Sunday, January 13, 2008

ان تقرر ان تتوقف



يحدث احيانا كثيرة ان تقرر ان تتوقف تماما .. تتوقف عن الحلم او عن العطاء او عن اي شيء تبرع فيه .. ومن الطبيعي جدا ان تتحول في تلك الفترة الى شخص آخر غيرك

لكن الاساسي جدا والمطلوب ان تمر بتلك الحالة وتعبرها لا تتركها تتحكم فيك كثيرا .. خطوات تلك الحالة تبدأ حينما تجد نفسك كبداية وقد عجزت عن ان تصل بمشاعرك الى الآخرين .. ثم تبدأ حينما تشعر انك تقف والجميع يتحرك من حولك بلا استثناءات .. في الغالب لا تكون هذه هي الحقيقة ولكن حالة البرانويا التي تتملكك نتيجة لاحباطاتك تصور لك انك ربما تكون اتعس الموجودين على الارض .. ربما تتشبث قليلا باشيائك الصغيرة وربما تصرح باشياء ومشاعر كنت تعلم جيدا انه من الواجب عليك ان تكتمها او على الاقل ليست هذه اروع فتراتك لتقوم بذلك الان .. فمن الطبيعي جدا انك ستستسلم لرغبتك الداخلية في ان تثبت انك الاتعس وستفشل

من المنطقي جدا ايضا ان تتوقف عن فعل الاشياء التي تحبها وتبدأ في الشعور بأنك "مبتعرفش تعمل اي حاجة" منطقي جدا .. مررت انا بتلك الحالة من التوقف بكل مراحلها وخطواتها .. وللايضاح فليس شرطا على الاطلاق عن ان تكون تلك الحالة نتيجة لمشكلة واجهتك او لظروف سيئة جدت عليك .. فلا شيء يجد هي فقط الرغبة في الاستسلام قليلا وهذا من حقك جدا فلا تخجل

في تلك الفترة بدات في الشعور ان ما اسطر من كلمات اصبح عبثي قليلا .. فتوقفت عنها .. فاذا لم اعد استطيع التعبير عن تلك الحالة التي تنتابها وتجعلها تشعر ان جلدها اصبح اضيق من ما يمكن ان يستوعبها .. وتلك الحالة التي تنتابه وتجعله يشعر ان كل الاشياء مكررة وسخيفة .. وحالة الفتور التي تدخل على حياتهم سويا فتجعلهم يتوقفون عن التركيز في اشيائهم الصغيرة سويا .. ورائحة شعرها التي تداهمه في منتصف يومه فتجعله اكثر استعداد لممارسة حياته تواقا للعود اليها في نهاية يومه .. اذا اصبحت لا استطيع ان اقول الا انني والزحام فلا داعي لان اهين الكلمات معي .. وفعلت بنصيحة صديق نقل لي كلمات بهاء طاهر ان الكتابة اذا لم تصبح فعلا ملحا بدرجة كافية فلا داع لها .. وحتى لا يصبح الاستطراد عندي هواية فلندخل سويا في صلب الموضوع

اخرج من تلك الحالة .. كيف؟؟! افتح الشباك في ليلة ممطرة اوفي صباح ندي جدا .. استنشق نسماته حتى يضيق صدرك بالهواء .. ثم اخرجه ببطء .. انظري الى اشيائك المفضلة والتي لم اجلتيها عدة مرات وابدئي بها .. اقترب من الآخرين وتدفء بهم من برد قارص داخل روحك ليس مرتبطا ضرورة ببرد الشتاء .. ابدئي في فقد الخمسة كيلو جرامات الزائدة عليكي .. واقتربوا من اي شيء كان يمثل لك السكينة

ثم ابدأ في اكتشاف وتذوق الجديد .. دعي الاسود قليلا وارتدي الاحمر .. اترك منير وفيروز فربما كان سيناترا هو الحل .. اخرج عن البوتقة عزيزي

اللوحة هي

reaching

للرسام

Albert Abramovitz

41 comments:

Anonymous said...

حتى الصدفة بقيتي بخيلة بيها

مـحـمـد مـفـيـد said...

