Saturday, January 13, 2007

بعثرة

أيعقل ان يكون ما تمر به صدمة نفسية .. تلك اللحظة من الحظات التي يتمنى الانسان فيها لو يصاب بفقدان ذاكرة جزئي .. لموقف معين في حياته .. او ان يفقد البصر حتى تنتهي تلك اللحظة ويسترده مرة اخرى .. غريب ان تحاول تحليل حالتها .. والاغرب ان تفتقده هو بالذات في تلك اللحظة .. لو كان معها لم تكن ستتعرض لاي شيء .. لم تكن ستحمل هم اليوم التالي .. كانت تعرف انه سيكون هناك ومعها .. ولكن مع الاسف
*************************
لماذا هذه المرة دون عن المرات السابقة ترفض حتى سماع الاعتذار وليس فقط قبوله .. ترفض حتى تكملته .. هي تعرف تلك اللحظة التي يعتذر فيها ليوجد لنفسه السلام الداخلي حتى قدوم المرة القادمة التي سيجرحها فيها .. كثيرا ما قبلت الاعتذارات بقلب نقي .. اين الاختلاف اليوم
**************************
بكرة اروح يا ناكرة خيري
"حسك في الدنيا يا ابا"
**************************
كثيرا ما جلست تنظر اليه وهو يطلق تلك الضحكات الساذجة .. كثيرا ما اختصرت عالمها في تلك الضحكات .. اليوم تجهد ذهنها لتحاول تذكر شكل ضحكته
**************************
انه وغد وخائن وقد يتحول تحت اي ظرف من الظروف الى قاتل او سارق .. ولكنه يحبها بالفعل .. يحبها جدا
**************************
توقف عن اخباري انني لم يخلق مثلي على تلك الارض فمثلي الكثيرات .. والكثيرات .. بل هناك افضل مني
توقف عن اخباري كم هي جميلة عيوني .. فأنت لم تراها في جميع حالاتها بعد .. لم ترها منيقظة من النوم ومازال يملؤها النعاس .. لم ترها وهي تنظر اليه .. لم ترها وهي مملؤة بالدموع .. ولم ترها ضاحكة .. ولم ترها في اصعب حالاتها وهي تضحك من الالم ..ولقد تكفلت باخفاء تفاصيلها عنك فلم اخفي فقط احاسيسها بل حرصت حتى على اخفاء لونها الحقيقي
*************************
عنيك حلوة قوي
عنيا حلوة عشان بتشوفك
"انت اللي باقي من الاحلام"
*************************
ان توقف قليلا عن متابعة الليل في شعرها وتوقف عن محاولة التخيل ليصل بذهنه كيف نحت خصرها تحت هذه الملابس .. ان امهل نفسه دقيقة يحاول فيها ان يتابع تفاصيلها .. ان.... ان .... ان
*************************
دائما ما لام عليها لكثرة ضحكها .. كثيرا ما اثار اعصابه انهما يتشاجران اليوم ليجدها اليوم الثاني تضحك فقط تضحك
"اضحك في الضحكة شوكة بتضحك من الالم"
*************************
غدا ساصير انحف
غدا ساصير اجمل
ولكنك ابدا لم تكوني ممتلئة الجسم او قبيحة
ولكنه يعشق كذا وكذا وكذا
سحقا لها لقد كانت تعشق السمر وقد كان ابيض البشرة ولكنها كانت تعشقه .. لم تفكر يوما انه فقط لو حاول تغيير لون بشرته
حمقاء .. ساذجة كانت هي
**************************
لماذا تعشق الرقص على اغنيات حزينة؟
**************************
معه فقط تشعر انها تستطيع البوح وقول كل شيء .. كل شيء .. لن تجمل مواقف ولن تعطي تبريرات .. فهو خالي من اي زيف او ادعاء
**************************
ياااااااااااااااااااه .. كم انت مزيف .. بالفعل مزيف
**************************
فقط لو تستيقظ يوما وتجد امامها اي شخص اي احد يحمل بيديه زهرة .. فقط لو .. لو
*************************
ساعات احب حاجات ميحبهاش غيري
**************************************
تفتقد قلبها كثيرا

29 comments:

Amira Hassan said...

لماذا تعشق الرقص على اغنيات حزينة؟


يمكن عشان-من راي- ان الرقص نوع اخر من انواع المعاناة..او بمعنى اصح تفريغ طاقة..البوست حلو اوي يا لمي...

Anonymous said...

