عذرا لعدم توافر بعض القصص لوجودها بمجموعتي القصصية الأولى*************
اللوحة لسوزان عليوان
Subscribe to:
Post Comments (Atom)
skip to main |
skip to sidebar
بغلة العرش
ريبيكا لدافني موريية
صاحبة الجاذبية النفسية المهلكة ;)
seasone 3
U can download the movie by clicking on the pic
يا ورقي الاصفر عم نكبر .. عم نكبر
Facebook Badge
I'm now reading
بغلة العرش
A book with memories
ريبيكا لدافني موريية
My Mood
صاحبة الجاذبية النفسية المهلكة ;)
I'm now watching
seasone 3
آخر حاجة شوفتها تقريبا
U can download the movie by clicking on the pic
Poetry
ساعات باسمع
على سريرك
آهات بتونس الغربه
وبتصاحب .. بيوت الصبر
والحرمان
سواقي العمر ده لفت
وتعبت م الفرح والحزن
تقولش الدنيا كات حالفه
تموت زعلان
وباتذكّر
خطاك في النور
خطى خايف ل يتكسر
عشان خايف تعيش مكسور
وحالف ع البيوت تفرح
وتضحك في الوشوش كداب
مابانش المعنى في القصه
وزيف الفجر ع الابواب
ماحِلـْمتش البنات بعينيك
وماقدرتش
تلامس م السما شعره
وماوصلتش
لسر الفجر في الصوره
وكيف الواد
ماداقش النشوه في التأويل
وكيف ان الميدان مغرور
وكيف ان الغنا بالليل
بيكشف زحمة المستور
ويلعن ضِحكة العِمدان
تقولش الفجر كان عارف
بإن نهايتك اللي عشان ماصدقهاش
تكون في عينيه
في عز الصمت والحيره
وعز الوحده في الانعاش
خلاص مافضلش الا الموت
ولاجل يزيد مرارك .. مر
ويبقا الفجر متعلم بروحك وانت بتقول شعر
وتقرا الوِرد
للشارع وللماشيين
مفيش فاضل
ما بين الموت وبينك غير
يادوب لحظه
ماتتحسش
عشان عايشين
كبصة بنت ع الفستان
في نُص الشارع المردوم
تراب فتارين
خيوط مُرّه
تقيس البنت فستانها على المانيكان
يقيس الناس عليها الحزن
من برّه
شهادة طفل ان الشارع امبارح
ماكانش سعيد
عشان أصله
بيقرا الحزن في العواميد
وشايف من عيون صادقه
ملامحك خارجه م الجامع
برغم الدنيا داخله عشان
تصلي العيد
خلاص صدقت ان الموت .. قرار نافذ
وان مفيش زياره عشان ماتتعلقش بالحافز
خلاص .. هاتموت
مافيش داعي لدمعاتك
وموت مبسوط
وانا هافضل هنا ع الارض
أجيب سيرتك
وأقول الشِعر بالاكراه
وأوطّي الصوت
عشان ترتاح من الزيطه
واداري جيوب قميص الخوف
واسد الشق في الحيطه
وأخبي الفجر عن عينك
وهاستنى
صدور الأمر بالوحده
وصمت الآيه هايشيله
خلاص صدقت
إن الموت ماجاش عندك
وإن إنت بتمشيله
وإن الموت على سريرك
صديق الصمت والحيره
خلاص صدقت
إن الشِعر والإصحاب
ماجوش يزوروك
وان في قعدة القهوه
ماعدتش تيجي ع السيره
فلو جالك ملاك الموت
ماتضحكلوش
وماتدمّعش
عشان في الصوره تلمحني
واحس بعزتك .وانت
مابتسلِّمش للنهايات
وماسمعشي في طلوع الروح
بان القلب مات محني
وصَلِّي الوحده للاخر
وإضحك للكلام والصمت
وعَـلّي الصبر ع الآخر
ما ياما ضحكت واتلصمت
هاتشرق روحك البنور
عشان النور خلاص حاضر
وحضّر قلبك المجروح
عشان يُسأل
ورد بكل حزن وقول
أنا أشهد
بإن الرب ده وحده
وإن العمر ده وحده
وإن القلب ده بالذات
ماداقش الفرح ولا حاجه
وان مطارح اللذات
ماجاتش تزوره ولا حاجه
ده حتى جاي هنا وحده
ممدوح زيكا
غرفة 315
عني انا نتحدث
- LAMIA MAHMOUD
- cairo, egypt
- مبحبش نوم التوابيت مجنونة معجونة بمية عفاريت ... بتجادل كتير وترد وكعب جزمتها مهاودها ع الحنجلة ع الأرض
42 comments:
لمياء
دائما ما تبنهرني كتاباتك
أنا باكتب من الموبيل بس ما مسكتش نفسي أني اكون اول تعليق
تحياتي
كيف اذن تدعين إنك تريدين الهروب ذات يوم من كتاباتك إن كنت تحملين الكثير والكثير من هذه التفاصيل الصغيرة في جعبتك؟؟؟؟
اكتبي واكتبي فلمثل هذا خلقت الكتابة كما تقول أحلام
وإن كنت لا اتفق معها في أن الكتابة هي محاولة للتخلص من شخص ما أو شئ ما ولكنها صورة جديدة من صور تخليده للأبد..
