Tuesday, June 10, 2008

من دفاتري المغلقة


مالك .. جايبالنا وش خشب من ساعة ما شوفناكي؟
وش خشب!!! .. نزولا عند نفس النوعية من الكلام .. ما تسأليش كتير وهاتي ضرف الليلة

بين غوايتي وسعيك الدائم وراء المجهول
يضيع اللاانتظار
بين اكذوبتك المنمقة وتصديقي المصطنع برغبة حقيقية
نحترف التواصل
ربما تبدأ الاشياء بفضول وغموض وحرائق وتنتهي ب............
***************
شايفة ال2 اللي ماشيين هناك دول؟
مالهم؟
تحسي ان شوارع مصر الجديدة في ليلها واخداهم في حضنها
اتعودت اكون انا الفيلسوفة .. مالك ان شاء الله؟
انتي اللي مالك؟
احلى حاجة في الدنيا الثبات على المبدأ
مبدأ اية؟
مبدأ اللاانتظار يا قطة

توقيتات خاطئة
لعنات ابدية
معادلة صحيحة جدا للنهايات المنطقية
********
دعنا من النهايات ولنغرق في تذوق تفاصيل اللحظة
ولست مقتنعة بكلماتي انا نفسي .. بعض الاشخاص لم يصنعوا للحظات نتذوقها ,,
صنعوا للابد
"هو الواحد كان جايب التفاؤل ده منين؟"
********
احب عيوني الآن
لآن حركتها تؤكد وجودي
وتمكنني من رؤية المزيد
القادم في لهفة..
الاكثر جرأة
"جيهان عمر"
لا تنقصني او تنقصك الجرأة .. ينقصنا شيء آخر لتكتمل قدسية لحظة الابد

على فكرة الكيف مناولة مش مقاولة
كيف اية يا بت؟!!
اللي يخليكي تكتبي الكلام ده .. الا هي يعني اية قدسية اللحظة ولا مؤاخذة؟
اوعي اوعي تقولي لحد اننا اصحااااااااب
*********
تفتكري في في النص التاني من الكورة الارضية اتنين ماشيين برده في شوارع شبه هنا وبيقولوا احنا فين؟
كمقهى صغير هو الحب
هو انا ما اسالكيش سؤال تردي على قد السؤال؟
سؤالك نفسه مش سهل .. نص اية وكورة ارضية اية
انتي مش في الموووووووووود

تعثرت بضوئك.. عثرت على ظلي
"سوزان عليوان"
احرق الشعر النسائي معك .. فهن اكثر احساسا بي .. فلا دنقل ولا درويش سيخبروك بأصل الحكاية
ونزار سيكتفي بتصنع اللهفة وتفهم مشاعر المرأة .. انا معهن فقط من سيطلعك على الحقيقة
*********
عارفة ان الحقيقة نسبية جدا؟
نعم يا ست اينشتين
افضلي اتريقي انتي كده وحياتك ولا حد فاهم حاجة
***********
كانت مزيكا مستنية حد يرقص عليها .. بس انا معرفش الرقصة وده مش معناه لا ان المزيكا تقف ولا ان الرقصة تنتهي
المزيكا وقفت والرقصة اصلا انتهت من قبل ما تبدأ

