عذراً لدم توافر بعض القصص بالمدونة لوجودها بمجموعتي القصصية الثانية
....
the painting is for
Belinda Del Pesco
skip to main |
skip to sidebar
بغلة العرش
ريبيكا لدافني موريية
صاحبة الجاذبية النفسية المهلكة ;)
seasone 3
U can download the movie by clicking on the pic
يا ورقي الاصفر عم نكبر .. عم نكبر
Facebook Badge
I'm now reading
بغلة العرش
A book with memories
ريبيكا لدافني موريية
My Mood
صاحبة الجاذبية النفسية المهلكة ;)
I'm now watching
seasone 3
آخر حاجة شوفتها تقريبا
U can download the movie by clicking on the pic
Poetry
ساعات باسمع
على سريرك
آهات بتونس الغربه
وبتصاحب .. بيوت الصبر
والحرمان
سواقي العمر ده لفت
وتعبت م الفرح والحزن
تقولش الدنيا كات حالفه
تموت زعلان
وباتذكّر
خطاك في النور
خطى خايف ل يتكسر
عشان خايف تعيش مكسور
وحالف ع البيوت تفرح
وتضحك في الوشوش كداب
مابانش المعنى في القصه
وزيف الفجر ع الابواب
ماحِلـْمتش البنات بعينيك
وماقدرتش
تلامس م السما شعره
وماوصلتش
لسر الفجر في الصوره
وكيف الواد
ماداقش النشوه في التأويل
وكيف ان الميدان مغرور
وكيف ان الغنا بالليل
بيكشف زحمة المستور
ويلعن ضِحكة العِمدان
تقولش الفجر كان عارف
بإن نهايتك اللي عشان ماصدقهاش
تكون في عينيه
في عز الصمت والحيره
وعز الوحده في الانعاش
خلاص مافضلش الا الموت
ولاجل يزيد مرارك .. مر
ويبقا الفجر متعلم بروحك وانت بتقول شعر
وتقرا الوِرد
للشارع وللماشيين
مفيش فاضل
ما بين الموت وبينك غير
يادوب لحظه
ماتتحسش
عشان عايشين
كبصة بنت ع الفستان
في نُص الشارع المردوم
تراب فتارين
خيوط مُرّه
تقيس البنت فستانها على المانيكان
يقيس الناس عليها الحزن
من برّه
شهادة طفل ان الشارع امبارح
ماكانش سعيد
عشان أصله
بيقرا الحزن في العواميد
وشايف من عيون صادقه
ملامحك خارجه م الجامع
برغم الدنيا داخله عشان
تصلي العيد
خلاص صدقت ان الموت .. قرار نافذ
وان مفيش زياره عشان ماتتعلقش بالحافز
خلاص .. هاتموت
مافيش داعي لدمعاتك
وموت مبسوط
وانا هافضل هنا ع الارض
أجيب سيرتك
وأقول الشِعر بالاكراه
وأوطّي الصوت
عشان ترتاح من الزيطه
واداري جيوب قميص الخوف
واسد الشق في الحيطه
وأخبي الفجر عن عينك
وهاستنى
صدور الأمر بالوحده
وصمت الآيه هايشيله
خلاص صدقت
إن الموت ماجاش عندك
وإن إنت بتمشيله
وإن الموت على سريرك
صديق الصمت والحيره
خلاص صدقت
إن الشِعر والإصحاب
ماجوش يزوروك
وان في قعدة القهوه
ماعدتش تيجي ع السيره
فلو جالك ملاك الموت
ماتضحكلوش
وماتدمّعش
عشان في الصوره تلمحني
واحس بعزتك .وانت
مابتسلِّمش للنهايات
وماسمعشي في طلوع الروح
بان القلب مات محني
وصَلِّي الوحده للاخر
وإضحك للكلام والصمت
وعَـلّي الصبر ع الآخر
ما ياما ضحكت واتلصمت
هاتشرق روحك البنور
عشان النور خلاص حاضر
وحضّر قلبك المجروح
عشان يُسأل
ورد بكل حزن وقول
أنا أشهد
بإن الرب ده وحده
وإن العمر ده وحده
وإن القلب ده بالذات
ماداقش الفرح ولا حاجه
وان مطارح اللذات
ماجاتش تزوره ولا حاجه
ده حتى جاي هنا وحده
ممدوح زيكا
غرفة 315
عني انا نتحدث
- LAMIA MAHMOUD
- cairo, egypt
- مبحبش نوم التوابيت مجنونة معجونة بمية عفاريت ... بتجادل كتير وترد وكعب جزمتها مهاودها ع الحنجلة ع الأرض
26 comments:
ابتسامة بقدر سعادتي بالمرور و القراءة :)
السرد يناسبك تماما
ها هو الثوب الليلي لكِ
اللون الأسود و الوشاح الأحمر
...
