Saturday, November 24, 2007

تخاريف

اذا استيقظت ووجدت نفسك شيء ازرق صغير يدندن غالبا بفيروز وهي تتحدث عن ذلك البيت الصغير بكندا الذي لن يعرف طريقه احد .. فاعلم انك هاتفي النقال

اذا استيقظت ووجدت نفسك شيء ازرق صغير .. فأعلم انك مطالب ان تغير دندنتك في بعض الاحيان حسب هوية من يتفاعل معك فإن كان صديق مقرب او فلتعد الى فيروز وبيتها الصغير وبابه الي ما اله مفتاح.

اذا استيقظت ووجدت نفسك شيء ازرق صغير .. فأعلم اني سأتذمر كثيرا لانك ورغم احتمالك لكل هذه الرسائل .. فمنها التي تعمد مرسلها ان تحمل لهجة رسمية ليوصل في طياتها معلومة ما لن اهتم بها بالرغم من اعتقاده العكس .. ومنها من ستجدني وانا اتصور مرسلها وهو يرسم على شفتيه ابتسامة لذجة يحاول ان يجعلها ودودة نوعا .. والقليل منها حقيقي .. ستتحمل كل هذا وعليك ان تتحملني ايضا وانا اتذمر انك لا تقرأ الرسائل العربية لانك لست صناعة مصرية.. وعليك ان تتحمل

اذا استيقظت ووجدت نفسك شيء ازرق صغير .. فعليك ان تدرك جيدا انك ستستلقي بجانبي وانا نائمة تصدر نغمة مزعجة جدا ولا تلقى مني الا التجاهل .. تصمت وتعاود الضجيج واتجاهلك ايضا فلا رغبة ولا دافع عندي للإستيقاظ من الأساس وسحقا لأصرارك المزعج .. وغالبا ساتجاهلك حتى تأتيني بدندة فيروز عن البال المرتاح والقرميد المغطى بالثلج


اذا استيقظت ووجدت نفسك شيء ازرق صغير .. فاعلم ان عليك ان تتحمل ممارستي الشرود عبر ذلك الشيء المدعى فلاتة بفتحها وغلقها مرارا دون داع.

اذا استيقظت ووجدت نفسك شيء ازرق صغير .. فاعلم انك ستتحمل معي مكالمات سأندم على اجرائها .. وربما اجلس بعدها ارتجف دون دموع او صوت والقي بك ساخطة عليك وكأنك انت من اجريتها من تلقاء نفسك.

اذا استيقظت ووجدت نفسك شيء ازرق صغير .. فأعلم اني سأطالبك باصدار دندنة معينة لن تصدرها الا قليلا جدا .. وليس بيدك ولكني سأكرهك على كل حال لأنك لا تملك الا فيروز وهي مازالت تصر على اني ..انا وحدي صوتي والصدى

اذا استيقظت ووجدت نفسك شيء ازرق صغير .. اعلم جيدا انك ستحتمل اكثر السخافات منطقية واكثر المواضيع الجوهرية عبثية وستشاركني قهرا اياها وانا استمع بانصات .. وانك لم تسلم من ما يطلقون عليه الميسد من احد الاشخاص الذي يعتقدون ان التواصل الانساني ينحصر في ذلك الشيء فقط لا غير.. ولا اصحاب ولا جيران


اذا استيقظت ووجدت نفسك شيء ازرق صغير .. اعلم انك ستشاركني حماقاتي وهفواتي وستعرف ما لم يعرفه غيرك وستحبط وتكره وتحب في آن واحد لتتحول الى كائن ازرق لطيف .
***********
اللوحة
Dreamer
للفنان
Bill Mather

75 comments:

Reemo said...

لا كده انا ممكن اتنازلك عن دورى
وآخد انا دورك
الحاله كده مستعجله
بس تصدقى
بيعرف اللى ميعرفوش اقرب الأقربين
:)

Anonymous said...

النص بجد حكايه
وشكرا لانك استطعت انك تصنع تواصل مع القاريء للنص اللي هوا انا بالشكل ده
بجد النص حكايه
برافو
محمد ثروت وده لاني معنديش بلوج للاسف
ارجو اننا نتواصل اكتر بعد كده

Anonymous said...

