Tuesday, June 24, 2008

سرقوا منا المشوار



عذراً لعدم توافر بعض القصص بالمدونة لوجودها بمجموعتي القصصية الثانية

اللوحة ل
Belinda Del Presco

27 comments:

Che Ahmad said...

ولهذه الاسباب واكثر قليلا اكره الانتظار

اسف على غيبتي اللى بتطول بس والله متابع بس مش بحب اعلق وانا فى مود مش تمام

على فكرة انا كمان ساعات بتشغلني متابعه الناس عن حاجة محضرلها غالبا مش عارف ايه المتعة الخفية فى كدا

تحياتي
تشي

Oma said...

hhhhhhhhhhhh

fakra eny mara bardo nazlt post 3an 7aga zay keda...bardo coffw e mestanya...w bardo habal !!!

لم افهم ابدا لماذا تصر الفتيات على تلك الحركة يعني هي مثلا مثلا مش عايزة
تبص في عنيه؟؟!_

eshte3'alaaaaaaaaaaaaaat ya she5aa :D

محمد حمدي said...

جميل جدا البوست ده
والله العظيم فهمت المره دى .. بس بقدر ما ضحكت على جمله فيلم صلاح جاهين هى فوضى بقدر ما زعلت من السطر الاخير

هل ستذكر مرتنا الاولى؟

mando4ever said...

من المؤسف ان بلوج زي ده ازوره في السنة مرة....
يمكن لظروف حياتية معينة اجبرتني ني ابطل اعمل حاجات كتير كنت بعملها زمان....
زي الكتابة بسبب وبدون سبب....
والرسم بسبب وبدون سبب....
ومراقبة الناس -خصوصا في مترو مصر الجديدة-برضو بسبب وبدون سبب....
اعترف اني احتفظت بالبلوج في المفضلة...
وعرفته من خلال رد سابق ليكي على قصةة ليا....
بخصوص الانتظار....
قالوا انو مش بيدمر الحب بس....
بيقتل العقل كمان....
بس الانتظار في حالتك وفـ حالتي انا كمان تقريبا....
بيدينا فرصة اكتر للتامل...واحيانا الفضول...وغالبا التطفل....
اما بخصوص الاصرار على ابداء الحياء او الخجل...
تقدري تقولي ان "البروتوكول" كدة....
اي شخص "جعلوه فـ انجعل"لازم يتبع البروتوكول....
عشان ينتهي -او تنتهي-نفس النهاية....
الكلام اوسع من ان الصفحة دي تستحمله....
انا سعيد لوجودي هنا ودي يمكن المرة الاولى اللي ارد فيها على بلوج من الاف السنين....

Mony The Angel said...

eh da post gdeed

bsor3a kda

emmm
akeed shee2 mohem kan lazm t2oleeh now w mainfa3sh yestanna

emmm

al entezaar, i hate it, though i'm always doing it :)
maybe that's why i hate it :)

7elw al bent welwalad lol

bas plz matetaria2eesh 3altora7 alkteer loooll

bas moseeba 7etet sala7 jahin de lol


about the last line,

sure he will

who don't :))

تــسنيـم said...

هل ستذكر مرتنا الاولى؟
____________________

هو مش انتي اللي قولتيلي بكرة تنسي..!

ليه انتي بقى مش عايزة تنسي؟؟

:$

عين ضيقة said...

المتعة
هل هى خلاصة معاناتك؟
أن أستمتع أنا وأنا أقرأ؟
أحسبنى قاسية عليك لكن.. ان كانت ذكرياتك تؤجج كل هذا فبالله لا تندمى ولا تحزنى
ــــــــــــــــــــــــــــــ

الدمع
انه متلازمة المتعة الآن ولا أدرى ان كان لتذكرى مرتنا الأولى أم لإحساسى بمرتِكِ الأولى

ـــــــــــــــــــــــــــــــــــ
(خلى السجائر للقصيدة لا تنجب الأفراح شعر بل تولد الأشعار من رحم الدخان)
إنه أيمن ثابت يقول


