Wednesday, January 17, 2007

خوفي الاكبر

لماذا يطاردها ذلك الكابوس دائما .. ذلك الكابوس الغير مبرر من الاساس
دائما هي في مكان لا مكان .. تحاصرها اشياء بلا هوية .. تتكاتف عليها لتصل الى حالة القرب من الاختناق .. ثم تفيق لتجد انه كان مجرد كابوس
كابوسها المعتاد الذي الفها والفته .. في لحظة عبقرية قد تضع ذلك الكابوس بين يدي علماء النفس جميعا .. ولتضربها صاعقة اذا لم يعطي كل منهم تفسير مختلف عن الاخر .. فجميعهم حمقى .. سيضربون امثلة عديدة عن عدم الشعور بالامان او حالة من الكلستروفوبيا سببتها عقدة ولدت في مرحلة الطفولة .. وقد يهز احدهم راسه مع تلك النظرة الغامضة في عينيه ويجد اسما لعينا من تلك الاسماء المعقدة
ولكن ما ادراهم هؤلاء الاغبياء .. ان كابوسها هذا يراودها منذ ان بدات تعي معنى كلمة احلام .. فان كان من عقدة فلتكون اصابتها داخل رحم امها اذن .. وليطلقوا عليها عقدة ما قبل الميلاد
في البداية لم تعرف ان هذا ما يمكنها اطلاقه عليه ..كانت تستيقظ بجانب والدتها قائلة "ماما حلمت حلم وحش" لتجاوبها امها بان "انتي لسة صغيرة على الاحلام الوحشة .. اقري المعوذتين ونامي ".. ثم تعود الى نومها مرة اخرى تاركة اياها
وابدا لم تعرف معنى كلمة معوذتين ولكنها كانت تقرأ كل ما يعيه عقلها الصغير من كلمات القرآن ثم تخلد للنوم .. لتستيقظ مرة اخرى ليدور نفس الحوار بينها وبين امها
بعد فترة ملت من تكرار الحوار .. واصبحت تكتفي بان تستيقظ لتخبر نفسها بعقلها الصغير "ده الحلم بتاعنا ..عادي .. عادي" وتعود الى نومها .. فقد الفته حتى انها قد تتعجب ان خاف عنها لفترات طويلة
وبعد ان تطور بها العمر .. ومرت بها السنوات .. وبعد ان عرفت المعنى لكلكمة كابوس .. وبعد ان زارتها العديد من الكوابيس لتؤرق منامها .. فتارة تهرب من نفسها داخل الكابوس لتخبر نفسها وهي بعدها نائمة انه كابوس لا اكثر .. وتارة تستيقظ لوهلة ثم تعود لتكمل الكابوس من نقطة توقفه
ولكنها في وسط كا هذا ادركت ان "الحلم بتاعنا" ليس كابوس .. لا يصلح ان يصنف في قائمة الكوابيس وان كان يترك اثرا اعظم منها ولكنه ليس كابوس .. وفي لحظة من لحظات خلوها بنفسها اصطلحت على تسميته اللاكابوس
لم تخبر احد ابدا بماهيته
الجميع يعرف انها تفر من النوم .. تتجنبه كالموت .. الكثير يعتقد انها تراودها الكوابيس .. والاكثر يعتقد انها مشغولة البال ومهمومة .. والاغلبية يعتقدون انها تهرب من الاحلام الوردية التي قد تجمعها بحبيبها السابق حتى لا تستيقظ على خيبة امل انها فقط كانت تحلم
وحدها تعرف انها تهرب منه .. ذلك الاكابوس
مكان رمادي اللون .. او للتحديد لا مكان رمادي اللون .. مزدحم باشياء صغيرة تشبه فتات الخبز وفي كل لحظة تشعر بان هناك حائط يقترب منها حتى تصل الى مرحلة اخيرة وهي الدنو من الاحتناق .. لتستيقظ وتخبر نفسها فقط لقد كان لا كابوس
الذي يتركها بعدها لعدة ايام متتالية تخشى العودة للنوم .. الذي يجسد خوفها الاعظم ولكن ...... مم؟؟

34 comments:

shimaa said...