اعلمي ان في عز الازمات تظهر معادن البشر
ولابد من الاستفاده من المجن وتحويلها الي منح
لن اقول لكي يا حالمه مره اخري

angelic devil said...

من نوفمبر يا مفترية
3 شهور لا حس و لا خبر
بس يلا قلبي الكبير حيسامحك
مقداموش حل تاني
قدام الروعة دي

اكيد كلنا عدينا بالمرحلة دي
مش بس مرة
مرة و اتنين و عشرة
انا واحدة من كتير اللي عدوا بيها
كتيييييييييييييير اوي
و مش تملي كنت بلاقي حد جانبي
او حد ادفي بيه
او حد حتي يلمح او يحس بيا
بس في جملة بجد ليها فضل كبير اوي عليا
في عز حالة الاستسلام المخيف ده
و عدم الرغبة في فعل او مواجهة اي شئ حتي نفسك و استسلامك
كنت بلاقي نفسي بتقوللي
خليكي كدة
انت حرة...انا مش حلومك
ومش حغصب عليكي انك تتحركي
بس حقولك حاجة واحدة
اعرفي انك لو فضلتي كدة حتفضلي واقفة في مكانك
و الدنيا كلها...كلها
دراستك و اهلك و فرص حياتك و حتي مستقبلك اللي سة مجاش
حيجري و حيفضل ماشي
انتي حتقفي ...لكن الزمن مبيقفش
و مش بس مبيقفش
لا
ده كل اللي جايين وراكي...حيدوسوا عليكي
لما كنت بسمع الكلام ده
بخاف اوي
مني و عليا
و كنت بلاقي نفسي زي ما يكون شرارة امل ولعت جوايا
و ولا كان اي حاجة حصلت

و تمضي الحياة
متغيبيش تاني يا جميلة
تحياااااااتي

Unknown said...

الاول الحمد لله عالسلامة

اظن ان دى رحلة بيقوم بيها كل شخص
بعد كل فترة من حياتة
رحلة بيخش بيها لنفسة من جوة بيحاول يكتشف الظلمة اللى جواها
عشان فى الرحلة اللى بعدها تبقى نور

مش كل الناس بتقدر تحول ضلمة نفسها لنور

بس اعتقد من كلام البوست انك قدرتى

Reemo said...

m3ndesh ta3le2 a2olo
gayz la2ny bmor bnafs el 7ala fa ma3ndesh klam
low l2et ta3le2 7arg3 tany

Amira Hassan said...

جامد يا لميا

كنت هاخد كذا حته عجباني و اكتبهالك هنا بعدين اكاشفت ان في كذا حته عجباني جدا جدا و تعبيرات كتير عبقرية

اناقشك فيها لما اشوفك... اشطاط يا معلمة

shimaa said...

7lw 2wi el post ya lmy ... el7ala de ana 3rfha t b3n w enty wsfha 7lw 2wiii ..w fe expressions 7lwa kter fe el post w el post kda elgw bt3o kolo 3la b3do 7lw

Rain man said...

المشكلة الحقيقية ان جهازى الذى اكلمك منه الان يقع بجوار شباك الغرفة بالمصادفة
عملت بنصيحتك وفتحت الشباك لاستنشاق الهواء النقى ( مفترض ).. فلاحظت ان البشر فى ازدياد رهيييب
و ان ايام العمر فى تناقص مطرد
و انا احتاج مزيدا من الايام و لا احتاج مزيدا من البشر فى شىء
فأغلقت النافذة و عدت لأسألك عن الحل
و اكتشفت ان الوحدة مع فنجان قهوة و بعض من اليأس الجميل ليست اشياء سيئة الى هذا الحد
..

رجل المطر

LAMIA MAHMOUD said...

