Subscribe to:
Post Comments (Atom)
يا ورقي الاصفر عم نكبر .. عم نكبر
ساعات باسمع
على سريرك
آهات بتونس الغربه
وبتصاحب .. بيوت الصبر
والحرمان
سواقي العمر ده لفت
وتعبت م الفرح والحزن
تقولش الدنيا كات حالفه
تموت زعلان
وباتذكّر
خطاك في النور
خطى خايف ل يتكسر
عشان خايف تعيش مكسور
وحالف ع البيوت تفرح
وتضحك في الوشوش كداب
مابانش المعنى في القصه
وزيف الفجر ع الابواب
ماحِلـْمتش البنات بعينيك
وماقدرتش
تلامس م السما شعره
وماوصلتش
لسر الفجر في الصوره
وكيف الواد
ماداقش النشوه في التأويل
وكيف ان الميدان مغرور
وكيف ان الغنا بالليل
بيكشف زحمة المستور
ويلعن ضِحكة العِمدان
تقولش الفجر كان عارف
بإن نهايتك اللي عشان ماصدقهاش
تكون في عينيه
في عز الصمت والحيره
وعز الوحده في الانعاش
خلاص مافضلش الا الموت
ولاجل يزيد مرارك .. مر
ويبقا الفجر متعلم بروحك وانت بتقول شعر
وتقرا الوِرد
للشارع وللماشيين
مفيش فاضل
ما بين الموت وبينك غير
يادوب لحظه
ماتتحسش
عشان عايشين
كبصة بنت ع الفستان
في نُص الشارع المردوم
تراب فتارين
خيوط مُرّه
تقيس البنت فستانها على المانيكان
يقيس الناس عليها الحزن
من برّه
شهادة طفل ان الشارع امبارح
ماكانش سعيد
عشان أصله
بيقرا الحزن في العواميد
وشايف من عيون صادقه
ملامحك خارجه م الجامع
برغم الدنيا داخله عشان
تصلي العيد
خلاص صدقت ان الموت .. قرار نافذ
وان مفيش زياره عشان ماتتعلقش بالحافز
خلاص .. هاتموت
مافيش داعي لدمعاتك
وموت مبسوط
وانا هافضل هنا ع الارض
أجيب سيرتك
وأقول الشِعر بالاكراه
وأوطّي الصوت
عشان ترتاح من الزيطه
واداري جيوب قميص الخوف
واسد الشق في الحيطه
وأخبي الفجر عن عينك
وهاستنى
صدور الأمر بالوحده
وصمت الآيه هايشيله
خلاص صدقت
إن الموت ماجاش عندك
وإن إنت بتمشيله
وإن الموت على سريرك
صديق الصمت والحيره
خلاص صدقت
إن الشِعر والإصحاب
ماجوش يزوروك
وان في قعدة القهوه
ماعدتش تيجي ع السيره
فلو جالك ملاك الموت
ماتضحكلوش
وماتدمّعش
عشان في الصوره تلمحني
واحس بعزتك .وانت
مابتسلِّمش للنهايات
وماسمعشي في طلوع الروح
بان القلب مات محني
وصَلِّي الوحده للاخر
وإضحك للكلام والصمت
وعَـلّي الصبر ع الآخر
ما ياما ضحكت واتلصمت
هاتشرق روحك البنور
عشان النور خلاص حاضر
وحضّر قلبك المجروح
عشان يُسأل
ورد بكل حزن وقول
أنا أشهد
بإن الرب ده وحده
وإن العمر ده وحده
وإن القلب ده بالذات
ماداقش الفرح ولا حاجه
وان مطارح اللذات
ماجاتش تزوره ولا حاجه
ده حتى جاي هنا وحده
16 comments:
طب كويس انها لاقت الولد اللي عارف عن الصندوق
مش مشكلة بقي الزعل!
....................