كتاباتك هنا عن الولد العترة والصبية الحنان ما هو إلا محاولة منك لنبش الماضي والاحتماء به عله يخرج على السطح ويمنحك بعضا من الدفء
إنه الحنيـــين يا عزيزتي ... الذي يُرجعنا كمجاذيب نفتش في الصناديق القديمة علّنا نحظى بابتسامة وقليل من الدفء ومحاولة للبحث عن الذات الأولى وقت أن كانت نقيّة لم تدمرها أحلامنا ولا مشاريعنا ولا خططنا للمستقبل
:)
يخربيت دماغـــك لمستيني أووووووووووووي
يااااااااااااه
قد اية الدنيا غريبة
ومش متوقعة
كل ما اتذكر الاحداث اللي كتبتيها ينقبض قلبي
و ببقي عايزة ادمع ومش قادرة
جميلة قوي
و سلسة قوي
و اسلوبك رائع
دمتي سالمة
سلامٌ عليكي
فعلا الايام مش
بتبقي علي وتيره واحده
ناس رايحه وناس جايه
بس انا مبهوره بالبوست :))
البوست جميل جدا
كلنا كنا تلك البنت
او الولد
مع اختلاف اسباب الفراق او نهايته
اخوة انجذاب بدايه مراهقه ايا كان الاسم
لكل منا قصته الخاصه
ودائما ما تنتهي بذكري يستحيل نسيانها
ها اخد لينك من فضلك
الله عليكي...الله الله
كلامك فيه كمية حنين غير طبيعية..فيه حاجة حلوة مش عارفة اوصفها غير بالحنين بصراحة...او يمكن بتحبي نفسك لما بتفتكريها ايام زمان
احنا ساعات بنفتكر زمان علشان يمكن بنعتقد انه اننا كنا احسن كتير من دلوقتي..او كنا اطيب..أو اسعد..
