Monday, October 02, 2006

تلك الجزيرة المنعزلة التي ادخلها خلال لحظات من بداية الحديث معك .. تلك البحار التائهة .. هناك شيء غامض بداخلي .. فحتى لصمتنا لغة .. منتهى الحيرة
كلما ذكرتك .. وللعلم فقط.. فهذا يحدث كثيرا منذ عرفتك .. افاجئ نفسي متلبسة بالابتسام
منتهى الروعة انك انت .. منتهى الاحتواء في صوتك .. اشعر به كصوت يدندن في السماء
منتهى العبقرية انك انسان بكل ما تحمله الكلمة من معاني


وكل ما ارجوه .. ان تكون بالفعل كما اراك .. والا تكون مجرد شخص عابر في حياتي .. قد تصبح اخا او صديقا او ..................... فقط .. لا اتمنى ان تصبح طيرا مر بروض ورحل

23 comments:

Diyaa' said...

ونا كمان بتمني كده بصراحة لأن كلامك عنه بيبين أن مفيش منه اتنين
يا رب متكون زي رنا كده خواطر في مخيلتك و نطلع بنعلق علي افتراضات
كل سنة و أنتي طيبة و حلوة جرعة الرومانتيكا دي

مـحـمـد مـفـيـد said...

والله الصيام بيجعلك في تجلي رائع

LAMIA MAHMOUD said...

ضياء
اي خدمة عشان ما خدش يقوللي اني قلباها نكد على طول .. اهو لعبتكوا كل الالعاب

محمد مفيد
ربنا يخليك بجد

shimaa said...

.. افاجئ نفسي متلبسة بالابتسام
منتهى الروعة انك انت .. منتهى الاحتواء في صوتك .. اشعر به كصوت يدندن في السماء
منتهى العبقرية انك انسان بكل ما تحمله الكلمة من معاني

f3ln ya bnty ama 7aga t5on2 ye3ny

bs lel2sf am sure eno just teer mr brod w r7l

LAMIA MAHMOUD said...

شيماء
اعتقد انا كمان انه كده وبس
مجرد طير مر بروض ورحل

No Fear said...

السلام عليكم
مش عارف ممكن يكون كلامي ده بسبب حالتي أنت حالمة زيادة عن اللزوم
أنا خايف عليكي بصراحة
الدنيا الواقعية في أشياء كتير مؤلمة

salateenoo said...

جميلة هي الأحلام

LAMIA MAHMOUD said...

no fear
يااااااه
انا واقعية زيادة عن اللزوم اصلا وبحلل كل حاجة .. وبتوقع الصدمات جدا .. وبخاف لما بفرح .. لو كنت قريت اللي قبل كده كنت حتقولي ارحمينا من النكد
بي صدقني مهما كنت متشائم لازم تتوقع الحلو زي ما تتوقع السيء وتعرف ان برده في ناس قليلة حتقابلها في حياتك حتكون تستاهل


salateenoo
بالفعل جميلة الاحلام .. والاجمل ان تتحقق
على شرط الا تفقد معناها بمجرد ان تصبح حقيقة

Unknown said...

كلماتك تبعث على الأمل
راائعة
كل سنة وانت طيبة

media said...

ايه يا بنتي الاحساس الجميل ده جميل يا لمياء ويارب ميكنش مجرد طير مر بروض ورحل

ody911 said...

يا بختووووووووووووووووا
دة مش حسد
دة قررر

LAMIA MAHMOUD said...

ابو امل
شكرا


لولا
يارب بجد .. ادعي


اودي
ليه بس حسد وقر من اولها كده .. لسه بنقول يارب فوق اهو
:)

أجدع واحد في الشارع said...

بجد هو احساس رائع واكتر من رائع كمان بس نفسى تكبرى الخط شويه عشان احنا نظرنا ضعيف حبتين

LAMIA MAHMOUD said...

اجدع واحد في الشارع
حكبر الخط عنيا ليك .. في كل البوستات الجاية

عمر said...

صباح الرومانسيه بصراحه كلامك لمس مشعري يارب يكون اقرب مما تتخيلى

الســـاحر said...

حلوة اوى الاحلام
وانا كا العاده عجبنى اسوبك الرائع وتشبيهتتك
الى الامام

LAMIA MAHMOUD said...

عمر والساحر
شكرا ليكو

We2am said...

7elw aweeeee ya lmy gameel..heya de el ktaba ya 3alam..ana kan nefse a7ot el post koloh w 2ol bas 7'als..to7fa..7ta law kan tyr mra browd..yakfe haza ele7sas.

LAMIA MAHMOUD said...

وئام
مش حعرف ارد عليكي هنا اول ما نقعد مع بعض يا جميلة

Anonymous said...

وفي رواية أخرى
أن الطير أراد البقاء
وود لو يتخذ من كفيك موطنه
لكنك نفضت يديك فارتحل

LAMIA MAHMOUD said...

anonymous
وفي رواية ثالثة ان ليس كل ما نتمناه ندركه . لقد اراد القاء في عش اتضح انه ملك لآخر .. ورفض بقية الصفات
اخ او صديق او........... عدة احتمالات وليس احتمال واحد فقط

-- said...

حتى لو حلم ورحل او لسه هايرحل

على الاقل انك استمتعتى ببتسامتك المفاجأة والسعادة اللى بتنزل كالقدر عليكى لما تشوفيه او تسمعى صوته

على رأى انسانه غاليه عليا جدا .. حتى لو طلع الموضوع فى الاخر على فشوش

اديكى فى لحظات اتبسطتى واستفدتى بحبه فرحه ماكانوش ع البال

عيشى بمزاج ;)

LAMIA MAHMOUD said...

زعرورة
حبيبة قلبي انتي والله .. انا رايي كده بردة
وعادي يعني مش لازم كل حاجة تنتهي زي ما حسبتيها
بس الرخامة ان الحلم يطلع مش شبه ما انتي تخيلتيه خالص
بس في الحالة دي بردة بيبقى ملوش تاثير قوي