اه صحيح
شكرا على فرانك سيناترا بجد متشكر على الحاجتين

Anonymous said...

من الواضح اني قدام بلوج لحد مجنون على فكره
ومجنون معناها عندي فنان. انا مش عارف
شوفت على فكره البروفيل بتاعك من فضولي ولقيت انك مننا ومننا يعني من الناس اللي بارتاح ليهم اللي هما المجانين وبيحبو نفس الحاجات تقريبا
عندي إحساس مجنون بيقولي انك حد كويس جدا على المستوى الشخصي
ومجنون هنا يعني جامد
عارفه يا لمياء انا عادة مكنتش اتصور ان فيه بنت ممكن تكتب كويس
او ده بيحصل نادرا زي مثلا غاده السمان لكن بجد انتي حد بيكتب هايل

Anonymous said...

اه افتكرت
انا نسيت اسيب ايميلي
عموما هانتظر انو يدور حديث بيننا في يوم من الايام
mmado2005@hotmail.com
mmado_2005@yahoo
سامح الله العالم الضد

Anonymous said...

بعد ان قرات توشك ان تكون استطيع اني اقولك
انا تراجعت عن فكرة التواصل عن طريق الايميل
وبجد عجبتني جدا

Anonymous said...

لا ادري ان كان يجب أن احكي هذا أم لا
ولكن بعد ما حدث
تمنيت لو أنه لم يحدث
ربما لأني شعرت بعده أني هذا الذى هو لازال أحدهم
عذرا فلدي عادة قديمه سيئه
هي أني مريض بالعتياد السريع على هؤلاء الذين يدخلون قلبي من قبل ان أعرفهم
ويخطون بمساحة كبيره ربما لا يعرفون قيمتها
ولكن المهم
هو أني بعد هذا كله وجدت نفسي أقرأ اعمالك مرة أخرى
ربما لاعرف مالم أعرفه خارج هذا البلوج
للمرة الاولى أصاب بالشغف للقرب من شخص ما
ربنا يسامحك

chaos said...

اخشي ان استيقظ فاجد نفسي هذا الشيء الصغير الازرق....
و ربما كان هذا اقصي طموحي ان اصير شيئا افضل من لا شيء .... ربما هذه تخاريفي انا

esraa said...

يااااااااااااه

تصدقي فعلا ان الموبيل ده حمال قسيه

احنا اللي بنعمل كل حاجه

وهي اللي يتحمل ردود افعالنا في الأخر

جميله كالمعتاد

(:

sabrina said...

فاعلم انك ستتحمل معي مكالمات سأندم على اجرائها .. وربما اجلس بعدها ارتجف دون دموع او صوت والقي بك ساخطة عليك وكأنك انت من اجريتها من تلقاء نفسك
عاجبتني من القاهرة .....لغايه القمر!

alexandrany said...

انا مش مع اسراء
سوري يا اسراء
هي مش جميله كالمعتاد
لميا
ده بوست رائــــــــــــــــــع بكل ما تحويه الكلمة من معنى
رائع بجد
عايز اقولك ان فكرتك تحفه فعلا
ما شاء الله عليكي وعلى افكارك
يعني بوستين ورا بعض على طول كل واحد منهم بفكرة جديده خالص
انت شكلك الايام دي موودك عالي قوي
وربنا يخلي لنا فراس اللي قالك تكتبى

ومرسي ابن الزناتي لسه ما انهزمش يا مينز :)

اسكندراني في الغربة said...

جربي تليفون الحكومة
صوت واحد ورنة واحدة
لا تحمل لامشاعر ولا ذكريات
و أكيد مش حترتبطي بية لدرجة انك تعملي لية بوست جميل كدة



تحياتي

لماضة said...

