Monday, October 20, 2008

هيستريا



هيستيرية انا وحادة جدا .. احب بعنف واكره بعنف .. اصادق بعنف واقاطع بأعنف

اتحول في الساعة الواحدة مئة تحول .. اضحك جدا ثم اصمت جدا ثم انهار جدا واصارح وبالتالي فطبيعي بعد كل تلك الجدا ان اتحول الى غامضة جدا

لست هوائية فلا تحاولوا نعتي بذلك .. انا فقط .. "انا" .. لا يوجد اي صفة اخرى قد تعبر عني

*********************


بدايات الشتاء والهواجس المتعلقة باصطباغ الهواء المحيط باللون الرمادي المثير .. والرائحة التي تجتاح الهواء والاحساس بأن "الدنيا مغسولة"
كل هذا يبعث على التذكر والحنين و... و... و...


عيد ميلادي قرب تفتكري حيفتكر وحشوفه؟


عيد ميلادي عدا ومشوفتش حد غيرك .. بس على فكرة ده شيء عبقري لما يتواجد معاكي في اول ايام سنتك الجديدة حد بيحبك فعلا وفي نفس الوقت مبيقلبش مواجع .. حد انتي مش شايلة منه وهو مش شايل منك.


كده يبقى برده مش حشوف غيرك

على فكرة بقينا مملين جدا .. قاعدين طول الوقت نجتر في ذكريات نجتر في ذكريات بقينا ولا الجمال .. يا شيخة دي حتى الجمال بيجتروا بهدف احنا بعد كمية الاجترار دي حنعمل اية

حنرجع اللي اجترناه

هو انا معرفش اتكلم معاكي جد ابدا .. جد شوية بقى احنا لازم ناخد موقف

على فكرة احنا مبقاش في مواقف ممكن ناخدها .. احنا خلاص خدنا كل المواقف .. ممكن بقى نبتدي نرجع المواقف اللي خدناها لاصحابها .. نتصل بكل حد خدنا منه موقف ونقوله عايزين نقابلك عشان نرجعلك الموقف اللي خدناه

عارفة ان ده في حد ذاته موقف.. حفهمك يا ستي .. لما نرجع كل المواقف لاصحابها حنرجع معاها الذكريات اللي نتج عنها المواقف والمصاحبة للمواقف بالتالي مش حيبقى في ذكريات نجترها فحنبطل اجترار .. يبقى احنا كده خدنا موقف جديد خالص من ناحية الذكريات

ضحك هستيري من الطرفين

***********************

هي الناس بتتغير ولا بتتحول

الناس لا بتتغير ولا بتتحول هي بس بتقرب وبتبعد .. شوفتي .. سهلة!! اوي

عندي اعتقاد ان لو اي اتنين اصحاب او حبايب اي حاجة يعني حضروا مطرة سوا يبقى حيفضلوا سوا طول العمر

على كده في حاجات كتير في حياتنا انتهت ضد اعتقادك .. عموما اعتقادك في حد نفسه متعة .. استمتعي حتى وان كان غلط

بتحبي تجعلصي الكلام وتحسسيني اني مش فاهمة حاجة مع انه ممكن يتقال عادي

عارفة اننا جوز هايل

لا والله؟

اه عاملين توازن كده .. انتي عندك ايمان راسخ في كل حاجة وانا تقريبا صعب اصدق اي حاجة .. بنقول حاجات مختلفة وكل حد بأسلوبه ومع ذلك لسه فاهمين بنقول اية .. ده حتى يا شيخة انتي شقرا وانا سمرا

والنعمة انتي راااااااااااااااايقة.. جايبة الروقان منين

اول نقط مطرة من سنتين .. والنيل والمطرة والجو تلج وصوابعك جوه البوت نشفت وجورج وسوف بيقولك يا عمري ااااااه يا قلبي انسى .. اسرحي في المشهد ده كده حتروقي