انونيموس
صبحنا وصبح الملك لله .. نعم .. خير .. مين
هو ده اللي جايبنا ورا
انا بخيلة يا عم الامور اي خدمة اخرى يا ترى
ومش عايزة اعرف مين
____________
محمد مفيد
انا بقول كده في البوست جدا .. زعلانة على فقدي للقب
_________________
angelic devil
آسفة على التأخير
المهم انه سماح
:)
كلنا عدينا بيها ولسة حنعدي بيها المهم زي ما انتي قلتي كده منقفش
مش حغيب تاني يا قمر مقدرش خالص
_____________
واحد مش فاهم حاجة
الله يسلمك
انت كده فاهم جدا
:)
____________
ريمو
حستناكي
again
u r not alone
_________
ميرو
اهلين يا جميلة
ربنا يكرمك يا رافعة من معنوياتي خليكي فاكرة اننا لازم نتناقش
\مستنية
__________
شوشو
كلنا عارفين الحالة دي .. بس المهم نجو اون .. صح ولا انا بهوبص
سي يو يا حبيبي

LAMIA MAHMOUD said...

rain man
فتحت الشباك في وقت غلط
افتحه الساعة سبعة الصبح او والدنيا بتمطر
واعمل اللي قلتلك عليه
خد فنجان القهوة بس مش لوحدك
في حاجة اسمها متعة ان تكون مكتئبا .. دي بقى ما بتدومش خاااالص
هي متعة زائلة ككثير من المتع
المتعة الحقيقية انك تلاقي في كل شيء صغير متعة

تــسنيـم said...

انتي عايزة تقولي حاجة

حاسة برسالة في وسط السطور


استني هرجع أقرا تاني يمكن أوصل

dreaming pocky said...

دى اول زياره ليا عندك والموضوع شدنى جدا وعجبنى افكارك والاسلوب لكن ..
حاسه ان الموضوع لسه مكملش يعنى انتهى فى سطور قليله جدا وانه لسه ليه تكمله
ده اللى وصلنى والجزء اللى قريته فعلا يستحق الشكر
تحياتى

دينا فهمي said...

بصي
أنا كان في كلام كتير أوي هقوله وبعدين أول ما وصلت للجملة دي
ابدئي في فقد الخمسة كيلو جرامات الزائدة عليكي
اتوجعت أوي ((:
اللي عنده أكتر من خمسة يروح ينتحر؟؟

Che Ahmad said...

فى الحالة دي بالظبط زى ما بيقول كاظم الساهر " وسألت نفسي حائرا انا من اكون ... مالى عشقت السير فى طرق الظنون " يمكن اكون مريت بالحالة دي بس مش كاملة علشان ما بحبش لما ايئس من حاجة تأثر على حاجة تانية وبالنسبة للحل انا عندي حل جامد جدا
اسكندرية على البحر فى الشتا بتي شيرت نص كم او كات وبنطلون برمودا والمطر يغسل الواحد وينضف كل اليأس والوحدة والألم

دا عن نفسي
لك بجد مينفعش الواحد يستغني عن منير عموما وعن فيروز فى الشتا لانى بعشق فيروز فى الخريف والشتا فعلا

معلش مكنتش ببقي موجود من فترة بس انها الامتحانات اللعينة

تحياتى كتير
تشي

Unknown said...

عارفه؟

هو تقريبا الشتا فعلا الباعث بكل المشاعر الحزينة

وفكرتيني ان فيه ييجي خمسة كيلو فعلا
:)

مع ان الحلول دي ظاهرية جدا
بس يمكن تاخدنا معاها لحد مانوصل للحلول الداخلية اللي محتاجاها الأعماق

اللهم فرج كرباتنا جميعا

تحياتي يالميا
ماتعرفيش قد ايه كانت واحشاني كتاباتك

sofinqoraso said...

يااه بجد يا لوومى
أكيد كلنا مرينا بالفترة دى
ساعتها كنت بقول أنى حاسة إن تفكيرى مشلول
بستنى اليوم يعدى عشان أحس أن فى جزء من العبء اتشال عليا
بخبى نفسى من الناس
مش برضى أكلم حد حتى أقرب الناس ليا

بس فعلاً لو ساعتها الواحد فكر فى حاجات حلوة فى حياته
هيلاقى مليون حاجة تستاهل انه يرجعلها وهو ذهنه صافى ومبسوط

بحييكى وحمدلله على السلامة

جميله بو حريد said...

