Monday, January 01, 2007

happy new year

سنة 2006 خلصت

السنة دي كانت فيها حاجات كتير قوي .. عدت بسرعة قوي بس كانت مليانة احداث


حاجات حلوة وحاجات بايخة وحاجات نص نص

مش عارفة اقول اية اصلا .. ومكنتش ناوية اكتب بوست عن السنة دي .. مبحبش بوستات المناسبات


السنة دي عرفت يعني اية ابقى لوحدي وما استناش حد .. السنة دي عرفت ان ابويا عيان وان شكل الدنيا بقى غريب
وعرفت قد اية هو حنين .. رغم العصبية ورغم شدته لكن اكتشفت انه حايش عننا حاجات كتير قوي
كانت صعبة قوي لما لقيتني واقفة لوحدي بخبط مش فاهمة .. ولما حسيت اني عايزة اقوله انا اسفة على كل لحظة اتعصبت فيها او كنت انا السبب في زعلك
بس كالعادة ميكانيزم الدفاع اشتغل

السنة دي احلى عيد ميلاد عدى عليا .. شكرا يا شيماء على البوست اللي كتبتيه عليا .. فعلا كلامك فرحني

السنة دي رجعت اتكلم مع اللي كنت بحبه ورجعت اشوفه بعد فترة بعد دامت 3 سنين .. عشان اكتشف فجأة انه مش هو اللي انا حبيته .. اني رسمت صوره هو مفيهوش اي شبه منها

السنة دي قصة الحب اللي عيشت معظم عمري فيها انتهت من جوايا تماما .. سابت فراغ جامد آه .. يعني في احساس ناقص جوايا .. بس زي ما هدت حاجات بنت حاجات اكتر

السنة دي ظهر في حياتي ناس كويسة بجد

السنة دي خلصت

شكرا يا ماما انك بتستحمليني .. رغم ان رايك فيا مش قوي ومش شبهي بس انا عارفة اني قيمتي عندك كبيرة قوي

شكرا يا بابا على كل حاجة .. واسفة على كل لحظة ضايقتك فيها او حسيت فيها اني بعيدة عنك .. اسفة بقى اني مبعرفش اعبر عن مشاعري وانك عمرك ما حتعرف الكلمتين دول

شكرا يا اميرة ويا شيماء على اللحظات اللي بنقضيها سوا

شكرا يا روؤف ورؤوف المرة دي صح اهي

شكرا يا وئام على النزولة الاخرانية كنت محتاجاها وان كنت ما خرجتش من نفس الحالة لسة .. بس الاكيد اني في وقتها كنت احسن

شكرا لحبيبي انه خلاني ابطل احبه

شكرا بقى لكل الناس اللي حطتني في مواقف غبية واللي قالت كلام مش فيا واللي عمرها ما حاولت تفهمني من اساسه واللي بتطلق احكام وخلاص .. شكرا ليكم كلكم ولتذهبوا الى الجحيم

السنة دي خلصت
happy new tear

40 comments:

linda said...

كل عام وانت بخير يالمياء

بتعرفي كلياتنا مرينا بفترة عصيبة بس الأهم اننا لساتنا عايشين ولسا فينا نتاسف ونصلح الغلط بشيء احلى واجمل

لمياء مين فينا منكسرش ب2006 مين فينا منجرحش ومين يلي ماعرف انوا حبه كان اكبر غلطة وان الصورة يلي بخيالنا ماكنت للشخص المناسب

بس يلا راح يصير كل يلي صار ذكري أليمة بس لازالت ذكري بحياتنا نجونا منها وتعلمنا منها

لذالك فقولك حمد لله على سلامتك
والحمد لله اننا عرفنا مين الاصحاب الحقيقيين ومين يلي المفروض ايكون غريب بحياتنا
لمياء الألم والحب شيئان متواليان سواء ان كان حب الاب لبنتو او العكس بس لسا فيك تعتذري من كل يلي غلط فيكي او غلطتي فيه
مش مهم الكبرياء او الكرامة بهيك حالات ومش مهم انك ماتعرفي تعبري بس كلمة اسف بتكفيكي وبتكفي وفائك لنفسك قبل وفائك لغيرك

تحياتي

Amr Ahmed said...