فقط لو تستيقظ يوما وتجد امامها اي شخص اي احد يحمل بيديه زهرة .. فقط لو .. لو

:(..ana mokt2ba 2sasn hoa ana n2sa ye3ni...kolna bn7lm beli yegblna rose but even if u wake up & didn't find him ..i promise u eny i'll bring u a boquet of rose ya bnty not a single rose:)
el post mwg3 2wii ya lmy..mesh 3rfa leeh el7ozn b2a goz2 mna kda

ana shaimaa 3la fkra bs fe 7war tweel kda be7sl fm3l2tsh bel blog :)

LAMIA MAHMOUD said...

ميرو
الرقص فعلا تفريغ طاقة مش شرط يعبر عن الفرح ..
شكرا يا معلمة


شوشو
سلامتك من الاكتئاب بس ده كان اكتئابي الخاص :)
مقصدتش اوجعك يا جميلة
وبالنسبة لحوار الورد انا قلت اي حد يعني الحدق يفهم
محددتش يبقى مين:))))))))))

Anonymous said...

جميل يالومى ياحبى بس حوار الورد ده بقى خدعه فى هذا الزمن بصراحه انا بحس ان اصلا مابقاش فى ورد الورد مات فى الزمن ده الى موجود كله صناعى وذائف واعتقد اننا لازم نرقص على الاغانى الحزينه فهى المتبقيه لنا لنرقص عليها ولكن للاسف من غير شريك فهى رقصتنا المنفرده على مامضى من ذكريات الوهم الكبير الى كنا عايشينه طبعا انا فى مود مالوش ملامح بس فى كل احوالى بهنيكى على المعانى الحلوه دى سلمى

Anonymous said...

على فكره نسيت اقولك اننا لما بنعشق مابنشوفش اصلا الالوان والقلوب بنبقى فى البنج لسه مافوقناش سلمى

sara said...

صباح الخير
بعثرة حلوة كتيييير
كمان حساسه
شكرا يا جميل

smraa alnil said...

**************************انه وغد وخائن وقد يتحول تحت اي ظرف من الظروف الى قاتل او سارق .. ولكنه يحبها بالفعل .. يحبها جدا

ان كان احبها حقا فزمانه تعلم الفضيلة والتوبة لان الحب الحقيقي
يطهر الانسان
والرقص علي اغاني حزينة بيبقي اروع الرقصات
ومن استطاع الرقص عليها كان اعظم الراقصين
لان مش في اجمل من التعبير بالحركة حتي عن بكانا
بجد بوست روعه اوي
عجبتني مبعثرتك جدا
تحياتي

Anonymous said...

الاختلاف انها توقفت عن قبول الاعذار بسبب ضياع السبب المؤدي الى قبول اعذار واهية منذ البداية .. مات اخيرا احساس كان مقدر له ان يموت

ربنا يخليلها بابا يارب راجل طيب اوي ويتحب اوي وضحكته سابقاه عصبي معاها شوية بس بيحبها قوي

اول مشهد ما فهمتوش :(

اعتقد انه لو كان بطل يشوفها فعنيه بقت وحشة قوي
يا احلى حاجة شافتها العين انت عارف عنيا بتعشق مين؟

في كل مرة كان يضحك فيها كنت المس نجم من نجوم السماء;)

غبية انها حاولت تغير اي حاجة في نفسها بدون اي جهد هي اجمل وارشق

لماذا تعشق الرقص على الاغنيات الحزينة؟
ده سؤالي انا كمان

والورد بقى يتجاب للورد معقولة لحد دلوقتي مجالكيش ورد;)
طولت قوي صح؟
u know

Oreka d'jadrool said...

على طول بقول عليكى جميلة يا لميا

بجد الكلام أثر فيا جدا لدرجة ما تتوصفش يعنى

Amira Hassan said...

رسالة للأخ u know

بالنسبة للرقص انا رديت في اول تعليق و اعتقد انه راي لمي برده

و بالنسبه للورد فهي شبعت ورد اظن من زمان من مكتر ما جالها بس اظاهر انها حنت للورد تاني

we dont know

21arestoo said...

حلو

linda said...

حين تكثر الأعتدارات يتحصن القلب بالكبرياء فعالم الفرص قد ينتهي امامنا في اي لحظة من اللحظات

كثيرا ماينصهر قلبنا امام اعتذار محبوبنا فنغفر بسداجة مطلقة وحين نخطيء يرفضون حتى سماعنا
أي عدل هدا؟

صديقتي لمياء...جميلة هي رقصاتنا على الأغاني الحزينة فهي تنعشنا بالدكريات
وغالية هي لحظات الذكريات لذالك لا تيأسي

اما عن أنتظارك لذالك الشخص بالوردة او بكلمة او حت بنظرة فسيأتي وقته في الزمن المناسب مع الشخص المناسب ايضا

لمياء لما لا نعمل على نسيان الماضي البشع معا علنا ننسى بعض الوجع او حتى نخدره لفترة ما

تحياتي عزيزتي

LAMIA MAHMOUD said...