صحة وعافية يا حبيبتي

اقولك .. الحوار ده مصيره حيبقى زي اللي فات بالمللي

انا عارفة اللي بيقرالك الحاجات دي بيقراها ليه

هما فاهمين على فكرة اطلعي انتي منها

*************************

تنتهي الاشياء دائما نهايات حادة

لعنات .. صراخ .. خوف .. قرف .. زهق .. ملل

لتبدأ اشياء اخرى اكثر نعومة

دائما ما اجد فترات التصالح مع ذاتي في أغرب الاوقات .. وانا ومن فترة كنت قد صالحتني وقررت الا اتركني ثانية ابدا .. المتعة الحقيقية هي ان تتحرر .. تتحرر حتى داخل اربعة حوائط .. تستنشق نسيم روحك انت الروح والحرية وجهان لعملة واحدة.. منطقي ان تنجرح واكثر منطقية ان تجرح .. منطقي ان تعاشر وتفارق .. بالتأكيد بكل هذا ستصبح انت

وتستمتع بدفء هؤلاء الذين يحبون حقا .. يهتمون حقا .. ينفذون الى روحك حقا

استرجع من تركتهم لاسباب سطحية فارغة وقد كانوا الى الروح اقرب ..

المغفرة

المغفرة

لا تطالب الآخرون بها الا ان استطعت انت ان تحترفها كبداية

ان تتحرر.. هو ان تخلد الى نومك يوميا وقد سامحتهم جميعا

***********************************

اللوحة هي

contrast

للفنانة

carrie garber

37 comments:

Anonymous said...

هييييييييييييه انا اول واحده حا اعلق شوفى ياستى ممكن الواحد يخاصم كل الناس الا انه يخاصم نفسه صعب قوى لانه اكيد حايتوه الكلام حلو وكالعادة شخصياتك متقلبه ومشكلتك انتى كتبتيها انك لما بتصاحبى بتصاحبى باخلاص وبحب ولما بتحبى بتحبى بجد وبكل قلبك المشكلة مش فيكى المشكلة فى الناس اللى انتى بتختاريهم اصحاب وبتعطيهم كل ثقتك بل حياتك ووقتك وبيمثلوا عندك دائرة الكون كله علشان كده جرحك بيكون كبير
يمكن الحياه بتعلمنا ان خير الامور الوسط وفقك الله

Anonymous said...

تنتهي الاشياء دائما نهايات حادة
لعنات .. صراخ .. خوف .. قرف .. زهق .. ملل
لتبدأ اشياء اخرى اكثر نعومة


حسيت الجملة دى

ayman_elgendy said...

"دون دليل أو ضوء
غير تلك النار التي كانت تضطرم في أعماق قلبي
قادتني النار إلى فوق
كان لمعانها اشدّ من وهج شمس منتصف النهار
وصلت إلى حيث كان ما يزال ينتظر
كان مكانا لا يستطيع أحد آخر أن يبلغه"..

do not consider it as acomment...consideer it as a vision..sublimation..lightening...sweat cold killing

while reading ur text i was listenning to this song by evanesence....hear it...maybe it shall be ma last song...maybe loloo

my immortal

http://www.seyoo.net/mvfile/Evanescence/my-immortal.mp3

romansy said...

الحوار فعلا جميل
صحيح موجود اختلاف فى الشخصيه
بس اختلاف مقبول
اجمل حاجه فعلا
الجمله الاخيره
المغفرة

لا تطالب الآخرون بها الا ان استطعت انت ان تحترفها كبداية

ان تتحرر.. هو ان تخلد الى نومك يوميا وقد سامحتهم جميعا

Oma said...

هو ان تخلد الى نومك يوميا وقد سامحتهم جميعا

el kelma de bgd ya lama ma7asltsh wla hat7sal..ba7es klamk ya benty beyegy 3la mnat2 mahgora 3andi w yedooooooos !!

howa ana 2oltlk 2abl kda enk lazm tgm3i kol da fe ktaab ??! bgd laazm

Oma said...