اكيد كل سنة بتعدي علينا فيها حلو وفيها الوحش

فيه ناس بتردز في ده او ده

لكن يختص شعبنا الحبيب بانه يعيش فترة

من ازهي فترات الزفت في حياته

ربنا يستر علينا واتمنالك سنة سعيدة
كل سنة وانتي طيبة

we2am said...

heyy..happy new year not "tear" indeed!!!
ana msh ha3rf 22ol kol 7aga hena..enty 3arfa ene b7bk..w b3sh2 far7tk yabnte..fakra ama 2oltlk"ye7'rbet gamal far7tk?!" ymkn ana m2drtsh a3ml 7aga..bs 3la el22l 7awlt..kfaya enk fe 7ayate aslan..(k) and hug :)))))

Mony The Angel said...

شكرا لحبيبي انه خلاني ابطل احبه
waga3teeny awe belkelma de ya lamia..
bas 3shan 3arfa enha waga3etek aktar bekteer wenty btektebeeha :)
Happy new year (msh tear ;))
hope u make ur every wish come true..
hope 2007 is better than 2006 and 2005 and 2004 and .... ex
w rabena ye7'alelek kol sa7batek kolohom :)

shaimaa said...

mfesh been el friends thanx ya lamia..3eeb kda ya mama....
m3lsh rbna ye7'lelk 3mo isa w 7wly twrelo 7obk leh da w mtsbesh elt3beer 3no fe post bs 3shan mtrg3esh tndmy ya bnty 3la 7aga fe 3'erk nw be7'bt raso fe el7ta mn 3'er fyda 3shan m3mlsh kza w mswash kza..u still have ur chance
enty mesh lw7dk we r there..even we aren,t around all the time ..w el7la eli enty bt2oly enk feha de m3lsh ftra w ht3dy isa -kolna hza elrgol ya bnty ..eli btklmk de 3yza rosasa brob3 gneeh w t7'ls:)
yarab isa 2007 tkon 27sn bkteer mn 2006 ..happy new year isa ..tf2ly enty bs 7'er:)

nour said...

كل سنه و انت بالف خير يا معلمه:)))
غارت 2006
احسن

LAMIA MAHMOUD said...

ليندا
اكيد كلنا اتجرحنا وكلنا اتكسرنا في سنين كتير مش بس في 2006 وزي ما كان فيها الوحش كان فيها الحلو
كل سنة وانتي طيبة يا جميلة وتعدي عليكي كل سنة احلى من اللي قبلها يارب



عمرو
ربنا يستر علينا:)
كل سنة وانت طيب



وئام
انا كنت مستنية ارد على الكومنت بس عشان ارد على الكومنت بتاعك .. وانا كمان بحبك
فاكرة يا وئام لما قلتيلي يخربيت فرحتك بس مش فاكرة فرحتي كانت عاملة ازاي الصراحة .. او فاكراها طشاش
اصلك عارفة اللي جه بعدها
عموما يا بنتي والله انتي فعلا اليوم ده خرجتيني من المود بجد على الاقل لمدة الساعتين او التلاتة اللي كنا فيهم سوا
ميرسي بجد يا جميلة



موني
اسفة .. وبعدين ما تقلقيش هي الصراحة وجعتني بس مش قوي يعني;)
كل سنة وانتي طيبة يا جميلة وربنا يخليلك كل اللي بتحبيهم واللي بيحبوكي


شوشو
ماشي يا ستي بلاها شكرا
ححاول اعمل بنصيحتك بس انتي عارفة واتكلمنا في الحوار ده قبل كده ميكانيزم الدفاع .. بس بجد بحاول
تفائلي خير انتي كمان
كل سنة وانتي طيبة

LAMIA MAHMOUD said...