سلمى
يا ستي صناعي طبيعي مش مهم .. المهم ان الوردة تيجي من حد صح .. صديق او صديقة او اخ او حبيب .. بس حد صح
وبعدين الرقص على الاغاني الحزينة لا يحتاج الى شريك .. انا لو حعوز شريك في رقصاتي يبقى على الاغاني الفرايحي بس:)
بالنسبة لحوار الحب والالون فالحب ليس اعمى فقط هو مصاب ببعد المظر فلا يدرك الاخطاء الا حينما يبتعد


سارة
الله يخليكي يا جميلة .. مبسوطة قوي انها عجبتك :)


سمراء النيل
في مثل بالبلدي جدا بيقولك ديل الكلب عمره ما يتعدل
اذا كانت طباعه انه وغد وخائن فمن الصعب جدا ان يتغير
مش مستحيل بس صعب والحب مش قصر على النفوس الطاهرة والا كده محدش خالص حيحب
لاننا مش ملايكة
ومتفقة معاكي في حوار الرقص على الاغاني الحزينة وفعلا اروع تعبير عن حالة حزن
احيانا بيعتبر نوع من انواع السخرية من الحزن بالرقص
نورتيني يا جميلة



u know
توقفت عن قبول الاعذار الواهية .. لعدة اسباب .. موت الشعور وان بعض المواقف لا تحتمل اعذار واهية
ربنا يخليك:)
وانا مش حشرح المشهد اللي مفهمتوش

والله معرفش حوار عنيه بقت وحشة ده بس اعتقد انها لسة حلوة

اه عارفة انا الجملة دي واحدة اعرفها قالتهالي مرة:)

موضوع الغباء ده بقى مش موافقة عليه لو الحب غباء فما اكثر الاغبياء وقد تكون اولهم

الرقص على الاغاني الحزينة ده شيء لن يفهمه الا اصحاب القلوب القوية

وحوار الورد احنا زهقانين ورد بس انا بتكلم عن الورد من الناس الصح

وزي ما اميرة صاحبتي قالت ولاننا اصحاب زي بعض في كل حاجة :)
we don't know


علا
انتي اجمل يا بنوتة .. احلى حاجة ان الكلام وصلك


ميرو
حبيبة قلبي شاكرين مهللين:)
k


ارسطو
شكرا


ليندا
حين تكثر الاعتذارات لا تصبح اعتذارات فالاعتذار يعني عدم تكرار الخطأ ولكن مع تكراره فلا مكان للاعتذار

لا عدل .. حينما نظلم انفسنا لا مكان للعدل بعد ذلك

اعشق الرقص على الاغاني الحزينة .. ولا وجود لليأس بالفعل من فترة حلوة يعني:)

لا انصح بنسيان الماضي او الوجع فان فعلنا عدنا بنفس السذاجة
فقط انصح بان نكمل الحياة ونتعلم من ماضي سيظل حي

احلى حاجة في الكومنت بقى كلمة (صديقتي لميا) :))))))
اتمناها تكون صداقة بالفعل

sherif gharib said...

لميا
انتى مازلتى مصره انك تعذبى نفسك لسه متمسكه بالكره للشخص نفسه لسه بتحاولى تثبتى لنفسك انه خسر كل حاجه
ز انه بالفعل خاين و يمكن ان يتحول الى قاتل
عارف ان فيه حاجات كتير بتعلم فى الانسان لكن انا بشوف انه لو بجدانتهى بالنسبالك
مش هتفكرى اصلا انك دلوقتى بتكرهيه او بتحبيه
لانه ببساطه هيتحول لشىء مهمل معلش انا يمكن قلتلك كلام مش من حقى انى اقوله بس حسيت انى عايز اقزلهولك
و بعدين ايه موضوع الرقص ده
مش قلنا مالناش فيه
و اللا هو لازم تبقى الاغنيه حزينه كده ما يبقاش رقص يبقى تنفريغ طاقه
فكيها بقى
سلااااام

LAMIA MAHMOUD said...