ربما لم اكن اكثر من لحن وربما لم تكن اكثر من سطور سأكتبها .. جميلا انت في كلماتي
*****
انا ححط اليوم ده ع الكلام ده وانشره
على اساس انه نص ادبي؟
على اساس انه رسالة موجهة
رسالة الموجهة!! ..راح فين الكلام السيلس الشعبي بتاعنا؟
******
اصمت كصخرة
اهدر كشلال
اتلوث بالنميمة..
اتحدث مع سحب احبها
اسحب رأسي كسلحفاة
داخل جسدي..
اتضائل كنملة
اوشوش الرمال كنعامة
اتطهر بعلاقات آثمة مع الامواج..
اطلب المزيد كطفلة
ارضى بالقليل كنادمة
اتلون كحرباء..
اتمرد كفاسقة
احتمي بحضن قطة
احسم القرارات كرجل ..
اتوقف عن الطعام كزاهدة..
اتحرر من ملابسي كمحترفة استربتيز
ابكي لان جناح الفراشة تفتت في يدي..
اصعد الجبل بلا هدف
اعدو كغزال خائف
اتوقف كأسد يستجم
انهي القصيدة..
من دون ان تفصح عن قصدها
"جيهان عمر"
قصيدة .. افعال يومية
من ديوان : قبل ان تكره باولو كويلهو
******
اللوحة للرسام
Joseph Lorusso

34 comments:

ادم المصرى said...

بوست جميل جدا جدا جدا بجد رائع قصيده تجنن اتمنا لكى التوفيق

واحد مش فاهم حاجة said...

هى التفاصيل مهمة

تفتكرى لو اهملنا التفاصيل هانشوف الحاجة حلوة لو كانت حلوة وهانشوفها وحشة لو كانت وحشة

ولا هو من غير التفاصيل هانشوف كل الحاجات جميلة

ويبقى الكون جميل والحياة حلوة


شوية اسئلة

لانى حسيتك بتعشقى التفاصيل

وانا تقريبا واللة اعلم مش بهتم بيها

بالنسبة للبوست

بعتبر كل سطر

هو سوال منى لنفسى

والاسئلة دى شى طبيعى

لواحد مش فاهم حاجة

خالص تحياتى

محمد صبحى said...

لميا


للمرة اللى مش عارف كام إقرى الساعات

عارفة الحاجة اللى بتبقى تايهة عن الواحد وهو نفسه يلاقيها

مش عارف ليه حاسس إن "الساعات" هتبقى كده معاكى

إقريها وقولى لى أنا صح ولا غلط؟؟؟

تسـنيم said...
This comment has been removed by the author.
تسـنيم said...

بصي أول تعليق طلع مني بعد ما خلصت قراية للمرة الأولى: يخرب بيت دماغك أهو ده بقى قمة العبث الممنطق

:)


__________________
ربما تبدأ الاشياء بفضول وغموض وحرائق وتنتهي ب.......

وتنتهي ببقايا ورماد

________________


توقيتات خاطئة
لعنات ابدية
معادلة صحيحة جدا للنهايات المنطقية

نهايات منطقية على أساس أنها جاءت في توقيتات خاطئة غير كده هيا لا منطقية ولا نيلة :(

_______________

قصيدة جيهان عمر في الأخر تتمة جامدة جدا ضربة معلم قفلتي بيها صح

;)

حصان بري said...

تنساب افكارك المبعثره
فتحرك فينا مشاعر وتمضي قبل ان ندرك حتي اي مشاعر لمستها
سريعه قويه كموجه هائله سرعان ماتختفي

ابكي لان جناح الفراشة تفتت في يدي..
اصعد الجبل بلا هدف
اعدو كغزال خائف
اتوقف كأسد يستجم
انهي القصيدة..
من دون ان تفصح عن قصدها

ولكنها دغدغت ركنا بالقلب

اه البوست اللي فات تحفه
ايه ياعم الرومانسيه دي:)
جه في وقته بيني وبينك
تحياتي يا لمي

Anonymous said...

هو انتي ليه بعيدة كده؟

Ana keda said...