صدقيني مش عارفة ليه بنفتكر زمان..بس بعد ما بنفتكر بنحس اننا كويسين
:)
عارفه انا ما كملتش قراية
انا اصلا مرهق وبكتب التعليق من عقلي الباطن ومش قادر اركز
بجد لغاية ما عجبت منبهر جدا وقولت بس ابطل واكمل بعدين بقي لما افوق علشان ما تضيعش حلاوة البوست وانا عامل زي السكران كدا
بجد انتى مبدعة
دام لنا قلمك
تحياتي وليا عودة
تشي
المفروض انها لغاية ما قريت وانا منبهر مش عارف كلمة عجبت دي جت منين خالص والله
انا بغير شعرة على سدرى النحيف
وحبيبتى ماشيه بغير شفايف او بزاز
نظرة يا لابسين العبى
نظرة ع الطالعين سلالم من جزاز
الابنودى
ابن الجيران وبنت الجيران هو الحب الاول عند اى حد
مين ملعبش عريس وعروسه
مين متجوزش بنت خالته وهما عندهم خمس سنين
متغوطيش جواكى اوى
خايف متعرفيش تطلعى
حاجة تخليك مش عاوز تسيب قراية إلا لما تكملها..بجد بجد بجد
حــــــــــــــــــــــلوة جدا جدا
اسلوبك رائع وطريقة سردك للأحداث غير متكلفة اطلاقاً ومميزة وسلسة وده احلا حاجة فيها
بالاخر صورة ولا اروع
للحب بكل تفاضيله البريئة لي ضاعت مننا
رجعنا شفناه عندك
حلوة بجد
قبل أى حاجه اسمحيلى أهنيكى واشكرك على مقدرتك الجميله فى السرد بدون توهان. على مقدرتك انك تخلينا نعيش معاكى اللحظه اللى بتحكيها من غير ما نشرد بعيد عنك. دى موهبه ربنا يحفظهالك. الحاجه التانيه الموضوع نفسه. مشكلتنا كأطفال اننا بنكون عايشين أحداث الفتره دى بمنتهى البراءه ومش متوقعين ابدا انها تنتهى. وبعد ما تنتهى ونكبر ونفهم انها انتهت نندم ان احنا مغصناش فى الأحداث دى بشكل أعمق ونقول الكلمه المشهوره ياريت كنا فضلنا أطفال. بوستك فكرنى بأعلان بيجى الايام دى فى القنوات الفضائيه عن كميرا وفكرته انك لازم تستخدم الكميرا لتسجيل احداث ومقالب الطفوله لأبنائك علشان لما يكبروا وتوحشهم احداث طفولتهم ميكرروش الأحداث وهما كبار ويتفرجوا بس عليها. ياريتنا كنا نقدر نسجل أحداث طفولتنا كلها صوت وصوره ونتفرج عليها كل شويه. اسف انى طولت بس بوستك أعاد ليا ذكريات جميله.....تحياتى وشكرا
لميااااااااااا
وحشتيني قوى قوى قوى والبوستات اللي فاتت تحفة بس البوست ده لمس في ّ وحدتى لأنى مكنش عندى جار العب معاه ولا حد هفتقده ويفتقدنى بس مع اول يوم رحت فيها المدرسة واتصاحبت على زميلي الطيب وبعد كام يوم قررت اروح ازاكر عنده ولما رجعت وبابا زعقلي وبطلت اكلم زميلي تانى واكتفيت بالصحاب اللى بيبعدوا بسرعة
لما قابلته صدفه من ايام في القطر ولما شافنى وضحك ولما جه يتكلم وقالي انه فاكر المزاكرة وانى اتغيرت كتير وانه هو كمان اتغير عرفت ان زي ما بحتفظ بتفاصيل لناس بيبعدوا في بردوا ناس بيحتفظولى بتفاصيل وانا معرفش
جميل يالميا
صحيح المقهى اللى بتقولى عليه جروا رجلى مرة واحدة بفنجان عجبنى وبعدها بقوا فعلا يستخسروا البن
يمكن اعرف اشوفك هناك
صباح مظبوط
تفصيلك بتحضن أووووي
:)
وحنينك لزمن فات
باين
بس
مش عارفه ليه
حسيت انهم لسه موجودين مع بعض رغم البعد ده كله
يمكن علشان هيه لسه فكره العالم
الي جمعهم ويمكن علشان بتبص عليه من الشباك الي جوها كل فتره
بحب
:)
جميله أووي يا لمياء
واختيارك لصوره المكعبات السكر تحفه اوي
:)
بوست اروع من ان يوصف
بجد ابدعتى
ya lahweeeeeeeeeeeeeee bgad
da 3aiz yet2ra mara wetneen w 3
bgasd ye5rebeet dema3'ek ya lamia
eh da bgad!
