Sunday, November 11, 2007

هرتلة فكرية في صباح بدايات الشتوية


طلب مني فراس صديقي العزيز ان اسطر ما يجول بنفسي هذه الايام .. ونزولا لرغبته سأحاول ان افعل
.
البحر مازال يعكس لون السماء .. الامواج مازالت تتلاحق .. مازالت النساء تلد في كل مكان ويدخل الطفل الى الدنيا ليبكي .. مازالت الاسعار في ارتفاع والناس تتحدث في ضيق عن ذلك ولا تفعل شيئا .. انا وحدي اشعر ان الحياة مختلفة .. يلح هو جدا على تفكيري طيلة اليوم واردد كلماته وربما ادخلها كثيرا في حديثي دون داع .. كطفل صغير تعلم كلمة جديدة ويقحمها في كل جمله دون داع
.
طفل صغير يتعلم الكلام .. كإبنة اختي التي ستتم عامها الثالث في الشهر القادم حينما وقفت تخبر امها دون ادنى داع ان .. "حاولي تتفهمي الوضع المحيط" .. لقطتها مني وانا احادث ابي في نظرية المؤامرة التي يؤمن بها جدا ويروج لها خلال حديثه واعارضها انا
.
نظرية المؤامرة .. ام محمد البوابة جالها تسمم عشان امريكا بعتتلنا علب تونة مسممة استوردتها من اسرائيل عشان تسمم ام محمد لأنها خطر عالأمن الامريكي العام .. طيب ما هما كمان شايفين اننا كعرب عموما ارهابيين .. بس كمان شايفين الافارقة الامريكان رجال عصابات وشايفين المكسيكي ديلر وبس والامريكيين نفسهم الاوروبيين شايفينهم اغبيا
.

الاور
بيين .. تلح علي فكرة ان اشاهد افلام اوروبية تلك الفترة .. واعيد معلوماتي عن الايطالية التي فقدت معظمها في التعليم في الجامعات الحكومية
.
الجامعات الحكومية .. اصبحت رغبتي في ان انتهي من دراستي الجامعية على لائحة احلامي
.
احلامي .. احلامي كانت اعرض حينما كنت بعدي في المدرسة صغيرة
.
المدرسة .. في المدرسة اخبروني ان الثورة جائت لتحرر البلد .. وان عبد الناصر هو اول رئيس جمهورية .. وقرأت انا بعدها كتاب يخبرني ان هناك رجلين ظلمهم التاريخ .. الملك فاروق ومحمد نجيب .. فلا الثورة حررت مصر ولا عبد الناصر هو اول رئيس للجمهورية وقائد الاحرار .. يخبرني صديقي انه ناصري .. "بس عبد الناصر كان ديكتاتور"
.
ديكتاتور .. الديكتاتور .. اسم ديوان لايمان بكري اخبرني عنه صديق آخر .. "الديك ده تور" .. الديكتاتور .. اسم مجزء ومجمع
.
اسم مجزء ومجمع .. اسم آخر رواية جبتها لصنع الله ابراهيم .. امريكانلي .. "امري كان لي" .. امريكانلي .. الحواشي كتير اوي .. امري كان لي
.
امري كان لي .. كان لي .. وكلن هل مازال لي؟! .. اكيد مازال لي .. اية العبث ده .. امال ليه ببص عالصورة كتير؟
.
الصورة .. وردة كانت بتقول مش حعيش اطوي الليالي احضن الصورة وخيالي
.
خيالي .. خيالي اخذني الى الكثييييير وحينما ارتطمت بالواقع صدمت .. عجزت حتى عن الكلام .. مناقشتش .. سكت كنوع من انواع الاباء .. مات الكلام
.
الكلام .. اللغة .. اصبح كل منا يتحدث لغته الخاصة .. "ومحدش فاهم حد" .. الشعب كله كل واحد بيتكلم في ناحية .. ملتحين وشيوعيين وملحدين وتقدميين .. واضح جدا ان المشكلة في نهاية الكلمة بايييييين .. حتى ان كلمة مثقفين اصبحت الآن كالسب
.
زحااااااااام فكري
_________
اللوحة هي
rebirth
للفنان
BELL MATHER

32 comments:

shimaa said...

hoa z7am f3ln ya lmy..a3ody m3 nfsk w7wly trtbeeh bs gdeda tre2t t3berk 3n el2fkar de..wish u an organized thoughts soon..u know how much i like things clean & organized:)

Reemo said...

