Tuesday, August 26, 2008

افكار مغلقة



"عاقبة "

ولأني ادركتك من قبلك .. ومن قبلها .. ومن قبلهم

ولأنك كفرت بإدراكي

كان على اللعنة أن تحل عليك

فتتوه لخمس

وتحن لعشر

وتدرك أن النهاية ليست عند اعتاب بابي بعد اليوم

************************

"رؤية"

وانت هناك مرتكن على ذلك الرف الخشبي العطن

أخبرتك:

ستأتي بنت من بعدي اسمها .. ايا كان

لن تستطيع رؤيتها إلا من خلف سحابات دخانك

وستخبرها في كل لحظة أن تغلق شباك الحجرة جيدا

مازحا "حتى لا يطير الدخان"

وأردد أنا في سخريتي .. حتى لا تطير هي

**************************

"حدث"

الغد الرائع كان قريبا من عينيك

كانت ملكك قبل الآن

كانت تتحدث كثيرا عن الشاب الذي يمتلك شفاة اوين ويلسون ويصر على ارتداء الشال الفلسطيني

إلا إنك في غفلة منك قد تركت الشال ينزلق

***************************

"غفران"

لم تحمل كلماتي أبدا معنى اللوم

ترجع رأسك كل مساء إلى الخلف

تتذكر .. تلعن .. تسخط .. ثم تطلق لفظ بذيء

أترك شعري كل مساء منسدلا كما أحببته .. تلك المرة لأجلي أنا

اتذكر .. اسخر .. اتجاهل .. وادعو لك

*************************

"تراكم"

حينما تعلمت وضع المساحيق والاختفاء وراء نظارتها الشمسية

توقفت عن لعبة توصيل النقاط

*******************

"ذكرى"

حين ارتد إلي الصدى اكتشفت أني..

في لعناتي ورعبي وجموحي واحتياجي وأمني وغبائي

رددت اسمك فقط

وكأنه حروف المعاناة والمواساة

*********************

"صفعة"

لأن الحقيقة كانت أقوى من وعيك

اخترت أن تعتقدها كذبا

***************

"حقيقة"

يمكن مش عايزة اسمع روحي كلام اكتر

.

كلام تاني

.

كلام

*****

علموني في البداية

أن اكتب فوق سطر واترك الآخر

ثم اجبروني الا اترك سطر

"احنا خلاص كبرنا"

................................

اللوحة هي

Commit to memory

للفنانة

Belinda Del Pesco

45 comments:

غادة الكاميليا said...

حينما تعلمت وضع المساحيق والاختفاء وراء نظارتها الشمسية

توقفت عن لعبة توصيل النقاط

...........
جملة مرعبة
وبوست رائع
تشبثي بنفسك

m.sobhy1990@gmail.com said...

أنت تريد وأنا أريد

والزمن يفعل مايريد


.............
هُو "الزمن" فأسلم بالحشا ماالهوى سهلُ فمـا

اختـاره مضـنـي بــه، ولــه عـقـلُ


بس انا ماختارتوش يابشر

!!!!!!!!!!
...............


لميا


الحياة بتمشى ولازم لازم تمشّينا معاها

Amira Hassan said...

علموني في البداية

أن اكتب فوق سطر واترك الآخر

ثم اجبروني الا اترك سطر

عارفه ليه

عشان عالم وسخة


البوست خواطر او هواجس اخر حاجة بس عجبني

vetrinary said...