alpost aktar mn 3abqary :|
fakareeny lama aklmek as2alek 3an 7aga daroory ha ;)
الله
بحب الحكايات
وانت بتعرفى تحكى حلو اوى
احكى كمان :)
اسكندراني
شكرا جدا
على كلامك وعلى حضورك
تحيات متبادلة
________________
تسنيم
احملها كعبء لا فرار منه .. فقط اعبر عن رغبتي في الهروب كلما اتاحت لي الفرصة
لا اتفق معها انا الاخرى فإن كنت لم اخلده بكتاباتي فماذا عساني فاعلة
بالتاكيد ليست الفكرة مجرد اجترار ذكريات وقتل شيء ما بداخلنا
نحن نبعث من نكتبهم على ورق
كتابتي هنا ما هي الا كما قلتي رغبة مني في عدم النزول لشراء الخبز وحدي بعد الآن
الحنين الى الاميرة العاقلة ونقاء نظل نبحث عنه ابد الدهر يا تسنيم
تحسي انك مش عارفة هو راح فين ولا ازاي فتجيبي الكشكول من الاول عشان تعرفي
علك تجديها في الطريق
الحال من بعضه يا توسي
:)
________________
نعكشة
غالبا احنا كاشخاص اللي مش متوقعين مش الدنيا
قد اية بنتاثر بكل حاجة ومفيش حاجة بتمحي الاثار
سلامة قلبك من الانقباض
نورتيني
دمتي بود
___________________
ميوية
اسعدتني كلماتك
منورة
___________________
بنت القمر
القصة المكررة هي .. تختلف الاحداث والاشخاص وربما التفاصيل
وتبقى هي
بيسو
لما الحنين يهلك :)
طب بذمتك مش انتي كمان بتحبيها اكتر ايام زمان
مين فينا مش كده يا بنوتة
قبل اي حاجة .. قبل ما نتحول :)
بصي احنا بنبقى كويسين على حسب الزمان اللي افتكرناه مش كل زمان رائع
_______________
احمد
ربنا يخليك وانا مستنية رايك بعد ما تكمله
رايك فيه كامل
:)
______________
vetrinary
لو مردتش بقصيدة ليك حستغرب جدا
:)
هو مكانش الحب الاول عندي وملعبناش عريس وعروسة
كنا بنلعب مزينجر يا محمد
:D
عموما خلينا في مضمون الكلام بلاش امسك في كلمة واتصدر
اقولك حاجة
فرويد كان بيقول اقصى جهد يقدر الانسان انه يبذله انه يكون صادق مع نفسه
__________________
يوما
انتي احلى بجد
هي مش كتابتي في حد ذاتها اللي حلوة
هي الفكرة اللي لازم حتلمس اي حد فينا
فترة الطفولة عموما امنية عند كل واحد وحلم
______________
محمد داوود
الاول متشكرة اوي
بعد كده
معنى كلامك اننا واحنا اطفال كنا بنعيش صح
لان دلوقتي لما بنعيش الحاجة وعارفين انها حتخلص
وحاكمين انها حتخلص .. لازم تخلص
مشكلة الاحكام المسبقة
عارفة الاعلان كانت عجباني فكرته جدا
معناه اكبر من الكاميرا مش عارفة صاحب الفكرة كان قاصد ولا جت معاه كده ولا انا اللي بتلكك
:)
طول براحتك
تحيات متبادلة والشكر ليك
___________________
غادة الكاميليا
انتي كمان ليكي وحشة جدا
شكرا يا قمر انك تبعتي نفسك وقعدتي تقري كل الهرتلة دي
زي ما الناس بتسيب فينا لازم نعلم احنا كمان والا كده تبقى المعادلة بايظة
لازم لما يلاقي كشكول قديم يفتكر المذاكرة
ولازم لما يرجع راسه لورا يضحك على كوباية شاي مغشوشة
بالنسبة للقهوة هو على طول كده ده اللي حصل برده لما روحتها اول مرة
وبعد كده شكرا
بس على فكرة بتدمني البن المغشوش بتاعهم
خدي رقمي من مها او اسماء ولما تبقي هناك كلميني ممكن نتقابل
:)
صباح ع الريحة
:D
____________
محض روح
تفاصيل مشتركة
يمكن الوجود مش فعلي بس فيه تواجد
فكرة الماضي وانتهائه مبتبقاش الا لو حاجة كانت زي قلتها
مبسوطة بيكي
:)
___________
blue wave
شكرا لمرورك
:)
_____________
موني
يا لهوووووووي على كمك
مش عارفة اعيش من غيره ازاي يا بنتي
:)
حفكرك حاضر
يا خوفي منك يا بدران
;)
_____________
حمامة
حصدعكم حكاوي عنيا
:)
منورة
جميل يا لمياء جداً..