لخبطه وزحمه
وأفكار كتير وكلام أكتر
وكل كلمه بتوصل لكلمه تانيه فى جميله تانيه بفكره تانيه
ولو حاولنا نرجع للأول هنلاقى الكلمه بتوصل لكلمه تالته من جمله تالته فى فكره تالته
وكل واحد بيتكلم فى ناحيه وبيفكر لوحده
كلامنا بيتشابهه كتير بي المعانى داخلنا بتختلف أكتر حتى لو تشابهت كلماتنا
كل يغنى على ليلاه
وما أكثر الليالى
وما أكثر الكلام والجمل والأفكار
ممكن تحاولى ترتبى وممكن متقدريش
وممكن لو رتبتى تلاقى فى مشترك كتير
وتلاقى االترتيب ملخبط
ممكن تعرفى وممكن متعرفيش
بس الأكيد انك لو فكرتى هتلاقى كل ده بيشترك فى عامل مشترك واحد
انتى عايزه ايه؟
بس

البِـئرُ والظمّأْ said...

ههههههههههه
زحمه بجد يا لميا
و هرتله بجد
بس هرتله حلوه قوي


تحياتي يا قمر
زيزي

mando4ever said...

لست هنا كي أدعي أن فكرة الهرتلة....تتشابه مع فكرة هذياني....

أطلاقا....


ربما يكون لي الشرف في خلق نوع جديد من التاجز... :d

التاج _وأن كنت أمقته_ وهرتلتك الفلسفية....وهذياني الساخر.....

ربما هم وما بهم من زحام محاولة
_ويالتناقض_
للخروج من البيبان....

الحرّ....

الضيقة....

رشرشي براحتك :)

Feras othman said...

عندما تحادثنا آخر مرة شعرت بأن بداخلك كلام كثير يريد بأن يخرج مما يسبب لك دوامة داخلية و لكن......أذهلتني بهذا البوست حقا أقول بأنه أشبه بعصف ذهني يعرف الكلمات و يعنون السطور ...معلوماتك و قراءاتك الواسعة تذهلني

شكرا على تلبتك طلبي عزيزتي و ذكر اسمي في مدونتك العزيزة

محمد حمدي said...

هرتله منمقه .. واحلى ما فيها ان كل نهايه بتسلم بدايه جديدة

Unknown said...

لميا

للأسف كله بقا بيكذب علي كله

وكل واحد يغلب في حاجة يقول أمريكا هي السبب

ونروح المدرسة يقولولنا ان عبد الناصر كان أول رئيس جمهورية ولما نكبر شوية نلاقي ان محمد نجيب هو اللي كان أول رئيس جمهورية

ألاقي الناس أيام ما عبد الناصر تنحي كانت هتموت نفسها عشان يرجع

وآجي اقري ألاقيه كان انسان ديكتاتور وبيعمل حاجات ماكنتش أتصور ان واحد الناس بتحبه للدرجادي يعملها

طيب ازاي بعد كدة أصدق كتاب ممكن أقراه في البلد دي

عارفة بقي عندي فوبيا بقيت باشك في أي كلمة بقراها

في تلفيق وتزوير كتير قوي وللأسف طمث الكثير من الحقائق

هرتلة جميلة

أحيانا الهذيان بيبقي أصدق حاجة ممكن نقولها

بداية البوست فكرتني ب

ساعات أقوم الصبح قلبي حزين...أطل بره الباب ياخدني الحنين...اللي اشتريته انباع واللي قابلته ضاع

وأرجع وأقول لسة الطيور بتفن والنحلايات بتطن
والطفل ضحكه يرن مع ان....مش كل البشر فرحانين

فترة وهتعدي
:)

LAMIA MAHMOUD said...

شوشو
ما هي الايام دي استني مني كل جديد يا قمر .. مش حتقدر تغمض عنيك .. هو انا ممكن احاول ارتب عشان خاطرك بس متعتبريهوش وعد :) .. بالرغم من اني عارفة
______________
ريمو
دوشة
افكار كتير بتغلس على بعضها في دماغي كل واحدة عايزة تطلع وتسيب اخواتها واخواتها يشدوها معاها وكله بيتكلم
وتاني محدش فاهم حد وكله بيغني على ليلاه
اما انا عايزة اية ؟
عايزة ربع جنية وامشي انا
خدي بالك يا ريم اني عايزاه ربع مش نص ومش جنية
ربع
____________
زيزي
ميرسي يا قمر
____________
ماندو
مش فاهمة اية هذيانك .. بس ان كان وجد بينا تشابه فيحصلي الشرف
بس اكيد عن عدم قصد
مبحبش التاجات وبرد على اللي بيعجبني
من بين هرتلتي وهذيانك قد نصل الى اصول الاشياء
لو وصلتلها الاول تعالى قولي
مش عارفة ليه حساها اكتر دايرة الرحلة
نورتني
_____________
فراس
صديقي العزيز فراس . حينما تحادثنا آخر مرة كنت احاول ان ابذل جهدي في ان ابدو متماسكة وغير مبالية باي شيء على الاطلاق
ولأنك تحمل قلبا من ذهب فقد استنتجت وحدك ان هناك شيء يختفي خلف كل ذلك
هو بالفعل عصف ذهني يغير معظم المفاهيم
طلباتك اوامر يا فراس والمدونة حصلها الشرف بذكر اسمك فيها :)
___________
محمد حمدي
حتى تصل الى نهاية لا تفعل
_____________
فنان فقير
صح يا سالي
كله بيكدب على كله
تاريخ اية يا بنتي .. بلا تاريخ بلا حضارة بلا ثورة
الموضوع اعلى من كده .. كل واحدة بيدور على نص يخدم اغراضه ومين المتلقي في الاخر
مش احنا؟
مرة حنقولهم لاء مش احنا
ومش عايزة اسمع
انا بعشق الاغنية دي
فترة وبتعدي يا سالي وممكن تيجي لحظة تلاقي دماغك تفضى خالص