وااااااااحشني كتييييييير أنت
دي مشكلة كبيرة يا بنتي
انتي اكتر :)
مممممممممممم
ربنا يهدى النفوس وتتصالحوا قريب
لاء يا سيدي .. أنا بعد ما بمشي ما بلفش وارجع :D
جميله اوي اوي اوي بجد
بس مش الولاد بس اللي بيعملوا كده البنات كمان
الفرق انهم يمكن مش بيلعبوا بيها كوره
من فضلك ضبطى الخط و المسافات ما بين السطور القرأه صعبه اوى كده
جميييييييييييلة
انا وقاعة فى غرام مدونتك من وقت بوست تداعيات
البوست دا فى كمية براءة و نقاء مش عاديين..لدرجة انهم عملولى حالة الهام و هيخلونى ادخل اعمل بوست عن حالة مشابهة
كتاباتك بقت قليلة جدا و دا مش كويس للى ادمنوا مدونتك زى حالاتى :)
السلام عليكم
هي البنت غلطتها إنها وثقت في المختلف و خلاص
ممكن يكون المختلف ده مختلف للأسوأ مش للأحسن هو ده اللي مفكرتيش فيه
المهم إنها تتعلم من اللي حصل
.
و بجد يارب تكون قصة خرافية مش حاجة واقعية
كل سنة و أنت طيبة
و ياريت متكونيش لسه زعلانة مني
ههههههههههههه حلوة أوووووووووي :))
هههههههههههه حتى انت يابروتس؟ غلبانة البنت معرفتشي انه اللي يعيش وسط الاولاد اللي ايديهم وسخة بقى منهم واي حاجة حتقع في ايده حتبقى ليهم برضة...جميلة ..ممكن بقى تشيلى ال ورد فريفكيشين من عندك في التعليق
الصديق القديم حسنى سليمان..انا مدونتك عندى اسمها..حالمة فى زمن الزيف..جيت لقتيها لا تنتظر احد..فلن ياتى احد..ولكن الظاهر انى رجعت..ولكنى وجدتك مازلت تحلمين..ولكن واضح انك خرجتى من زمن الزيف الى زمن الخوف..تعرفى انا كان نفسى ةاللى فى الصندوق يبقى سر ماحدش يعرف اللى فيه..
العزيز لمياء/انا حنيت لزمن التدوين مرات ومرات..اعود ثم انقطع..مش عارف ايه اللى حايحصل المرة دى..المهم استاذنك الاضافة على الفيس بوك كمان..تحياتى وكل سنة وانت طيبة
حسنى سليمان
رائعة ..
إبتسمت و قالتله أنا زعلانة منك
زعلانة أوي بجد
مش عارف ليه حسيت الجملة دي أوي ... يمكن علشان عملت كده في مرة من المرات مع واحدة وثقت فيه و حبيتها .. يمكن .....
بس بجد رائعة
تحياتي
عشان تتعلم
مش مهم الصندوق
قلبها منكن يكون صندوق احلي واحلي من اللي راح
بس ياريت تتعلم بقي بجد
مش كل حد يكلمنا عن حجاتنا الحلوه نديها له ونصدقه
واهو الواحد مش بيتعلم بلاش
ورمضان كريم عليكم
:)
"واتارى الدنيا مش حلوة كلها..
مش زى الافلام الى هوة بيحب يخشها..!!"
اغنية حسيت لحنها بيدندن بنعومة بين الكلمات..!!
بس يمكن هنا الصورة معكوسة..
مجرد تبديل ادوار...وبس..
صباحك معطر بالورود..
تيجي نتفق على حاجة...؟؟
المدونة حلووووة جدا ومليانة مواضيع اكتر من رائعة بجد مش مجاملة..
بس ليه الخط متداخل مع بعضه وكمان متعب للعين..؟؟
ممكن نحط نفسنا مكان القاريْ ونحاول نريحه عشان نخليه يوصل لاقصى درجات الاستمتاع هنا..؟؟
كمان الرحوف التأكيدية اللي بتظهر للناس لما بييجوا يعلقوا مجرد تعطيل مش اكتر.. فا ايييييه رايك لو ممكن نلغيها..؟
.....
.......
..........
هاااااا....؟؟؟
.....
ايوا كده..
انا كنت متاكد انك ها توافقي (';' )
Post a Comment