على فكرة بقينا مملين جدا .. قاعدين طول الوقت نجتر في ذكريات نجتر في ذكريات بقينا ولا الجمال .. يا شيخة دي حتى الجمال بيجتروا بهدف احنا بعد كمية الاجترار دي حنعمل اية


:-)) enty la ttsawi el fekra de gat fe baly kam maraaa...ba3d kol da han3ml eeh !

kol ma a2ra el post ala2i feh 7eta mest5bya :))

wait 4 me in some day..3mala ba2ol ana klam w 5alas haa :P la2 bs fe youm hatal2ainy baklmk a2olk iam here enty feen

Anonymous said...

الانسان عباره عن مجموعه من الرياكشنات
بيكتسب جزء كبير منها من القدوة بتاعته
اللى غالبا بيبقى ابوه
او اخوه الكبير
والجزء التانى عن طريق الخبرات والبيئه
حاولى تسيطرى على ردود افعالك
وتغيرى اللى انتى عايزاه منها بالتدريج
اكيد التعيير هيبقى للاهدا
عشان تعرفى تفكرى
.....................
الفرق اللى بينى وبينك
هو الفرق بين مرضى النفسى ومرضك النفسى

LAMIA MAHMOUD said...

ماما
حلو حوار اول واحدة اعلق ده اوي بجد
:)))
هو مش شخصياتي انا اللي متقلبة هي الشخصيات كلها متقلبة .. فكرة الاختيارات والمشاكل فالمشكال اكيد زي ما في اللي حواليا هي فيا لاني زي ما بحب اوي بكره بعنف وده ماهواش صح
انتي اكتر حد كان يقولي خلي دايما في نقطة رجعة ولحد حالا عمري ما عملتها
الجرح عموما كبير يا ماما سواء جرحي انا او جرح اي حد تاني
الجرح اكيد كبير
يمكن لاني بنتك فانتي شايفة اني جرحي اكبر من التانيين بس الاكيد انه لاء
في ناس مبتحسش اه ودي مبتتجرحش اصلا
اما مادام في جرح يبقى بالتأكيد كبير
_________________
انونيموس 1
شاكرة مرورك
_______________
ايمن الجندي
i'm not consedring ur comments as a comments mn el 2sas
but forgive me i'll not listen 2 ur song
________________
رومانسي
المغفرة
شيء لا يتوافر عند اغلب البشر حتى اللي بيحلموا بيها
________________
oma
4 sure keda el 7yah 2sfa .. la2 u never told me about the book .. bs really good 2 know that from u
el 7agat elmest5bya mesh kol el nas t3rf tla2eha :)
thnx sweety
____________________
انونيموس 2
من اكتر الاشياء اللي بكرها في تعليق ان حد يدخل يحللني نفسيا في رده ويبعد عن النص تماما
انا مش عارفة مين وكنت اتمنى اني اعرف بوجه كلامي لمين
اكتشفت بعد فترة لا بأس بها ان اللي بيتكلموا بطريقتك دي بيحللوا الاخرين طول الوقت عشان ميقفوش دقيقة قدام نفسهم .. خوف ليشوفوا نفسهم ويكتشفوا ان مرضهم النفسي ليس مجرد مرض نفسي عادي
مكنتش محتاجة درس في الثبات الانفعالي ولا تتخيل ان بالكلمتين اللي اتكتبوا دول عرفت مفاتيح شخصيتي
العقل البشري اصعب من انك تفهمه في كلمتين واعقد من انك توجهله نصايح
في كومنتات بتتكتب انونيموس عشان صاحبها عارف اني حعرف هو مين .. وكومنتات لطيفة بس الاسم بيتنسي
وكومنتات متعمد نسيان الاسم فيها لتوافر حالة لا بأس بها من الجبن
نورت

Anonymous said...

أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة حتى27 أكتوبر
شكرا لتعاونك
lobnabona@yahoo.com

بيسوو said...