ربما الحل أيضا فى سماع سيلين ديون وهى رائعتها

a new day has come

فى كلامك رأيت مزيج بين الطبيبه التى تشرح الحاله المرضيه بجداره ...و المريضه التى عانت من الألم

أكتر من رائع ... ومعدش ليكى حجه فى انك تسحرينى بكتاباتك

Anonymous said...

مش عارف أقول غير إن الكلام دة لو كان ينطبق على حد
فهو ينطبق عليا
بس الحمد لله المرحلة دي انتهت على خير

مبدعة دايما
لك تحيتي

7up said...

الحقيقة دى عاشر مرة اقر الموضوع بس على العموم هى فترة صعبة جدا فأحسس انت مش عاوز تعمل اى حاجة الا النوم 24 ساعة فقط..................
وعدم المبالة باى شئ من حولك هو شعور سيئ جدا.
تحيااااااااااااااااتى

basma saghir said...

عارفة..الغريب مش في الحالة نفسها الغريب انك لما بتخرجي منها بتحسي ان الحياة اجمل بطريقة ما..وبتحصلك حالة تانية من الامتنان للحالة الاولانية وبتعرفي قد ايه انتي محظوظة ده على افتراض انك هتعرفي تخرجي منها
بس انتي عرفتي وده في حد ذاته انجاز اهنيكي عليه...شاطرة..عرفتي تشوفي الجمال في الحاجات الصغيرة الي حواليكي

تــسنيـم said...

واقتربوا من اي شيء كان يمثل لك السكينة


وإن أصبح ما كان يمثل لي السكينة هو مصدر انزعاجي فماذا أفعل

:(

Tamer silit said...

كلامك جه على الجرح

اعتقد ان صعب جدا اى مبدع او فنان او مفكر يكون ما جربش الحالة دى

حالة احيانا بتتعدى مرحلة الاستسلام لمرحلة الجمود

خاصة بعد مرحلة من العطاء فى الغالب بيكون بكثافة

شئ طبيعى لان التمرد احيانا بيكون هو الاساس ان اى انسان مبدع يتمرد على اللى بيعمله لانه بيدور على الاحسن وعلى الجديد ولان القديم خد معظم المختزن لديه واجتره
بالتالى كل اللى بيدور عليه بيعتبر تكرار
فطبيعى انه يعيد التخزين ممكن تسميها مرحلة غعادة شحن لفترة معينه وبعدهابيبدأ تانى فى التمرد عليها وعلى الاستسلام والجمود واعلان تمرده على تمرده

رحلة طويلة من التمرد ملهاش نهاية بتمر بالف حالة وحالة

Feras othman said...

First I was afraid
I was petrified
Kept thinking I could never live
without you by my side
But I spent so many nights
thinking how you did me wrong
I grew strong
I learned how to carry on
and so you're back
from outer space
I just walked in to find you here
with that sad look upon your face
I should have changed my stupid lock
I should have made you leave your key
If I had known for just one second
you'd be back to bother me

Go on now go walk out the door
just turn around now
'cause you're not welcome anymore
weren't you the one who tried to hurt me with goodbye
you think I'd crumble
you think I'd lay down and die
Oh no, not I
I will survive
as long as i know how to love
I know I will stay alive
I've got all my life to live
I've got all my love to give
and I'll survive
I will survive

It took all the strength I had
not to fall apart
kept trying hard to mend
the pieces of my broken heart
and I spent oh so many nights
just feeling sorry for myself
I used to cry
Now I hold my head up high
and you see me
somebody new
I'm not that chained up little person
still in love with you
and so you felt like dropping in
and just expect me to be free
now I'm saving all my loving
for someone who's loving me

""this is the lyrics of i will survive song ya lamia ,, i just mentioned it word by word here cuz i want you to read it again and understand its meaning ;)
be safe my dear
p.s
i know u know the song

but its just a kinda of reminder
and i am glad that you are back
really i was worried about you walahe

greetings

LAMIA MAHMOUD said...