يا شيخه حرام عليكى خضتينى
وشى ازرق
قصدى اصفر
انا فكرت نفسى ميته وخلاص بيتعرفوا على القتيله
وانتى عماله تقولى حاجه زرقه اتشاهد وصغيره دى اناااااا خلتينى قعدت اعد فى صوابع اديا ورجليا
هههههه
لا والله بوست جميل بجد
تحياتى

M.R said...

هل تعتقدي ان لديه بالفعل حق اختيار أن يتحمل... وان كان فهل كان سفيعل و ان فعل هل كان سيسعد و ان سعد هل كنت سترضين


لكم يبدوا جميل هو؛ انه أزرق

LAMIA MAHMOUD said...

ريمو
شوفتي قلتلك مستعجلة مصدقتنيش .. عشان تعرفي بس
ممكن نروح نفس الميعاد
خلاص كده شكرا :)
اه بيعرف اللي انتي نفسك ممكن متفهميهوش في ساعتها او حتى تعملي مش فاهماه
________________
محمد ثروت
تصدق انا مش عارفة ارد على انهي كومنت فيهم:)
ميرسي على رأيك وليك عندي مجموعة لفرانك سيناترا
بالنسبة لآخر تعليق
حقولك حاجة محدش غيرك حيفهمها
ربما سادعهم جميعا وانحني للبحر:)
فرصة سعيدة
___________________
chaos
انت بالفعل شيء .. بل كل شيء فانت ككائن حي
____________
اسراء
ياما بيشيل
_______________
sabrina
مسكين سيتحمل خطأي وحدي .. او على الاقل سيشاركني اياه
عجبتك من القاهرة لحد عندك
:D
نورتي يا قمر
_____________
اسكندراني
ربنا يخليك انت وفراس يا سيدي
مش عارفة اقولك اية بس ميرسييييييييي
تفتكر ؟
لسة ما انهزمش؟
:)
مش عارفة
__________________
اسكندراني في الغربة
حد يسيبها برده يا راجل؟!
تليفون الحكومة؟
مبحبش الاسلاك عندي هواية اتكعبل فيها :)
ميرسي انه عجبك:)
______________
لماضة
لاء بجد ضحكت جدا
:D
بعد الشر عليكي يا قمورة
ميرسييييييييي

LAMIA MAHMOUD said...

m.r
ليس له حق الاختيار فهو مجبر .. مجبر على ان يتعامل مع ما يمر به وان سعد ربما كنت ساسعد وارضى انا الاخرى

ربما يكون جميلا وربما لا
الاكيد انه ازرق

طارق إمام said...

نص حلو جدا جدا
العنوان اللي انتي اخترتيه ليه ظلمه يا لمياء
كتابة جميلة و ناضجة جدا
عجبني فعلا

fanan fa2eer said...

تعرفي انه فعلا لو بصيتيله هتلاقيه يعرف عننا حاجات كتير قوي؟

حاجات لا يعرفها غيره

عجبني لون موبايلك الأزرق

وعلي فكرة الأغنية طلعت تحفة يالمي

عجبتني جدا

تحياتي ياجميلة

Anonymous said...

لو صحيت ولقيتني الشيء الازرق الصغير ده حبتدي احسد نفسي بدل ما احسده

Anonymous said...

أصطفيه للرحيل

قمر أيما كنت وحيدا لا ينير
أصطفيه للرحيل
يستغيث بناظري من الاناس اللا أناس
يصطفيني
للمكاشفة السبيل
أبيض وجه الحقيقة
أزرق قلب الحقيقة
-وجهها أفق جلى -
والمحار هو المطالع كل امسية )
ضعيف الحال والمستاء من قوم أضاعو وجهه المستور
أضاعو كل اغنية تمارس طقسها المعتاد في
(رأس مباركة
ويبكيهم
وأوصوني بتسبيح لسيماهموأعرف أن أهوائي وتسبيحي لغيرهموا
فكيف العيش يا قمري
بكون لا يساع الناس والاتي يحبهموابلاثمن اضاع بكارة الأشياء
زاااااااااد مرارة الأشياء
وقالو عنك اخبارا تؤرقني
يريدونا بعيدا عن ممالكنا
ويزدانون للرقص على جسدي
ألا نرحل
فبعدك لا أري قمرا
وبعدك لا اطيقهمو
.
ثروت

كرانيش said...