بمناسبة الاجترار..اعتقد اننا في البداية بنجتر ذكرياتنا علشان نشوف احنا غلطنا ولا لأ..ولو غلطانين غلطانين في ايه..وبعد كدة بنجترها على سبيل تعذيب الذات..واحيانا علشان نوهم نفسنا قد ايه احنا ناس هايلين وقلبنا ابيض وضحايا على حسب الموقف يعني..وفي النهاية بقى بنجترها علشان مش بنلاقي حاجة تانية نقولها ويمكن علشان نخلي الموضوع صاحي ومينامش ابدا
متهيئلي ان الحل الوحيد للمشكلة دي ان البني ادم يفقد الذاكرة قصيرة الاجل :)


فكرتيني بالاجترار..قربت اخد دكتوراه فيه والله يا ختشي...{بنا يرحمك منه

تسـنيم said...

ممممممممم دي مش هيستريا خالص على فكرة

MoHaMeD HoSSaM said...

ان تتحرر.. هو ان تخلد الى نومك يوميا وقد سامحتهم جميعا


جامدة اوي الجملة دي

بجد الواحد نفسه يتحرر

dandana said...

المغفرة شئ مهم جدا
لكن ف رأيى الشخصى هى ليست أكثر الأشياء صعوبة

أحيانا يذهب بى حوار كهذا إلى متاهات نفسى فلا أستطيع الخروج بسهولة

هل فكرتى يوما أن الذكرى تصدمنا أحيانا لمجرد وقوع بعض الحوادث البسيطة..دون تدخل منا..
أم أن الأصل دائما هو أننا نستدعيها..؟

"ناخد موقف"
أراه دائرة مفرغة تقودنا نهايتها إلى بدايتها

أوافق وئام تماما..أحب أن أحتفظ بكلماتك هذة عندى فى كتاب ملموس
أراه أكثر حميمية

جميله بو حريد said...

المغفرة

لا تطالب الآخرون بها الا ان استطعت انت ان تحترفها كبداية

ان تتحرر.. هو ان تخلد الى نومك يوميا وقد سامحتهم جميعا


ختامه مسك عجبنى جدا الجزء ده فى البوست ...كتير منا بيطلب حاجات ومشاعر وافعال من اللى بيحبهم وهو ممكن يكون مش بيعمل ده ومنها المغفره والتقدير والاحتواء

رائعه دائما يا لميا

vetrinary said...
This comment has been removed by the author.
vetrinary said...

الناس لا بتتغير ولا بتتحول هي بس بتقرب وبتبعد .. شوفتي .. سهلة!! اوي

لست هوائية فلا تحاولوا نعتي بذلك .. انا فقط .. "انا" .. لا يوجد اي صفة اخرى قد تعبر عني


................
مشكله اى اتنين اناتيم
انهم لما مبيلاقوش اى حاجه جديده يتكلمو فيها او الدنيا تخبط فيهم شويه يبداو يفتكرو زمان
زمان مات
والزمن اللى بيتولد على اطلاله بيموت بسرعه
خلق المواقف وصنع الزكريات مش محتاج غير لدماغ زى دماغك وبساطه انتيمتك
الاستمتاع واللذه موجوده فى اى موقف واى مشهد

كل سنه وانتى وصاحبتك طيبه
وبلاش جزة سنانك وانتى بتقرى الكومنت
am apologize

vetrinary said...

الكره ده حاجه قذرة اوى يا لميا
مش عارف انتى مدركه معناها ولا بتقوليها كده وخلاص
يا اما تحبى يا اما متحبيش
ولو محبتيش حاجه حاولى انك تهمشيها
تبعديها
تنسيها
الناس اللى بره حياتنا مش مهمه لدرجه ان تكون فى اى مشاعر ناحيتهم
حتى لو كانت مشاعر سودا

استرجع من تركتهم لاسباب سطحية فارغة وقد كانوا الى الروح اقرب ..

هوائيه جدا جدا

Anonymous said...

شفايفك لما بتتنهد انا بستشهد وبعيش في النار وعيونك لما بتتلفت انا بتفتفت ملحقش احتار
:P

Anonymous said...