تسنيم
هو انا عايزة اقول حاجات .. بس المشكلة هنا مش في الرسالة اية
المهم الرسالة لمين لان غالبا الرسايل بتوصل غلط
واضح اني عندي مشكلة مع هيئة البريد الداخلية :)
___________
dreaming bocky
الاول نورتي في اول زيارة
هو يمكن مش كامل لانه عرض لحالة .. والحالة مينفعش احطلها نهاية منطقية تناسب الجميع
اتمنى انك في زياراتك التانية تحسي اني كملت :)
مستنياكي
____________
امرأة تقول الذي لا يقال
بصي الخمسة كيلو مثال بس صدقيني اللي عنده 70 زيادة لو بدأ بالخمسة حيكمل
الخمسة رقم سحري جدا لما بتشوفيه ناقص على الميزان
اسأليني انا :)
____________
che the mad
طيب بنطلون برمودا وقلنا ماشي تي شيرت كت عايزني يجيلي التهاب رئوي:)
بالنسبة للغياب مفاتكش كتير كنت مش هنا انا كمان ولسة جاية
كفارة الامتحانات
انا مقلتش على فكرة تسيب منير وفيروز خالص
انا قلت تشوف دنيا جديدة شوية لكن انا مقدرش اسيبهم خالص ده يبقى انتحار
عايزة اسم اغنية كاظم لو سمحت
______________
سالي
هو الشتا اه :)
بتعدي يا جميلة جربي حتى لو كانت حاجات ظاهرية بس بتسيب اثر في النفس
______________
sofinqursa
زي ما قلتي مفيش حد معداش بيها وبتحسي انك مش عايزة تكوني مع حد ويمكن تحسي ان محدش عايز يكون معاكي
بحييكي على تعبير بحس ان اليوم عايزاه يخلص ويتشال من عليا عبء بجد هايل
الله يسلمك يا جميلة رغم ان انتي كمان كنتي غايبة عني:)
______________
جميلة بو حريد
عارفة المثل بتاع اسأل مجرب ولا تسأل طبيب:)
اهو انا بحاول اطبقه هنا
منوراني دايما
_____________
مصطفى السيد سمير
اكيد مرت على الكل
تحيات متبادلة

LAMIA MAHMOUD said...

حب
عاشر مرة!!!
تحيات متبادلة
_______________
بيسو
تصدقي انها حقيقة .. بتحسي بنوع من العرفان بالجميل على كل حاجة بس برده بتتمني الدنيا تقف في مكان واحد
___________
تسنيم
اذا اصبح ما كان يمثل لي السكينة هو مصدر ازعاجي فربما لم يكن يسبب لي السكينة من الاساس
بصي مش حينفع ارغي في الرد تعالي نتكلم على جنب كده
_______________
تامر
حتى اللي مش مبدعين مروا بيها
يمكن لان محدش بقى فاضي لحد
نورت
____________
فراس
First of all I MISS U
after that I do know the song but i enjoyed reading the relics from u .. cause I know what's the message
don't worry my friend .. i'm fine ;)

كرانيش said...

بصى

انتى لازم تعذرينى عشان تاخيرى عنك
عشان الامتحانات لا اعادها الله
ياللا ادعى معايا وقولى امين

بالنسبه للبوست انتى كتبتى المشكله ومرفق معاها الحل
دمتى حلاله للمشاكل كده
بس حابه النظره الفلسفيه اللى انتى بتتكلمى بيها اظبطى الكاميرا واجرى وراها عشان تلحقى الصوره
ايوه خليكى كده
شفتى الفلاش ازاى منور




وحشتينى

Anonymous said...

حوار مع النفس من البوم حافية القدمين
دا اسم الاغنية وموجودة عندي ع البلوج

سلام علشان عندي اخر امتحان بكرة

khaled said...

والله دى الحاله الى فيها دلوفتى
ان تقرر ان تتوقف
بس يلا خير
حلوه اوى حكايه البوتقه دى فكرتنى ببوتقه الحريه
كلام جميل ومعبر وشيق
هاف اجود داى

Muhammad said...