وحشتينى يا لولو

عارفه؟
كويس اننا نحس باشياءنا بشكل مختلف عن الاخرين مش الموبايل بس زى ما انتى زكرتى

كون انى ابص لاشياءى بشكل مختلف عن الاخرين
اذن انا مختلفه
بحس قوى
بتوجعنى الحجات جدا
بصيتى انتى للشىء الازرق المسمى بالموبايل بانه كاتم اسرارك وانه ساعات بيعمل حجات ما انتيش راضيه عنها
وانه بيغنى فيروز الاغنيه اللى انتى بتحبيها
هايل
هايل جدا ان الواحد يصاحب حجاته
انا مصاحبه اجنه بكتب فيها كلامى وقت وجعى عشان كده يا لميا لما بجى اقرا كلامى بحس انها بتعنفنى على احساسى بالوجع عشان كده بضطر ابكى كل مره

فهمانى؟؟

كرانيش said...

اجنده

ده تصحيح لخطا لغوى
سورى يا لميا

Anonymous said...

اه بمناسبة التصحيح اللغوي لكرانيش هانم
هوا فيه خطأمطبعي في التعليق الأخير يا لمبا هيا
أضاعو فجره المستور
مش أضاعو فجره المستور

Anonymous said...

أقصد فجره مش وجهه
ايه اللخبطه دي
سامحيني التطبيق مأثر عليا تقريبا

Mony The Angel said...

3agabny alpost da awe ya limy
ennek me7terema mobilek w 3amlalo post kda
ana kaman ba7tarem mobily awe
w ba7ebo awe
w 3arfa emto awe :)
bgad alpost 3agbny gedan gedan gedan :))

osama said...

اذا استيقظت وقرأت هذا البوست الجميل فاعلم انك امام كاتبه موهوبة تجيد فن السرد والتقاط رنين التفاصيل ...

جميل وعشت مع كل مقطع وتعايشته ...
دمت بكل ود.
خالص تحياتي

goodman said...
This comment has been removed by the author.
Feras othman said...

اذا استيقظت ووجدت نفسك شيء ازرق صغير .. اعلم انك ستشاركني حماقاتي وهفواتي وستعرف ما لم يعرفه غيرك وستحبط وتكره وتحب في آن واحد لتتحول الى كائن ازرق لطيف .



مازلنا نستطيع أن نخلق الكلمة و نصنع الحوار و نصيغ القوافي رغم كل ما يشغل تفكيرنا....حتى هذا الجهاز الصغير لم يسلم من كلماتنا و تعابيرنا..نحن فنانون كلما نمضي بطرقنا تترك ريشتنا أثر في الطريق و لو نقطة!!

جميل وفريد يا لميا البوست

goodman said...

اذا استيقظت ولم تجد نفسك شىء ازرق صغير فاعلم انك شىء اسود كبير

تسـنيم said...

إذا استيقظت ذات يوم لتكتشف أنك قد أُصبت بالخرس وبالبكم اعتراضا منك على تقلبات أمزجتي وانفعالاتي وتحولي ل 180 درجة بسرعة مذهله
فأنت هاتفي النقال

عين ضيقة said...

الله عليكى بجد

البوست تحفة ومش تخاريف

والموبايل لو يعرف انه هيفجر بوست وحالة زى دى مش هيصحى هيموت من السعادة

بجد تسلمى ع البوست ده

sendbad said...

دخلتينا معاكي سكة مختلفة خالص ومعرفناش نطلع منها انا تهت ورجعت وتهت ورجعت اكتر من مرة غموض ووضوح ومعاني غريبة ومعتادة بصراحة يسلم جنونك
تحياتي

esraa said...

انا مررتلك تاج تاني ياجميله

ماتكرهنيش بقي(:

MoHaMeD HoSSaM said...

ليتك ايها الازرق كنت تفهم

او ليتك عل الاقل



كنت اخضر

اعمل اي بس بجد عجبني البوست

انتي بتجيبي شوية افكار

100 100

امسك الخشب

تحيتشي من القلب

LAMIA MAHMOUD said...