اه نسيت اقولك
انا عارف اني مليش دية

kafrawy said...

جميله


لميا محمود

dandana said...

اه ياربى على اغنية فيروز دى

بعشقها

أحمد سليمان said...

خريف الذاكرة بامتياز
دخول كل شيء في الآخر حتى إذا عادت الكلمات مفردة شاب معناها الاختلاط أيضا
أتصور أن المشاعر خلطت أولا في بوتقة ثم مد القلب يده ليجذب الحب فوجده مشوبا ببعض الغياب
الصداقة ببعض القطيعة
الخريف ببعض الزهور
ثم جلس صاحب القلب مع نفسه يتصور أنه عنيف حتى في اجترار ذكرياته
الدنيا مغسولة ؟
يا ريت
أتصور أنها لو مغسولة جيدا لوصلنا إلى نهاية الرحلة بهدووووووووووووووووء
إلى المغفرة


دائما تحياتي
أحمد

LAMIA MAHMOUD said...

بيسو
انتي قسمتي كل انواع الاجترار تقريبا .. فتاخدي الدرجة العلمية بجدارة .. بس المشكلة بقى ان محدش تقريبا مكفي شره .. اي حد في البشرية على الاقل معاه تقدير فيه
:)
____________________
تسنيم
طب نسميها اية من وجهة نظرك؟
شاركيني يا بنتي ينوبك ثواب
_______________
محمد حسام
شاكرين يا سيدي
بس مين مانعك يا معلم ما تتحرر
_______________
دندنة
يمكن من رايك مش اكثر الاشياء صعوبة عشان انتي من محترفيها
مش عارفة بس هي صعبة ومش كل الحاجات تتغفر

الحوار مع النفس ارخم حوار .. لعلمك اكتر اتنين مش فاهمين بعض هما انتي ونفسك

الذكرى من وجهة نظري انا غير قابلة للتحليل نستدعيها بقى تفاجئنا اهي في الحالتين حاجة تزهق :)

ناخد موقف وبعدين ناخد موقف من الموقف اللي خدناه عشان الموقف اللي خدناه نتج عنه موقف
والله معاكي حق

ادعيلي يا بنتي .. انا مش معترضة بس مين يسمع :)))
___________________
جميلة ابو حريد
عارفة ساعات بقول محدش يطلب حاجة من دح اصلا ونسيب الدنيا تمشي كده بالبركة احسن لنا
يلا ما علينا :)
انتي اكثر روعة
____________________
محمد عمران
طب اقولك اية انا دلوقتي .. كبداية مبجزش خالص اهة |: .. نركز بقى في تعليقين ادسم من بعض ولا نقول اكتر
P:
المهم .. زمان مات .. طب بامارة اية؟
واصلا مفيش زمن بيتولد على اطلال زمن تاني .. الحكاية كلها زمن موصول ببعضه .. هو انا كلامي مفهوم
اقولك ميهمش مش لازم يتفهم
وانت طيب يا سيدي ربنا يخليك
تعالى نتكلم في التاني
ساعات بفكر ارد ابطل على التعليقات عشان في حاجات بعجز عن الرد عنها
عارفة الكره
اه عارفاه وعارفه انه حاجة قذرة اوي .. يا اما تحب يا اما متحبش ولو محبتش حد الغيه
ممكن نعمل كده لو الحوار سلس وبسيط وبيقول احنا كنا اصحاب ومبقيناش او احنا كنا حبايب ومبقيناش لكن نعمل اية في تراكمات وخوازيق وناس مبتطلعش نفس الناس و .. و.. و..
الناس بتفرض عليك احيانا تحب وتكره وتهمل ويبقى عندك لامبالاة بالآخرين وتوصل لنتيجة واحدة
ملعون ابوكو مش كلكوا بس اغلبكوا
لاء مش هوائية
انا .. معنديش اي تعريف تاني لنفسي غير اني انا
مستقرة جدا احيانا ومجنونة احيان تانية وفي الاخر انا
بحس اني باكل من حق بقية الناس وانا برد على تعليقك
_____________________
انونيموس
لا والنعمة؟
_______________________
كفراوي
الف شكر مع اني مش فاهمة اوي .. بس الكلمة جميلة ميتقلهاش الا الف شكر
:)
________________________
دندنة
طب ابعتلك لينكها ولا عندك؟
_______________
احمد سليمان
الكلام لازم يتلخبط عشان يعمل الكلمة الصح .. مفيش كلمة مفردة حتعبر
اصلا يمكن مفيش حاجة بتعبر
كل شيء يشوبه شيء اخر واهي محاولات منا لحرق اللغة معانا
الدنيا مغسولة
ياريت على رأيك .. بس اديه مجرد ايحاء انها ممكن تكون مغسولة
احلم بالجي تعيش مرتاح