عاقبه
........
لارحمه
لا شفقه
الحكم قبل المداوله
اعدام
فلنتداول
فى كيفيه وضع الحبل على عضلات الرقبه
......................
رؤيه
.....
حين اخبرتك انى لا اؤمن بالنهايات المحكمه الاغلاق
تورايتى خلف ابتسامه مستنكر
الارتطام نهايه كل انزلاق

......................
حدث
........
كنت نبيك
يطرب قلبك عند الحب
عنادى
كنتى بلادى
اما الان
لا تهوى عند الحرب جيادك
ان تعدو خلف جيادى
.......................
غفران
......
لا تقاطع
ولو ذكروك بجرح غائر
وركن كنت فيه
وصار اليوم شاغر
لا تقاطع
ولو قيل هجر بهجر
ولو قيل غدر بغدر
اكل العيون تطيل النظر
اكل القلوب تطيق السفر
لا تقاطع
........................
ذكرى
.......
لن تحترق
لا شىء فوق الغضب
وانى احب الرجل الغاضب
رجل يشبه غضبى
لكن حتما
ينفر كل المتشابه
يفترق
..............................
صفعه
.......
ابوك مش هيرد عليك
مش سامعك
ابوك مات
مات
(من فيلم اسف على الازعاج)
.................................
حقيقه
.......
شكلك بتحنى


يا وقحه
..................................

اسف على التطويل
to7fa

حمامة said...

رؤية"

وانت هناك مرتكن على ذلك الرف الخشبي العطن

أخبرتك:

ستأتي بنت من بعدي اسمها .. ايا كان

لن تستطيع رؤيتها إلا من خلف سحابات دخانك

وستخبرها في كل لحظة أن تغلق شباك الحجرة جيدا

مازحا "حتى لا يطير الدخان"

وأردد أنا في سخريتي .. حتى لا تطير هي


عجبتنى دى اوى اوى اوى

جميل البوست
واكيد انتى اجمل

نفسى تيجى عندنا :)

كل رمضان وانتى طيبة :)

د. مونى said...

لمياء
فى اول مرور لى بمدونتك الرائعة احييك على براعتك فى تجسيد الافكار.... حتى ولو كانت مغلقة
تقبلى مرورى وتحياتى
مونى

بنت القمر said...

جميل وغامض

Mony The Angel said...

msh 3arfa a3alla2 a2ool eh bgad

alpost da one of my favorite posts 3andek bgad :)

ereeto marteen haseeb alta3lee2 wa2rah talet
w akeed kol mahagy 3andek tany ha3od a2raah le7ad ma7fazo wabattal a2rah :)

7awelt a3ml quote le goz2 mo3ian bas ma3rftsh l2etny kda ha3ml lel post kollo quote :))

ra2e3 fe3lan ya lemy :)

Anonymous said...

عالم جميل أخدني بنعومة من حالة للتانية

جميل جدا جدا
باحييكي على النص دة قوي

سابرينا said...

ولأني ادركتك من قبلك .. ومن قبلها .. ومن قبلهم

ولأنك كفرت بإدراكي

كان على اللعنة أن تحل عليك

فتتوه لخمس

وتحن لعشر

وتدرك أن النهاية ليست عند اعتاب
بابي بعد اليوم
__________________
أبدااااااااااااع
like dancing on the snow
لكي يفوز مثله .......بمثلك
يجب ان يلحس تلك الأعتاب
!
رمضان كريم يا لولي

Unknown said...

جميل جدا
جميل جدا جدا جدا
برافو :)
القدرة على تركيز القصص الكبيرة في كلمات بسيطة و في الربع سطور غير كاملة نوع من الكتابة الصعبة جدا جدا
اللي مش كل الناس بتجيده حتى لو حاولوا
:)
مش قلت لك قبل كدة ..
انك أشطر مني؟
:)
كل سنة و انتي طيبة :)

أحمد سليمان said...