قصة حلوة اوي ..
تعرفي..
في ناس كتير بتكتب قصص بس بزهق و مش بقدر اكملها لأن القصة بتبان من أول سطرين عندهم .. و بتحسي ان في حد كتب زيها قبل كدة الف الف مرة .. و تحسي انه افتعال قصة مش قصة ..
لكن المكتوب هنا دة قصة .. أجبرتيني اني أقراها للآخر بجمال أسلوبك و دقة الوصف البسيط ..
جميل أوي :)
عندك حق :(
الله يسلمك
دمتي سالمة
سلامٌ عليكي
دى المرة التالتة اللى بقرا فيها البوست وبحاول اعلق ومش عارفة ومش عارفة ليه مش عارفة
جايز عشان مش كان عندى جار كده ولا عشان انا مابحبش النهايات والبوست بيأكدلى ان كل الأشياء لها بدء وختام زى مابيقول ابوسنة ولا عشان أسلوبك الآسر اللى بيدخلنى الحالة أوى لدرجة تمنعنى من الكتابة؟
أنا أرجح آخر سببين لأنى المرة دى قررت مااقراش البوست واعلق على طول
عارفة يالميا
حتمية الفراق اللى بتأكد نفسها وخصوصا فى المرحلة دى من عمرنا مرهقة لحد الاغماء
قبل كده يمكن مش كنا مدركين اوى او كنا مش فارق معانا اوى
دلوقتى.. الفراق بيلح وبيحصل بشكل مزعج كمان مافيش بدايات جديدة بتبدأ وكأن خلاص العمر خلص وهى دى كل اللى بنملكه ذكريات كلها آخرها فراق وشوية حنين يغيظ
عارفة اكتبى
اكتبى وخلاص جايز الورق اللى بتجترى حروفه من ماضيكى ده يظهر حرف جديد يعمل دنيا جديدة
او مايعملش مش مهم اكتبى وخلاص
ـــــــــــــــــــــــــــــ
البوست رائع
حسك الأدبى آسر بجد
بجد
أولا جميلة جدا جدا
نص متماسك ولغة عالية احييكي عليها جدا
لا اجمل من هذا الجو في الكتابة احبه ان كان قصصا او شعرا
ثانيا
دي مني لـ لولد عترة :
http://mr-coffee-coffee.blogspot.com/2007/06/blog-post.html
على فكرة انا جاي بالصدفة من عند حمامة بس لقيتها المدون بتاعة معجبة فيلم اتونمنت
:)
سعدت بوجودي هنا جدا
سلامي لكِ
بوست بطعم الحنين
صحيح يالميا
إنتى بتقرى الساعات لسة؟
ولا مكسلة فى قرايتها؟؟
أصلى قريتها فى إسبوعين
وكنت باقول إنى إتدلعت فيها جامد
:)))
انا اتكتمت بالعياط
ديما رائعه يا بنتى والله كتباتك بتعجبنى جدا
تحياتى ليكى
الله
بجد بوست تحفة .. رائع جدا
تحياتي
اسلوبك رائع
اياماً تبقي
عارفة طبعا فيلم تيتانك
في اخر الفيلم الست العجوزة وهي بتقول ان قلب المراة كالمحيط لا احد يعرف الاسرار التي به
كنت دايما بتريق علي الجملة دي
بس انتي اقنعتيني بيها
وحسيت اني كنت ولا عندي فكرة
في اكتر من كدة
مالك؟
شيماء علي
ميرسي ليكي يا جميل
نورتيني
_______________
نعكشة
شكرا لعودتك جدا
:D
سلام
_____________
اسماء
انا ارجح موضوع النهايات .. مش بس ابو سنة اللي كان عارف وانا بأكد
ده كلنا عارفين
عارفة المشكلة تتلخص في ان زمان كنتي شايفة ان لسة قدامك كتير
لو حاجة باظت فانتي مش مقيدة بمدة عشان تنجحي في غيرها
بس دلوقتي انتي مطلوب منك مجموعة انجازات تكون اتحققت ومجموعة تانية على وشك التحقيق
فالحكاية مبقتش امل وبدايات
بقت حبة حاجات بتتعمل وتتركن على جنب
فاهماني؟
دنيا او لاء احنا مبنملكش حاجة تانية
حنكتب
انتي اللي رائعة
__________________
احمد سلامة