طارق امام
ميرسي جدا رأي كاتب زيك يفرق معايا كتيييييييير .. ميرسي تاني
:)
_____________
فنان فقير
لو عالموبايل اتفضليه .. واما الاغنية ففيروز مش محتاجة توصيات مني او من غيري :)
العفو يا قمر
____________
انونيموس
وماله يا ابني مش عيب
_____________
ثروت
ان تصطفي شيء فهو لان يقترب لا ان يرحل
D:
____________
كرانيش
وانتي كمان يا قمر .. مختفية ليه من الميل والبلوج
هو فقط ان ننظر من زاوية اخرى
سلميلي على اجندتك .. وكنت فهمتها لوحدي دون توضيح :)
___________
ثروت
علم
شكلك نايم من ساعتها
____________
موني
احترام الموبايل واجب يمكن :)
مش مسالة احترام قد ما هي تواري خلف شيء ما يا بنوتة
مش متاخرة اهو:)

LAMIA MAHMOUD said...

اسامة
سعيدة جدا
:)
_____________
فراس
هل هو الفن ام الالم صديقي العزيز
ستترك ربما قطرة في كل مكان قطرة ربما نزفت من جرح لم يندمل بعد
او اعدت فتحه بارادتك الخاصة
مكنتش متوقعة انه حيعجبك بس قد كان
:D
________________
جود مان
فعلا؟
__________
تسنيم
اذا اقلقتك رنة في ليلة باردة تذكرك بامسيات افئة فانزعجت انا وتركتك وحدك تنادي وتجتر الذكريات
فاعلم انك هاتفي النقال
__________________
عين ضيقة
الله يخليكي :)
هو قرب يموت فعلا على فكرة مش عارفة ده لو غيرته حخليه اية بقى مبحبش الاشياء الضخمة
:)
دمتي بسعادة
______________
سندباد
وجناني ده عين العقل
:D
تسلم
_____________
اسراء
مش حزعل ليكي في ذمتي 2 كده
_____________
محمد حسام
اخضر ليه يا محمد
جيت وتابعت تاني اهو
:D
بوستين ورا بعض

MoHaMeD HoSSaM said...

انا بتابع علي طول يا كابتن لمي بس مش دايما بعلق

سوال محوري

هو امتحانات الكلية عندنا امتي لاحسن انا ولا عندي فكرة


ويا ريته كان اخضر اكيد عشان سبب وجيه

حدور عليه واقولهوك

:):):):):)

LAMIA MAHMOUD said...

حسام
والله يا ابني ما اعرف
بس في ناس بتقول قربنا وهانت
بلا بلا بلا
انت فاهم
اني واي ميرسي على المتابعة يا معلم
D:
هاف فن

dandana said...

اعتقده سعيد...لم ولن يتذمر..

كفراوى said...

انا كل ما اصحى الاقى نفسى

اسود كبير

يعنى اية بقى اللون دة و تفسيرة سيادتك؟

MoHaMeD HoSSaM said...

هناك فعلا الكثير من البلا بلا بلا ليس فقط في موضوع الامتحانات بل في كل حاجة عندك حق


اقولك علي حاجة بس متضحكيش

مكونتش فاكر ان حد بيفهم التعبيرات دي او بيستخدمها ومش قادر اقولك فرحت قد اي لما لقيتك بتقوليها

عارفة انا مرة وانا بتكلم مع واحد صاحبي واستخدمت موضوع البلا بلا بلا دا وكنت فاكر ان اي حد بيفهم حيبقي عارف اقصد اي ولكن للاسف اكتشفت بعد الموقف دا ان ولا حد عنده فكرة

تحيتشي :):):)

قلب الأسد said...

بوست رائع يا ليمو .. بجد انتى موهوبة ! أحلى حاجة فيه إرتباطه بفيروز .. أنا بحقد عالموبايل ده

angelic devil said...