لمياء
هي مرة أخرى لعبة الزمن
الزمن هو الإشكالية فيما تكتبين
دائما هناك الآن ومن قبل ومن بعد
إذا سلمنا أن هناك غيابا
فنحن في نصوصك نجد أنفسنا أمام الغياب الزمني وجها لوجه
حتى عندما نتحدث عن مكان ما
مثلا هناك أمام الرف الخشبي العطن
فإن الزمن عندما يوجه نظارته إلى البنت -حضور مادي- فإنه لن يراها -غياب مرة أخرى- لأنها أتت بعد -زمن- لذا كان عليه أن يحبس الدخان/الزمن لكي لا يطير
أو لكي -كما في سخريتك- لا تطير هي
وكلا الأمرين يؤدي إلى غياب
____
في "حدث" كان الغد الرائع -زمن أيضا- غائبا لأنه ترك الشال/المعادل الموضوعي لملكية عينيها ينزلق
فوقع الغد في الغياب
_____
في "غفران" كان المساء-لا داعي لتكرار النظرية الزمنية- وكان حتى الغفران/الدعاء بعد تجاهل/غياب أيضا
أو تغييب إن شئنا الدقة
........
وهكذا
لو أردنا التحدث عن بوستاتك الأخيرة سنكرر جميل رائع أو كلمات مشابهة
لكني أرى أنها تحتاج إلى بعض عناية لكي تكون أكبر من مجرد بوستات لأنها تستحق ذلك

شكرا لك
أحمد

mando4ever said...

صحيح اني اتوقفت عن الاندهاش من فترة طويلة قوي....
وياريت دي المشكلة....
ان يتم إدهاشك _وأنت الذي لا تندهش_مرة فهذا مقبول....
إلا ان المدهش فعلا هو أن تندهش في كل مرة تتوقع فيها ألا يُدهش شئ أدهشك من قبل.....
من امتع لحظات حياة الناس اللي دايما بتتوقع أن القادم سئ....وأن الأسوأ لم يأتي بعد....
هي لحظات كسر الأخرين _أمثالك_للكلام الفارغ ده....
.
.
صفوف مساكين....
ضايعين ضايعين....

Lyssandra said...

عجبتني جدا رؤية

معني ومغزي وتعبير

===================

كذلك غفران

لا لوم لا عتاب
فقط يندم بليله
وفقط هي ناسية بقلب متسامح

====================

ذكري

عندما تكون حروف اسمه هي حروف المعاناة والمواساة

ليست معاناة فقط

إذن هي كل شئ

وذكري ؟؟

صعب

==================

لأن الحقيقة كانت أقوي من وعيك اخترت أن تعتبرها كذباً

هروب

==================

جميل جدا يا لمياء

يزداد تعلقي بقلمك

وتزداد ابتسامتي اتساعاً

يعجبني ما تكتبين وكيف تكتبين

تحياتي
وكل سنة وانتي بخير
ورمضان كريم


Lyssandra

Anonymous said...

متابعة كتابتك من فترة طويلة
بيعجبنى إسلوبك جدا فيه حاجة مختلفة .. معبرة .. غامضة بعض الشىء بس غموض يتحب
ميزة أغلب بوستاتك إنها بتجمع بين جمال الإسلوب و القدرة البديعة على توصيل الإحساس و المشاعر
و معرفش ليه بتخلينى أستغرب إن ده عمق تفكيرك بالمقارنة بسنك :)
إبدعى أكتر و أكتر محتاجين نقرا لك كتير

Unknown said...

كل سنة وانتي طيبه
رمضان كريم ياليمي

Anonymous said...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

شيتوس الاهلاويه اووووي said...

افكار مغلقة بس بجد عبرتي عنها بكل قوة وبراعه تقبلي مروري وتحياتي ليكي بجد علي البوست الجميل دة
كل سنه وانتي طيبه ورمضان كريم
ويارب ماكونش زائرة تقيلة عليكي
أختك شيتوس

عين ضيقة said...

هقولك ايه؟
دمتى مبدعة
ــــــــــــــــــــــــ


برة النص
أنا محتاجالك اوى

Mony The Angel said...

I miss U

إنسان said...

روعة بجد عندك قدرة نادرة الحدوث على تجميد اللحظة و حفظ توازنك اللفظي بشكل خطير ,الكلمات خارجة زي الرصاص كلام جميييل و أكيد صادر عن إنسان مش عادي!!

Anonymous said...

شوفتي المسلسل السوري
عيون لميا؟

shimaa said...