متشكرة جدا
انا حاولت ادخل البوست ده لقيته محذوف من المدونة
عموما ميرسي على الهدية المخبئة
بالنسبة للفيلم الفيلم رائع
وانت ذاكرتك قوية
:)
اسعدتني
____________________
محمد صبحي
nostalgia
انا مش مكسلة والله بس الدنيا كانت دوشة عندي الكام يوم اللي فاتوا
فمكنتش لاحقة اقرا حاجة
حقعد عليها اخلصها
ميرسي يا محمد
:)
على الترشيح وعلى الرواية
على فكرة لحد ما وصلت كلاريسا شداني جدا
محمد حمدي
آسفة
(F)
_______________
لولا
انتي اللي جميلة يا بنتي
تحياتي
_________________
نرمين
شكرا ليكي
:)
_____________
سنوهي
سنكس
_____________
محمد حسام
ولا تبقى يا محمد
متركزش معايا يا صاحبي حتتعب
:)
مليش
زي الــفل
please forgive me lamia
although i caNNOT forgive myself that i missed such a post for you ,,,, yaah its been along time since i read my friends blogs and contact them nothing keeps the same but i am glad that you are fine and your talent in writting is improved and i realy miss your words and your talks too
what to say than i wish that i can be back the one i used to know and to read and write ,,, but i still listen to frank sinatra,olivia newton john,dean martin and others ,, keep safe my dear and keep your wings spread and fly
يخرب عقلك
لا بجد بجد
يخرب عقلك
لميا بجد البوست خطير جدا ..بجد الله عليكي
اخدتيني في حالة حنين طويلة
دايما مدونتك بتقربني من نفسي
تحياتي ليكي جدا
امدونتك جميلة اوى اوى وبتشدنى اوى وبتجبرنى على قرايتها وبخرج دايما باحساس جميل ، ودايما اللوحات اللى بتضفيها معبرة وكل بوست بيلمس حاجة جوايا
بجد بجد انتى فنانة
اتمنى لكى التوفيق
جميل اوي اوي
حقيقي استمتعت جدا بالسرد والتفاصيل الحنونة الشجية
:)
بغتة و بشعور شبه غريزي .. يستدير المرء ليري أن بابا كبيرا قد أغلق خلفه فقطع عليه طريق العودة عند ذلك يدرك أن شيئا ما قد تبدل داخله و أن الشمس لا تبدو جامدة في مكانها و انما تتحرك في سرعة و أنه لم يعد هناك وقت للتطلع اليها و أنها تنحدر متعجلة وراء الافق
( من رواية ايطالية )
نزعة حالمة تحلق بنا خارج محيط ساعاتنا البليدة النمطية .. و تلقينا حيث كنا نقفز و نلعب و نجري بلا اكتراث في قلب الزمن .. كل شئ يبدو ممكنا و كل شطحة طبيعة أصيلة .. و لكل شئ لونه المميز .. تحلق بعيدا عن تظاهرنا بأن الأشياء تبدلت و الألوان اختلفت .. مع أننا ندرك أن العطب أصاب أرواحنا بضربة لا شفاء لها .. أتصور لو أنه باق في الجوار .. و لا زلتما تتلاقيان ما الوضع ؟ سيفتش كل منكما عن الولد و الصبية و يبحث عبثا عن روح تائهة .. ثم تلتفتان تضحكان في سخرية من الأبواب الموصدة أو من أنفسكما أو من قوي عجيبة تلعب بالجميع .. فراق محتوم .. و الطريف أن تبدو كياناتنا - التي قد لا نرضي عنها احيانا - محصلة حتمية لحالات لذيذة يستعصي علينا خلقها من جديد
