Sunday, February 03, 2008

مجرد غوايات




ان تنفرد بذاتك في نقطة في منتصف الكون تدور من حولها الحماقات المختلفة .. هذه النقطة هي انت انت المجردة .. لست انت الابن لاحدهم او الصديق لاحدهم او الحبيب ولا حتى من احب وفشل .. انت مجردة من اي ملحقات اخرى .. انت دون ان تسعى الى محاولات التكامل مع الآخرين او بهم ..
اعتبار ذاتك هي المحور للاحداث والواعز والمحرض من منطلق محاولات فاشلة عدة للاستسلام لامور واقعة واعتبار تصرفاتك ما هي الا ردود افعال لافعال اخرى .. وربما كقرار مختلف انسحبت اليه بعد ان اعتقدت لفترة مطولة ان انت لست الا تلك القصة الفاشلة وصداقات مكونة وصداقات ضائعة ومجموعة من الافراح والاحزان وربما مواقف وسطية تبعث فيك الحزن او الفرح على حسب الحالة النفسية التي تتذكرها فيها .. كذلك الذي اراد ان يتزوجها لان ابوه يريده ان ينجب اولادا يناديهم باولاد الكلب .. او هذه التي احبت في عينيه بريق غامض .. فمن الممتع جدا تذكرهم في ليالي الصيف مع الشعور بالاختراق او في ليالي الشتاء والمبادلة بالاحتراق ..
حينما تأتيك اللحظة التي تقرر من خلالها ان تترك ما كان وما سيكون على جانب حياتك وان تنسحب لتجعل نفسك محور كونك وتدور حولك حماقات العالم.. من هنا تجدها اما البداية او النهاية.
**************************
اتمنى لو جميع الاشياء التي تدور في العالم تحدث عن طريق المواجهة .. منذ صغري وانا اعتقد ان المواجهة هي الحل الامثل فإن كرهت فلان فعليك ان تتوجه اليه قائلا انا اكرهك وان احببت فلان فعليك ان تتوجه اليه مصرحا بحبك .. هي البساطة بعينها .. فلا داعي لان اكره احدهم ثم ابتسم في وجهه واخبره انه يااااه كم اوحشني وفييييييييينك
ولا داعي لان احب احدهم واحاول التصرف بسطحية كلما رأيته .. فانت لا تملك من هذا العالم الشبه منتهي الا مشاعرك تتصرف بها كما تريد او تحب .. ولكن من الواضح اني افكر بسذاجة في هذه النقطة فالاشخاص لا يتمتعون بالبساطة الكافية للتعبير عن ما بداخلهم والتصرف الواضح ولا هم حتى يتمتعون بالغموض الكافي الذي يجعلهم يتصرفون بخبث لا يتضح الا عند الصدمة النهائية
بالرغم من بشاعة جرائم القتل عموما الا انني احترم اي طريقة تحتم على فاعلها الاشتباك مع من يقتله كالرمي بالرصاص او الطعن واقدر جدا الخنق فعلى الاقل ان كنت ستصبح قاتل فلا داعي ان تصبح قاتل وخائن في نفس اللحظة .. ان امتلكت الشجاعة الكافية لتزهق روحا امتلك اتلشجاعة الكافية لتخبر صاحب الروح انك ستفعل .. ولذلك كانت اكثر الطرق التي امقتها في القتل هي السم فاشعر ان تلك الطريقة هي اقرب طرق القتل من الشيطان .. فالغواية من الشيطان وحتى تسم احدهم يجب ان تغويه بشيء يريده ليبتلع سمك فيه
***********************
كانت مشكلتي الاساسية وربما مازالت انني اتجنب التعبير عن مشاعري ولذلك عندما افعل تجدني وقد فعتلها بهجومية بشعة .. ربما كنت اعتمد في اغلب الاوقات على ان من احبهم بالتاكيد يعلمون ولا يحتاجون الى ان اخبرهم بشيء او من اكرههم بالتاكيد يلاحظون تغييراتي في التعامل معهم فلست امتلك القدرة على مواربة افكاري ومشاعري .. مواربة وليست موارية اي انني لا استطيع ان اظهر لك جزءا منها واختلق الباقي .. فانا ان احببت احدهم وامتلك معزة ما داخل قلبي لن تكون هناك اي شروط او اسس في التعامل اعتبارا انه بالتأكيد يعلم كم ما اكنه له وبديهي جدا ان يعرف ويتأكد من عدة اشياء بديهية هي الاخرى ولا تحتاج مني لتأكيد او نفي
وبقدر ما اكتسفت اني مخطئة لم يثنيني ابدا شيء عن هذه القاعدة .. بالرغم من هؤلاء من احببتهم وجعلوني اكرههم ومن احببتهم وجعلوني اندم لاني لم اكرههم
******************
لست ملاكا على الاطلاق ولا اطالب الاخرين ان يكونوا كذلك .. فقط احيانا اطالب بتقبلي كما انا وعدم محاولة تحميل تصرفاتي بعكس مما توحي
في فيلم رأيته وكنوع من اثبات الثقافة سأخبركم ان الفيلم ايطالي ويدعى مالينا .. لفتت نظري جملة البطل الاخيرة وتمنيت لو كنت انا من كتبتها .. الا انني لن اذكر نصها هنا بل سأحورها لاجعلها ملكي او بمعنى اصح سأجعلها تليق لان تقال عن لساني ...
فهناك الكثيرون الذين احبوني ولكن من اححبت انا لم يعرف وكل منهم كان يطلب الا انساه ومن لم انسه لم يطلب .. هي الجملة الوحيدة في ما كتبت التي تتعلق بالحب الرومانسي
كثيرا ما طالبت الاخر بالابتعاد فان اقتربت احترقت .. وكثيرا ما تمسك الاخر بالاقتراب قائلا وربما اخترقت .. وحين الاحتراق يصر الاخر على لومي وكأني لم احذره .. هي فقط غواية ان الممنوع مرغوب
*****************
اللوحة هي
center of the universe