علموني في البدايةأن اكتب فوق سطر واترك الآخرثم اجبروني الا اترك سطر"احنا خلاص كبرنا el7ta de gmda
2wii.7stha f3ln

el painting da ana b2drha ..enty 5dteha mn 3ndy 3la el blog ..msh tst2zny..ah s7e7 msh ana eli rsmaha lkn aho b2a elwa7d by7ot 72o2 mlkya 3la watever!;D

LAMIA MAHMOUD said...

غادة
الجملة هي نفسها ما هي الا محاولة للتشبث بي
وحشتيني
_____________
محمد صبحي
طب انا مش عايزة امشي اعمل ايييية؟
لما اتكلمنا قلتلي ان زمان كنا عايزين نكبر
انا دلوقتي مش عايزة اكبر
:)
انا اريد وانت تريد والله يفعل ما يريد
_________________
ميرو
اه هما كده فعلا
___________
vetrinary
عاقبة

تعددت الاسباب والموت واحد

رؤية
لم اتوارى ولكني افصحت
مبدئي اني اي مبدأ عندي ممكن يتغير
مش ده كلامك؟

حدث
واذا هلا حبك غير ريته عمره ما يكون


غفران
ضحكت هنا بقى .. ده تعديل على لا تصالح؟

ذكرى
على الاقل استحق ان يخلد كذكرى .. لم يكفن

صفعة
قولها يا بابا قولها

حقيقة
اه بس لمين ولاية .. السؤال هنا
وقاحتي بعتبرها ميزة لا عيب
مطلوبة

وتطويلك كمان ميزة مينفعش تتاسف عليها
الكومنت تحفة وان كنت مردتش عليه بما يستحقه
اه صحيح الاغنية اللي عندك ع البلوج
دي اغنيتي
واكلالي دماغي من زمن
____________________
حمامة
متشكة ليكي يا جميلة
جيت وباجي وحاجي
الله اكرم عليكي
:)
_________________
موني
حبيبة قلبي
اوعي تبقى اخر زيارة يا بت
وغيري موضوع توشكى ده عشان اعرف اقولك اول مرور وبتاع
منورة يا ايمي
_________________
بنت القمر
انتي اجمل
والغموض مطلوب وان كان غير مقصود

LAMIA MAHMOUD said...

mony
تعليقاتك بستناها يا بنتي والله
كان نفسي تحطي الحاجات اللي عجبتك عشن اعرف هي اية
_____________
مصطفى السيد سمير
بجد شكرا
:)
______________
سابرينا
كلام كبير
بس خليني اقولك
وحتى ان لحس تلك الاعتاب
:)
منورانييييي

__________________
شيماء علي
طب مشيها احنا ال2 شطار
كل سنة وانتي طيبة يا بنوتة
:)
________________
احمد سليمان
اوجدت معنى اخر لرفي الخشبي العطن
ربما قصدته دون ان اعي
احييك .. يمكن عشان كده مش حعرف ارد لاني لم اقصدها كما رايتها .. وان كانت جملتي تحمل اكثر من معنى
وعموما عن الزمن والغياب فحدث ولا حرج
احنا اصلا محشورون في الزمن

اما عن الحدث كتبتني مرة اخرى .. وقوع الغد في الغياب كان حتمية زمنية
الزمن والغياب والحنين هو كل ما اسطر
اجعلها تغييب

ومحاولتي لان تكون اكثر من مجرد بوستات موجودة ولكن مش ع البلوج
بلوج يعني بوستات
سعيدة بالكومنت وبرأيك اللي ليه تقديره فعلا يا احمد
__________________
ماندو
تغيب تغيب وتيجي تثبتني
ان كانت مجاملة فشكرا
وان لم تكن فدعني اعتقدها كذلك
:)
ضايعين

LAMIA MAHMOUD said...