3aziz 3eni said...

ان يجد الانسان من يشاطره افكاره فهذا جيد جدا وان يجد من يعيش معه اللحظه فهذا افضل ما فى الكون وان يجد نفسه معه دائما فليس بعده شئ اخر لان ان وجد الانسان نفسه وتشاطرا احلامهما معا وجدا نفسيهما وفى الغالب قد ذابا معا ليكونا كائنا كاملا جميلا انها ليست ارهاصات ولا كلام اجترار بل هو عمق الانسانية ان تتعايش مع نفسك كانكما واحد وانتم اثنين فى الاصل


اللوحة ما هى الا عباره عن شخصيتان تندمجان معا فى سنفونيه رائعه انسانيه

اتمنى لى اجترار طيب تمتعينا به

elsha3er said...

بجد انتى اغرب حد قرأتله حاجة لا انا محتاج اقرأتانى وعلق


احمد الشاعر

ساعه الغروب said...

لو قلت لك إن الحوار دا بيحصل كدا بالظبط هتصدقى ؟
أه فيه كتير مجانين كدا؛ماهو أصل لو عقلنا مش هنعرف نعيش ! !

أحلى ما فيها جنانا و ذكرياتنا و اللى جاى لما يتحول لذكرى

( :

هى دى الحياه !!

قهوة بالفانيليا - شيماء علي said...

بجد ؟؟
اي اتنين مشيوا تحت المطر و كانوا بيحبوا بعض.. يفضلوا مع بعض على طول؟؟
مش صح !!
صدقيني مش صح !!
:)
انا عارفة باقولك ايه
:)
ساعات الناس اللي مش شبهنا بتخلق جوانا اتزان لما يكونوا قريبين مننا
دة تفكير صح .. بس مش على طول
او مش مع كل الناس يعني
المهم يكون الطرف التاني دي متقبل للاختلاف مهما كان نوعه.
لمياء..
سعدت بكِ.

sherif gharib said...

المطر يعيد ذكريات النوافذ
لا يفرق بين النوافذ و لكن يفرق بين الذكريات
كل منا يجعله ذكرى له باغنياته و ترانيمه و طقوسه الخاصه
تنطلق من بعضنا الصرخات و من الاغلب لعنات ىو احيانا كثيره لا ندرك لمن تلك اللعنات لنجدها فى النهايه موجهه لانفسنا
ادركنا جميعا ان المواقف بذاتها ليست دليل و انما هى فقط بديل
بديل لصراعات لم تكن فى ذاتها سوى تمردات
ما حال تلك المغفره عندما ضاع معنى الذنب و المعصيه
ما هى معايير تلك الذنوب
لا ندركها و بالتالى من الصعب جدا ادراك معنى المغفره
و ان وجد البديل وجد الدليل
تحياتى يا ليمى

shimaa said...

gmel el post fdfda w elfdfda wst elfda ra7a 3la r2e "a7med 7dad"
eh 7war elmtra da ..da zy 3hd eldm kda :D
هو ان تخلد الى نومك يوميا وقد سامحتهم جميعا
w 2bl da kolo tkon sam7t nfsk 3shan m7dsh y2dr ysam7 7d 3'er lma ykon wsl lno2tat salam nfsy rahyeb m3a nfso ..gmela 2wii el ending

altwati said...
This comment has been removed by the author.
Anonymous said...