يا نهار ابيض

مش ممكن بجد

اسه الدماغ دى يا لميا بجد ملكيش حل البوست فعلا مزيج كده غريب من حالات ككتيرة وفعلا توجها وختمتها القصيدة بطريقة تحقة حسيتها اوى وانا اتعودت احس كل حاجة جاية منك بتخبط جوايا جامد اوى


توقيتات خاطئة
لعنات ابدية
معادلة صحيحة جدا للنهايات المنطقية
*********
توقيتات خاطئة بتبقى مننا ولا من حد تانى يا ترا
وفعلا كل توقيت خاطىء بتدخل فيه ناس خاطئة وكل حد غلط بتيجى المعادلة وتدى النهاسة المنطقية مكانك مش هنا اووووووت وبعد ما تدى الاوت بتبقى اللعنة الابدية جوااكى جوا احاسيسك ...مشاعرك بتحسى انك فقدتى جتة منك من براءتك من سذاجتك من حتى من حتى

والله مش مجمعة

كانت مزيكا مستنية حد يرقص عليها .. بس انا معرفش الرقصة وده مش معناه لا ان المزيكا تقف ولا ان الرقصة تنتهي
المزيكا وقفت والرقصة اصلا انتهت من قبل ما تبدأ

***************

دى بقى محتاجة اجيب فرقة بجد تعزفلك لحن جديد
ان المزيكا تقف ولا ان الرقصة تنتهى لان المزسيكا هتكمل والرقصة هتكمل بس وقفت المزيكا لان ملقتش الى يقدر لحنها وفعلا الرقصة انتهتت قبل ما تبدا فى حالة تسليم مننا بمنطق الامور بنفتعل بدايات ونظن انها فعلا اللحن السليم والودن الى بتسمع صح وبتقدر وبعد ثانيتن من العرض تلاقى ان الرقصة مش ماشية مش كده مش زى ما انتى عاوزة وان المزيكا شغالة مش قادرة توقفى المزيكا ولا قادرة توقفى الرقصة فالحل الاكمل انك تنسحبى او تلعنى تمردك ورفضك وتغمى عنيكى وتسدى دونك عشان ميجلكيش اى مؤثر كفايا الدوشة الى جواكى

********************
ربما لم اكن اكثر من لحن وربما لم تكن اكثر من سطور سأكتبها .. جميلا انت في كلماتي
******************

عاوزة اختم بدى رغييى الكتير الى محتاجاكى تردى عليه بجد وما اصعب لحن تؤديه ولم تكونى يوما من

مش عارفة بجد على فكرة البوست ده مالوش حل

YHYيــوســف الـمصـرى said...

السلام عليكم
.............
مش لاقى تعليق !!
بس لازم

زى الفل

تحياتى

YHYيــوســف الـمصـرى said...

السلام عليكم
.............
مش لاقى تعليق !!
بس لازم

زى الفل

تحياتى

MoHaMeD HoSSaM said...

i read the post many many time

every time when i begin to write a comment i say "that is wrong - not that - she didn't mean that"

in the end

listen to that song:

I'll never be the same,
stars have lost their meaning for me,
I'll never be the same,
nothing's what it once used to be,
And when the sun-birds that
sing tell me it's spring,
I can't believe their song,
once love was king,
but kings can be wrong,

I'll never be the same,
there is such an ache in my heart.
Never be the same,
since we're apart.
Though there's a lot that
a smile may hide,
I know down deep inside,
I'll never be the same,
never be the same again.
I'll never be the same,
never be the same again.
(frank-sinatra)

Tamer Nabil said...

مدام الدفاتر مغلقة من وقت واكتشفتى ان فيها لسة اللى عايزة تقولى وتلحمى علية دة كويس

بس فى حاجات كتير اخرى ما زال التراب يخبئها اسفلة وتنظر من يبحث عنها و يعثر عليها واعادتها الى الحياة


تحياتى

Ferekico said...

