Wednesday, June 04, 2008

متى تستطيع القول انك احببت؟!!

يغزوك احدهم وتجلس كثيرا لتتسائل .. حب .. انبهار .. اعجاب .. ام بلغة عصرنا الاحمق هو كراش .. تحاول ان تفهم .. متى تستطيع القول انك تحب .. لا تلجا عزيزي الى الاساليب الحمقاء ولا المتمردة .. دعك من سيجارة الحشيش الاذلية لانك سمعت يوما من احدهم انها قد تجعلك في مسار رؤية اكثر وضوحا .. فستحدد وتقرر .. وامتنع عن القاء نفسك من الدور العاشر لانك قرأت في رواية ساذجة لكاتب اسذج انك في لحظات الخطر والاقتراب من الموت لا تفكر الا في هؤلاء من بداخل القلب .. وارجوك لا تسارع بتقبيل حبيبك لانك في المرة المليون لمشاهدتك ميتنج جو بلاك تسائلت عن ذلك الاحساس الذي تحدث عنه براد بيت بالوهن في ركبتيه واكد له انها حبيبته .. اعطني اذنك قليلا لالقنك الخطوات التي ستتأكد من خلالها انك تحب


هل رأيته اليوم؟ .. هل تسائلت بلهفة قبل ان ينتهي اللقاء عن موعد لقائكم الآخر؟! .. جلست تستمع الى كلماته كطفل مازال يتعلم بعض الكلمات الصعبة؟! .. موعدكم بالغد؟ .. لم تنم منذ ليلتين ومازلت تحصي كم الكلمات والمواضيع التي ستحدثه بها؟! .. اغمض عينيك الآن؟ .. هل تراه؟ .. مستمتع بصورته حتى انك تخشى النوم علها تستعصي عليك في احلامك؟..اما عن تلك الرائحة التي تغزو حجرتك دون مصدر معلوم .. هل هي موجودة؟! .. انهض من فراشك وافتح عينيك قليلا ابحث في منزلك جيدا عله احد افراد اسرتك يستعمل عطر معين .. ان كان لا فاخبرني قليلا عن ما تفعله بك هذه الرائحة؟ .. ذلك الشعور بامعائك .. لا تقلق هو ليس مجرد برد بالمعدة ولن يزول بتناول اول حبة مسكن تقابلها .. اخبرني هل هو هناك؟ .. عد مرة اخرى الى اغماض عينيك .. صفه لي .. اجل .. انت تصف عكس ما اردت دوما فلماذا الآن تراه كل ما اردت؟!!


انتي صديقتي العزيزة تحدثتي مرارا عن عشقك للشاب الاسمر الطويل .. وجلستي كثيرا تهيمين باحدهم في احد المسلسلات الاسبانية المليئة بالخاندرو وريكاردو وجميعهم ......................... لماذا تصفينه اليوم بانه ابيض قصير وتصرين على انني يا اخواتي بحب قمر .. وانت صديقي العزيز اخبرتني بالامس انك تحبها شقراء ممتلئة قليلا فمن تلك النعجة التي تصفها بالهة للجمال العبثي؟ .. اممممممممممم .. ارجوكم ان كنت محقة فلا داعي لتسرع والقفز الى احكام فمازال امامنا الكثير من الخطوات ..


استمع جيدا .. لماذا تتركني اتحدث وتدندن تلك الاغنية اللعينة التي كانت تدور في اخر ميكروباص ركبتوه سويا .. اجل .. منطقي جدا فقد نسيت ان اخبرك ان هذا هو احد الاشياء المفترضة منك الآن .. دقيقة من فضلك .. لماذا تدخل تلك الكلمة اللعينة وربما القبيحة ايضا في حديثك؟! .. اعلم جيدا انه يستخدمها كثيرا وان هناك الكثير من عمليات التبادل الفكري الغير مستحبة المسببة للاسهال اللفظي .. لا تتعجل وبلاها تلاكيك فمازال امامنا الكثير لنجزم بالحكم .. لا .. لا .. لا تقل انك ستفعلها وتتركني انا صديقتك الصدوق اتحدث لتذهب معه الى احد الاماكن العبثية الغير ممتعة على الاطلاق فقط لتكون برفقته


عزيزي .. عزيزتي .. ان كان ما يحدث حقيقة فاعلم جيدا انك تستطيع ان تشرب سيجارة الحشيش الاثيرة علها تخفف من وطء الصدمة او الافضل كثيرا ان تقوم بالقاء نفسك من الدور العاشر لتجد نفسك تفكر به .. ولا ارجوك لا تقبله الا اذا كان هو جو بلاك نفسه .. فانت الان تستطيع القول انك احببت.