مالك طالع في العالي
Happy birthday 2 u

كرانيش said...

وحشتينى يا لميا

انت تسال والكمبيوتر يجيب said...

دعوه
يسعدنا ان نسمع تعليقاتكمعلى ما نطرحه من موضوعات فى برنامجنا الأذاعى وهو الأول عن النت والمدونات من الأذاعه الرئيسيه لمصر ....موضوعاتنا تطرح فى مدونتنا...وتذاع التعليقات التى تكتبونها فى حلقات البرنامج وهو يذاع يوميا عذا الجمعه التاسعه وعشر دقائق صباحا على موجات أذاعة البرنامج العام
ونرحب باى تدوينه يمكن اذاعتهاكذلك
المدونه
http://netonradio.blogspot.com

Beram ElMasry said...

هذا ردى على المدعو امل فنحى المضلل
سيدتى او سيدى امل
الاسلام دين سماوى ، وكتابه محفوظ بعناية الله من التحريف عكس ما حدث للكتابين من قبله ، وليس دينا وضعيا كالبوذية والمجوسية والبهائية ، كى تطرح قضاياه للنقاش فى المدونات ، اوالدفاع عنه ضد مرضى عميت قلوبهم ، لسنا اهل تخصص ولا فقهاء وللفقهاء احترامهم ولهم حق الاجتهاد والامر ليس متروكا لكل من هب ودب ، ولماذا نشكك فى فقهاء الاسلام بينما لايجرؤ يهودى او مسيحى فى مجادلة حاخام اوقس رغم ما طرا على الكتابين من تحريف وما حوياه من تضارب واختلاف ، وما حوياه من مجون وسوء ادب مع الانبياء ، كنشيد الانشاد للنبى سليمان عليه السلام
السيد او السيدة امل ، ادرئي عن نفسك الشبهات فهذه دعوة باطلة يراد بها باطل

عين ضيقة said...

فقط تنتهى الأشياء
وهذا هو الأقسى


ــــــــــــــــ
على فكرة انا كمان عندى يقين انهم لو قرروا يكونوا سوا هيكونوا سوا حتى من غير مطرة

ــــــــــــــــــــ

وحشتينى لحد الظمأ

حصان بري said...

:)اللهي يكرمك يا شيخه كبري الفونت شويه

حاسس البوست كله عباره عن فول ستوب كبيره

مش عارف ايه هيجي بعدها

المغفرة
لا تطالب الآخرون بها الا ان استطعت انت ان تحترفها كبداية

صح قوي الجمله دي

تحياتي يا لميا

LAMIA MAHMOUD said...

عزيز عيني
اتمنى لنا جميعا بعض من الاجترار الطيب
______________
احمد الشاعر
بسمعها كتير دي:)
منور وابقى تعالى تاني اكيد
_____________
رضوى
هو احلى ما فينا جنانا اه
لكن هو كله ذكريات بس
ضرب ضرب مفيش شتيمة
انا بقى طالبة معايا حاضر ومستقبل
_______________
شيماء
ما هو انا كنت بقول مش صح
مش لازم
مفيش حاجة لازم اصلا :)
اما عن الاختلاف فحدثي ولا حرج
بصي اعتقد اننا من المؤمنين بنظرية تقبل الآخر
_______________
شوشو
احنا ردينا على بعض خلاص
:)
____________________
انونيموس
حقي!!!! .. الله
_______________
سمسمة
والنيب انتي من اللي مصبرني ع الدنيا
:))))
انتيى لخصتي الدنيا على فكرة
فقط
تنتهي
الاشياااااااء
________________
حصان بري
صديقي العزيز
البلوج سبوت بيستهبلوا معايا في الكتابة
مشكلة تقنية
ماشي كلامك
:)