شريف
اولا انت خلطت بين اكثر من موقف على اشخاص متنوعة ومواقف مش عني ومواقف عني
حاول تفهم البوست واقراه تاني او اسالني وانا اقولك
انا مكنتش اقصد الشخص اللي في دماغك وانه ممكن يتحول الى سارق او قاتل لان ده مستحيل
لان الانسان مش معنى انه اتجرح من حد او ان حد جرحه يبقى يقف يقول كلام مش فيه الشخص اللي في دماغك انقى من ان يكون مزيف والانسان اللي ميعرفش الزيف ميعرفش يكون بالدناءة اللي انا قلتها
قد يخطئ وقد يجرحنا وقد نكرهه ولكن ابدا مش حننساه ومش حيكون كل الكلام البشع ده
وانا مش مصصمة اثبت مين خسر ومين كسب لاني مكنتش داخلة حرب
ومن الاخر من الواضح فعلا انك اتكلمت في حاجة مش بتاعتك وحكمان مش في مكانها
دي مواضيع وبوستات يا شريف مش مكان للمناقشة في امورنا الشخصية
قم ممكن تكون المواقف دي مش من حياتي اصلا
والاكيد بقى ان الشخص اللي انت تقصده حتفضل مشاعري بالنسبة ليه مغلفة بغلاف من الاحترام
فبرغم ضياع الحب لن تضيع ايام العشرة
سلااااااااااااااام

cigara... said...

تبعثرني
في
الكون

Mony The Angel said...

hwa eh door al ekt2aab aly mashy 3aleeko beldoor da :(
7'ally balek mn nafsek ya amira..
alpost y3a2ad ya lemo bgad..
msh 3arfa a3ala2 a2ool eh fe3lan..
helw awe al comment bta3ek almaraady :)
w 3agabetny kaman moda7'let amira kaman :)
i'm sure u know what i'm talking about ;)
w da bokay ward b7aalo ya sety 3shan matez3aleesh hope bas eny akoon had melnaas al sa7(FFFFFFFFFFFFF)

بين الأمل و اليأس said...

بلنسبة للاعتذار احيانا يكون القلب مل من الجرح والمداواة واصبح على يقين بانه اعتاد الجرح فيرفض الخضوع للاصلاح في كل مره ينجرح فيها على الاقل هايستريح من كثرة المشاكل

كويس ان الانسان باستطاعته النسيان
رغم ايماني باستحالة الموقف

عنيك حلوة قوي
عنيا حلوة عشان بتشوفك"انت اللي باقي من الاحلام
ياه امل كبير في انسان اكيد ملوش مثيل


حقا ان الوردة لاها الف تأثير والوانها لا الف معنى
واهمها الوردة البضاء عن صداقة جميله والحمراء عن المحبه
بس الناس مش فاهمه ان جمالها وقتي مجرد ماتنزع من ارضها تصبح زمنيه
فهل نقبل بالفرحه الزمنيه
رغم ان معناها كبير

بس بجد احسنتي التعبير عن احاسيس متفرقة بين الحنين والحزن والكره والزيف والجمال
اسلوب رائع ومشاعر نابضه
وربنا يسترها

cat_eyes(همس الليل) said...

معه فقط تشعر انها تستطيع البوح وقول كل شيء .. كل شيء .. لن تجمل مواقف ولن تعطي تبريرات .. فهو خالي من اي زيف او ادعاء
**************************
ذلك هو حبيبى باختصار
كلامك فيه عمق غريب نفسك فيها الكثير
انا بقرا الناس زى ما بقرا فنجان القهوه
متزعليش

LAMIA MAHMOUD said...

سيجارة
كلنا مبعثرين في الكون .. باختلاف الشخصيات


موني
معلش بقى تاعبينك معانا في ادوار الاكتئاب بتاعتنا :)
بس عادي حتعدي ما تقلقيش
بالنسبة للكومنت انا فاهاكي طبعا مبسوطة اني ما خيبتش ظنك زي قبل كده وانه عجبك ومداخلة اميرة عجبتني انا كمان جداااااااااان
اصحاب بقى:)
شكرا على بوكية الورد جدا جدا يا جميلة واكيد من الناس الصح مادام القلب صافي ونقي فلازم تكوني من الناس الصح
(K)



بين الامل واليأس
لو على الاعتذار فمش بس فكرة ان القلب قد تعود الجرح ورضى بالانكسار رأيك صح بس في رأي تاني بيقول ان ممكن يكون القلب قد اصلح اخيرا ويرفض قبول الاعتذار لعلمه التام بأنه سيؤدي الى انكساره مرة واخرى .. وعلمه التام ايضا بمدى صعوبة الاصلاح