يااااااااااااااه
دا أنا اتاخرت اوي
بس أنا واثقة من كرمك و من انك اكيد حتقبلي اعتذاري

و ألقي بك ساخطة عليك
و كأنك انت من أجريتها من تلقاء نفسك
ربما القي بك ليكون نصيبك بعض الكدمات و السحجات الخفيفة
و ربما القي بك ليكون مصيرك مفارقة حياتك و حتي لو للحظات طالت ام قصرت فهي مجرد لحظات
القي بك فيها الي غيابات النفس الثائرة الساخطة
لا منك و لكن منها
نعم منها
و هي تلك النفس المتقلبة من تعيد اليك الحياة مرة أخري
فانت رفيق الدرب
رفيق الصمت و رفيق الكلمات

يمكن كلامي ملغبط شوية
بس ده
لان اللي انا حسيته من البوست
كان افكار و احاسيس و كلمات متخبطة
لا تنم الا عن
تخاريف أجمل لمي
تحياااااااااااااااااتي

المراكبي said...

أصطفيه للرحيل معى وليس للرحيل عني يا لميا

مصطفى السيد سمير said...

لو استيقظت ووجدت نفسي كائن ازرق لطيف
يدندن بأغنية لفيروز
ولا يجد منك الا التجاهل
حاكون اسعد كائن ازرق في الدنيا

القصة رائعة
لك خالص تحيتي

~ Bato0ot ~ said...

lamia ... eh el raw3a de .. nas gamil asln kefya el fekra ... !

Abu Yazan said...

يعني لما اصحى الصبح ألقى نفسي حاجة زرقا أعرف اني موبايل؟ ايه الجمال ده:D

بقولك ايه
تعالي نشرب قهوة
بس مش ع الريحة:D

سلام

OMA said...

ta5aylni eny kont fakrany sebtlk comment 3la el post da
w ba3din ana d5lt a2rah tany now w babos fe elcomments mal2itsh el comment bta3i eh el esthbal da :D
talet mra a2rah...w enty 3arfa eny enjoying ur style asln
bas el post da gamed a5er 7aga bgd
w gdid faaaaa7t
ya fanana ya lamiaaaaaaaaaaaaaa

Yassmina said...

لا يسعني سوى تذكر شيء ازرق صغير
كان مصيره يوما الحطام في ارضية غرفتي

هذا الشيء الازرق الصغير
ليس سوى عالمنا المصغر

sendbad said...

جيت اطمن بس
تحياتي

Abu Yazan said...

المود طوّل أوي و الا انا اللي بيتهيألي؟
اظهر و بان عليك الأمان
ع الأقل نتابع الاخبارات أول باول و بعدين اختفي تاني

سلام يا معلم

shabfa2re said...

بعد صلاة العيد مباشرة
كلكم معزومين عندى
فى ندوة لحمية مفتخرة تحت عنوان - الهط قبل اللحمة ما تغلى اكتر
وكل واحد له ربع رغيف حواوشى
هييييييييييييييييه

sendbad said...

كل سنة وانتي طيبة عيد سعيد

esraa said...

كل سنة وانتي طيبه ياجميله

ويارب يكون عيد سعيد عليكي

(:

محمود ماجد said...

غريب اوي ؟؟؟ بيتي صغير في كندا ؟؟

ما كنتش حتى اتخيل إن فيه حد سمع عن الأغنية دي اساساً

ادم المصري said...

البوست حكاية ماحصلتش

.
اسف بجد اني ما قريتش العمل دا قبل كدا بجد انتي حد عبقري
.
.
عبقري دي كلمة قليلة
لان الفكرة هايلة جدا
والتناول جميل جدا
.
.
لدرجة اني تمنيت اصحي الصبح والاقي نفسي شيئ ازرق ضغير
.
.
اعتقد انه بامكانك تجميع قصصك المبهرة والتي تضيئ علي صفحة مدونتك لتجمعي مجموعه قصصية هائلة
واقترح ان يكون اسمها
شيء ازرق صغير
.
.
لكي تحياتي والسلام

امرأة تقول الذي لا يقال said...

بجد الفكرة عبقرية

saso said...