يا قطة؟
انتي كتبتي البوست بتأثير مشاهدة احد افلام عادل ادهم و الا ايه

ما علينا
خللينا ورا ميرفت امين للاخر

ترى تسنيم ان الاشياء قد تبدأ بحرائق و تنتهي ببقايا و رماد، لكنني ارى ان امكانية انتهائها بحرائق - كما بدأت - هي الاقرب للحدوث

----

ربما التمادي في "تذوق تفاصيل اللحظة" هو البديل المتاح (رغم عدم كفايته)، عندما يكون "الابد" غير ممكن

---

دايما فيه اتنين ماشيين بيقولوا احنا فين. ممكن يبقوا في النص الشمالي، ممكن في الجنوبي، و ممكن حتى عند خط الاستواء. هي الارض انبعجت و اتفلطحت من شوية؟

---

كويس ان البوست انتهى قبل ما الموضوع يتطور. دي كانت دخلت فـ أتحرر من ملابسي كاستريبر

معجبكيش قبل كده لما قلت سوداوية. ماذا عن هذا البوست؟ أليس سوداويَّ المود يا قطة؟

LAMIA MAHMOUD said...

ادم المصري
هي فين القصيدة؟
______________
واحد مش فاهم حاجة
بص انا من عشاق التفاصيل دي حقيقة .. بس بصراحة يعني نادرا لما تلاقي حد عنده تفاصيل
المشكلة مش في اهمال التفاصيل او التركيز فيها المشكلة في طريقة رؤيتنا احنا للاشياء
بس هي قاعدة على فكرة ان ليست الاشياء كما تبدو
_____________
محمد صبحي
جاري البحث عنها .. ولو ممكن اسهل تقولي ممكن الاقيها فين
_______________
تسنيم
العبث الممنطق دي بتفكرني بانت لا ممنطق
;)

نهايتها على حسب نوعية الاشخاص يا توتة .. في ناس على راي فريكيكو بعد النيو لوك بتحب تنهيها بحرائق

ما هي لو مكانتش اللعنات الابدية كانت بقت النهايات دي عبثية
بس في بما ان يبقى في اذن وهو المطلوب اثباته

وانهي القصيدة دون ان تفصح عن قصدها
;)
______________________
حصان بري
كده يبقى انا حققت هدفي الاساسي يا فندم من ناحية البشرية
:)
مداعبة برفق لاحد اركان القلب شفقة به من الاعاصير يمكن؟
اية الكلام الكبير اللي انا بقوله ده اقولك
سيبك
بوست اية اللي كان رومانسي .. هي الفكرة كل واحد عايز يشوف الحاجة ازاي
الجمال في عين الرائي انا مكنتش اقصد
اية حوار وقته؟
:D
يلا ما علينا
_________________
انونيموس
قدر ربنا بقى تعمل اية

LAMIA MAHMOUD said...

انا كده
التوقيتات الخاطئة اختيار مشترك
اختيار خاطئ
عارفة .. انتي مش لازم تجمعي خالص .. اصلي فاهمة .. منتهى القوة عند قرار الاوت .. منتهى القسوة اللي بتشرخ جواكي انتي
واصلا مكانش ليه اي داعي
المزيكا واللحن والرقصة و .. و .. و
خطوات مش متشابهة .. كتير تقعدي تسالي نفسك هومفيش اتنين خطواتهم متشابهة يعني هو لازم واحد يرقص بلدي والتاني صالصا وعايزين قال اية يرقصوا سوا
ما هو من الاول كان غلط انك تقفي تتفرجي ع الرقصة البلدي وتحاولي تعملي ريمكس
بس بصي اكيد في النص التاني من الكورة الارضية على راي واحدة صاحبتي يمسيها بالخير
حد تاني بيدور على حد يرقص معاه نفس الرقصة واكيييييد حتتقابلوا في اي مطار وهو نازل ترانزيت

منتهى الخوف من ناس جميلة ع الورق لا تطلع جميلة ع الورق بس يعني من الاخر في خيالك انتي بس