نور
كل سنة وانتي طيبة يا باشا
يلا مش حترجع تاني:)

مبرمج حر said...

كل سنة وأنتى طيبة يا لمياء و
Happy New Experience

ahmed abdelhady said...

بالرغم من تلقائية الكلمات الا انها اوصلت ما كان يدور في مخيلتك اثناء كتابها
الا انني احمل لكي بعض الكلمات ( اللي ممكن تكون نصائح ياعني )لولا هذه الايام الكئيبه التي مرت في هذا العام الكئيب
لما تعلمنا منها فلابد من الخطا عشان نعرف الصح
ولولا تلك الايام الجميله التي مرت في هذا العام الجميل ماعرفنا ان في القادم اجمل
فكلنا ننظر الي العام من منظور مختلف ولولا اختلاف تلك المنظور لما تعلم كل منا من اخطاء الاخر
ع العموم
سنه جديده سعيده
احمد عبد الهادي

cigara... said...

اكيد
2007
احلى
من
2006

مـحـمـد مـفـيـد said...

كل سنه وانتي طيبه ايتها الحالمه

LAMIA MAHMOUD said...
This comment has been removed by a blog administrator.
ME said...

kol sana wenty tayeba ya lamia.. but please dear, plz plz plz, tell your parents these words you said.. do whatever it takes to let them know how you feel, print this post and give it to them without a word.. whatever.. but you must let them know,,, believe me.. and happy new year :)

كلمه said...

شكرا يا روؤف و رؤوف المرة دي صح اهي
wlahy mesh 3aref shokran 3la eih ..bas 3l 3omoom el3afw :D

w lel marah elmillion badom soty le soot shaima :D
mfesh been el friends thanx ya lamia..3eeb kda ya mama....

PS 4 shima:
plz plz plzzzzz .... eb2y 7oty elcomment beta3et ba3d ma ana 2akteb comment 3shan da mesh eslob ta3amol y3ni :D
mesh kol marah hakteb kalamek tany

frozen love said...

kl sana wenty tyba & happy feast...we kwayes enk et3lmty el7agat de this year 3shan elyrs ely gaya tb2a happier ae a7san kter isa...kwayes enk ektshfty el7agat de klha..32balna

LAMIA MAHMOUD said...

مبرمج حر
اتمنى:)
كل سنة وانت طيب


احمد عبد الهادي
شكرا جدا عى النصح
وكل سنة وانت طيب



سيجارة
ياريت
كل سنة وانتي طيبة


محمد مفيد
وانت طيب :)
ويارب سنة سعيدة عليك


me
اكيد ححاول .. بس المشكلة اني لما باجي اعبر عن مشاعري بطينها
كل سنة وانتي طيبة:)



رؤوف
وللمرة الخمس تلاف حبقى اتفق معاكم كل واحد يكتب الكومنت للتاني
كل سنة وانت طيب وابقى ادخل على الم يطول واعمل التاج يا معلم



حامد
كل سنة وانت طيب

ody911 said...

لمياء

السنة عدت خلاص بحلوها ومرها
والسنة الجاية أحلى
أكيد أحلى

ممكن نعوض فيها حجات كتيير قوى

ويارب يارب نكون كلنا سعداء

وأحب أقولك

لازم تبينى لأبوكى إنك فعلا بتحبية
لانك فى يوم هتندمى إنك مبينتيش دة
بجد صدقينى
لآنى الأب دة أجمل شيء فى الوجود بجد

ومعلش إنك متوفقتيش فى الحب السنة إللى فاتت
إن شاء الله تتوفقى السنة دى

وطول ما جنبك أصحابك
هيخلوكى مبسوطة إن شاء الله

وكل سنة وإنتى طيبين جميعا

وعادى بقة
أودى

el2ahwagi said...

aham 7aga fel sana di...i7sasik elgameel..!

insha2allah 2007 men gheer wala tears wala 7aga...!

dayman mobtasema insha2allah..!