Che The Hermit said...

كلام جميل
كلام معقول
فكرتيني بالمنتصر بالله

سيبك انتى اللوحة حلوة اوى

تحياتى
تشي

كرانيش said...

قشطات

كويس قوى اللى انتى بتعمليه ده
فضفضى فضفضى ولا يهمك يا جميل

فكره جيده
افكار زكيه كلها
عملتيها صح يا لميا

سندباد said...

زحمة فكرية حقيقي
السؤال ازاي عقلك مستوعب كل ده
علي العموم هي نوع من انواع الفضفضة او الفلسفة او ممكن نسميها هرتلة زي ما انتي قلتي بس هرتلة منظمة محسوبة ومترنبة
تحياتي

كلبوزة لكن سمباتيك said...

حلو الربط بين الكلمات اللي نسجتيه
فرصة سعيدة يا لمياء
سعيدة بيكي


تحياتي

Oma said...

Yaaaaaaaah
eh ya benty da...enta zaman dma3'k betwal3
3agabni awi tari2t sard el klam
la atfk m3 el nas elly 2alo hartlha....di 3abkrya !
wa7shaaaaaaaaaany walahyy fa7t

angelic devil said...

اتفق معكي قلبآ و قالبآ
في كل كلمة زكرتيها في البوست ده

من اولالطفل اللي مجرد ترديده للكلام بيرسم فرحة كبيرة في قلبنا

لنظرية المؤامرة
اللي مش بس ام محمد اللي عايشة فيها
كل حد فينا لما بيحتاج انه يتبرأ من مصيبة او حتي ذنب صغير عمله
يقول هما اللي عملوا كدة

للاوروبيين
اللي انا بعشق فيهم عمليتهم و برودهم و عشقهم للفن

للمدرسة
اللي بقول و لا يوم من ايامها

للكلية
اللي بقول دلوقتي امتي تخلص
و لما تخلص حرجع و اقول و لا يوم من ايامها

لاحلامي
اللي مش عارفة اسميها ايه
مش حقول كوابيس لانها مش بتخوفني
و مش حقول احلام
لان عدم تحقيقها
اللي اصبح الواقع الوحيد فيها بيزعجني

لكل حاجة قلتيها بعد كدة

ب انا لا اتفق معاكي في تسميتها هرتلة
لان الهرتلة دي هي يمكن تكون الحسنة الوحيدة في ايامنا

و ده لانهامن وقت للتاني
بتجبرنا ع مراجعة نفسنا و محاسبتها
و صحصحة ضميرها
بتعرفنا احنا مين و عاوزين ايه و رايحين ع فين
مش هرتلة يا لومي خالص
لا
تعالي نسميها
صحوة ضمير
او حتي فكر مختلف

تحيااااااااااااتي

islam yusuf said...

و الله كلام جميل يدل على الصخب اللى انتى عايشة فيه
استخدامك للذاكرة جميل
الرحلة ما بين الحاضر و الماضى

مدونه جميلة و رائعه

عين ضيقة said...

تعرفى انى عايزة اعمل زيك كده


دا بجد

حصان بري said...

rebirth
هرتله تعيدنا الي الواقع
حلو البوست يا لمي

Anonymous said...

ana mtanna7a ya bnty
ye5reb 3a2lek fe3lan :|
zanateeha azay de :|

Unknown said...

الصوره فعلا تحفه

ولايقه جدا علي الموضوع اللي كل كلمه فيه بتدخلنا في حاجه تانيه

يس جميل انك شاركتينا في كل الحاجات اللي جواكي

MoHaMeD HoSSaM said...