يستطيع الانسان نسيان تفاصيل الاشخاص ولكن ليس الاشخاص نفسهم
نسيان تفاصيل المواقف ولكن ليس الجروح الناتجة عنها
ولما بننسى التفاصيل بنعدي اهم مرحلة

فعلا امل كبير في انسان (كان) ملوش مثيل:)

الوردة يبقى شذاها في اليد التي تقدمها واليد التي تقبلها حتى وان داسوها بلاقدام فالورد لم يكن ابدا سعادة وقتية .. فانا ارفض السعادة الوقتية لانها لما بتروح بتسيب الم دائم

شكرا ليك:)




همس الليل
ربنا يخليلك حبيبك يارب:)

معه فقط تشعر انها تستطيع البوح وقول كل شيء .. كل شيء .. لن تجمل مواقف ولن تعطي تبريرات .. فهو خالي من اي زيف او ادعاء

وهذا هو صديقي بدون ان ازيد حرف

we2am said...

eh ya mama feh eh? ana 2lby etday2 awe.."etb3trt"fe3lan..3agbny 7agat kter awe"wag3tny" 3arfa lama tsm3y "brra elshbabk"? nfs el 27sas galy w ana b2ra el post..
لماذا تعشق الرقص علي الاغنيات الحزينة؟

يااه..انت طلعت مزيف اوي؟
و...و...و..
3gbny agza2 kter awe..aslan el mix 3bqry..te7by arodlk 3la 7d hena wla eh el nezo? :D

nour said...

لماذا تعشق الرقص على اغنيات حزينه
تنحت قدام الكلمه دى
جااامدة
جميلة اوى يا لميا
يخرب بيت عقلك:)))

linda said...

لمياء عملة تاج وياريت تعملي زيو

LAMIA MAHMOUD said...

وئام
مفيش حاجة يا بنتي اهي بعثرات وخلاص وبعدين انا دلوقتي ممكن ارقص من الفرح عشان خاطر البق بتاع اغنية برة الشبابيك ده اكيد انتي طبعا بتبالغي .. سوري بقى ان قلبك اتضايق ما انتي بتعمليها فيا كتير اشطة يعني:)
ياااااه طلع مزيف اوي:(
لماذا تعشق الرقص على الاغنيات الحزينة؟
تفتكري ليه يا وئام
حوار انك تردي على حد هنا والله لو حسيتي انك عايزة تردي على حد ردي زي كومنتاتك يعني
زي بيتك برده:) وبعد كده اللي بيعلق عند وادة فينا يعمل حسابه ان فيه خمسة عشرة واقفين مشمرين:)))))



نور
هو واضح ان كل اللي معديين من هنا بيعشقوا الرقص على اغنيات حزينة وبس

سلامتك من التتنيح وبعدين اية يخرب بيت عقلك دي
اهو انتي :)
شكرا يا جميلة


ليندا
علم ونافذ يا فندم
انا اقدر اردلك طلب برده:)
بس حتلاقيه على المدونة التانية بقى بكره ان شاء الله

frozen love said...

allah....3gbny trteb elafkar elb3thra nfso..i think eno sab 7aga kda gwaya f3lan..nice ya lamia


ن توقف قليلا عن متابعة الليل في شعرها وتوقف عن محاولة التخيل ليصل بذهنه كيف نحت خصرها تحت هذه الملابس .. ان امهل نفسه دقيقة يحاول فيها ان يتابع تفاصيلها .. ان.... ان .... ان


nice part da belzat...gamda

Amany said...

البعثرة هو انسب عنوان لكل المشاعر المختلفة داخلنا لاننا اصدق وصف لكل الحاجات اللى بنحبها وممكن تكون حاجات مش لايقة مع بعضها

LAMIA MAHMOUD said...

حامد
اتمنى اكون رجعت للمستوى اللي كنت بتقول عليه وانه يكون ساب حاجاة جواك فعلا ساعتها يبقى انا في اسعد حالاتي ..
الجزء اللي نقيته ده يثبت انك بتفهم والله:)
شكرا يا باشا


اماني
هي تمشي بعثرة ولخبطة كل الكلام المترمي جوانا:)
شكرا يا جميلة نورتيني

dead man said...

عنيك حلوة قوي
عنيا حلوة عشان بتشوفك

LAMIA MAHMOUD said...

DEAD MAN
I think 2nk brdo 7tet7om 3la b3d w 3ml n3ak tarkrba tanya:)