lyssandra
لما بننسى لازم نعملها بقلب متسامح
عارفة ليه؟
لو ما سامحتيش مش حتنسي

كان كل شيء
فالذكرى جعلته كان
اضفنا كان الى الجملة فاصبح ذكرى
ومش سهل
محدش قال انه سهل
صعب جدااااا

هروب ربما من صفعة على خد الروح

انا كمان مبسوطة بيكي
الله اكرم
______________
انونيموس 1
يسرني جدا متابعتك ليا .. مع اني كنت اتمنى اعرف اسمك فعلا عشان اقدر اكلمك بيه
على فكرة التفكير مش سن
عمره ما كان سن صدقيني
وان كنت لا اجرؤ ان ادعي اني عندي من التجارب ما يجلعني عميقة التفكير من الاساس
بس رايك اسعدني ويحترم جدا
___________________
اسراء
وانتي طيبة وبخير وصحة وسلامة
_________________
شيتوس
منوراني وكل سنة وانتي طيبة
مرورك اسعدني واكيد مش زائرة تقيلة ع الاطلاااااااااق
_________________
اسماء
دمتي جميلة يا ستي

بره النص انا قلتلك خلاص
:)
______________
mony
i miss u to:)
_______________
انسان
متشكرة جدا
:)
____________
انونيموس 2
وماله مش عيب
______________
شوشو
هو كله رمى ع الكلمة
بالنسبة للوحة يا شوشو صدق او لا تصدق
مخدتهاش من عندك
:)
بس يلا ما علينا حبقى استئذن برده

د. مونى said...

ياساااااااااااااااتر عليكى
اخيرا عبرتى امنا؟؟؟
ادينى كررت الزيارة اهه وكمان غيرت توشكى ... اما نشوف بقى
شلينى بقى واقريه كمان سنة

ayman_elgendy said...

حول تلقين الحلم

بماذا تحلم يا صغيري؟؟....اها لا تجاوب سؤالي ...فأنا ادري منك بماذا تحلم.....فأنا من لقنتك حذافير وتفاصيل حلمك....أترك سطر....لا تترك سطر.... أكتب بالرصاص....لا لا...أكتب بالجاف .... أرسم تعبيري فني ...لا لا حان الوقت للتصميمي الابتكاري.....سأعلمك بالتدريج كيف يصاب عقلك بالشلل وحلمك بالعقم وأطلقك لتزاحم الاخرون في مدينتا....مدينة البهائم

----------

ماحياً كل حكمة ... هذي ناري لم تبق آية دمي الآية هذا بديء ....دخلت الي حوضك ارض تدور حولي أعضائك نيل يجري.... طفوتي ترسبنا تقاطعتي في دمي قطعت صدرك امواجي أنأسرتي .... لنبدأ ....نسي الحب شفرة الليل .... لنبدأ ....صرخة تعرج المدينة والناس مرايا تمشي ........ أذا عبر الملح ألتقينا .... فلا كان المكان ولا كنا

kafrawy said...

السىء

انك تعتقد مثلما يعتقد الاخرون


الاسوء

انهم يعتقدون بمثل ما انت تعتقد

تحياتى bravoooo

ميرام said...

علموني في البداية

أن اكتب فوق سطر واترك الآخر

ثم اجبروني الا اترك سطر




انتي هايله
بجد قرأت البوست كتير ..
وكل مرة كان بيوصلي معنى مختلف ..
حتى أني اقترح تغيري العنوان ..
لأفكار مفتوحة ..
بجد بجد تحفة ماشاء الله عليكي ..
لي عودة ..
بانتظار جديدك

حصان بري said...

رائعه في الوصف يا لميا
صعب جدا الشعور بالغيره والحب ولمس جدار الكراهيه
المشاعر المتناقضه دي متتوصفش غير بمواقف موجزه ومعبره
وانتي اخترتيها ببراعه

بقت عاده اني ارفع القبعه عندك يا جميل
خليكي عيله وعدي السطر ده بقي:)

Anonymous said...

