Monday, January 08, 2007

بلا موعد


مزيج من أغاني فيروز ومنير تنبعث من سماعات جهاز الكمبيوتر .. قدح من القهوة الساخنة .. هدؤ تام .. لا صداع .. رائحة عطرة تنبعث من عود بخور رفيع .. لا تعرف ابدا لماذ تشعر ان رائحة البخور تنقلها الى زمن آخر .. زمن لم تعيشه ابدا ولكنها تتذكر .. احساس غامض
الرائحة تمتزج برائحة البن وأنغام فيروز لتصنع كونا بها
هدؤ .. صمت .. موسيقى .. رائحة بخور .. سيجارتها المفضلة
ولكن مازال هناك شيء غامضا ينقص تلك اللحظة .. تغمض عينيها وترجع رأسها للوراء
تتذكر صديقتها المقربة وهي تسألها : انا عارفة الحركة دي بتفكري في اية؟
فتعلو شفتيها ابتسامة .. بالفعل كانت تفكر .. ان تلك اللحظة هي من تلك اللحظات التي تحوى مزيجا عبقريا من الاجواء .. انها لحظة جديرة بأن تؤرخ ..فلماذا تشعر بنقصان شيء
قررت ان تكسر الصمت بارتداء ملابسها والذهاب الى ذلك المقهى التي تعشقه هي دونا عن بقية اصدقائها .. ستذهب وحدها
ذهبت الى المقهى .. وكالعادة طلبت قهوتها .. لا تستطيع الاستغناء ابدا عن قدحين في اليوم منها .. اشعلت سيجارتها .. جاعلة ظهرها لباب الدخول فهي لا تنتظر احدا .. ولن يأتي احد
فجأة داخلت رائحة القهوة والسجائر رائحة اخرى .. رلئحة عطر تختطفها من مكانها وتلقي بها الى سنوات مضت
وعلى المائدة المواجهة لها كان هناك صديقان يجلس بجوار احدهما طفل صغير
ابتسمت العينان .. وسارعت بانهاء قهوتها والرحيل
كيفك قال عم بيقولوا صار عندك ولاد
انا والله كنت مفكرتك برات البلاد
شو بدي بالبلاد
الله يخلي الولاد

30 comments:

shimaa said...

hya ra7t bakery wla eh ya lamia;)

gmela 2wii blr3'm en mfesh soda3 w

fe coffee w faurioz bt3'ny bs 7sa

like her brdo en fe something is missing

"kefk 2l 3m be2olo sar 3ndk wlad"
mesh 3yza me3ad like this yegy fe 7yaty..27sas bsh3..bs ana b3sh2 el song de

post gmeel y lmy w feeh shgn kda

Amira Hassan said...

حلو اوي يا لميا..بجد جميل و عيشني فيالاجواء اللي وصفيتها دي..و انتي عارفة كويس الاغنيه دي انا بحبها اد ايه...;)

LAMIA MAHMOUD said...

شوشو
اه يا شوشو هي راحت بكري لوحدها عشان اصحابها بيقولوا القعدة هناك منشية
فعلا يا شوشو رغم ان مفيش صداع وفيه قهوة وفيه فيروز بس فيه حاجة ناقصة مش عارفة اية هي
انا احط ايدي على السؤال اجاوب على طول
وبالنسبة للموقف يارب عمرك ما تتحطي في ميعاد زي ده
مش حلو خالص يا بنتي


ميرو
انا عارفة ان الاجواء مهمة بالنسبة لك يا فندم .. فمبسوطة اني عرفت اعيشك اجواء;)
for the song b2a ;)
w bs

بين الأمل و اليأس said...

دي لحظة هدوء يملؤها الحنين بس ياترى حنين لايه
اكيد حنين للجمال
بجد احساس راقي
وعجبني اوي تاثر البخور
وربنا يسترها

smraa alnil said...