ولتضربها صاعقة اذا لم يعطي كل منهم تفسير مختلف عن الاخر
hoa el post mesh d7k 7'als bs mesh 3rfa leeh d7kt fe el7ta de l2n da eli he7sl fe3ln
salmtk mn el "la kabos" ya gmeel
2keed hegy elyoum isa eli hesbk feeh w t3rfy tnami as u want
elpost gwo moqbd 2wii ya lmy

كلمه said...

kan 2alby 7ases eno mood ka2aba
makansh wa2to 2a2rah 5ales :D
mesh 2asdy hena y3ni 3l post :))

Amira Hassan said...

الكوابيس و ما ادرى اصحاب الاحلام السعيدة بالكوابيس
حلو اوي يالمي البوست و الاسلوب جمبل جدا
اشطاط يا بنتي

همس الليل said...

انا اكتر انسانه بطلت تنام من الخوف من الكوابيس والاحلام
لدرجه انى بطلت انام بليل اصلا
ومره من كتر الفزع نمت 3 ايام وانا عنيا مفتوحه
ربنا يكفينا شر الكوابيس وشر الاكتئاب

بس بجد نصيحه لو القرآن والمصحف جمبك وبتقريهم كتير مش هتلاقى امان اكتر من كدا حتى لو امك اخدتك فى حضنها مش هيكون الى من صوت قران جمبك

نصيحه من واحده مجربه يعنى ايه فزع بجد

اقولك على حاجه انا بعيش الكابوس اللى بتحكى ليه دا وانا عايشه لما بيكون عندى هستريا اكتئاب بحسانى فى اوده ازاز صغيره محدش سمعنى وانا قاعده اصرخ والهوا مفيش

مبيريحش الا حضن ربنا بجد

smraa alnil said...

عارفة اني بطلت انام بجد
وبقعد مطبقة كتييييييير اوي وبروح لشغلي وتمريني وبخرج وبقعد علي الكمبيوتر وحاجات كتير اوي لحد ما اقع من طولي من كتر التعب وانام وانا مش حاسة باي حاجة
عشلان لا يبقي فيها حلم ولا كوابيس
ودة من كتر ما كنت بحلم وبفزع من الكوابيس
نصيحة برضه من واحدة عارفة يعني ايه فزع
اعملي زي ما همس قالت

مـحـمـد مـفـيـد said...

الحالمه لمياء
كما تعودي مني
والله الخوف والهواجس جوا كل واحد فينا ولكن سردك للبوست اوجعني

Anonymous said...

كالعاده ياحبى رائعه وانتى عارفه انى بيعجبنى الى بتكتبيه بيدخل جوايا وبيمس حاجات كتير بداخلى ممكن اكون مش عارفه اعبر عنها بس حقيقى يالومى تفتكرى امته ممكن مانخفش من الكوابيس وخصوصا لما تكون حقيقيه مش بس فى الاحلام تفتكرى هانفوق منها على حلم جميل ولا على كوابيس يدفعنا من حولنا للعيش فيها غصب عننا لمجرد انك ترضى رغباتهم المريضه ربنا يرحمنا من الكوابيس بجميع اشكالها ربنا يوفقك يالومى سلمى

LAMIA MAHMOUD said...

شوشو
والله اشطة انك ضحكتي انتي فاهمة ان هدفنا هو اسعادكم:)
بالنسبة لنومي انتي عارفة اني بنام عادي زي البني ادمين بس هو لما بييجي بياخد له يومين لحد ما انساه وارجع تاني فل يعني يا ستي:)
معلش على الجو المقبض ده ما انا قلتلك
ححاول اقلل منه;)



كلمة
شوف يا معلم واحنا قاعدين مع بعض انت اللي قلت هاتي اقراه وبعدين تقاعصت وقلت حتقراه لما ينزل بوست يعني من الاخر انت اللي بتجيبه لنفسك:)
بس اشطة انك ما قريتوش يومها مكانش وقته خالص