دي تقسيمات ادوار وشخصيات ودور بطولة وسنيد
حستفيض في الشرح قريب اوي
______________
يوصف المصري
تحيات متبادلة
:)
_____________
محمد حسام
ازيك يا معلم
كان لازم تقرا البوست ده يوم الاربع على فكرة
:D
انت عارف وانا عارف
عارفة الاغنية وبحبها
جبت من الاخر تقريبا لسة في رتوش مش واضحة
_________________
تامر نبيل
هي ممكن متكونش مغلقة من فترة .. ساعات بتبقى متواربة
اتبع مبدأ اللاانتظار يا فندم
نورتني
____________________
فريكيكو
بكر .. بقولك اية .. هو انت لازم تبدأها كده
:D
المهم اما نشوف استاذ حسين فهمي عايز يقولنا اية

اغلب الظن انتهائها بحرائق .. مينفعش تنهي الا كده .. بس يمكن بعد ما الحريقة تخلص والرماد يفضل موجود تولد العنقاء من رمادها .. فانا رايي ناخد الرماد اللي بعد الحريقة ونرميه في اقرب مستودع

الابد ممكن وجدا .. بس الرك ع الاختيارات .. هناك اشحاص صنعوا للحظة واخرون صنعوا للابد

طب هما فين؟

معجبنيش لما قلت ع الشخصية سوداوية لكن الكتابة مش حناقشك
:)
ما هي كل الكتابة سوداوية يا بكغوتي .. امال حكتب اقول اية الدنيا ربيع وقفلي على كل المواضيع؟

تعليقك لازم يبقى دسم وتحس انه يترد عليه كده

محمد صبحى said...

لميا

الرواية من إصدارات الهيئة

وللتسهيل هى فى سلسلة الألف كتاب الثانى

وهى إصدار 2006 على فكرة
الاسهل طبعا تروحى مقر الهيئة
كورنيش النيل - رملة بولاق - القاهرة
من 9 الصبح ل 5 مساء
ماعدا الجمعة والسبت

إسألى وقولى لى وصلتى لإيه

Ferekico said...

مهو الخيبة انها بعد ما تقوم م الرماد بترجع تتحرق تاني، و نفضل بأه فـ دورة من الاحتراق المستمر. تقوليش فـ آلة الاحتراق الداخلي و الا اسمها ايه دي بتاعة العربية

لو احنا نفسنا من بتوع اللحظة، يبقى مش هتقف ع الاختيارات. نعمل ايه بقى؟

حكاية السوداوية دي نبقى نرغي فيها بعدين. بلاش فضايح ع الملأ

حلوة بكوغتك دي بالمناسبة
شكلي هناولك
:D

linda said...

أجدني أراقص كلماتك رقصة السلسا الشهيرة

فكلماتك ماهي الا مزيج سريع من وقع مختلف


الغريب ان هده التفاصيل وهده الوقائع تكتفي منّا ولا نكتفي منها رغم كتاباتنا وتمردنا عليها دائما


لمياء

كلماتك إجتاحتني فعلا



كوني بخير

محض روح said...

مممممممممم
انا كنت هكتب
اييييييه
تصدقي نسيت
جميل اوي ولمسني اوي
:)

Yassmina said...

على فكرة بجد مبسوطة قوي اني عرفت ادخل على مدونتك تاني كان بقالي فترة بحاول بس مش عارفا انت كنتي ليه قفلاها او عاملة ايه
المهم كانت وحشاني قوي بوستاتك ومودك العالي فيها
ياجميل
:)

عين ضيقة said...

يبدو من البوست والتعليقات عليه وخصوصا مناقشتك مع محمد إنه بيفقد ايمانه بأشياء كتيرة اليومين دول

على فكرة انتى صح
خلى العنقاء تُبعث وتحترق تانى وتبعث تانى إلى مالانهاية

لو استسلمنا لحريق النهاية مرة يبقى ليه بنقوم من نومنا كل اليوم؟

على فكرة كمان مفيش نهايات منطقية ، وإلا ماكانش يكون فيه دهشة ولا صدمة ولا فرح ولا حزن
كان معطيات معينة هتؤدى لنتائج متوقعة
والدنيا مش مسألة حسابية يالمى

حلوة دماغك على فكرة

shaimaa said...