لميا
ما اكتر اللحظات اللي زي دي

بتكون مؤلمة
بس دة قدرنا

تعرفي ان انا كمان بعشق البخور
خصوصا البخور العربي
لحظات حنين وابتسامة ذكري

بس اهي حياتنا
عجبتني اوي

Mony The Angel said...

maho da y7'aleeha ba3d kda tesma3 kalam sa7batha w taqtane3 ben al a3da henaak menashaia ;)
akeed e7sas msh 7elw ya lemo :(
bas wala yhemmaha ;)
(fffffffffff)

Anonymous said...

جميله جدا يالومى ياحبيبتى خلتينى بجد اخرج لحظات من الحزن الى انا فيه فيها حنين لزمن جميل وصوت فيروز الى بيخدنا بعيد فى دنيا خاصه مع رائحة البخور ياه يالومى ياريت الواحد يعيش الزمن الجميل حتى لو فى خياله بس ايه الى ناقص للاسف لازم يكون فيه حاجه ناقصه لانها لو كملت يبقى حلم جميل وزمن الحلم انتهى وان كان فيه شخص ايا ان كان ممكن يصحى الاحلام ولا ايه رايك .....رائع يالومى سلمى

LAMIA MAHMOUD said...

بين الامل واليأس
بالفعل حنين لشيء كان جميل:)
شكرا ليك


سمراء النيل
عطر يأخذك الى دنيا .. لحن يأخذك الى ذلك الوتر .. ضوء يحملك الى الذكرى
اهي حياتنا:)


موني
اه ما هي اقتنعت ان المكان هناك مش حلو قوي;)
بس سييبك انتي هي ولا هاممها:)


سلمى
اتمنى اني اقدر اخرجك من كذا حالة انتي حابسة نفسك فيها
اتمنى اني اعرف اشدك لدنيا غير اللي انتي فيها
(F)

rokaaa said...

جميل اوى احساسك بجد وعاجبنى جدا تعبيرك وحاسس ان انتى شخصيه مرهفة الحس
روكى

We2am said...

eh ya nas feh eh?elra7ma ya lmy :S
wlaaaaad? sar 3ndo wlaaad? :S :S

elkamhawi said...

لذيذ
بس حاسس ان المشهد ناقصة حاجة مش عارف اية هيا

maf2ou3a said...

allah

a very good connection of the situation with the song which is by the way one of my favorites

LAMIA MAHMOUD said...

rokaa
شكرا جدا على رأيك


وئام
اه يا وئام صار عنده ولاد:(
نعمل اية طيب



القحاوي
طيب حاول تعرف عشان تقولهالي:)



مفقوعة
شكرا يا جميلة
هي السونج عبقرية مش محتاجة فعلا ... ومعنى انها مفضلة عندك معني كده انك حد بيفهم
هي فيروز عبقرية

Anonymous said...

لمياء انا دايما بخاف من هيك لحظات وبحط حالي بيها وبحس بألم بيقطع بمعدتي

عن جد كيف قدرتي تجتازي هيك لحظة؟
وكيف تجرأتي على النظر للطفل؟
لمياء مهما اكن الألم يوجع تدكري انك نزفتي كتير مشان شخص مابيستاهل هيك نزف ومع هدا لساتو الجرح ماإندمل
فديري بالك على حالك


وتحياتي لقوتك بهيك موقف

Anonymous said...

انت الاساس وبحبك بالاساس
بحبك انت
u know

frozen love said...

سااعات زمننا فعلا بيقف بمزاجنا..وزمن الناس من حوالينا ماشي...كلمات جميلة قوي بس فيها حاجة غريبة عليكي في الاسلوب..مقدرتش احددها

تحياتي

LAMIA MAHMOUD said...

ليندا
الموقف كان صعب فعلا بس مش عشان جرح .. لكن لاني حسيت ان الزمن مشي بيه قوي
مشي بيه كتير
ويارب ما تتحطي في الموقف ده ابدا .. وانتي قلتيلي قبل كده ساعات كتير بنكتشف اننا اقوى مما كنا نتخيل:)


u know
"رغم العيال والناس"؟؟؟؟؟؟؟؟؟؟!!!




حامد
دي حقيقة
بس عادي يعني لو وقفت الساعات صوتي اكيد اعلى
بس اية المتغير في الاسلوب ومتغير للالى ولا للاوحش .. لينا قاعدة يا معلم

Mony The Angel said...