أراه الآن يصدق
وأرى أن الأدب يكمن فى كف الدمعة حين يرفَضُّ دمعك حارا أو باردا لا مبالى
ــــــــــــــــــــــــــــــــ


أحسبه سيتذكر مرتك الأولى والأخيرة ثم يسقط باكيا باكيا ثم ينهى بكاءه فى تحدٍ
خِلِصنا
ــــــــــــــــــــــــــــــــــ

بحسد نفسى على معرفتى بيكى

LAMIA MAHMOUD said...

che the hermit
ولا يهمك المهم انك بتيجي .. سلامة المود
خير؟
الناس موضوع جيد للمتابعة تقدر تقول فيلم واقعي
احنا كمان ناس على فكرة
____________
اوما
اه فاكرة البوست بتاعك على فكرة بس الاسباب هنا مغايرة اوي يا بنوتة
:)
على رايك اشتغالات فحت يعني
______________________
محمد حمدي
شوفت بقى ان الموضوع سهل يا محمد
وانا مفهومة عادي خالص
بالنسبة لزعلك من الجملة الاخيرة
فآسفة
________________________
ماندو
فاكرة البلوج بتاعك على فكرة .. يمكن انت مقل في الكتابة شوية زيادة
عموما انا اكيد معرفش الظروف الحياتية بس بي شور ان المفروض الواحد يستمر في عمل الحاجات اللي بتسعده بالرغم من اي شيء اخر
الانتظار احيانا بيقتل الروح مش الحب
بالنسبة لجعلوه فانجعل .. مش مقنعة اعتقد الطبيعية اقصر الطرق
انا اسعد بوجودك هنا ولو مرة كل كام سنة
______________________
موني
اه بوست جديد
اسهال كتابي :)
مش عارفة الاهمية بس حسيت البوست اللي فات مينفعش يتساب كده

كلنا هذا الرجل

مكنتش اعرف قبل ما اتريق .. كنتي قلتي بدري
"وش مكسوف" بس انا متاكدة انه مش نفس الاداء

ممكن ميحصلش
بتحصل
_______________________
تسنيم
مش عارفة .. بكرة انسى انا كمان
:S
________________
اسماء
المتعة
في فيلم قديم مش فاكرة اسمه بس كان بتاع هند رستم وفريد الاطرش كانت سابته وهي بتحبه عشان تصحي الفنان اللي جواه
:)
مكنتش بحبه
بس بيقولك من الالم يخلق الفنان .. الاكيد ان لو اني اتألمت واستمتعتي وانتي بتقري يبقى افضل بكثير من الم لم ينتج عنه شيء
.
.
.
احساسك بمرتي الاولى سيأخذك الى مرتكم الاولى وتذكرك لمرتك الاولى سيرغمك على الشعور بمرتي انا
دي مسلمة لدي
.
.
.
بالتأكيد صدق
حينما يرقص الدمع حار او باردا لا مبالي تأتي النتيجة سطورا تنزف او تئن او ترتجف في صمت غير عابئة
.
.
.
احسبه سيذكر مرتنا الاولى مبتسما والاخيرة لاعنا

كلمة كبيرة اوي بس الاكيد اني لازم اعرفك اكتر

حمامة said...

مش عارفه ف اول البوست كده
افتكرت رواية فوضى الحواس

الأنتظار دائماً يحتاج لترتيبات خاصة
فى الانتظار نصبح كالشموع
نحترق انتظاراً..

MoHaMeD HoSSaM said...

اه ه ه ه ه

بجد انا مش عارف ولا اعمل ايه ولا اقول ايه

عمال اعمل كل حاجة عشان مفكرش وادخل عندك القيكي كاتبة البوست دا

اقولك علي حاجة يا لميا


غيري القهوة

Mohamed Dawod said...

بجد بجد بجد انا مبسوط قوى انى اتعرفت بالمدونه المميزه بتاعتك....أسلوبك فى السرد عاجبنى موووت....وصفك للتفاصيل الدقيقه يجنن مش فى البوست ده بس انما كمان فى البوستات اللى قبل كده....انشاء الله يبقى ليا زياره منتظمه لمدونتك الجميله واتمنى تشرفينى بزياره متواضعه وأسمع منك رايك فى موضوعاتى.....تحياتى وشكرا

m.sobhy1990@gmail.com said...