cynthia brawn
للفنانةة

33 comments:

Unknown said...

بلف فى دايرة
بمركز
ومحور
وزاوية انحناء
بلف فى سما بطول وعرض
ومحيط واســــــــــــــــع بغباء
جربت اقسم سرعة الالتفاف
على مقدار الغباء فى اللفة
لاقيتنى راح الف الى ما لا انتهاء


المشاعر والتعبير عنها مظنش ان لها اصل او قاعدة لازم كلنا نمشى عليها

يعنى مثلا ان لو عرفت احمد زويل كان بيعمل اية بالظبط كل يوم

وعملت زية

مش بالضرورة انى اطلع عالم كيمياء

خلي المشاعر كدة تخرج بعفوية وطلاقة
اكيد طبعا فى خساير

بس الخساير قيمتها اقل مالمكاسب




عاوز اقولك ان كل بوست عن اللى قبلة

بيزيد اندهاشى

وبتترفع حواجبى لفوق من جمال بوستاتك

حاسس انها بتجبرنى للرجوع للنفسى عشان اتعلم منها

بدل ما ابص على النفوس التانية


تحياتى

Coca said...

خساره ملحقتش اوي تعليق

اولا احب اولا اني احيكي علي اسلوب الثري العذب الرقيق بجد مش مجامله

ثانيا اكثر ما شدني فكره المواجهه

وفكره الانفراد بالذات ولو للحظات

اميرة هشام said...

لمي مش عارفة اقلك ايه

بس خدت بالي من حكاية بساطة التعبير عن المشاعر كراهية او حب

انا كنت زمان كدة

بس اكتشفت ان اصعب حاجة في الدنيا هي العلاقات الانسانية والحب والكره


بس البوست جميييييييييييل اويييييييي

shimaa said...

بالرغم من بشاعة جرائم القتل عموما الا انني احترم اي طريقة تحتم على فاعلها الاشتباك مع من يقتله كالرمي بالرصاص او الطعن واقدر جدا الخنق فعلى الاقل ان كنت ستصبح قاتل فلا داعي ان تصبح قاتل وخائن في نفس اللحظة

البوست كله حلو يا لميا ...و حلوة برضه الجمله بتاعت الفيلم الايطالي اللي حوريتيها
و تعليقا على الجزء اللي انا جايبه
منه الحته دي ..المواجهه في القتل بتبقى غير المواجهه في الكره خالص
لان في القتل على الاقل انتي قتلتي اللي ادامك وريحيتيه و هتعيشي بذنبه اكيد بس مش زي اما تواجهه حد بكرهك ليه لانك كده بتجرحيه من غير طلقة رصاص تحط النهايه ف السريع زي القتل ..المشاعر شيء معقد جدااا و بتعتمد على احساس الطرفين ببعض اكتر من المواجهه ..مش بيقولوا الاحساس نعمه ونفس الشيء بالنسبه للحب برضه نفس الشيء اعتقد لازم يبقى في كيمستري متبادلة عشان الواحد ميحطش نفسه في مواقف ملهاش لازمه بانه يقول بحبك لحد مبيحبوش او يضيع عمره في حب حد مبيحبوش ..السينس مطلوب برضه
جميل البوست

Anonymous said...

