Thursday, October 21, 2010

إنها فقاعات لن تلبث أن تنفثئ

لما هي البدايات هي الأكثر إمتاعاً
أمال ليه السيجارة الأخيرة في العلبة ليها قدسيتها
وليه آخر حب هو اللي فاكرين تفاصيله
وليه اللحظة الأخيرة بينا
كانت الأكثر تميزاً؟!
****
مفيش داعي نمثل الحدوتة
مش لازم أبداً تبتسم ابتسامة خفيفة وتبصلي
كمان مش لازم ॥
ابص الناحية التانية ، واعمل مش فاكراك
****
سكوتك مشكلة!
وانت ساكت الدنيا بتفقد وضوحها
وانا قد ما بحب الغيوم
بفرح اكتر لما الشمس بتعرف تغلبها
****
انا دايماً بدور على واحد
يقدر يميز ما بعد ملامح الوشوش
****
ملحوظة : فيه حاجة كده!
****
ضحكتك كانت طول الوقت مهزوزة
وطريقتك وانت بتمد رقبتك وبتعرض نظريات سخيفة
ضحكك لوحدك على افيهات انت اللي قايلها
حاجة تقفل!
****
هو ليه مفيش عمليات استئصال ذاكرة
او ع الاقل
استئصال مرارة
بس م القلب

5 comments:

قطة وخيوط said...

سكوتك مشكلة!
وانت ساكت الدنيا بتفقد وضوحها
وانا قد ما بحب الغيوم
بفرح اكتر لما الشمس بتعرف تغلبه


كلامك أحلى بكتير من أنى أقدر أكتب تعليق عليه

هو ليه مفيش عمليات استئصال ذاكرة أو ع الأقل إستئصال مرارة
بس م القلب

حلوة أوى الجملة دى
إستئصال المرارة من القلب
ياااااااااااااريت

:)

Sa3edology said...

يمكن لأن لو في عمليات استئصال الذاكرة ماكنتيش هتعرفي تحكي كده وماكناش هنعرف نقرأ كده ولا هتحسي ولا هنحس كده

youssef said...

هو صحيح كلام محفوظ .. كل زمان جميل .. ما عدا الآن ؟؟

ما هو للسيجارة الاخيرة قدسية بس ايه متعة ده ؟؟ .. يمكن حياتنا كلها رغبة ملحة في التشبث بحاجة بتنتهي .. امل محفوف بخوف الفقد .. بس نشوة الاستكشاف الاولي المجنونة .. نعيشها تاني ازاي ؟؟

romansy said...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

kafrawy said...

اؤيد بشده عمليات استئصال الذاكرة
بس ف بعض الاحيان بنبقى محتاجين للذكريات حتى لو كانت وحشه علشان ساعتها نضحك ع نفسنا ونقول قد ايه احنا كنا خايبين

تحياتى يا افندم