كنت باتكلم مع واحد زميلى على البوست ده إمبارح

:)

النقلة الأخيرة ف البوست دى عجبتنا إحنا الإتنين

ويحسب لك إنك ضحكتينا شوية
:)


حاجة جانبية: بما إن فيه حالة إنتفاضة كتابية اليومين دول
وحالة غريبة كده من البوست اللى فات

دوسى بقى ف التاج
ولا مش ناوية؟؟
:)

Anonymous said...

عنوان البلوج لاتنتظر احد والموضوع عن الانتظار واضح انك مش بتحبىالانتظار ولكن هل ياترى انتى مضبوطه فى مواعيدك هه هه عموما انا عارفه ان الموضوع اللى انتى كاتباه اكبر من موضوع الانتظار تحياتى

إنسان || Human said...

واضح إن إنتي من هواة الجلوس ومراقبة الآخريين ...زي يعني
مراقبة الوشوش والسلوكيات والتصرفات العفوية والغير عفوية
أما مشهد الولد والبنت فده منه كتير ...بشوفوا كتير جداً وفي كل الأماكن ...كأنه أصبح شئ بديهي
ولد وبنت يجلسان سوياً ..فكرة مستورده طازه
...
تحياتي ليكي يالميا ...الواحد بقاله فتره ماعداش عليكي ...بس إنتي زي ماانتي لسه منتظره

مُزمُز said...

لازم اولا اقوللك اني مكسل اعلق عندك من فترة لاني كان عاجبني اوي اخر بوستين بس الكسل شئ لا يد لي فيه :)

ثانيا

انا مبسوط اني لقيت حد مؤمن بمبدأ اللاانتظار ده زيي برغم اني مش عارف اطبقه اوي وعلى هذا اسألك بتقري لألبير كامو؟

ثالثا

لذيذة حكاية القهوة دي اوي

رابعا

الجميل فعلا بعيدا عن كل شئ سردك السلس الممتع الجذاب والتضفير بين الفصحى والعامية العفوي والبسيط والملائم جدا

خامسا

فقد قامت الفتاة بارتداء الاصفر الضيق اسفله الأخضر الأكثر ضيقا او العكس لاعتقادها ان ذلك هو ما تفرضه عليها

طول ما انا ماشي امبارح بالليل اشوف اللبس ده وافتكر بوستك وابتسم

سادسا


ومازالت الفتاة تخفض عينيها كلما نظر اليها متصنعة الخجل _لم افهم ابدا لماذا تصر الفتيات على تلك الحركة يعني هي مثلا مثلا مش عايزة تبص في عنيه؟؟

الحتة دي بالذات

انا بتغاظ اوي من كده
كانت عاملالي معاناة دايما حكاية الاستهبال دي
طب تفتكري ليه بقى؟
وازاي تتعالج؟

سابعا

ضحكت بصوت عالي جدا عندما قرأت عن هي فوضى الذي اخرجه صلاح جاهين
ثم فتجئتيني بجملة يملؤها الشجن

هل ستذكر مرتنا الأولى

لو كانت من غير السين قبل كلمة تذكر لكانت ربما سؤالا ختاميا عاديا رقيقا للحبيب
اما عندما اضفت السين جعلتني اتصور مخاطبتك لمن هو غير موجود فاضفت شجن ما احسسته انتهاء باقيا اثره المرهق

هذه النقلة المتعبة بين ضحكة عالية وجملة شجية
اعجبتني جدااااااااااااا وكنت امبارح باقول عليها لواحد صاحبي بيحب هذه المدونة وهو اللي شجعني عليها

ثامنا

ايه الكومنت الطويل ده انا تقريبا مش هاعلق على مدونات تاني النهاردة

:)))))

مُزمُز said...