هذا ما يناسبك تماما
أنيقة يا لمياء في الكتابة
أنيقة جدا
دمتِ بخير.
ربنا يبارك في عمرها يا لميا وتفضل أسطورتكم الحيـة
انا حسيت انها جدتي انا
كنت بتخيل كل كلمه بتكتبيها
ربنا يمد في عمرها :))
جميلة اوي
ربنا يخليهالكم ويباركلكم فيها وفي صحتها يارب
ماشيين
ولان الدنيا مبتديش محتاج ضحكه
ولان الناس بتموت ف اليوم
مرة
ومرة
مرة..لما يزيد الحمل عليك
ومرة..لما صورتها تيجى ف ايديك
ولانك ..لو صبيت البحر ف ايدك
مش هينوبك
الا ما اد ما ايدك تاخد
وانا مش عارف
ليه كل ما اشوفك
انا دايما بعطش
....
حاسس انك معرفتيش تتكلمى عن ستك زى ما كنتى عاوزة
عادى
نعم لكل منا تلك الجدة العجوز
التي يكون جزء منا منها
فنحن ثلاث جدة وأم وأمرأة
لابد من تميز اثنين حتي نكون نحن
____________________
تلك الجدة الحبيبة التي تقنعنا انه من سيجيء هو الوحيد الذي يستحقنا لاننا أميرات ولايستحقنا أيا كان
_____________
PERfect post
_____________
notice:
i cried
لميا أنا لسة مش عارفة أتكلم
بجد
جدتك وجدتي وجدة ناس كتير....
بيخلوني أعرف قد ايه احنا عايشين في عام ظالم...
انا ممكن اقعد مع وزرا واتكلم كلام مهم....
ممكن اسمي يبقى في معظم وسائل الإعلام واجري اكتر واكتر ورا الشهرة....
ممكن اتعلم اكتر من لغة واللي يحتاج يقابلني ياخد من مدير مكتبي معاد قبلها...ولو كلمني في التليفون هقوله كلمني بعدين لاني في "ميتينج" مهم...
بس مع ذلك...
مع ذلك....
مش هعمل قد اللي عملته واحدة امية صعيدية من جنوب اسوان عمري ما شوفتها غير بلبس اسود ربت 4 ستات واولادهم و4 رجالة واولادهم لحد ما جوزت واحد واحد فيهم وشالت اولاد احفادها
لسة لحد دلوقتي عايشين في خيرها
وانا واحد منهم...معرفتش اب ولا ام غيرها
وتقدر تبكي على جوزها اللي مات قبل ما هي تموت بأكتر من عشرين سنة لما حد يجيب سيرته....
.
.
.
يمكن الحكمة في الحياة والموت اكبر من ان البني ادم يستوعب ربنا عايز ايه...
ومتهيألي عشان هي كدة ربنا رحيم
وممكن يغفر لأي حد تحيره الحكمة دي
.
.
ساعات بتمنى ترجع تاني للحياة لمدة يوم واحد بس عشان اقضي اليوم ده ببوس رجلها....
بس برجع اكتشف انها مش هترجع...
وانها ماتت...
وان عليا ادور على حاجات تانية اعملها عشانها...
واكيد اكيد الحاجات دي...
هتكون اصعب بكتير من اني اعيش ابوس رجلها لو هي عايشة
gamila awi elpost w mesad2a awi w 7abba 3elaktek begedetek ..
ana kaman 3elakty momayza begedty gedan 7atta ba3d wafatha ,, lessa shayfaha w bakalemha w basma3ha bet7kily 7awadetha beta3et zaman kolaha :)
inspiring
بجد مش لاقية وصف ادق للبوست ده..فكرتينى بموضوع كنت كتباه عن جدتى و خلتينى اغير عشان لقيته سطحى اوى جنب كلامك
فعلا انك كاتبة أنيقة..تنثرين التفاصيل كما حبات اللؤلؤ
استمتعت كثير بقراءة ماكتبتيه هنا
:)
فتقبلى التحية
اول مره اعلق على شغل من غير ماقراه شكل البوست يهبل يابنتي وحياة ربنا انتي جواكي طاقه لو اتوزعت على جيل بحاله هتكفيه
مسائك ملىء بالأحلام
وصباحك سكر زياده زي قهوتك
ماتنسيش تكلميني علشان اللي قلتلك عليه في الايميل
انا محمد ثروت
0108542282
شيماء
ليكي وحشة
الأسود وقار والأحمر قليل من الغواية لن تضر
:)
مسائك معطر
____________
تسنيم
ربنا يخليكي يا مزتي
_________
ميوية
يسعدك يا قمر
منورة
_________
اسراء
يخليكي ليا يا سيسو
:)
__________
عمران
عمري ما حعرف اتكلم زي ما كنت عايزة
تعرف توصف اية جواك بالمللي؟
____________
sabrina
نعم نحن ثلاث
يسلملي إحساسك العالي
___________
كاميليا
ولسة إحساسك واصلي
________
ماندو
كلامك بيعقد
شاركت كل كلمة وصعب الاقي رد
:)
_________
علا
الجدة عامل مؤثر جدا في الشخصية
:)
عليها الف رحمة
_________
انا حرة
بالفعل ملهمة
بس الاكيد اوي ان كتابتك عمرها ما حتكون سطحية مدام كتبتي من جواكي عن حاجة بتلمسك
________
روفي
هدفنا هو اسعادكم
سعيدة جدا برأيك
____________
ثروت
الأول ازيك
بعد كده بقى .. رقمك معايا يا ابني بس هي الازمة مش في الرقم
على فكرة
قهوتي مبقتش زيادة
مقريتش ورأيك كده!!!