بتصنعي دايما حالات مميزة .. وجع و تذكر و انتهاء بغربة مريرة .. متهيالي دايما الناس بتلاقي حاجة منها فيها .. باحس بخيط مشترك كل مرة .. و يمكن لكده بديت التعليق بجملة مش موجهة للبوست ده بالذات
تحيتي
اين انتى يا لميااااااااااااااء
فين الحدوتة الجديدة بقى
:(
انا مش فاكر وصلت هنا بعد مرورى بكام مدونة بالظبط
ومش عارف انتى مين ولا مين من اللى اعرفهم يعرفك
ومش هاروح ادور فى البروفايل بتاعك عشان مش هايفرق معايا اى معلومات عنك
كل اللى عارفة إنى اتسحلت وفضلت واقف هنا اقرا شوية
لأ كتير بصراحة
بس
حبيت اقولك تسلم ايدك
ومتشكر
ليس على الايام ان تمضي على وتيرة واحدة
جاوبتى على نفسك وجاوبتى على اى حد بياخده الحنين للى فات
يمكن احنا البنات بتشدنا التفاصيل اكتر من اللازم
لعن الله الحنين
السلام عليكم ورحمه الله وبركاته
ابدعتى واحسن ابداعك
فما اقسى الفراق والانتظار
سيدتى لاتبكى اكثر من ذلك حتى لا يضيع العمر
دمتى بكل خير وسعاده
والله الموفق
feras
صديقي العزيز
سألتني كتير انت رحت فين بس معرفتش ارد عليا .. كلماتك اسعدتني وتواجدك جعلني ادرك ان مازال هناك من هم يستحقون
وحشني كلامنا مع بعض جدا انا كمان
الدنيا مرهقة اوي يا فراس لعل سيناترا يعيدك اليك
متبقاش تتاخر
______________
ساسو
الله يكرمك
لاء بجد الله يكرمك
:)
مشكرين ع الكلام ده يا ستي
______________
مصطفى السيد سمير
جميل أن يقرب ما اكتب احدهم من نفسه
اتمنى ان يدوم هذا الاحساس
فتدوم سعادتي به
_______________
شريف
الحنين الذكريات الماضى التفاصيل فى اللقاء و الفراق
دوامة يا شريف
الغلبة في النهاية لمن؟
صعب ان اتركها كلمات
فهي ابدا لم تكن فقط كلمات
________________
مشمشة
منوراني كبداية
متشكرة اوي على كلامك اللي يعطيني اكبر من قدري بالتأكيد
الفن ليه ناسه ومحاولاتي عبثية جدا في ان اكون منهم
________________
مزمز
الهي يكرم اصلك
:)
معرفتش اقولك اية
____________
يوسف
الباب المغلق وتهيئة النفس لقبول هزائم متتالية ومحاولات لملمة عبثية هي ما تصنعنا .. السر يكمن في ما تراكم خلف ذلك الباب
الطلاينة دول طول عمري بقول عليهم عالم جامدة بقالي فترة بفكر اكتب عن الباب اللي اتقفل كان وراه اية
نزعاتنا الحالمة هي رغبة اصيلة في العودة الى بعض من اشيائنا المفقودة
ضحكة او سذاجة ربما
نوعا لا يغتفر من البراءة الغير مقصودة
لو انه باق في الجوار ربما ما كان هو كما هو الأن وربما ما كنت انا اهبط لشراء الخبز وحدي
ربما كان الماضي هو من سيلتفت الينا ضاحكا منا
فبرغم التشابه نبقى مختلفان
شاكرة لتعليقك جدا .. حالاتي المشتركة ليست الا سطر من بين الاخرين
نورتني فعلا
______________
حمامة
في السكة
ميرسي ع السؤال
:)
___________
ابو زيكس
مش مهم انا مين ولا اية اللي جابك هنا
مش حتفرق فعلا
المهم حالة المشاركة اللي وصلتلها
اسعدتني
__________
كرانيش
هو اللي فات كان احسن؟
ولا اللي جي بعييييييييييييد
معادلة بتؤدي لحنين لازم يهلك على راي حنان ماضي
_________
التائب الحائر
وعليكم السلام ورحمة الله وبركاته
هو الحنين لا البكاء
دمت بود
Post a Comment