ميرو
ربنا يخليكي يا معلمة



همس الليل
ده مش انا لوحدي بقى .. يبعد عنك كل انواع الكوابيس يا ستي .. شكرا على النصيحة يا جميلة


سمراء النيل
لا يا جماعة واضح ان حبة البنات اللي طالعين مضروبين .. كلهم كوابيس واكتئاب وتطبيق :)
حعمل زي ما همس قالت حاضر:) ربنا يعينك



محمد مفيد
الف سلامة عليك من اي وجع .. مكنتش اقصد اكيد:)
بس اية الغيبة الطويلة دي



سلمى
منورة يا جميل .. كوابيس الاحلام وكوابيس الواقع
في اختلاف بينهم يا سلمى وهي ان كوابيس الواقع دي باختيارنا وغلطتنا ولازم نكون قادرين اننا نتحمل مسئوليتها
بالنسبة لكوابيس الاحلام فدي مش بتاعتنا ربنا يعينا جميعا عليها
منورة يا حبيبي:)

We2am said...

lana allah! nag7ty b2qtdar fe 2esaal gow moqbd w k2eeb :S
enty b2lk kam post msh mzbta..wad7 enk 3aiza 23da m3aya :))
enma enty 3rfa..a7yann banam noom eswd bla a7laam..mafesh ay 7aga..w b7'af mn elnoom dah aktr mn elkaboos..
akeed hayge yoom w t7lmy zay manty 3aiza w tnamy bra7tk.."elgathom" loh ta3weza tsrfo brdk ;)

raspoutine said...

اللاكابوس

كلمه عاديه بس بتحمل داخلها معانى اكتر من عاديه
يعنى ان الكابوس والحلم وجهان لعمله واحده وهى اللاكابوس
انا بحييكى على اسلوبك ودايما متألقه وبسيطه فى اسلوبك اللى هوا سر جمال كتاباتك

Anonymous said...

لميا

لكل منا خوفه ...وخاصة بالكوابيس فانا ايضا لدي كابوسي الخاص وكان ايضا منذ الولادة ...بس مامن مفر هو فقط الدي يلاحقنا ولن نستطيع ابدا ان نلحق به ونكون له هاجسا مثله

لمي اقضي عليه بالقران فهو اكتر من علاج هو سكينة للألم وللروح وللجسد


تحياتي

LAMIA MAHMOUD said...

وئام
اية يا قمر .. بصي هو الحلو في الحوار اني وصلت جو معين مش مهم هو اية .. بس والله غير مقصودة تماما حوار الكآبة دي .. يعني زي ما قلتي النوم اللي من غير احلام اللي بيخوفك ده عندي انا نوم مصاحب للبتاع اللي انا قلته ده يعني حاجة كل واحد حتى اقري التعليقات حتلاقي اني مش لوحدي..بس الا هي اية التعويذة بتاعت الجاثوم;)


راسبوتين
شكرا ليك بس دي اول مرة اشوفك هنا.. وياريت ما تبقاش الاخيرة:)


ليندا
كلنا هذا الرجل يا جميلة .. شكرا على النصيحة:)

ذو النون المصري said...

انا تقريبا عمري ما حلمت في نومي لكن احلام يقظتي لا تتوقف ابدا لدرجة اني اعتقدت ان طاقة الاحلام عندي تستنفدها احلام اليقظه نهاراراسي لا يكف ابدا عن العمل سواء في مشاغل او لا

Mony The Angel said...

tesada2y..
fakarteeny behelm (masheeha 7el :))
kan bigeely daiman. bardo mn ayaaam makont so3'iara awee..
bas 3omry matkalemt 3anno, l2ny 3omry mafhemt hwa 3bara 3an eh!
just strang feelings..
i can't express but i feel it clearly..
ana sa3aat bat7at f mawaqef kda felwaqe3 betfakarny beeh..
ana ma3rafsh hwa eh aslan aw leeh baftekero aw eh da ally baftekro..
but i remember eno kan helw ba2oom meno mafzoo3a..
da kan alganeb alwe7esh..
alganeb al7elw eny batalt a7lam beeh 7'laas :)
hwa ah sa3aat baftekero w ba7awel afham hwa kan 3baara 3an eh, bas batalt ashoofo 7'laas..
batalt a7lamn aslan :)
w yoom ma7lam mabaftekersh 7lemt b2eh :)
enty 7'aleteeny a7med rabena l2ny melnaas aly mabte7lamsh :)
bas fakarteeny bardo eny kont f yoom mn al ayaam 3andy 7elm (olna masheeha 7elm :D) kan bigeely daiman
bas 3arfa kwaies eny batalt a7lam ;)
wait 4 the comment..
(U Know) what i'm talking about..
w lawenny ms 3arfa leeh 7assa enek tafeshteeh enty w amira lol
ana tawelt aweee wala ka2eny bakteb post lol
yalla salam ya gameela (F)