قريت البوست من اسبوع و كل يوم اقول هسيب تعليق لما اصحى بدري. لكن من يومها مصحتش بدري. النهاردة اكتشفت اني ممكن اسيب تعليق و الوقت متأخر. تخيلي
:D

شوية غلاسة: كل الافلام اللي بتحطّيها في سيكشن "فيلم بحبه" رومانسية. هو مفيش نوعيات تانية و الا ايه؟ بس عموما الحمد لله انك محطتيش كازابلانكا
:p

الصورة بتفكرني بصور "الكوميديا الإلهية" طبعة دار المعارف. كانت خزعبلات برده زي الصورة دي --- (خزعبلات). شفتي الجهل الفني؟

نيجي للمهم بأه
من زمان مقريتش حاجة ع المدونات ممكن اعتبرها "مقال". الحدود بين الاجناس الادبية معدتش سميكة زي زمان. تشوفي النص دلوقتي تلاقي ان تجنيسه صعب. مقال ده و الا قصة قصيرة و الا ايه بالظبط؟! حتى ان بعض دور النشر بأت تحط على بعض الكتب عبارة (كتابة أدبية) إن لم تخني الذاكرة. طبعا لا أقصد الانتقاد، فقط أسجل ملحوظة

أما عن المُلفت في النص بتاعك إني أول ما قريته حسيت إني قدام مقال. باين الصحافة جابت نتيجة
:p

مش بس لقيته مقال. ده كمان طلع جميل و متميز

عارفة لما تقري سطر كده و تتمني لو كنتي انتي اللي كاتباه؟ كذا سطر علقوا معايا بالشكل ده

ليست هذه اروع فتراتك لتقوم بذلك

تشعر ان جلدها اصبح اضيق مما يمكن

استنشق نسماته حتى يضيق صدرك بالهواء

و الجملة دي حلوة - رائحة شعرها التي تداهمه في منتصف يومه فتجعله اكثر استعدادا لممارسة حياته ... الله يجازيكي ياسمك ايه
:D

ربما سنختلف حول جدوى الحلول المطروحة في آخر المقال للخروج من تلك الحالة. لكن يظل الخلاف خاضعا فقط لاختلاف وجهات النظر و لا علاقة لذلك بتميز المقال من عدمه

لا أجد مشكلة في الامتناع عن الكتابة لفترة، ما دامت العودة ستكون بهذا الجمال

سلمت يداكِ و إلى الأمام يا روميل

سلام يا جميل

سابرينا said...

مجرد حاله ملل
بس الصعب أن الواحد يفضلها علي حلته اللي عاش بيها طول حياته
the poto hutrs!

Oma said...

Baasha
awl ma karrt a5od rawndaya get 3ndk hena
w mabsota awy belpost da
w7shtny awy postatk ya 3abkrya
ba7eb feky tari2t t3amolk m3 elashya2 :)
take care ya 2mr

smraa alnil said...

كلما وقعتي تعرفي مين معاكي

انا برضه توقفت للحظة بس عشان ابحث عن ذاتي

واللي انتي فيه مش جديد علينا
كلنا مرينا بيها بس من فترة للتانية
واختلفت معانا المدة

بس هي ضرورة عشان نعرف نفسنا

انتي قوية

عارفاكي قوية وصامدة

اوعي تبخلي علينا بكلامك تاني

وحشاني مووووت يا مزة

مش هشوفك؟؟

Anonymous said...

مممممممممم مش عارفه اقولك ايه بس انتى عارفه يابنتى انى اصلا فى حالة غيبوبه ولغيت حاجات كتير حتى عقلى علشان ماتجننش يالا مش فارقه حاجه كل الدنيا فى غيبوبه ....... انا قولت بلاش اعلق ... بس وحشنى كلامك ياقمر .... سلمى قريبتك المجنونه ههههههههه تعرفى كويس انى لسه بضحك

ساعه الغروب said...

من برد قارص داخل روحك

الله عليكى بجد

حاولت بجد انسى الجمله دى عشان اعرف اعلق وما اظلمش باقى البوست

بس بجد ما قدرتش يمكن لانى حساها اوى


ميرسى بجد على البوست الرائع اوى دا

ومش تغيبى عننا كدا تانى




بجد انتى واحشانى مووووت

يا رب تكونى بخير دايما

اسامة يس said...

كم هي رائعة وقويه وملخصة للحالة التي اردت شرحها باقتقدار ...
خصوصا تلك الخاتمة..

اترك منير وفيروز قليلاً....