اتمنى لو جميع الاشياء التي تدور في العالم تحدث عن طريق المواجهة .. منذ صغري وانا اعتقد ان المواجهة هي الحل الامثل فإن كرهت فلان فعليك ان تتوجه اليه قائلا انا اكرهك وان احببت فلان فعليك ان تتوجه اليه مصرحا بحبك .. هي البساطة بعينها .. فلا داعي لان اكره احدهم ثم ابتسم في وجهه واخبره انه يااااه كم اوحشني وفييييييييينك

جميله جدا الجمله وجمالها فى صراحتها ووضوحها وانا اتفق معها جدااااااا فلماذا نحب فى هذا العالم فكرة الزيف ونتعايش معها بل وتحترم جدا بين البشر بينما الوضوح والصراحه دائما تقابل بهجوم وسخط
وكاننا اصبحنا كالوطاويط نختبىء فى الكهوف ونخاف النهار
المشاعر الواضحه من محبه او كراهيه لابد ان نقولها وبكل شجاعه ونجعل نهارنا الذى بداخلنا يحارب الليل الذى يحاول ان يغطى كل شىء
جميل يالمى جدااااااااااا انا حبيت الاحساس ده وبعدين فى النهايه البشر كلهم عايشين حالة غوايه لبعضهم
.......... سلمى

Rain man said...

تزعلي لو علقت خارج الموضوع ؟؟؟
لأ مش هتزعلي .. كويس
انا بس لفت نظرى اعجابك بفيلم
some like it hot

لمارلين و جاك ليمون
فحبيت اقول انه من احب الافلام عندى
:D

هرجع عشان اعلق على الموضوع
بالمناسبة
العنوان مميز

Feras othman said...

اتمنى لو جميع الاشياء التي تدور في العالم تحدث عن طريق المواجهة .. منذ صغري وانا اعتقد ان المواجهة هي الحل الامثل فإن كرهت فلان فعليك ان تتوجه اليه قائلا انا اكرهك وان احببت فلان فعليك ان تتوجه اليه مصرحا بحبك .. هي البساطة بعينها

i wish ya lamia that we can do so
i agree tottally with all what you said my dear and i am noticing here an organized thoughts and a seray of scenes in your mind reflex a stability or lets say its the begining of the end of the chaos of the mind and soon there will be a peace between the mind and the soul weldone lamia


greetings my dear
really miss u
x0x0x

Anonymous said...

عايز اسألك ؤال بس تجاوبى علشان خاطرى
لانى لاقيت ناس فى مدونات كتيرة بتطلق عليكى لقب
مجنونة
وبما انك مجنونة وبتفكرى وصريحة ومش تقليدية
وعايزة الحقيقة
انا
قبل النت
كنت
انسان
ولما عرفت النت
بقيت صفر
ولا حاجة
سؤالى
منك؟
من اصحابك؟
فعلا؟
النت رجعنا ورا؟
الاكتئاب والكسل والتبلد
من النت
ريحينى ربنا يكرمك

Anonymous said...

لمياء
البوست جميل وفيه توضيح لبعض جوانب النفس البشرية لكن اسمحى لى اقولك انه ليس بالضرورة ان تقولى لمن تكرهيه انك تكرهينه او من تحبيه 000 فى التعامل مع البشر مطلوب دايما ان تكونى دبلوماسيه والموضوع مش محتاج لان تقولى باكرهك اوباحبك لان كل انسان يشعر تماما بمن يحبه ومن يكرهه ومن لايرتاح له فلا داعى لكسب عدوات لن نجنى من وراءها الا الالم وفى استطاعتك جعل من تكرهينه صديقاً وقد يتحول صديقك من كلمة قاسيه منك الى عدوك وفى كل الاحوال الكلمة الطيبة صدقة تؤثرين بها من حولك
اما الكلمات القاسيه فيهى احيانا تكون اشد من كل انواع القتل التى ذكرتيها لان جرح المشاعر يترك جرحاً لايندمل نتذكره فى كل حين
فن التعامل مع البشر يلزم ان نمسك العصاه من منتصفها ولا نمسكها من طرفها
اتمنى لك التوفيق

Mony The Angel said...