حلو البوست فعلا

دعنا من النهايات ولنغرق في تذوق تفاصيل اللحظة
ولست مقتنعة بكلماتي انا نفسي .. بعض الاشخاص لم يصنعوا للحظات نتذوقها ,,
صنعوا للابد
حلوين قوي السطرين دول

و طبعا قصيدة جيهان عمر لا تعليق عليها ..بس ممكن نقول تحفة :P

LAMIA MAHMOUD said...

محمد صبحي
مشكرين يا محمد
__________________
فريكيكو
اية يا بكغوتي
:P
مش عاجباك يا فري؟
المهم .. ما هو ترجع تتحرق وتتولد تاني
عادي يا فندم لحد ما تتولد في مرة ابدية
واحنا لم نصنع للحظة لانك لو صنعت للحظة كان حيبقى عندك اكتفاء باللحظات وبعد عن النظر للابد
نبقى نمكل كلامنا على جنب برده
وشكلي انا اللي حناولك
كله من النيو لوك
:D
________________
ليندا
لا هي تكتفي منا ولا نحن نكتفي منها
تبادل واختلاف فترات
نورتيني يا جميل
دمتي بود
:)
__________________
محض روح
شكرا اوي
:)
_____________
ياسمينا
هدفنا هو ارضاؤكم يا جميل
كنت قافلاها مؤقتا كده واهي اتفتحت
انتي كمان كنتي واحشة بوستاتي جدا
:D
_______________
عين ضيقة
قوليله بقى اني صح احسن انا دماغي اتاكلت منه
:D
مفيش نهايات منطقية دي حقيقة بس في نهايات متوقعة يا بنوتة
اخجلتم تواضعنا
___________________
شوشو
بعد السطرين دول انا قلتلي هو انا كنت جايبة التفاؤل ده منييييييييين؟!!!!
خمس تلاف علامة تعجب
بس اشطة يا مزة
جيهان عمر حد هايل بس برده شوفي صفحة 28
:D

Mony The Angel said...

"بين اكذوبتك المنمقة وتصديقي المصطنع برغبة حقيقية
نحترف التواصل"

yaaaah, gamda bgad

---------

"معادلة صحيحة جدا للنهايات المنطقية"
hwa emta n2dar n2ool en de mo3adla sa7?

---------


"لا تنقصني او تنقصك الجرأة .. ينقصنا شيء آخر لتكتمل قدسية لحظة الابد"

ya tara eh, ya tara eh :roll:

---------

akeed fee :)
"تعثرت بضوئك.. عثرت على ظلي"
:)))

---------

a3taqed en a;7a2ee2a hia aslhee2 alwa7eed al-la-nesby ;)

---------

"
ربما لم اكن اكثر من لحن وربما لم تكن اكثر من سطور سأكتبها .. جميلا انت في كلماتي"

gameel awe fe3lan ;))

---------

alkalam alseles alshe3by :D
i can't find any of them when i log 2 ur blog :msgreen:

---------

alqaseeda 3abqariaaaaa
wel post 3abqaryyyy
kal3ada ye5rebeet dema3'ek w kal3ada,
enty btgeeby alkalam da mneen!!!!

vetrinary said...

للانتظار
طعم الياس
ولون الفجيعه
ورائحه العفن

انبهرت

ayman_elgendy said...