LAMIA MAHMOUD said...
This comment has been removed by a blog administrator.
LAMIA MAHMOUD said...

اودي
انشاء الله ححاول .. بس زي ما قلت ميكانيزم الدفاع
كل سنة وانت طيب


القهوجي
كل سنة وانت طيب

cat_eyes(همس الليل) said...

كل سنه وانتى طيبه يا لمياء
احلى ما فى السنه دى انى عرفت ناس جديده من التدوين وانتى واحده منهم
اتعرفت على شخصيات جميله وحلوه وناس تستاهل وناس متستهلش
المهم انشاله تكون سنه حلوه عليكى ان شاء الله
ويخليلك باباكى ويشفيه يارب
ومتزعليش ياما ناس بتكون قريبه اوى منك ومبتحولش تفهمنا
وناس كتير اسائو فهمنا
ربنا يخليلك اصحابك دول نعمه
ويديكى الحبيب اللى بتتمنيه فى السنه الجديده دى يارب

bagabigo said...

كل سنة و انتى طيبة يا لمياء تأكدى اننا دائما عندما نحب نتوهم اشياء غير حقيقية حتى نستمر فى هذا الحب مررت بموقف مشابه و عليك ان تحمدى ربنا انك اكتشفتى الحقيقة الأن حتى تنعمى بما تبقى من عمرك بدون اوهام

Anonymous said...

كل سنه و انتى طيبه يا لمياء
و اتمنى تكونى اكتر تفاولا من السنه اللى فاتت و لو تقبلى منى انى اقولك اذا كان فى شخصيات عرفتى انها مش تستاهل صدافتك او انسان مش يستاهل حبك فانى اسفا انى اقول انها غلطتك انتى مش غاطتهم لانه سوء اختيار او عدم درايه ببواطن الامور

شكرا ليكى و اتمنى لو مكنش تعديت حدودى

تحياتى
Hisham

أنونيموس said...

تفاصيل مؤجلة متناثرة


التفصيلة الاولي
اتركوا احدا..يرسم لي قمرا

اتركوه..يريدني هو..يريدني حقا..تعبت من الكسر..اتركوه يجبرني..العشق في الزمان الصعب..صعب..وهو يملك الاجمل..و طريقه الصعب..بعث..في اتساق انامله مع مجري الدم في عروق يدي..ونهاية حزن مقيم..في ضمة كفه لاناملي الصغيرة..في ذلك اليوم الشتوي البارد..ماذا تريد يا قلب العاصي غير التوبة؟..اندهش الزمان الصعب.. عندما اقترب بشفتيه..فقبل خطوط عمري واحدا واحدا..لم ينس فيهم احدا..تدفقت القوافي علي الليل الحالك الظلمة..عندما ابتسمت الحياة في وجه الموت باطمئنان..حتي انها تسائلت بخبث:"وهل كان موت من قبل..؟" ايلتئم الجرح لو تركته لك تعبث به؟..او ينسي الجدار ان به شرخا؟..
سنمشي سويا كثيرا..وستصحو من النوم..لتجدني ارتديت جلبابك الابيض ..ورسمت شموسا وزهورا علي اوراقك المهمة..لتوبخني وانت تبتسم علي الطفلة التي تحبها..سنجري تحت المطر..و ستغطيني بمعطفك الشتوي..ثم تجد البرد ينخر العظام..فتاخذني في داخلك افضل..
ستقتلني غيرة..انا اعرف..واخاف..
ساسمعك كثيرا..ليس بامكاني الا السمع..هناك اشياء تفرض نفسها علي الساحة..كلماتك الرهيفة الرقيقة من بينها..ومن انا لكي اصم اذني عنك؟.
يعجبني فيك..انك انتهكت نقطة ضعفي..الوضوح..ليس بعد "اريدك" شئ..
فقط..امنح السنابل وقتا كي تنمو برفق..راعني..اطل من ليلي كما تريد..لا املك ما اعدك به..وليس الامر بيدي في النهاية..فقط..اعلم..اني علي قدر استطاعتي سامنح..لاتطلب انت..قدر استطاعتي انا.. سامنح..
التفصيلة الثانية
ممكن اما تشوفيه تاني..ماتنحيش كده؟!