"هذه النقطة هي انت انت المجردة .. لست انت الابن لاحدهم او الصديق لاحدهم او الحبيب ولا حتى من احب وفشل .. انت مجردة من اي ملحقات اخرى .. انت دون ان تسعى الى محاولات التكامل مع الآخرين او بهم"

teftekry fe 7ad y2dar ywsal lelno2ta de?
i mean ally hwa yb2a msh me7taag le2ay 7ad wala ay haga 3shan ykoon?
msh 3arfa
bas 7asaha sa3ba awe

"اتمنى لو جميع الاشياء التي تدور في العالم تحدث عن طريق المواجهة "
me too, but it seems it'll never be :)
w about al2atl w tro2o
ana mo5talfa m3aaky
madam kda kda hai2tel
w kda kda haimawet alsha5s da
ya3ny the same result alsha5s da khaikon maiet
w bel2a5z fele3tbaar en tare2et alsom 3shan tet7a2a2 zay ma2olty lazm yb2a fe 3'waia ya3ny fe 3laqa benhom whatever no3ha
leh 3aizaah -alsha5s ally haimot- ytsedem kaman!
msh kfaia eno haimoot?
leh mohtama bel2atel awe kda
aho sebeeh y3eesh tool 7iato bzambeen msh bas al2atl w kaman aliana :)

"ربما كنت اعتمد في اغلب الاوقات على ان من احبهم بالتاكيد يعلمون ولا يحتاجون الى ان اخبرهم بشيء"
i once though like that..
but u know, i found out that i'm completely wrong :)
hope u r not :)

"فهناك الكثيرون الذين احبوني ولكن من اححبت انا لم يعرف وكل منهم كان يطلب الا انساه ومن لم انسه لم يطلب "
i didn't watch these movie
and so i don't know these words..
but i liked urs alot :)

(f)

smraa alnil said...

اممممممممممم

انا معاكي ان المواجهه اقصر الطرق لحاجات تانية
بس المشكلةفينا كبني ادمين اننا نوعا ما بنميل للنفتق لاسباب

اللي مش عايزه النهاردة هتعوزو بكرة
عشا كدة عاملو كويس وابقي ارمي وراه قله

وفي نفس الوقت الناس بتميل للمشاعر والعاطفة

وان هما مش بيبقوا عايزين يواجهه خوفا علي مشاعره

بس احيانا المواجهه بتبقي حلوة
في كل التجارب اللي واجهت فيها كنت انا اللي كسبانة

بس التعبير عن المشاعر مش قانون

لان في غيرنا غير قادر علي دة

الجبن

الجبن احيانا بيبقي وراء جرائم القتل
والجبن صفة في النفس البشرية

اقولك

سيبي الدنيا تمشي زي ما هي كدة بالشقلوب

يمكن لو اتعدلت تبقي اكتر وحشية

كنت مبسوطة اوي لما شوفتك يا بت
بقيتي مزة
:)))

LAMIA MAHMOUD said...

واحد مش فاهم حاجة
بص يمكن انا اصلا برجع لنفسي في كل مرة في حاجة
عشان كده انت بتحس بكده
انك تمشي على خطى حد حاجة وانك تبقى زيه حاجة تانية خااالص
شكرا لمتابعتك الدايمة:)
_________
كوكا
ميرسي جدا
____________
اميرة هشام
افضلي زي ما انتي يا اميرة
_____________
شوشو
المواجهة في الكره راحة
لاني ممكن اكون بكره حد وهو بيحبني وبيعاملني على الاساس ده
مستغرب من ردود افعالي على حاجات كتير
يبقى الاوفر اريحه واقوله بكرهك
بالنسبة للحب والكيميا .. ده حوار تاني خالص لاني مكنتش بتكلم في النقطة دي على نوع محدد من الحب
كل نوع حب بادائه يا قمر
_________-
سلمى
حالة من الامتناع عن البساطة يا سلوم
____________
rain man
انا لحد قريب جدا مكنتش اعرف ان اسم البلط جاك ليمون لحد ما شوفته في فيلم تاني وسالت صديق ليا
بس انا في الاغلب بعز افلام مارلين مونرو جدا مش عارفة ليه :)
تنور في اي وقت
_______________
فراس
Miss u 2
I'm traying 2 do so .. traying 2 have peace I think it's very soon my dear friend and i wish the same 4 u
I need 2 know about ur news
xoxox
_________
بقايا انسان
كان بودي اديك اجابة والله بس انا لا املك الا رأيي الخاص
معتقدش النت مسببب اكتئاب او حتى مهمش للانسان
الدنيا كلها بتعامل مع النت ومعتقدش انه غير وسيلة للتواصل او شبكة معلومات
لكن ميملكش قدرة للتحكم في بني ادم وتسبيبله اي حالة ايا كانت
نورت
_____________
انونيموس
مش مقتنعة
____________
موني
صعب جدا اكيد .. بس مش المقصود الاستغناء
المقصود عندي التواصل معاكي من غير متدخلي الاخرين