بين الأمل و اليأس said...

هو معلش عايز اعرف هو ايه الكابوس
هل هو حلم نحلمه يزعجنا ويؤرقنا في نومنا ومن الممكن ان تنسى تفاصيله
ام انه حلم يلازمنا لمدة طويله او لمرة واحده ولا ننسى تفاصيله
لو التاني يبقه انا حلمت اربع كوابيس بس
لو الول يبقه انا حلمت كتي
عارفه انا ذكرت نفسي في الاول ليه
لانك خلتيني افتكر ايام لما كنت عايش هنا لوحدي وكنت لما اتفزع فعلا مكنش حد جنبي حتى وانا كبير مش هايحميني بس هايديني حس
ياشيخه خليتي جسمي اقشعر
رغم انه حتة حلم لكن انه النفس البشرية

مش هاقولك غير انك حركتي لحظات الطفولة جوايا اطفولة الوحده والخوف
طفولة الرعب
وربنا يسترها

بين الأمل و اليأس said...

اه وكل عام وانتي بالف خير
وربنا يسترها

Anonymous said...

نفسي اطمن عليكي
u know

We2am said...

كويس اني جييت قبل لمي ماترد..
الاخ اللي مزبط البلوج تعليقات
u know
خير؟ ماحدش هنا "نو اني ثينج" عارف اي حاجة الصراحة..مش تنورنا كده و تقولنا انت مين بمناسبة كمية الكومنتات دي؟ يعني معلش لازم ناخد خطوة عشان الناس بدات تكلم علينا و كده..

We2am said...

الاخ u know
ونسيت اقولك..لو مش ناوي تنور المحكمة..ابقي اعملك بلوج سيب فيه كومنتاتك بقي لحسن كده اوفر..تو ماتش..

el2ahwagi said...

fakarteeni lamma kont soghayar wabos f sa2f elooda ... washoof resomaat fe boyet elsa2f.. menha elmoree7 wemenha elmor3eb .. weytayar elnoom men 3enaya..!

elmohem ennik 2ederti te3abari biqtedaar 3an La-Kaboosik ...
fa 3al a2al ashrakti feeh kol qare2eenik .. !!!

LAMIA MAHMOUD said...

ذو النون المصري
لكل منا اسلوبه الخاص في الحلم .. ونفسيته الخاصة:)
نورتني


موني
I think 2nk bttklmy 3n zahera btgelna kolna w de btkon 2n el eyes weslha seen mo3en b4 ma ywsel l our praine w fe el 7ala de bnb2a sure 2nna had a dream b situation like that b4 .. law fhemt wrong i hope more details in anothrt comment .. anyway as of u know i wish we can do as u said w nbtlo y3l2 hena bs lessa el appility de mosh 3ndna t2reban
2nty ttwly as u like ya 2mr i enjoyed everyword in ur comment wlahy:)


بين الامل واليأس
معنى الكابوس بيختلف تحديده من شخص لآخر فانا مقدرش اديه معنى محدد او اشرحه في كلمتين .. بالنسبة لانك افتكرت ايام الفزع فانا اسفة مكنتش اقصد خالص
وزي ما قلت هو مش كابوس قد ما هو شيء بيعبر عن جزء في النفس البشرية .. كل واحد فينا جواه حتة زي دي
كل سنة وانت طيب:)



u know
read we2am's comment i am with her in every word if u don't have the corage 2 write ur real name an if u don't have the apility in making a comment on what i am writting not on me .. so please stop commentimg here