-في ميدان التحرير..انا..و صاحبتي نورا..نازلين المترو..الساعة 7 وحبة كده
انا:والله زي مابقولك كده..مابقاش زي الاول
نورا:يابنتي كله هبل
انا:يالا..اهو شغل..
نورا تنظر علي احد الاشخاص الصاعدين السلم و تنظر لي
نورا"....
انا ابصلها مستغربة انها وقفت الكلام..و اتنكش بقي
انا:... احمد العايدي؟!!!!!!!!!!!!!!!!0
نورا:اعتقد كده..انا استغربت اما انتي ماقلتيش حاجة..المفروض انك عارفاه اكتر مني!
انا:طب مستنية ايه يا ماما؟؟؟ياللا وراه بسرعة!
نورا و انا جري عالسلم لفوق-وده اصعب طبعا- وقفنا علي اول السلم..مش شايفينه..و احنا الاتنين اتعمينا..وانا اتنكشت بقي..خلاص دخلت في موود الضياع..
انا:والله احنا بنهرج..يعني ايه يبقي معدي من جنبنا و نسيبه كده؟
نورا:يا بنتي استحالة يكون مشي..ده لسه طالع حالا و احنا نازلين
انا:ماهو اصله بيختفي يوم الاربع!!!!!!!
نورا:اهو يا بنتي..كان بيشتري الجرنان!
انا:طيب يالا نروح نكلمه
نورا:اجري يابنتي الحقيه
انا:طيب تعالي معايا..انا هروح لوحدي؟!
انا امد شوية..اشده من الشنطة اللي كان ماسكها فيقف و يبصلي..و يكلمني..
(ده كلام لوئام..عشان هي عندها مشكلة..البوست خلص كده للي عايز يروح)
-ممكن ماتنحيش كده تاني؟..ممكن يا ماما اما تكلمي تبقي منطقية شوية؟..ايه؟ فرحانة بالمراهقة اللي انتي فيها ولا ايه؟انه لسه في حد قادر انه يخليكي تنبهري بيه كده؟ طب ايه ذنب البنت المسكينة صاحبتك..كل شوية تساليها "هو انا متنحة اوي كده؟"اه انتي متنحة..فكي..والبنت واقفة مركزة معاكي و بتضحك كييك مش عارفة تكلم..والمسكين التاني بيجر الكلام..كل ده عشان سيادتك كنتي"متنحة اوي كده" فيه ايه مش مجمعة ليه؟..براحة علي نفسك..وبطلي معيلة..هو بيفهم جدا و اوبن مايند يا بنتي..و مش هيرفض طلب بسيط و منطقي و عقلاني زي ده..المرة الجاية اما تشوفيه..قوليله حاجة واحدة بس..و هو هيفهم.."ممكن احضنك من باب الاتساق مع النفس؟"

التفصيلة الثالثة:
لاترهن نفسك يا شعاع النور
ليس هذا كل شئ..طبعا..هذا لك..انت وحدك..لازال هناك وقت..عندما التقينا..فبدأ الزمن حساباته الرخيصة..و بدأ العد التنازلي لاخر لقاء لنا..لم يكن احد يدري ان هذي النهاية..هي النهاية..اقتربت الفراشات من النور الذي نجح في اغوائها..وللاسف لم تحترق..ياليتها كانت انصهرت..لايدري النور اي شئ يضيع..ولا اي شئ يبقي..غارق في تفاصيل اليوم..من فضلك يا شعاع النور..عندما تتذكر الماضي..لا تبكي علي الحاضر..ولا تنتظر المستقبل..لاتطمع بما ليس لك يا شعاع النور..كن حذرا في اختياراتك..ماذا لو اخطأت هذي المرة ايضا؟ و ماذا لو اصبت؟ اعقلها يا شعاع النور..تمسك بالامل..ولاتتمسك بالمثل..لكم اضاعتنا و اضعناها..افعل فقط مايحلو لك..مايجعلك سعيدا..افعل مايجعلك تستمر..
يا شعاع النور...لا تترك الفراشة تنتظر كثيرا..

sabrina said...