في مثل بيقولك اللي يعيش ياما يشوف واللي يموت يشوف اكتر
ما هو حيعرف حيعرف
ليه بقى التاني يبقى قاتل وخاين في نفس الوقت .. مش مبدأ اني مادام حعمل حاجة غلط يبقى كل حاجة لازم اعملها غلط


اتمنى

شكرا جدا :)
_____________
انجي
امممممممممم

اه واداء ان كان لك عند الكلب حاجة بقى
طيب ليه مش فاهمة
مبسوطة اني شوفتك انا كمان
ومعترضة على بقيتي مزة دي :)
هو انا كنت اية قبل كده يا بت
:P
اخجلتمم تواضعنا يا انوج مفيش احلى منك

vetrinary said...

وحشنى البلوج بتاعك
ووحشتنى دماغك
معلش يمكن الكومنت يبقى طويل شويه بس انتى فهمتى حاجه لازم اى حد يفهمها عشان يعرف يعيش
ممنوع الاقتراب او الدخول
دى الجمله اللى لازم تتكتب على مم تاج يتعلق على تشرت اى حد فينا
مش لازم انى اخش جوا دماغ اى حد
ومش مهم انى افكر هوا بيعمل كده على انى خلفيه
القمر لو دخل فى المجال الجوى بتاع الارض هينجذب ليهاوهما الاتنين هيدمرو
اى اتنين فى ادنيا عباره عن ذرتين
مجرد انهم يقربو من بعض بيحصل احتكاك وبتتولد حراره
وغالبا احنا بنتصدم من اللى بنشوفه جوا المخلوق التانى
نصيحه لو حد سمحلك انك تدخلى جواه
ارفضى لو عايزة العلاقه تستمر


اول ما بتفكر تنسى مبتستاذنش

Oma said...

هذه النقطة هي انت انت المجردة .. لست انت الابن لاحدهم او الصديق لاحدهم او الحبيب ولا حتى من احب وفشل .. انت مجردة من اي ملحقات اخرى .. انت دون ان تسعى الى محاولات التكامل مع الآخرين او بهم"

صعب حد يوصل لده
ولو قدر يوم اتنين...سنين
هيحتاج انه لا يكون ملحقات


ولذلك عندما افعل تجدني وقد فعتلها بهجومية بشعة

عارفه انا الطريقه دي اوووي
وعلى فكره اللي كده بيفضل طول العمر كده بيكون سو هارد اوي انو يعمل غير كده


بحب انا بوستاتك اللي واخده من كل رجل قبيله دي
عايزاكي...عايزه اتكلم معاكي

Anonymous said...

قليلة هي المدونات اللي بتحافظ على قدرتها في بعث الدهشة

ما لم أنسه
لم يطلب

فعلا

لم يطلب منك أحد أن تكوني ملاكا
ولا ألاتكوني شيطانا

MoHaMeD HoSSaM said...

ليس هناك قواعد

تلك هي القاعدة الاولي والاخيرة

البشر اكثر من مجرد جسد وعقل وهذا ما لا يدركه الكثيرون

فلو اعتقدتي اننا من الممكن ان نكون بهذه البساطة او ان نحاول فاضمن لك اننا جميعا سنحتاج الي كائنات من الكواكب المجاورة لمعالجة الكوكب باكمله وعمل مصحة كونية للمعالجة النفسية

فقد احب شخص دون ان اعرفه واكرها اذا تكلمت معه واحبه بعد ان اعرفه واعاشره

فنحن ليس ابيض واسود
ومش كمان رمادي بس

اهنا فينا الفوشية والاخضر وحاجات
تانية كتير لو فهمتي قصدي

for the Malèna movie it's a great choice i real like this movie and also Monica Bellucci

Anonymous said...

مش معقول انى اكتب لك كل الكلام ده وبعدين تردى بكلمتين - مش مقتنعه - على اقل تقدير احتراماً لتعليقى تقولى ليه مش مقتنعة وبأى جزء فى كلامى والا الكلام كله - عموما هى تجارب حياة وياريت تردى مرة تانية على السؤال

Unknown said...

طب واللي يقول لحد انه بيحبه وهو في الحقيقه ماعرفش يحبه
وفي الأخر يسيبه ضايع عشان كل ذنبه انه صدقه لما قاله بحبك

حصان بري said...