اللوحة
waiting 4 love
ل
Michel and Inessa Garmash

22 comments:

.:.-=- ELGaZaLy-=-.:. said...

وارجوك لا تسارع بتقبيل حبيبك لانك في المرة المليون لمشاهدتك ميتنججو بلاك تسائلت عن ذلك الاحساس الذي تحدث عنه براد بيت بالوهن في ركبتيه واكد له انها حبيبته .. اعطني اذنك قليلا لالقنك الخطوات التي ستتأكد من خلالها من ما تحمل من شعور
---------------------------------

لمياء العزيزة...
بعض الكلمات تلمسنا..والبعض يذكرنا باشياء لا نود ان نذكرها...اونحاول ان نخبئها او ننساها او نقول انها اعراض لاشياء اخرى..قرئت البوست مرة ..والثانية والثالثة...وساعود لاقرائة مرة اخرى ...
----------------------------------
عزيزي .. عزيزتي .. ان كان ما يحدث حقيقة فاعلم جيدا انك تستطيع ان تشرب سيجارة الحشيش الاثيرة علها تخفف من وطء الصدمة او الافضل كثيرا ان تقوم بالقاء نفسك من الدور العاشر لتجد نفسك تفكر به .. ولا ارجوك لا تقبله الا اذا كان هو جو بلاك نفسه .. فانت الان تستطيع القول انك احببت
------------------------------
موافقة ...بجد عودة رائعة...

تــسنيـم said...

صدقيني أنا حتى لو كل ده حصل مش هنقدر نعرف إذا كان حب والا لأ إلا بعد مرور عشر سنين أو ربما أكثر والدخول في أكثر من تجربة وبعدين تغمضي عينك وتقولي ياااه ده فلان الفلاني اللي أنا لسه فاكرة أدق تفاصيل قصتي معاه هو ده اللي كان حب وما عداه سراب ووهم


صباح الروقااااان

Unknown said...

برغم اننا فى منتصف عام 2008

ولم اقرا فى مدونتك الا خمس بوستات

الا انى مع كل بوست بحس بشعور العصفور الصغير

اللى لسة جناحة بادى يرفرف

واحسن انى عاوز اطير حوالين الذكريات

والاحداث الصغيرة اللى بتعدى عليا

من غير ماحسن معناها
الحقيقى

الا لما اقرا بوستاتك

كنت عاوز بعد ما خلصت قراءة انى احطلك تعليق مليان بكلمات وصفية لمدى عبقرية كتاباتك

بس اخاف تفتكرى ان كل دة

مجرد كلام فى الهوا منى بقولة وخلاص

خالص تحياتى

Hayam said...

عزيزتي

كل ما ذكرتيه هو تفصيل ذلك الشعور الذي لا يضاهى بأي شعور آخر

اتذكر منه
شيئا لم تذكريه

هل جربتي ان تعيدي شريط المكالمة بينكما إلى ان يحين موعد المكالمة المقبلة فقط لتسئليه عن معنى بعض الكلمات وما كان يقصد بها وما كان يشعر عندما قالها؟

وما الذي ظنه ومالا لا يظنه

وتبقي تعيدين نفس الشريط في كل مرة

وعندما يبدأ في ترديد اجوبته لكِ تشعري بإرتياح لم تشعري به من قبل

هذه هي لفحات الحب الأول

وليس اي حب

احببت ان اقول بأن زيارتك اسعدتني جداً يا لمياء
تعليقك اسعدني وحشورك ايضاً

موضوع رائع

عين ضيقة said...

عارفة.... مش عارفة أوافقك وللا لأ

أنا أصلى ماعرفتوش كده


مش عارفة

Oma said...

offfffffffffffffff

offffffffffff

offffffff ya lamaaaa

3arfa ? ana belive awy en el7ob 7ob w bas ya3ni law ba7ebo hla2iny ba2ol ba7ebo..msh ba2ol howa ana b7bo wla la2..msh hat7ayl 3la el afkar 3shan tegy w tesbtly eny b7bo..la el 7ob da 7aga wa7da zay el shams..ba7ebo ya3ni ba7ebo w iam sure
yemkn msh ba7ebo de elly mmkn afakr feha..lakn ba7bo mat7tmlsh el tafker..lazem tekon wad7a w bayna w mafhash ay magal lelshak aw enk t7awli tsbty lenafsk enk bt7bih bgd...
ba7eb e7sask el 3aly elly hay2tlk da 3la ra2ay kazem ( e7saso el 3aly sayktlhooo !! )

3ayza a2ol klam te5en w raheb

bas msh ha2ol

bosy ha2olk bas 7aga bgd bgd...ana ba7es eny 7aga kbera awy lma ba2ralk..7aga kbira la2ny a3rf someone like u .. !!