كل سنه وانت طيبه و
happy new year not tear
فيه ناس بتقعد أكثر من كده لحد ماتكتشف الي انت اكتشفتيه
ماتقلقيش لسه يامه هتشوفي وتعرفي

إبـراهيم ... معـايــا said...

هوا أكثر حاجة عجبتني إسم المدونة ، وبعدين قلت أعدي أقول لك كل سنـة و إنتي طيبـــة


تحياااااااتي !

sherif gharib said...

كل سنه و انتى طيبه يا لميا
و يا ريت ترمى ورا ظهرك كل اللى فات
اللى حلو منه خليه ذكرى و الوحش فى اقرب صندوق و ارميه
يعنى ما تحسبيهاش قوى كده علشان الامور مش مستحمله
كل سنه و انتتى بالف خير و خلى بالك بقى السنه ديه على صحتك شويه

الوردة السوداء said...

حسبنا الله ونعم الوكيل
بقى تتكلمى عن كل الناس
شكرتى ماما وبابا
وشيماء
ومتقوليش وردة حببتك

بقى كدة
تحبس صاحبك ياابو نسمة

عموما
انا عايزة اقولك
انى برده السنادى
بطلت احب حبيبى اللى كنت بحبه من تلت سنين

يظهر ان ده الوقت المحدد لكل العلاقات
كل سنة وانتى طيب ياقمر

No Fear said...

السلام عليكم
كل سنة و أنت طيبة
و يارب السنة دي تكون أحسن من كل السنين اللي فاتت

Anonymous said...

ويمضي العام بعد العام بعد العام
وتفصل بيننا الايام
فلا انتي التي كنتي
ولا انا فارس الاحلام
u know

LAMIA MAHMOUD said...

همس الليل
اكيد السنة دي كانت الحلو فيها اني عرفت ناس من التدوين كتير لحد دلوقتي كلهم ناس كويسة زيك يا قمر . وربنا يخليلك كل حد بتحبيه
وصدقيني انا مش زعلانة من الناس اللي مفهمتنيش او اللي اسائو الفهم لان معنى كده اني مكنتش اساوي عندهم قيمة كبيرة .. ربنا يخليكي يا جميلة وكل سنة وانتي طيبة



بجابيجو
كتير فعلا بنرسم في خيالنا حاجات كتير عشان ندي نفسنا المبرر نكمل في حاجة مفيش منها امل بس في الاخر بنكتشف ان ده كان تضييع في وقت من العمر لا يمكن استرداده .. المهم ما نكتشفش ده بعد فوات الاوان
كل سنة وانتم طيبين


هشام
انا اكثر تفاؤلا صدقني .. ما احنا قلنا في حاجات كتير على قد ما بتهد على قد ما بتبني .. ومفيش تعدي حدود ولا حاجة
كل سنة وانت طيب:)



انونيموس
هي دي تدوينة وئام فانتي وئام ولا بس الكلام اللي من التدوينة عندها
عموما كل سنة وانتي طيبة لو وئام
وايا كان كل سنة وانتم طيبين



صابرينا
happy new year:)



ابراهيم
وانت طيب
اسم المدونة من شعر فاروق جويدة



شريف
وانت طيب



الوردة السودة
منورة يا جميلة .. انساك ازاي انساك ده كلام اهو ده اللي مش ممكن ابدا
الا هو صحيح انتي شايلة التعليقات من المدونة ولا انا اللي الجهاز عندي بيهرتل
وحشاني يا قمر
كل سنة وانتي طيبة:)
وبالنسبة لحوار الوقت المحدد فانا الوقت كان اطول من كده بكتير
التلت سنين دول كانوا سنين بعد مش ارتباط:(


no fear
وانت طيب ويارب ليك انت كمان


u know
تغير كل ما فينا
تغيرنا
زمان كان يسعدنا
نراه الان يبكينا
كل سنة وانت طيب:)

maf2ou3a said...

happy new year

Anonymous said...