حينما تأتيك اللحظة التي تقرر من خلالها ان تترك ما كان وما سيكون على جانب حياتك وان تنسحب لتجعل نفسك محور كونك وتدور حولك حماقات العالم.
تلك اللحظه هي بالتايكد ليست بدايه سعادتك
بدايه راحه... نعم ... بدايه سعاده... لا اظن

ولكن من الواضح اني افكر بسذاجة في هذه النقطة فالاشخاص لا يتمتعون بالبساطة الكافية للتعبير عن ما بداخلهم والتصرف الواضح ولا هم حتى يتمتعون بالغموض الكافي الذي يجعلهم يتصرفون بخبث لا يتضح الا عند الصدمة النهائية
معاكي في كده
لكن تظل البساطه هي الخط الاول لكي
لن نتغير طبقا لما يصير اليه البشر يا صديقتي .. مش كده؟

وحتى تسم احدهم يجب ان تغويه بشيء يريده ليبتلع سمك فيه
احييكي علي التشبيه

ان احببت احدهم وامتلك معزة ما داخل قلبي لن تكون هناك اي شروط او اسس في التعامل اعتبارا انه بالتأكيد يعلم كم ما اكنه له وبديهي جدا
نحتاج بعض الوقت الي ان نضع بعضا من الزينه علي غلاف الهدايا
لكي يعلم من يستلمها انها هديه فيفتحها
ولا تتعارض مع البساطه بل تحدث بشكل عفوي

فهناك الكثيرون الذين احبوني ولكن من اححبت انا لم يعرف وكل منهم كان يطلب الا انساه ومن لم انسه لم يطلب ..
سيه لامور يا بنتي
اعمي يقوده الجنون

بحب علي فكره الخواطر المبعثره الكتابه الواحده الفكره
اسلوبك بجد فيها بيبقي جميل

:)صحيح معلش علي يوم المعرض كان فيه مشوار مهم ومتأجل
كان نفسي اعرف لميا اكتر
تتعوض يوم تاني ان شاء الله
جبتي كتب ايه يومها؟؟

تحياتي وسلااام

LAMIA MAHMOUD said...

محمد عمران
اختفيت فين؟
من زمان اوي يمكن بطبق نصيحتك .. في ناس سموها ميكانيزم الدفاع وانا شايفاها حفاظ على النوع من الانقراض
البعد اكثر راحة والعلاقات السطحية اقل تكلفة
ده اكتر جزء في الاغنية حسيته واقعي
حمد الله على السلامة
____________
اوما
واية هي الملحقات من وجهة نظرك .. حد يحملك عبء .. ولا حد تتخانقي معاه
ولا حد يجرحك
مفيش علاقة كاملة
ومع ذلك انا مقلتش تعيشي من غير ملحقات انا كنت اقصد انك تتواصلي مع نفسك قبل ما تتواصلي مع الناس
خليها الاهم

اكيد اللي كده بيفضل طول عمره كده
بدليل اني من زماااااااان وانا كده
:)

انا موجودة يا ستي كلميني اي وقت
ونرغي وننم بيس يعني
___________________
مصطفى السيد سمير
اتمنى ان تكون دهشة ايجابية
فعلا لم يطلب
بس طلب مني البعض ان اكون ملاكا وتوقعت انا الاخرى من البعض ان يكونوا كذلك
_____________
محمد حسام
ازيك يا معلم
احنا تكني كلور يا محمد .. مفيش قواعد بالتاكيد
بس يا ترى كمان مفيش اساسيات؟
بديهيات؟
لو كده يبقى انا مرحبة بفكرة كائنات من كواكب تانية تعالجنا
بالنسبة للفيلم ولمونيكا ذوقك حلو
:)
عامل اية؟
_______________
ماما
انتي مبتقوليش انك انتي ليه بس طيب؟
عموما نتناقش على جنب مش قدام الناس
_:)___________
اسراء
ده برده نوع من انواع المصارحة
على الاقل صارحه انه معرفش يحبه او انه اتهيأله
المشاعر بتتغير ساعات
______________
حصان بري
بداية راحة اه
السعادة نسبية ويمكن تلاقي السعادة في الراحة

مش عارفة .. ساعات تحس انك عايز تتغير ومش عارف مع ان لازم تتغير
الناس مش كلها كده ومينفعش تعاملهم بطريقة مش حيفهموها

منطق يا فندم


احييك انا بقى المرة دي على التشبيه
بس الهدية في قيمتها وليست زينتها

قريت مرة ان الحب جنون وعندما نعقل لا نحب
تفتكر؟

انا فعلا كان نفسي اقعد معاك فترة اطول بس متقلقش مشيت بعدك على طول مطولتش في القعدة
مرة تانية بقى ان شاء الله ونتعرف اكتر

Anonymous said...