يا ريت البوست الجاى يكون قريب :)

Mony The Angel said...

badom sooty lesoot al Anonymous

إبـراهيم ... said...

جميـل جدًا ....


يكفيني أن أصمت هنــــا ....جــدًا يا لمياء

Unknown said...

العنوان

الوصف

اللوحات المتناثرة

و العناوين المضبوطه

و الأفكار المبعثرة في منظومه رائعه

زيارة أولي و نظرة عامه و لكن لن تكون الأخيره .. بالفعل مدونة فنان

أنا أحد و لكني سآتي لاحقا فمدونتك تجعل الذي لا يأتي يأتي

خالص إحترامي و تحياتي

Unknown said...

لميا سوري تعاملت معاها علي انها مدونة واحد مش واحده ..

بس طبعا لسه عند رأيي :)

shabfa2re said...

beeeeep beeeeeeeep
happy eiiiiiiiiiid

sherif gharib said...

اقسمتى بغيرك لديه فالنتيجه حتميه لانك لا ترغبين فى كلاهما معا
لكنهما هما من اختارا و النتيجه ليست حتميه لانها ليست مسيره بمقاديرنا نحن
الشال لم يسقط سهوا يا عزيزتى و لكنه سقط من لا مبالاه
مبدا من ماذا بعد ان يسقط ماذا بعد كل تلك المساحيق فى النهايه انتى لكى لينساب كل ما تريدين انسيابه
السخريه غضب و الغضب اولى خطوات الانفعال و عدم الادراك
كتبنا على كل السور حتى امتلات و حينها ادركنا اننا من البدايه لم نتعود على مبدا
سطر سطر
و اللا ايه النظام يا اخونا علشان الواحد يعرف
بس النهايه صدقينى واحده هى حاله نفور

اتركيه و اتركيهم و تعلمى انه ليست الاسطر و ليس بمن علمنا و لكنها بماذا نريدنا ان نتعلم و ماذا نريد نحن تعلمه
تحياتى

كرانيش said...

فينك يا بنتى

وحشانى

ســمـــر احمد said...

صباحك فل مكسوف من جمال الابداع هنا
جميل صدقك

islam yusuf said...

"صفعة"

لأن الحقيقة كانت أقوى من وعيك

اخترت أن تعتقدها كذبا

نستسلم دائما لمكابداتنا التى لا تنتهى
نهرع إلى أنفسنا نرسم ظلالا خفية علها تؤنس وحدتنا و تترك شباك الروح مفتوحا على آخرة.....هل الحقيقة هى ما نود اعتقادها أم هى ما تفرض نفسها علينا كتنين لا نقو على الفكاك منه فنكس و نركن إلى الهدوء
و نرسم دوائر فارغة فى الهواء

نصوصك التلغرافية رائعة

Mony The Angel said...

tab eh?!
enty feen ya bnty kda!

Oma said...

"صفعة"

لأن الحقيقة كانت أقوى من وعيك

اخترت أن تعتقدها كذبا

********

حينما تعلمت وضع المساحيق والاختفاء وراء نظارتها الشمسية

توقفت عن لعبة توصيل النقاط

********

enty gamda ya mozzaaaa :D:D

Feras othman said...

حين ارتد إلي الصدى اكتشفت أني..

في لعناتي ورعبي وجموحي واحتياجي وأمني وغبائي

رددت اسمك فقط

وكأنه حروف المعاناة والمواساة



ra2e3a ya lamia

distancd worda and thoughts from each other...but full of meanings and emotions :)

i do wait your new post since time and i read this before but here i am leaving my comment as a request asking you for your new

be safe

Anonymous said...

فكرتيني باغنية دايرة الرحلة لمحمد منير
مش عارفة ليه
حسيت ان ليها نفس مزاق الكلمات

في دايرة الرحلة دروب بينا تخلا اه ياحبيب عمري وصحبتي وقمري عيون مرة تبعد خطاوي مرة تعند
حنين جوانا يحكي وشوق جوانا يبكي