اسمحيلي يا لمياء اكون رخم واكتب كومنت لمحمد صبحي

انا شفت تعليقه بعد ما نشرت التعليق بتاعي

وضحكت جدا عالمفارقة

يا ترى يا محمد مين هو زميلك

مع تحفظي على كلمة زميلك دي يا وحش

اللي اتكلمت معاه عن النقلة وانت بتشرب فيروز اناناس؟

لازم ننسق بعد كده مع بعض يا واد

هههههه

معلش يا لمياء على هذا الزحام المروري والمفارقة الساخرة غير المقصودة بالمرة قطعا

:)))

LAMIA MAHMOUD said...

حمامة
ده كده شرف ليا على فكرة

الانتظار يخضع لعدة اساليب في التعامل
ولكل منا وسيلته الخاصة
_____________________
محمد حسام
الاول سلامتك من الآه يا صاحبي
بعد كده المشكلة مش في القهوة خالص يا محمد
على العكس .. انت عارف ان دي المكان الوحيد اللي المفروض ميفكرنيش باي حاجة
المشكلة في الاشياء عموما
سوري يا سيدي
________________
محمد دآوود
نورت واتمنى متكونش آخر مرة
:)
______________
محمد صبحي
عرفت زميلك :)
شكرا انك عرفته بالمدونة .. اخجلتم تواضعنا يعني
مستمتعة على فكرة بالرواية جدا وان كنت لسة موصلتش لاي تشابه بس يكفي الاستمتاع المجرد
النقلة الأخيرة في البوست مش عارفة
جت كده
_____________________
ماما
ما هو انا قلت ان لا انا ولا حد من اصحابي بنعرف نيجي في مواعيدنا
بعدين ليه التشريد العلني ده يا حاجة :)
الموضوع مش كبير ولا حاجة
منورة في اول تعليق بعد اعادة الافتتاح
________________________
hu-man
فرجة .. ما العالم الا مسرح كبير
اما عن الانتظار فلم اكن ولن
ده شعار يمكن
نورت بعد غياب
_________________
مزمز
احلى حاجة الانتخة على فكرة
بقدرها انا اوي :)

ثانيا
المبدأ مريح في حد ذاته فإن لم تنتظر ستفاجئ .. عنصر المفاجاة لذيذ في الحياة
اه بقرا لالبير كامو .. هو انت اللي قلت لمحمد صبحي عليه بقى؟

ثالثا
اتفضل
:)


رابعا
مشكرين ع الكلام الكبير ده


خامسا
حاجة بقت مستفزة حاسة ان طقم واحد بنات مصر كلهم وزعوه على بعض
نفس البنت باختلاف شكل الجسم يمكن
عندي ليهم خبر مزعج جدا .. الموضة السنة دي لا اصفر ولا اخضر
:)


سادسا
اوما قالت اشتغالات .. وماندو قال جعلوه فانجعل
انا بقى بقول حركات قرعة الصراحة :)
علاجها يكمن في الوضوح .. او يمكن في التأكد من صفاء نية الجنس الآخر
حلو انا بقول كلام كبير
:)

سابعا
سعيدة لضحكتك
نقلاتنا الحياتية معلقة بحرف .. عل الشجن جاء من معاناة سابقة من السين


اخر حاجة بقى .. من اول الكومنت بتاعك وانا توقعت ان انت زميله اليل بيتكلم عليه

ملحوظة مني
اية حكاية الفيروز اناناس مع محمد
في اية بينه وبينها؟
:)
نورتني وتعليقك اسعدني

Anonymous said...

انتي امرأة لا تخلع معطفها الثلجي
وانا رجل يتزيا بالبركان
u know

Anonymous said...

انا عاوز اتبع مبدأ اللا انتظار..ماسك ف دماغي اسم مدونتك وانا معرفهاش بحثت ف جوجل وجبتها وقلت اقرا للحظة..

قرات اول حاجه..عرفت انك شريرة ههههههه
..وعرفت انه غالبا هبقى ارجع هنا تاني

لكي كل الاحترام

Doaa said...