ان اقتربت احترقت
وقبل كده انا كل قلب دخلت فيه اتحرق
انا مش مع الكلام ده

Unknown said...

طب واللي ماصرحش يالميا؟.

وسابه يعرف لوحده أو من الناس؟

غراب said...

السلام عليكم و رحمة الله و بركاته

غصب عن الواحد بيلاقي نفسه لوحده مجرد من اي مشاكل و مؤثرات مهما كبرت
لأنه بكل بساطة ف الاخر هيفضل وحيد مهما حصل...فلازم يفضل هوة محور دنيته
أما بالنسبة للمواجهة
احترم جدا من ينتهجون هذا الاسلوب
و ما دونهم ليسوا الا مداهنين أو من ذوي الخجل البالغ الذي يمنعهم من المواجهة

اما فكرة ان يتقبلنا الاخرين علي ما نحن عليه و كما نحن بلا أدني زيادات او تزيينات
اعتقد ان المشكلة تكمن في كوننا نعيش ضمن عالم أصبح التزييف أحد عماده الأساسية
لكن من علي شاكلتك ممن يتمنون ان يتقبلهم الاخرين كما هم
هم من يستطيعون ان يتقبلوا الاخرين كما هم
و هكذا يبقي الامل

أول مرور لي
لكني سعدت كثيرا
أروع ما في اسلوبك...بساطته

إبـراهيم ... said...

طب بصي ، هيا حالة إنسانية جـدًا ، بكل تفاصيلها بتعدي علينا ، و على فكـرة كثييير كماان !
**********
أنا ... بـس كانت وحشتني .... مدونتك



قلت أعدي ... أرمي الســـلام
...............
و هذه تحياتي

Anonymous said...

يالهون
هابى فالينتاين يا ولاد

a7mad said...

ممكن فعلا نبطل لف ودوران ونبدأ نواجه بس مش دلوقتي...لسه المجتمع موصلش لدرجة الرقي اللي تخليه يتقبل الاخر
ولو جربنا نواجه دلوقتي....هيفضل اللي حوالينا يذلونا و يسمعونا الكلام اللي قلناه طول عمرنا في اسطوانة مشروخة مش راضية تتكسر
وعيب وحرام ومحدش يقول لحد كدا....

مجرد راي...

Anonymous said...

كم أحب عقلك هذا

ayman_elgendy said...

قرآة في الغواية....فن تسميم العسل

------------------------

لمياء....ليست زياراتي الاولي...ولن تكون الأخيرة باذن الله .....ولكن كلماتك استفزتني بشدة ....أستفزاز بالمعني الايجابي بالتأكيد

الأنفراد... أو ربما التفردن كقرار مختلف الطعم والرائحة و ربما الهوية ننسحب اليه محترقين او مخترقين لا فارق...المهم هو ان انفرادنا هو في رأيي ليست الا الكلمة المناقضة لمعني المواجهة .... لربما كانت مشكلتك لمياء في تجنب التعبير عن مشاعرك هو الآخر المعني المناقض للمواجهة....و هنا سؤال

من منا لا يهوي الغواية...ومن منا لم يجربها أو يستمتع بها فلنقل لأيام قلائل ؟؟

وبغض النظر عن مقولات ميكانزم الدفاع والحفاظ علي الديناصورات من الانقراض ...فهذا لا يخرج عن كونه تبريرات عن جبننا في مواجهة الاخر ...فأنتي حين تطلبي منه ان أبتعد يا هذا..فأن اقتربت احترقت....من قال لكي انكي لا تمارسين الغواية ؟؟...الشيطان يغوي بالممنوع لكن من جعل للممنوع بريقاً..أهو الشيطان أيضا ؟؟....أم هو نحن ؟؟

فهناك الكثيرون الذين احبوني ولكن من اححبت انا لم يعرف وكل منهم كان يطلب الا انساه ومن لم انسه لم يطلب... عبارة دقيقة الملامح و الوجدان

تحياتي ميلينا ...عفواً لمياء

LAMIA MAHMOUD said...