:(
انتي هتفضلي مختفية كده لامتي

أُكتب بالرصاص said...

ساسو

مبرووووك النيو لوك
وأهلا بك في إنضمامك لعالم الغوامق


مبارك العيد

الغريب said...

مادام هذا الشئ الصغير
مرتبط بفيروز
فما أحلاه
تحياتي

Mony The Angel said...

"" saso said...
:(
اتي هتفضلي مختفية كده لامتي""

same here :s

BaTaBeeT said...

begad el post to7fa :)

7asesny ad eh eli e7na bne3melo f our phones

اذا استيقظت ووجدت نفسك شيء ازرق صغير

e3raf enak 7atefdal fil sha7n 3la shan so2 este7'damak el motawasel...beganeb kol eli enty olteeh

nice blog lamia :)

barb michelen said...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

عبدالرحمن فارس said...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و مصر أحسن .... بدري بدري كده قبل الزحمه

linda said...

كل سنة وانت طيبة يالمياء

أخف دم said...

ازيك يا لميا
أولا كل سنة وانتى طيبة وبصحة وبخير دايما ويارب السنة الجديدة تبقى خير عليك وامل جديد
طبعا اأسلوب رائع كالعادة وانتى عارفة انتى مش بتكلم كده يعنى.. بجد رائع. استخدامك للشيء الصغير الأزرق اللون كمعادل لكل أحوال حياتك واستخدام أغانى فيروز برضه معاه حاجة تحفة بصراحة .. وصدقينى مش عارف ليه بتبقى متألقة أكثر لما بتستخدمى تكنيك كلمات الأغانى كمعادل مع القصة..وخصصا إنى متميزة جدا فى اختيار المطرب المناسب والكلمات المناسبة
باقى بس انى اقول لك انى حسيت انك زودتى بعض المقاطع لمجرد الزيادة أو إنك على الأقل مقعدتيش عليها أكتر.. حاسس ان اسلوبها ابسط من الباقيين أو مش مكثفة زيهم
عموما نرجع ونقول العمل رائع بجد زى مجمل أعمالك طبعا
وكل سنة وانتى طيبة تانى

إبراهيم محسن said...

اذا استيقظت يوماً ووجدت نفسي شئ أزرق صغير فسأغلق نفسي .. وأرهق بطاريتي وأدمر شبكتي .. كي تعرفين قيمتي

ازيك يا لمي
بوست رائع والفكرة حلوة
بس حقيقي الموضوع ده
بقى الموضوع مش حلو ان أي حد عاوزك هيلاقيكي في أي وقت
صدق من قال أنها العولمة
:)
قلت أجي أمسي عليكي وأقولك كل سنه وانت طيبة

صالح سعيد said...

كل سنه وانتى طيبه
ويا رب تحققى كل امانيكى فى العام الجديد
انا مدون جديد فى هذا العالم
يشرفنى زيارتك لمدونتى المتواضعه
بس بصراحه مدونتك كان ممكن تبقى احلى من كده
يعنى زودى نسبة الكوميديا شويه
حتى لايشعر القارئ بالملل

حصان بري said...

. فمنها التي تعمد مرسلها ان تحمل لهجة رسمية ليوصل في طياتها معلومة ما لن اهتم بها بالرغم من اعتقاده العكس .. ومنها من ستجدني وانا اتصور مرسلها وهو يرسم على شفتيه ابتسامة لذجة يحاول ان يجعلها ودودة نوعا .. والقليل منها حقيقي

وليس بيدك ولكني سأكرهك على كل حال لأنك لا تملك الا فيروز وهي مازالت تصر على اني ..انا وحدي صوتي والصدى

اعلم انك ستشاركني حماقاتي وهفواتي وستعرف ما لم يعرفه غيرك وستحبط وتكره وتحب في آن واحد لتتحول الى كائن ازرق لطيف

:) هو فيه كده
تعرفي يا لميا بجد عندك قدره جميله في تذكيرنا بقيمه الاشياء البسيطه في حياتنا
الهاتف وكم من اسرار يحملها
اغاني بسيطه تلعب بمشاعرنا وعقلنا اللا واعي

التفاصيل.........
وكم ننساها في دوامه الحياه

اختياراتك للوحات بجد عبقريه
ايها الملاك الوحيد المنتظر
عسي الا يطول الانتظار

اه مكتبتيش من نوفمبر
يارب يكون المانع خير
ننتظرك

Mony The Angel said...

enty feen ya lemy :((

raspoutine said...