وئام
والله يا وئام من الواضح اننا دونت نو ومش ناويين ننو اني ثينجD:
يا بنتي ناس فاضية بس سيبك انتي الكومنت مسخرة
وعجبتني فكرة انه يعمل بلوج في كومنتاته;)


القهوجي
هو كلنا كان فيه حاجات بنعجبنا وحاجات ما بتعجبناش في البوية بتاعت الاوضة
اعتقد ان الحاجة الوحيدة اللي اثبتها بجدارة في البوست ده من التعليقات هي ان مقلوة انيس منصور كانت صح جدا لما قال لا تخجل من نفسك فالاخرون عندهم نفس الافكار السخيفة :)
بس في الحالة دي حنبدل السخيفة بالغريبة وانا اللي كنت فاكراني غريبة:)

ساعه الغروب said...

بصى يا لمياء
انا لما ببقى مكتئبه بخاف انام

و لما تعبت من قله النوم
بقيت قبل ما انام اقول لنفسى
النهارده فيه حاجه هتضايقك بس عادى ما تتاثريش ولازم تعرفى ان ده مجرد كايوس وهيعدى وهتصحى منه

احساس مرعب

والاكثر رعبا انه يجيلك بالفعل

والانيل من ده وده انى بلاقينى اتنين منى فى الكابوس ده
واحده واقفه بعيد وفى عنيها خوف على اللى جوا احداث الكابوس

واحيانا كتير بتفضل تطمنى

بس فى النهايه بصحى مفزوعه
واقضى ليلى كتابه او شكوى لقمرى

مجنونه مش كده

مش عارفه ايه حلقه اعترافات ليليه اللى انا وقعت فيها دى

مش عارفه ليه لما باجى عندك بحس الكلام بيطلع من غير حساب

يلا ربنا يسامحك على الفضايح اللى انا عملتها فى نفسى دى

انا مش همسح الكلام اللى كتبته
عشان مش بحب ارجع فى كلمه او احساس صدر منى

شكرا وربنا يسامحك
نصيحتى الاخيره ليكى وليا وتقريبا لكل البنات هى زى ما قالتلك همس الليل

Feras othman said...

i think you should face your fears and face this nightmare that when it comes again try to concentrate in it and face it and fight the things u dream in the dream convince yourself that you fed up from this and you want to defeat this nightmare to enjoy your night sleeping .

***********a recipe ***********
try to have a bath before you sleep ,and put your favorite perfume then wear ur favorite pajama's and decide to sleep in sweet dreams concentrate in this then free your mind before you sleep, bring ur headphones and hear sweet songs while u r in bed that might reflex on ur mind and mood and put next to u a sweet lovely nightstand with omni light ,change ur bed sheets and bed style buy new one's and fill them with perfume
lamia try what i said i think you will send me after that an e mail telling me about the good results you have accomplished :)


dont forget the new bed sheets and change your pillow

i have a book talks about the feng shui powers and the inner powers i will reread some of it and inform you with what i sayed here but in a scientific psychic way

wish u happy pleasant dreams always
do by my advice plz all of u who faces the same .

feras

LAMIA MAHMOUD said...

ساعة الغروب
والله يا جميلة انا مكنتش حسمحلك تمسحي التعليق لانه بجد عبقري .. التعليق ده جزء منك .. وانا يشرفني اني اعرف جزء منك .. غير بقى اعترفات ليلية مش اعترفات ليلية محدش ليه عندك حاجة .. حلو اوي لما تشاركي مشاعرك مع حد شوفي بقى انتي دلوقتي شاركتي قد اية ولو موضوع انك بتتكلمي براحتك لما بتيجي هنا بجد.. يبقى انا في غاااااااااية السعادة
ربنا يعينك يا جميلة وشكرا على النصيحة:)



فراس
الاول اييييييييية فييييييينك اية الغيبة الطويلة دي انا افتكرتك نسيتنا
بعد كده بقى شكرا على نصيحتك حعمل بيها ولو جابت نتيجة حبعت لك ايميل شكر
نورتنا وبلاش تغيب تاني

بسمه عبدالباسط said...