noانونيموس 1
مش مهم تكون معاه المهم انا
نورت
_______
اسراء
شكرا لمتابعتك .. بس انتي كده بتديني كلمة كلمة اشرحيلي ظروف الموضوع
زي اول مرة اتكلمنا فيها لما قلتلك كل علاقة ليها تعقيداتها مينفعش احكم على حاجة معرفهاش كلها بالتالي معنديش رد
______________
غراب
وعليكم السلام ورحمة الله وبركاته
كبداية نورت
ميرسي لزيارتك اللي واضح انها كانت طويلة
ممكن على فكرة تستمتع بالوحدة
في مثل دايما كنت بسمعه بيقولك ان جالك القهر خده بجميلة
اما اذا كنت انا نفسي من من يتقبلون الاخرون بعيوبهم وكما هم ام لا فبالفعل لا اعرف ولكني اتمنى واحاول بالقدر الكافي
_________________
ابراهيم
الحالات الانسانية كتير اوي يا ابراهيم
نورت المدونة وابقى تعالى كتير :)
كانت صدفة سعيدة جدا
________________
انونيموس 2
وماله يا سيدي اويا ستي مش عيب
هابي كل حاجة
___________
احمد
عارف كتير بحس ان كل واحد عايز نفس النتيجة بس عشان مش متوقع من الناس رد فعل راقي فمبيقومش بده
ياريت نوصل
___________
جيفارا
اتفضله بس حتتعب
_________
ايمن الجندي
انا مش عارفة حساني سمعت الاسم قبل كده
بس مش في تعليق عندي بالتاكيد
سعيدة انه استفزاز ايجابي
مشكلتي في التعبير عن مشاعري ليست خوفا من المواجهة فباستطاعتي التامة ان اواجه ولكن المشكلة تكمن في ما بعد المواجهة اعتبار الامر اصبح من المسلمات فعجزت عن التعبير او فلنقل تغاضيت عنه
او ربما احساس ان تقبل الاخر لما واجهته به اقل من ما ارغب فامتنع عن التصويت تماما فلن ادخل انتخابات خاسرة
اما من منا لم يجرب الغواية واستمتع بها جميعنا فعلنا
ولكن من يتخذ الهواية كاحتراف ووسيلة هنا تكمن المشكلة اغلب الاحيان
اعترفت بنفسي انها غواية ان الممنوع مرغوب تكمن في جملتي هذه .. ولكني ان مارست الغواية حفاظا على بقاء النوع فاني ارفض ان احترفها فان كنت لست ملاكا وباعتراف واقرار مني الا انني مازال بيدي ان ارفض ان اكون شيطان
من جعل للمنوع بريقا لا اعرف ولكن الاكيد ان للشيطان دور
ربما كانت الادوار هنا مختلطة

هي احدى العبارات التي رايتها وتمنيت ان اكون كاتبتها ولارجاع الحق لاصحابه فقد اصررت ان اخبر عن الفيلم والتحريف الذي ادخلته عليها مع الاعتذار للكاتب

kafrawy said...

لاحول ولا قوة الا بالله

العلى العظيم

LAMIA MAHMOUD said...

كفراوي
اية اسلمت فجأة؟
لاء مش فاهماك فعلا

Oma said...

كانت مشكلتي الاساسية وربما مازالت انني اتجنب التعبير عن مشاعري ولذلك عندما افعل تجدني وقد فعتلها بهجومية بشعة .. ربما كنت اعتمد في اغلب الاوقات على ان من احبهم بالتاكيد يعلمون ولا يحتاجون الى ان اخبرهم بشيء او من اكرههم بالتاكيد يلاحظون تغييراتي في التعامل معهم فلست امتلك القدرة على مواربة افكاري ومشاعري .. مواربة وليست موارية اي انني لا استطيع ان اظهر لك جزءا منها واختلق الباقي .. فانا ان احببت احدهم وامتلك معزة ما داخل قلبي لن تكون هناك اي شروط او اسس في التعامل اعتبارا انه بالتأكيد يعلم كم ما اكنه له وبديهي جدا ان يعرف ويتأكد من عدة اشياء بديهية هي الاخرى ولا تحتاج مني لتأكيد او نفي
وبقدر ما اكتسفت اني مخطئة لم يثنيني ابدا شيء عن هذه القاعدة .. بالرغم من هؤلاء من احببتهم وجعلوني اكرههم ومن احببتهم وجعلوني اندم لاني لم اكرههم


....

بحب طريقتك اووووي

البوست ده على فكره عبقرررري...من اورع ماكتبتي على فكررره

انا خدت بوستاتك كلها كوبي على الجهاز تحسباً لحركه غدر تعمليها وتقفلي البلوج تاني
ماتعمليهاش تاني

LAMIA MAHMOUD said...

اوما
ربنا يخليكي يارب
متققيش مفيش اي حركات غدر تانية
:D