جميل اوى

LAMIA MAHMOUD said...

الاول سوري على التاخير جدا امتحانات بقى بعيد عنكم
______
دندنة
جبتي التأكد ده منين:)
نورتيني
_________
كفراوي
لا والله دي كلها نفسيات حضرتك
_________
حسام
كل ده عشان بلا بلا بلا
يا ابني دي مشهور اوي
ربنا يكرمك يا معلم
تحيات متبادلة مع تعطيش التاء
__________
قلب الاسد
الاول مبروك على البلوج .. انتي اروع يا جميلة:)
_________
angelic devil
بعز انا التعليقات الدسمة .. مش محتاجة اعتذارات دايما بقول
late better than never
من غير اي لخبطة كلامك محسوس جدا
سلامي ليكي يا بنوتة
____________
المراكبي
ليس عنك خالص على فكرة :)
منور .. مبروك البلوج
_____________
مصطفى السيد سمير
شكرا على ذوقك جدا
تحيات متبادلة
_____________
بطوط
انتي اروع والنعمة .. منورة جدا
_________
ابو يازن
صبحنا وصبح الملك لله
لاء عليك نور يا اخويا هو ده اللي فهمته:)
حبيب قلبي انت والنعمة .. اطلبها نظبوط وهي حتيجي لوحدها على الريحة قهر
حتى القهوة بقت عالريحة
____________
اوما
وطلعتي مسبتيش
زهايمر ده؟
دي اجل حاجة عندينا
من طرف خلف الدهشوري خلف
فنانة مرة واحدة يا بنتي!!!

LAMIA MAHMOUD said...

ياسمينا
ده مش انا لوحدي بقى:)
__________
سندباد
مشكرين جدا
تحيات متبادلة
__________
ابو يازن
انا جييييييييت
انت تأمر يا فندم
_____________
شاب فقري
العيد خلص
_________
سندباد
وانت طيب متاخرة فحت
____________
اسراء
وانتي طيبة ومتاخرة برده جدا
يا كثوفي
________
محمود ماجد
لاء فيه ناس كتير جدا ما تقلقش
___________
ادم
اهو انت تغيب تغيب
وتيجي تثبتني:)
ميرسي لذوووووووقك
بفكر جديا في الموضوع ده .. ادوس يعني وحلاقي حد يشتري اللي حنشره؟
D:
___________
امرأة تقول الذي لا يقال
شكرا يا قمر:)
_________
ساسو
انا اهو
D:

LAMIA MAHMOUD said...

اكتب بالرصاص
انا مش ساسو
___________
الغريب
اكيد فيروز بتضيف تميز لاي شيء:)
_________
موني
وانا قلت لساسو انا اهو
same here
:)
وحشتيني
__________
بطابيط
يااااااااه
من زمان .. فيييييييينك
شكرا جدا يا قمر
________
عبد الرحمن فارس
اسفة على الرد متاخر جدا بعد الزحمة بكتير
_______
ليندا
وانتي طيبة متاخرة شويتين
__________
اخف دم
اشرف باشا .. اهليييييين
يسعدنا نقدكم البناء يا فندم:)
الكبير كبير برده
__________
ابراهيم محسن
بعد غيبة كبيرة
ازيك الاول
تصدق هو ده حلها عشان يستريح مني خالص
صباحك عولمة يا سيدي :)
___________
صالح سعيد
المدونة شخصية بحته وليست حلقات صيدكوم
ميرسي ليك
________
حصان بري
اية كل الكلام ده
كنت يمكن مستنية تعليق زي ده عشان اكتب :)
ميرسيييييييييييي
_____________
موني
جيت اهو
_________
راسبوتين
شكرا

semsem said...

ها