Unknown said...

لا أستطيع انكار احساسي بتلك المشاعر تحديدا
بل وبكل ماكتبتي من تفاصيل

لكن أحيانا ياعزيزتي وبعد قفزنا من الدور العاشر
أو تقبيلنا لجون بلاك
وبعد مرور الوقت
يبدو كل شيء وكأنه بلا فائدة

البوست تحفة يالمي

MoHaMeD HoSSaM said...

لو تكلمت فلن اصمت وانتي تعلمين ما ساقوله مسبقا

"وانت صديقي العزيز اخبرتني بالامس انك تحبها شقراء ممتلئة قليلا فمن تلك النعجة التي تصفها بالهة للجمال العبثي؟ "

جبتيها ازاي دي

فظيع شنيع مريع


بجد يا لمي اكثر بكثير من مجرد القول انه بوست رائع او جيد

عايز اقولك اني نقلته في ورقة عشان اقراه وقت ما احب تاني

mariam said...

لمى انت مبدعه
ازاى يا بنتى كنتى قافله البلوج
لأ يا لمى احساس عالى

يمكن الحب بيكون احساس عالى قوى
بس الوصول ليه مش دايما بيكون اول مرحله ممكن يمر بمراحل و ساعات ييجى فجأه بس فى كل الأحوال فى البدايه صعب تفرقى حب و لا اعجاب و لا انبهار

حمامة said...

فلسفة عميقة رائعة

تقبلي مرورى

:)

كلمه said...

lloooool :d
elkbeer kbeeeer

Muhammad said...

خلليتي النعجة إلهة للجمال العبثي؟
حسبي الله

قوليلي بأه
انتي شربتي سيجارة حشيش، و الا نطيتي م الدور العاشر، و الا .....؟
اوعي تكون الاخيرة

ياللا بأه احنا مالنا
:p

Mony The Angel said...

Emmm :))

esm al paining "waiting 4 love" :roll: ?
mazonsh :sidesmile:

i thin esmaha "fall in love" ;))

al post 3abqary b 3'abaaaaaaaaaa2
esloobek w kalamek w alfazek me3a2adaany kal3ada :D

ana 3mlt kda :| odaam algoz2 da

" لماذا تدخل تلك الكلمة اللعينة وربما القبيحة ايضا في حديثك؟! .. اعلم جيدا انه يستخدمها كثيرا وان هناك الكثير من عمليات التبادل الفكري الغير مستحبة المسببة للاسهال اللفظي :

gebty alkalam da mneen bgad
ye5rebeet dema3'ek :D

إبـراهيم ... said...

طب أنا إزاااااي أقول إني مبسوووط ججدًا بالنص/ التدوينة الجميلة دي ، وباكتشافي المفاجء بعودتك ومن زماااااااان
نورتي حقيقي ، وبجد ، ويااارب على طوووول
.
.
هرجع أقرا تاني ، وابقي كبري الخط

وكوني بالجوار

No Fear said...

السلام عليكم
أولا حمد لله علي السلامة
ثانيا
يا نهار أبيض ده كده الواحد مش هيحب خالص
هو في كده بجد
لو في
تفتكري سهل يعني ممكن كل واحد يحس بكده فعلا

LAMIA MAHMOUD said...

الغزالي
سعدت بمرورك
_____________
تسنيم
بصي انا مقتنعة تماما ان فلان اللي حتفتكريه بعد كاااام سنة ده ه هو فلان اللي وانتي معاه كنتي حاسة بكل ده واكتر ومش مصدقة نفسك
صباح العسل
_________________
واحد مش فاهم حاجة
انا سعيدة جدا بمتابعتك ليا .. ومتشكرة بجد على كل كلمة قلتها كتير فعلا
_______________
يوما
اه عارفة الاحساس ده .. وتراجعي كلمة كلمة وتبتسمي مع نفسك في نفس الجزء كل مرة
وتساليه عن حاجات ممكن تكوني عارفة اجابتها كويس بس عايزة تسمعيها
مبسوطة بيكي جدا .. ومنوراني
:)
_________________
عين ضيقة
متوافقنيش ولا ترفضي
قوليلي عرفتيه ازاي

LAMIA MAHMOUD said...