على فكرة أنا كمان بقيت أخاف أنام من كتر الكوابيس وبفضل أرهق وأتعب فى نفسى عشان أنام وما احسش بحاجة وما احلمش لكن بردة بحلم بكوابيس يالا هانعمل ايه بقى

LAMIA MAHMOUD said...

بس بس
انا قلت البنات اتضربت محدش صدقني .. جربي يا جميلة عملي بنصيحة همس او نصيحة فراس
شوفي انهي حيمشي معاكي اكتر
:)

ody911 said...

لمياء


لو الكابوس بيتكرر على طوول

وهوة نفس الكابوس

فعلى ما أعتقد

دة مس


وحاولى تقرأى قرآن كتيير

وخصوصا سورة البقرة

وآيه الكرسى قبل ما تنامى

وحاولى وإنتى بتقرأيها

تشاورى بصباعك على الغرفة إللى بتنامى فيها

على أركانها

وعلى سريرك

وعلى جسمك

وإن شاء الله مش هتشوفى الكابوس دة تانى

على فكرة أنا كانت أختى عندها نفس الشيء تقريبا

بس الحمد لله

أبوا واحد صاحبى قرأ عليها قرآن

لغاية ما بقت كويسة والحمد لله

ولو محتاجة حد يقرأ عليكى

نبقى نشوف الموضوع دة

وعلى فكرة دة مجانى لوجة الله

ماشى الكلام

أودى

dead man said...

انتي لسة صغيرة على الاحلام الوحشة

الحلم بتاعنا"

LAMIA MAHMOUD said...

اودي
شكرا على النصيحة .. وحعمل بيها ان شاء الله .. وشكرا على الاهتمام


dead man
طبعا انت قلتلي انك ركبتهم على بعض عملوا معاك حاجة تانية .. فمش عارفة ارد اقولك اية بس نورت اكيد

Anonymous said...

جميل اوى البوست ده يا لميا
بس تفتكرى ان كوابيس الليل افظع من كوابيس النهار
انا متهيالى ان مهما كان كابوس اليل مفزع
ومهما حسينا بالتوتر
فالحقيقه افظع
حسيت انك خايفه من حاجه وانتى بتكتبى البوست ده
لميا
اخرجى من عبايه احمد خالد توفيق
واسعه عليكى اوى

Anonymous said...

لغه الحوار متغيرة مع خطيبك
لو السبب مش سر
قوليه

LAMIA MAHMOUD said...

انونيموس واحد اللي هو هو انونيموس 2 اللي تقريبا كده انا عرفت هو مين

بص يا سيدي .. انا بتكلم هنا عن تفصيلة في حياتي من وانا صغيرة كوابيس ليل وكوابيس نهار واية اللي ودانا للكلام ده اصلا .. البوست جميل بقى فشكرا ولو انها مش طالعة بنفس .. بالنسبة لعباية احمد خالد توفيق فانا محاولتش البسها ولا لحظة ده غير انها حتبقى واسعة على اي حد حيحاول مش انا بس .. ممكن اكون تأثرت بيه لاني بقراله كتير لكن الاكيد اني فعلا ما حاولتش اكتب زيه للحظة

لغة الحوار مع خطيبي بقى في الكومنتات هنا متغيرة فهو مش سر خااالص لان ببساطة شديدة وقت البوست ده مكانش بقى خطيبي لسه

سلام

altwati said...

إن اعتياد الكوابيس فعل حياتي
أقل ما يقال فيه أنه تقوية أواصر العلاقة مع القبح الي يتناوب علينا والذي ما من آلة نواجهه بها سوى كلمة : عاااادي
بوست يقترب من الكابوس

تقديري

altwati said...

إن اعتياد الكوابيس فعل حياتي
أقل ما يقال فيه أنه تقوية أواصر العلاقة مع القبح الي يتناوب علينا والذي ما من آلة نواجهه بها سوى كلمة : عاااادي
بوست يقترب من الكابوس

تقديري