من يعيش منير وفيروز يعلم كثيرا من معاني الروح والحزن والدفء التي ربما مع الألفة تصبح عادة ملازمه تحتاج الى مجهود للخروج منها...
اعرف انها خاتمه مجازية تصب في المعنى العام ... لكنها خاتمه رائعة لموضوع رائع...

دمت بكل ود..
خالص تحياتي

LAMIA MAHMOUD said...

كرانيش
مفيش اي مشاكل الامتحانات معانا كلنا
ربنا معاكي

حلوة حكاية اظبطي الكاميرا واجري وراها دي
:)
___________
che the mad
شكرا :)
ربنا معاك في اللي فات
___________
خالد
عجبتك البوتقة؟
ماشي يا سيدي
هاف اجود داي
_________
ابو يازن
اه اصل باب التعليقات بيتقفل بعد الساعة 9
ناصح بجد بعد اسبوع اكتشفت انهك ممكن تعلق متاخر عادي :)
طيب ماشي يا سيدي .. ما علينا
اتناقشنا في التعليق بما فيه الكفاية قبل كده
وخصوصا في فكرة كتابات ادبية
يلا ما علينا .. ابقى تيك كير ومبسوووووووطة اني رجعت اكتب اي حاجة تعجبك
_____________
sabrina
try 2
soory 4 the photo:(
__________
اوما
نورتي يا قمر
مثباتاني انتي دايما :)
_______
انجي
لا يا شيخة
انتي اختفيتي فين . . يلا ما علينا عاملة اية؟
لسة زي ما انتي :)
ابعتيلي يا ستي رقمك الجديد وانتي تشوفيني وقت ما تحبي يعني
____________
سلمى
طيب ارد عليكي اقولك اية
اقولك نجيب من الاخر
ازيك؟
______________
ساعة الغروب
مش مهم تظلميه او لاء المهم ان فيه جملة واحدة حتى لمستك
مبسوطة اوي
_____________
اسامة
شكرا لكلامك بجد
:) .. النهاية مجازية جدا ومبسوطة ان في حد تفاعل معايا وفهمها

Anonymous said...

يالاهوى
يا خرابى
يعنى انا اكتتئب اكتئب
واجى النهاردة تحديدا تحديدا احس انى صفر صفر صفر وخلاص بقول انا حاسة ان الدنيا كله بتجرى وانا واقفة وبطلت ارسم
وادخل صدفة الاقى الكلام دة
والجملة بتاحت فعل ملح
مش فعل مفتعل ويلا حقوم ارسم
مش عارفة اقول اية ولا اية
بس بجد
كفاي اوى اوى
انى احس
انى بخير
وان دةشعور طبيعى
انتى بجد بجد
بجد
عبقرييييية
والله عبقرية

LAMIA MAHMOUD said...

مش حقول اسمي
بصي انا مش عارفة اقولك غير ان دي اكيد حالة بتعدي على كل الناس مش لوحدك على الاطلاق .. وانا مش فكرة عبقرية خالص
انا بس عديت بالحالة فقلت اكتشف اني مش لوحدي
نورتيني وكان نفسي اعرف مين

غراب said...

السلام عليكم و رحمة الله و بركاته

بتكون حالة صعبة جدا
و الاصعب بيكون فعلا زي ما قلتي ان الواحد ميخليهاش تتملكه
لانها بتخليه فاقد الثقة في انه ممكن يعمل الحاجات اللي كان بيعملها و بيعرف يعملها و يمكن باحتراف
فعلا الواحد بيكون جواه رغبة فظيعة ف الاستسلام
البداية هية بتكون المشكلة
انك تحس ان كل حاجة هتعملها مش هتغير اي حاجة
فيتحول شعورك بالرغبة في التوقف الي الياس من مجرد التفكير في اعادة الانطلاق من جديد

حالة ناس كتير بتمر بيها
وصفك بسيط جدا و رائع

LAMIA MAHMOUD said...

غراب
انت تعتبر لخصت البوست فكام كلمة
ميرسي لزيارة كانت طويلة :)
واكيد اسعدتني

ana said...

جميله اووى ياريت نقدر نبتدي نتحرك ومش نستسلم ياريت