ده كده لا يعتمد عليه
آه يا لميا
دافية أوي التدوينة دي وحسيت فعلاً بالشبه بينك وبين جدتك الجميلة
هو انا ممكن أتعرف عليها؟
"جدتي الارستقراطية إلى حد الترف ، السكندرية إلى حد الأغواء ، الأنثى كما عليها أن تكون"
بقولك ايه يا لميا! ما تجوزيني جدتك
:D
البوست جامد، لأ و جامد
بس نسيتي تضيفي ان من اسباب عظمة جدتك ان لمياء هانم محمود من نسلها
كركركركر
:p
بجد بجد بوست حلو اوي
تسلم ايدك و تسلم جدتك
ست الحسن
وحشاني يا سكرة
تعالي يا ستي نورينا:)
________
بكوغتي
صبحنا وصبح الملك لله
يا ابني اتلم يا ابني .. قال اجوزك تاتا قال
ولا اقولك فكرة
تعالى يا بكر يا ابني انا موافقة
:))))
واحشني ياض
وحمد الله ع السلامة يا قالقني
والنبي بقالي كتير مستنية رأيك
طب واية اخبار اللي قبله
؟؟
الله الله
سرد يبعث على الدفء
و تجربة عبقرية ملحمية استطعت أن تصيغيها فى مساحة صغيرة عن طريق الجمع بين المتناقضات
شكرا لك على الدقائق التى استحوزت فيها مقطوعتك علي
هكذا نتعلم...
عندما نتامل
مع بعض من التالم
تحيتى لك كثيرا
كثيرا
تلك المراة التي اسمعتني كل الأساطير إلا أسطورتها الخاصة فتركتني اعرفها واراها في عيون الآخرين
...
حبيت الجزء ده جدا
اسلوبك جميل جدا يا لميا
وتناولك للفكره نفسها رائع
أحمد خيرالدين
جميل البوست
انا كمان كتبت عن جدتى
وكان بوست صعب الحقيقة
ربنا يخليهالكو
اكتر حاجة شدنتي للبوست ده، هو ان فكرني بجدتي، لان هي حاليا في العنايةالمركزة، وربنا يشفيها بقا
ازيك يا لميا؟ اخبارك؟
مش عارف هتفتكرينى ولا؟
البوست جميييييييييييييييييييل جدا
حسسنى بدفء زى ما يكون قاعد فعلا مع جدتى
ربنا يبارك لكم فيها ويديها الصحه
بس سؤال اخير هل بنات اليومين دول ممكن تكون عندهم المقدره على تحمل المسئوليه والتضحيه زى الجيل الماسى اللى منه جدتك وجدتى ومامتك ومامتى
الموضوع في غاية الروعة
طريقة وصفك ليها
و لحياتها و لتفاصيل اعجابك بيها فوق الرائع
تحياتي
انا حطيت كومنت قبل كده ودلوقتى مش لاقيه هو اتحذف ولا ايه عامه
ربنا يخلى لكو تيته
بلغيها كل سنه وهى طيبه علشان عيد الأم
يا من دخلت القلب من دون طرق الباب.
يا من تحلق فوق سماء فكري كالعقاب.
يا من جمالها في الدنيا من السبع العجاب.
انقذيني مما انا فيه من العذاب.
اجيبيني فانت تملكين الجواب.
فأنا لا اريد ان اكون في الحياة كالسراب.
وربي انك في بالي ذهابا واياب.
سابقى عاشقا!!
ولو كان قلبي يتاكل تحت التراب.
فانت لي وهذا هو عين الصواب.
التوقيع:
صدفة جميلة
Post a Comment