لمياء حبيبتى الرد متاخر بس انتى عارفه ان الواحد بيعدى عليه ايام التفكير بيخده حتى من نفسه كل سنه وانتى طيبه ومش هاقدر اقولك من غير دموع لان الدموع مرتبطه بقلب ومشاعر واعتقد اننا لن ننسى قلبنا ومشاعرنا لو كنا نعرف كنت انا اول واحده تتمنى كده لان الجرح مرتبط بقلب ومشاعر بس برضه الامل كويس ولو ان كل عام بيعدى بنتمنى الى بعده يكون احسن ولكن كل عام بيعدى برضه بالامه وعذابه نتمنى اننا نقابل القلب الى يرجعلنا حنين السنين الى فاتت من عمرنا بس انتى لسه قدامك عمر جميل ربنا يسعدك ياحبى وتكون السنه دى علاج لالام السنه الى فاتت بنت عمتك الى بتحبك جدااا سلمى

LAMIA MAHMOUD said...

مفقوعة
happy new year


سلمى
ازيك يا بنت
تيجي متاخر احسن من انك ما تجيش خالص
كل سنة وانتي طيبة يا جميلة:)
وانا كمان بحبك

بين الأمل و اليأس said...

عادي يابنتي سنة زي اي سنه
كل عام وانتي بالف خير وعيد مبارك يارب
وياستي كلنا بنمر بالحلو والوحش لكن صدقيني الليوم اللي يعدي من غير منعرف الشخص اللي قدامنا قيمته عندنا
يبقه لازم نعرفه اليوم اللي بعده هو غالي قد ايه
لكن خدي بالك ممكن يكون فيه بكره وانتي او هو مش موجود فيه ساعتها التأنيب هايكون صعب اوي
وربنا مايحرمك من احبابك او اصحابك وتعيشي حياة سعيده وسط اهلك وبيتك
وربنا يرزقك بابن الحلال
وربنا يسترها

we2am said...

يا عم الانونيموس
الامانة بتقتضي انك لما تعوز (او تعوزي)توصل مشاعر او مسج معينة..تقول كلام بتاعك..او علي الاقل تقول مصدره..انما الاساليب الدنيئة اللي ملهاش لزمة في بلوج اطلاقا..من فضلك مالوش داعي..
لمي..انا احترمت اني بلوجك يا بنتي..لان لو ماكنش كده..كنت ****..وانتي عارفة
;)

LAMIA MAHMOUD said...

بين الامل والياس
كل سنة وانت طيب



وئام
والله يا وئام شكرا على احترامك ليا .. بس انا فعلا مش فاهمة الاخ او الاخت عايزين يوصلوا اية من كتابة البوست بتاعك
ده غير بقى ان الامانة فعلا تقتضي انه يكتب مصدره
مع احترامي التام للشخصية ايا كانت ياريت في المرة الجاية توضح الكلام منين
وتوضح القصد من الكلام

dead man said...

هذا الفراغ قاتل.. أسوأ من كل جروح العام.. ومن الصعب أن تملآه كل أفراح العام القادم سوى فرحة واحدة .. علي نفس مقاس الفراغ.. أتمنى أنك تفرحيها في السنة الجديدة

and i think with that space u cant cray happy tears.. i wish u have ur happy tears that year.. and never cray againe

LAMIA MAHMOUD said...

dead man
مفيش مكان للدموع .. جايز لان الفراغ ما بيسيبش اي نوع من انواع المشاعر

يا ميت ندامة على القلوب الخلا
لا محبة فيها ولا كراهة ولا
حتى يا قلبي الحزن معدش فيك
معلش ليك يوم برده راح تتملا
(جاهين)