3agabteeny almaraady ya limo :)
keed U KNOW batkallem 3an eh ;)

كلمه said...

:(

همس الليل said...

فيروز.. سيجاره مور ..فنجان كاكاو سخن..رائحه برفان هريرا ..صوت شتا..وهوا جامد..بحر هايج
مترادفات لمعنى واحد حاله من الوحده وشجن عميق
على فكره فكره البوست فظيعه اوىىىى
وجميله اوى
لا يشعر بها الا ذو حنين عميق
فكرتك جميله اوى

LAMIA MAHMOUD said...

موني
فاهمة يا جميلة;)
اهو يا ستي عشان خاطرك انتي بس:)


كلمة
لاء مش فاهمة .. افادكم الله صحيح


همس الليل
حالة من الوحدة والشجن والاكيد انها حالة من الحنين
ناس كانت معانا وضيعناها .. وناس كنا معاهم وضيعونا
نورتيني

Dr. Tantawy said...

ما هي فيروز لوحدها مصيبه
و كتاباتك مصيبه
كده بقو كارثه

دي طريقتي في التعبير عن الرومانسيه وقت التجلي لما يبقى عندي امتحانات :) استحمليني

بس فعلا جميله و الاهم انها رقيقه .. كالعاده

Anonymous said...

لغة جميلة فعلا
وحلو الإحساس المنبعث من بين الشطور ده
تحياتي

سابرينا said...

ترجعي رأسي رغم العيال والناس
أنت الأساسي .....وبحبك بالأساس
حبك انت أه انت
أول مره سمعتها قعدت أعيط
وجعتني قوي
your post is matching with it

Anonymous said...

احساسك رائع

Anonymous said...

جوايا قلبي شجر مقلوع
بعطش اليكي واحن واجوع
u know

ساعه الغروب said...

حلوه اوى بجد

اجمل ما فيها انى حسيت انى موجوده فى نفس المكان وبعيش نفس الموقف

اد ما الواحد احيانا بيتمنى ينتظر هذا الاحد الا انه احيانا اكثر بيتمنى ما يواجهش الموقف ده


على فكره انا بحب الاغنيه دى جدا جدا

شكرا ليكى

LAMIA MAHMOUD said...

طنطاوي
مصيبة وكارثة ورومانسية .. صدقني لايقين على بعض جدا
شكرا لرأيك :)


تامر عفيفي
اللغة الجميلة هي هي الاحساس:)
ايا كان نوعه حتى الاحساس بالالم من الممكن ان تصدر عنه لغة جميلة مليانة بالشجن
تحيات متبادلة




sabrina
الاغنية رقيقة جدا وتلمس القلب .. البوست عن ايحاء منها اصلا واللي في اخره ده كان كوبلية منها:)



تهامي
شكرا:)



u know
طول عمري بحب الجزء ده من الاغنية دي
منير نفسه ليه (ذكريات) حلوة معايا

احلى حاجة في الذكريات اننا نسيبها ذكريات:)



ساعة الغروب
اكتر حاجة بتفرحني لما بلاقي حد بيقوللي انه حس انه موجود في اللي كتبته .. مش اني بكتب حلو ولا ان البوست كان يجنن
ببساطة لان اهم حاجة الاحساس
شكرا جداااااااااااااااااااااااان:)
انا بعشق الاغنية انا كمان

sherif gharib said...

لميا
حياه الانسان لو وقفت عند ذكرياته و عمد الاشخاص اللى كان يعرفهم او حتى اللى مروا عليه فى حياتهيبقى الواحد فينا مش هيكمل يوم واحد جديد فيها
جميل ان الواحد يدور على نفسه فى الحاجات ديه كلها جميل برده انه يحنلها
بس اللى مش مفيد انه يجيله و لو لحظه ندم انها فاتته
لان اكيد ربنا له حكمه فى كده
عامله ايه يا بنتى و ايه اخبار الامتحانات معاكى
ياللا ربنا معاكى كلنا لها سلااااااااااااااام

LAMIA MAHMOUD said...

شريف
معاك حق والله
الامتحانات اهي شغالة عك
ربنا يستر