى السوق؟ " أعجبتني هذه السيدة و أعجبتني هذه الجملة بالذات (لم أعد أذكر بقية كلامها)، لأنها كانت تشبه كثيراً تلك الجملة التي يرددها الرجال على مسامعنا صباح مساء: ماالذي أنزلكِ إلى الشارع؟
ياسمين حميد
جملة عبقرية فعلا .. والاكثر عبقرية انها ردت من الاساس
ya bnte..elle mesh 3agboh yeshrab mn el ba7r..eh dah..7aga wes7'a..mesh kefaya fel beyt w fel sho3'l wel drasa..ya lamia ele yesta3bat yestahel ele yakol ba3d keda..
طب لمياء .. انا ساكنه فى 6 أكتوبر وبشتغل فى الدقى .. وأصحابى فى مدينه نصر لأنى كنت ساكنه هناك قبل ماروح اكتوبر .. تفتكرى مكن آخدها كعابى برضه؟ :)
على فكرة، حلو اوى موضوع يا مز ده :) بس حد جربه يا جماعة عشان يقولنا النتيجة إيه.. ولا لسه كله نظرى :)
LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL
بنت ايةة اللي تقف تاخد حقها من واحد بيضايقها .. ولو عيطتي تبقي مايعة ..ولو سكتي تبقي متقبلة
مش قلت لك من الاول اقعدي في البيت
tool 3omrek mwadee3ek gamda 2wy ...bs dlw2ty b2et gamda teneeeeeeeeeeeeeeeeeeen ...2a5er level y3ni .... wtgg
الموضوع عجبني اوي لانها مشاهد بشوفها وبكون مستغرب طيب البنت تعمل ايه فعلا وليه المجتمع والرجل تحديدا بقى عبيط كده ومش محترم رغم ان البنات النهاردة كتير منهم لابس لبس معقول في حين ان ايام السبعينات وموضه الكت والميكرو جيب كان الناس بتمشي محترمة النهاردة محجبة ولابسه عباية بس باين حته من صوابع رجلها تلاقيهم نازلين بحلقة
هو الانسان جرى له ايه
الدم راح فين
كراكيب نهى
..وئام
والله لو جيتي تتكلمي حيظبطك وتسمعي كلام عمرك ما سمعتيه وكانك اجرمتي لما قلتي لاء مش حسكت
me
وانا ساكنة في جسر السويس واصحابي كلهم في الحدايق لاني كنت ساكنة هناك وشغلي في التحرير .. وبعدين حتى لو خدتيها كعابي مش حتسلمي مفيش حل يا بنتي .. وبالنسبة لموضوع يا مز مش عارفة ناوية اجربه قريب
كلمة
ربنا يخليك .. بس دي حقيقة وبتحصل انا مرة شوفت بنت بس بصت لواحد بقرف عشان عاكسها زفها هو واصحابه لاخر الشاعرع والناس كانت بتبص للبنت بقرف
كراكيب
مفيش دم ومفيش اخلاق .. ومفيش حد يقول للناس دي عيب .. ولا عايزين نلبس ميكرو جيب ولا ضيق بس عايزين نتساب في حالنا
3rfty b2a ana mosh b7b amshy fe elshr3 wa7dy leeh, 3shan lazem 2bl ma anzl 2kon ghza l7rb elshwr3 eli ht7sl,btzbt a7la klam,da lw kan 7d 2bn 7lal w mtrby w 2ktfa belklam .. w lnfs elsabab bkrh el bus
lya m3ah zakryat 5ne2a gdn ,w el taxi b2a blnsba lya 27sn 7aga b3d el metro da tb3n lw at3'dena 3n elmra eli kont ht5tf feha
شيماء
نادر اوي لما ترقي ولاد حلال يكتفوا بالكلام
وبالنسبة للمترو فمتنسيش المرة اللي اتهرسنا فيها والمرة اللي اتعملت فيها بوستر
والتاكسيات بلاش بقى تفتحيني فيهم ده انا بشوف ناس وعلى اية ما انا باجي احكي
الحقيقة ان ده للاسف بيحصل بشكل سخيف و مستفز دائما لكن احسن حل هو اننا لا نسكت على مضايقتهم لازم يتعاملوا مع ان الشارع حق للجميع مش ممكن احنا هانرجع مائة سنه للوراء و ليقولوا ما يشاءون بنات بجحه معندهاش دم المهم انهم لازم يتربوا و يحترموا انفسهم و يروحوا يفرغوا قهرهم في الحكومه الى مبهدلهم بدل ما يستضعفوا النساء صحيح عصر الرجال انقرض و دول اشباح لهم مش اكثر
Anonymous
احييكي هلى الكلمتين دول .. بس لية ما كتبتيش اسمك
I just can't believe that Egypt became like this in just 10 years. We were not like that. what the hell happened. every single woman in complaining. I dont nkow what is going on. I guess the best way is to hire few hundreds female detectives who insert themselves in the public transportation and trap those men and send them to jail. if that happend few times and advertised in the TV all men will stop it
Post a Comment