اللا أنتظار واللا يقين

مواء القطط الليلي ...هيزنبرج

-------
بين الهامش عن دفاتركي المغلقة والنص عن لايقينك الأبدي لو كان للأبد معني يتأرجح المعني بين وعيك ككاتبة للنص ومالكة له ووعي قارئيه كمستقبلين لأنزيمات قلمك

البعض أدعي ولست اؤكده ان الفضل كله يرجع للثبات علي المبدأ...ربما هو حس دائم نحو اللاانتظار ...ولكن عن أي مبدأ ندافع...لو لم نتنظر ماذا عسانا نفعل؟؟

----------

مواء القطط الليلي

لقمر يقترب ...يخبر مليكة القطر البائد

ان لليل جني ...ينتظر حوريته البحرية

-----------

أخبرتني جيهان يوماً أن افعالها اليومية من تضاءل وانسحاب وعلو وهدر وانقلاب لم يكن سوي عادات سرية لحمايتها من كراهية ذاك الاسمر كويهلو ....بل وحب ذاك الشاهق الابيض هائش الشعر دوماً ...الملقب ...ب...روح ...حي...حياة

لكي كل الود

Oma said...

تعثرت بضوئك.. عثرت على ظلي

awlan ezay ana 3omry ma 2aret 7aga le jehan 3omar el gabara deee !!

ba7eb el postat de awy..la5bta bas metgm3a..w el la5bta bta3k 3la ba3dha bet3ml 7aga kdaa

كانت مزيكا مستنية حد يرقص عليها .. بس انا معرفش الرقصة وده مش معناه لا ان المزيكا تقف ولا ان الرقصة تنتهي

!!!!

bas 5alas..ana mab2tsh a3raf a3al2 3ndk asln !!

عايش ولكن said...

افكار مبعثره اجدتى المامها ووضعها بشكل منمق
وكنتى موفقه جدا فى ختم الموضوع بالقصيده الجامده دى
احييكى على تفكيرك الرائع
تحياتى
علاء

كاتب مصري said...

تحيتي ويسرني أن أدعةك لزيارة مدونتي المتواضعة ولو أن هذه الزيارة الاولى لمدونتك ولكن لن تكون الأخيرة بيننا زيارات كثيرة..
أنتظر زيارتك والمرور بصفحة التعليقات
مدونتي هنا
http://kanyatklam.blogspot.com/

snohe said...

مش ممكن

انتى ايه؟؟؟؟

Anonymous said...

توقعاتي عنك كانت صحيحة
سعدت لانك انت

LAMIA MAHMOUD said...

موني
مشكرين

نقدر نقول ان المعادلة صح لما تبقى البداية + الاحداث تساوي الاحداث
بس على فكرة كونها صح او غلط او هي ماشية ازاي دي نسبية يعني عندي غير عندك غير عند اي حد تاني

لو كنت اعرف كنت اقول على طول

غالبا في :)

لاء يا فندم الحقيقة نسبية جدا .. كل واحد يبشوفها زي ما هو عايز

عجبك؟ .. اي خدعة
:)

ليه ده انا حتى بحبه اوي ؟ احلى حاجة لعلمك الكلام السيلس الشعبي

كالعادة انا لو قلتلك بجيب الكلام ده منين معتقدش حتكوني مبسوطة خاالص
:)
اخجلتم تواضعنا يا قمر
________________________
vetrinary

تأثرت
________________
ايمن الجندي
من الاخر مش عارفة ارد عليك على فكرة
بقالي حبة كويسين باصة للكومنت ومش عارفة ارد
فتقبل مني خالص المودة
_______________
اوما
تعثرت بضوئك عثرت على ظلي
هي لسوزان عليوان

اما عن جيهان عمر فانصحك ان تجربيها
مش لخبطة على فكرة .. ما هو كل حاجة ليها علاقة ببعضها .. دي سلسلة يا سكر

اية طيب ؟
وحشتيني
__________________
علاء
ميرسي جدا لمرورك
نورت
___________
كاتب مصري
اكيد ان شاء الله
منور
___________
snohe
لاء ممكن

لو كنت عارف مين انا كنت اقول

محمد العدوي said...

هو منين يودي على فين


:)

LAMIA MAHMOUD said...

محمد العدوي
يمين في شمال
:)