أعلم ان الانتظار هو تلك الصرخة المحقونة في القلب حيث تتسربل اليها الدموع الخرساء المقهورة . حتى انتظار الطعام يفقد الجائع شهيته . و رغم ان الحب خروج على كل القوانين الا ان بريق اللهفة يخبو و تورد الشوق يشحب .. رويدا ... رويدا.... طالما الهواء مازال في الافق راكدا لا يبالي .

محمد العدوي said...

عندنا في الشقة ثور حلبناه .. طلّع قمر الدين ..


:D

..............


ثم يمكن حد يجي مع الانتظار .. حد يكون جاي لحد تاني ملقاهوش .. حد راجع ياخد بقيت حسابه .. حد نسي محفظته حيث تجلسين ..

هو نفسه يكون قرا النص .. وافتكر


وفيروز التي تقول ( لا تندهي مافي حدا ) هي هي التي تقول ( جاي أنا خلو القمر سهران ..

LAMIA MAHMOUD said...

u know
مختلفان
من أعقد مسألة في هذا الكون
حتى مسألة الألوان
معطفي الثلجي وقصائد جمال الشاعر وتالتة ثانوي
مش محتاجة أقول اني بطلت اقراله :)
بس مازلت تردني إلى صورتي القديمة في مرآتي
كنت غايب عنا فين؟
___________________
انونيموس
اتبعه متخليش حاجة تمنعك .. حقك يعني
شريرة!!!
شكرا وماله
:)
بانتظار العودة
______________
دعاء
الاول احب اقولك اني بحب الاسم ده جدا
اسم اختي اصله
بعد كده بقى
الانتظار جريمة يجب ان يعاقب عليها القانون
منورة
_____________
محمد العدوي
الثور ده كان يعرف نابليون؟

كده حد جي صدفة من غير انتظار مش جي مع الانتظار

هو نفسه يكون قرا البوست وافتكر
:)
كوميديا الموقف تبقى ساعتها

شوفت بقى اهي فيروز محيرانا مش عارفين نتبعلها مبدأ

وعلى فكرة انا زي زيها مش معروفلي .. اتبع مبدأ اللاانتظار وبعدين اقول الجي احسن واستنى الجي

يا اخي ناس فاضية
:)
نورتني

Yassmina said...

جميل قوي انك تضيعي الانتظار فتأمل الناس
ويسلام بقى لما تقعدي تتخيلي حكايات بتدور مابينهم
او تحاولي تفسري نظراتهم

Anonymous said...

أقدم اعتذاري

عن كل ماكتبت من قصائد شريرة

في لحظة انهياري

فالشعر ياصديقتي

منفاي واحتضاري

طهارتي وعاري

ولاأريد مطلقاً أن توصمي بعاري


من أجل هذا جئت ياصديقتي

أقدم اعتذاري

Amira Hassan said...

بجد البوست عالي و شجين
من شجن يعني :)
انا شفت فيلم "صلاح جاهين " الاخير :)
مسخرة

alexandrany said...

lamia
من زمااااااااان ما باجيش عندك
بس البلوج بتاعتك ما كانتشي بتفتح معايا خالص
معلشي عند مرسي بن المعلم الزناتي دي
:)
عموما ابقي جربي تقعدي في كوستا ستانلي لما تنزلي اسكندرية
القهوة بتاعتهم هتعجبك جدااااا
وكمان الترابيزات كلها قريبه من بعضها.يعني هتقدري تسمعي كويس المرة دي
ههههه
تحياتي

LAMIA MAHMOUD said...

ياسمينا
تصدقي أني احيانا بعمل لكل حد معدي قصة حياة
:)
____________________
انونيموس
نعم؟!!!!!
____________________
ميرو
شجين اه .. اقولك منورة يا مزة
وعلى فكرةمحدش غيرك شاف فيلم صلاح جاهين الجديد
:DDDDDDDD
;)
جبتي نت منين ها؟
____________________
اسكندراني
اي كوستا على فكرة قهوته اكثر من رائعة .. بس انا كنت قاعدة على قهوة بلدي مفيش مجال للمقارنة

بس عشان النصيحة اول نزولة لاليكس حروح كوستا ستانلي
منور بعد غيبة