اوما
مش عارفة ليه دايما بشوف ان تقسيم المشاعر مش شارب كده
في حاجات كتير بتلخبط ومفيش حاجة اسمها يا بحبه او لاء
احساسي العالي سيقتلني؟
:) يلا اياكش تولع
بالنسبة بقى لاخر كلام فانا تنحت يا وئام اية الكلام الكبير ده يا بنتي .. انا مجبش ربعه يعني
عموما يا بنوتة انتي عارفة غلاوتك عندي قد اية لوحدك ولا اية يا قطة؟

LAMIA MAHMOUD said...

سالي
لذلك نصحت بالامتناع عن تلك الخطوات
فربما تستيقظي في يوم وانتي مربطة جزاء قفزك من الدور العاشر ولا تجدين من يفك الضمادات
انتي اللي تحفة يا بنتي
تحياتي
________________
محمد حسام
طب تصدق معرفش حتقول اية
:)
جبتها من هناك يا محمد
نقلته في ورقة يا قادر .. طب ما كل ما تحب تقراه ابقى ادخل
كلامك يعني ليا الكثير يا محمد
:)
________________
مريم
منورة يا بنوتة .. مبدعة مرة واحدة
:)
كتير الكلام ده
لسة كنت بقول لاوما تقسيمات المشاعر مش واضحة الدنيا مش يا بحب يا مبحبش في درجات وسط كتيييييييير قبل ما تعرفي ان ده بحب وبجد
_________________
حمامة
نورتيني
:)
______________
كلمة
هاء هاء هاء هاء
اسحب يا معلم
_____________
فريكيكو
بتحسبن عليا يا بكر قدام شعب التدوين
:)
انا شربت حشييييييييييش يا سعاد
طب ارد علي اقولك اية
ولا يا بكر؟
هو لو كان فينا من ولا كنا بقينا كده
يلا ما علينا
________________
موني
fall in love!!
يسمع منك حد يكره
:)
تاني اقولك جبت الكلام ده من هناك
اصل بعيد عنك كان في واحدة اعرفها مش حقولك عليها
"وش ملاك" كل ما تتكلم تروح قايلة كلمة كده عجيبة اصلا وفجاة قفشت نفسها وعرفت الكلمة دي جت منين
:D
_______________
ابراهيم
انا متواجدة بالجوار يا ابراهيم .. ميرسي ليك والله يسلمك يا فندم
:)
____________
no fear
اولا
الله يسلمك

ثانيا
ليه بس ده الموضوع بيندع
اه ممكن جدا تحس بكل ده واكتر حبة

m.sobhy1990@gmail.com said...

لمياء

البوست جميل

بس فيه سؤال كده

إنتى قريتى "الساعات" لمايكل كانينجهام؟

Ana keda said...

هناك تفاصيل لا تضاهى تفاصيل

بجد فى تفاصيل بتفضل معلقة فى دماغ الواحد مهما مر وقت بتتربط بالحد ده وبس حتى لو نوع قلم كان بيحب يكتب بيه بتحسيها عندك مليون حاجة

مش هقولك اكتر من الى اتقال بس عارفة ممكن احنا او انا من كتر ما بحب التفاصيل بقى المضمون ضعيف والتفاصيل قوية عشان كده حاليا بحاول اظبط الموضوع ده صدقينى صعب اوى

مش عارفة مالى البوست عمل حاجة فيا وتاثيره فعلا واضح عليا

بس برضه مش هتقدرى تقولى ده حب ولا لا غير لما تفوت كتير وتشوفى الحقيقة من عين تانية ساعتها هتشوفى كتير

وفى سراب ووهم كتير

عارفة الحب كده عامل زى حاجة فى حجات تانية ليها نفس الاعراض بس بتختلف فى درجة شدتها علينا

وانتى بتكونى مثلا مريتى بحاجة جامدة وبتحنى جامد فكل مرة نفس الاعراض بس مبتبقاش بنفس القوة انتى وحظك بقى

مش عارفة مالى بعك فى الكلام

كفاية احساس والنبى يا لميا

تعبتينى

عين ضيقة said...

ادخلى يالميا عندى انا حاولت أقول جانى ازاى الحب وازاى انتهى

مش عارفة استجابة لطلبك وللا انا كنت محتاجة اتكلم؟

LAMIA MAHMOUD said...

محمد صبحي
اتناقشنا خلاص
:)
نورت
_____________
انا كده
يا لهوي
معظم الناس اتقلب عليها المواجع .. اننا نفسي تصدقي كنت حساه بوست كوميك بس قلب ع الكل
اية كمية المشاعر العبقرية دي يا بنتي
______________
عين ضيقة
دخلت
وياريتني ما دخلت