ازيك يا يا لمي اي اخبارك

لا اعرف كنت دائما اعتبر الشتاء هو محرك كل شي بداخل الانسان من شعور واشجان وحتي الهرتلة

يمكن عشان بحب الشتا مش عارف

تحيــــــاتي

zordeak said...

زحامك الفكرى الملخبط مش ملخبط خالص وعاجبنى


على فكرة ما زلتى مع كوب القهوة الاثير بتعمليلى احلى دماغ


دمتى بود

:)

dandana said...

الصخب داخلنا احيانا يصبح اقوى من اقوى صوت بالخارج

احببت هذا الصخب

Anonymous said...

This never happen 2 u b4 .. what's wrong with u?
I think as i said b4 2no blash 27san

سابرينا said...

ولميا:ورده بندي الصبح.,وقلب أخضر لم يعد يستطيع الأحتمال
بوست حزين ولكن لأينفي هذا جماله!

LAMIA MAHMOUD said...

che the sad
u remind me of Laila Morad
nawrt my blog:)
____________
kranesh
I'm traying honey .. bs 2est7mlo 2ento ba2a :)
____________
sendbad
awshk 3la el 2enfgar .. 2w kma kal 3mena Darwesh .. y7asrony wake3 la 2oged qra2toh
____________
sampatek
the pleasure is mine really
thnk ya 2mr :D
___________
oma
I'm the first one who said hartla .. dpn't know what 2 call it .. but let us wait 2 see
miss u honey:)
______________
angilc devil
I don't think 2nha sa7sa7a lldmer .. don't know y 7saha 2e3adet tarteb .. ymkn l2nna momken nkon m7mlen damerna fo2 ta2to 2slan .. but sure 2nha fekr mo7'tlf
el 2e7'tlaf mosh fe fekry 2na .. el 2e7'tlaf fe 2n mara as a change tell everyone what do u think without thinking what would they say
I think 2n el rad 3la el commeny mel7'bt gedan:)
but forgive me ur comment touched me
________________
Islam Yousef
:D thnx alot
we all living in such a mis

LAMIA MAHMOUD said...

3en day2a
do it and let us see .. feel free 2 do whatever u want
I'm waiting 4 urs
____________
7osan bary
yes .. el waqe3 fe3lan .. life never debends on expactations
27eek 3la fhmk 4 the paint meaning
____________
mony
slamtek mn el ttne7 .. maybe hya 7ala namozgya btl7 3lya 7'lytny
zana2tha
:)
_____________
esraa
thnk 4 sharing me by reading :)
__________-
mo7ammed hosam
yaaaah fenk ya ragel
ya welcome ya welcome
2na kman ba2ol keda bardo lma el sheta ydo2 el bybyan bt7sl 7agat
3'reba
don't be late tany
_____________
zordek
nice gedan 2nha 3gbtk:)
me w el coffe swa shokran gedan:)
_____________
dandana
It's always more loud:)
___________
maghol
yea .. this never happen 2 me b4
but still u r wrong
___________
sabrina
thnx alot
u r so sweet
b2alek moda mosh btygy leh:(

Hayam said...

كان ماشية تمام
بعدين دوختيني معاكي
في ايه
هههههه بهزر

sherif gharib said...

لميا تعرفى انمتى عملتى زى مجموعه اصحاب بيلعبوا لعبه ان كل واحد فيهم يقول كلمه و اللى بعديه يره الكلمه ديه تعنى ايه بالنسبه له
بس الفرق الوحيد ان الفكر هنا واحد يعنى نفس العقل هو اللى بيحكم على المسميات
الاصطدام بالواقع احيانا كتيره يشعرنا بصداع نتيجه مراجعه ما كنا نعتقده بما هو الحال الان كثير جدا مكن المعلومات و الاخبارات كنا نعتقدها و نرى الان عكس ذلك تماما
حينها نفقد معتقدات اخرى من صدق ما ندركهو تنتهى الحكايه فى النهايه بلخبطه فى الدماغ
تحياتى و على فكره ليكى واحشه كبيره قوى قوى قوى

alexandrany said...

ممممممممممممم
دي هي دي نظرية المؤامرة بعينها
ايه ده
انجليزي ده يا مرسي
حلو على فكرة قوي التغيير في اسلوب الكتابة ده
لميا حاولي تاني على نفس الوتيرة
وان شاء الله هتلاقي حاجه جديده هتكتشيفيها جواكي

LAMIA MAHMOUD said...

يوما
طيب نعيد من الاول :)
______________
شريف
صداع يا شريف
شوفلك حل ولا طب بس على الفاضي :)
وانت كمان يا ابني ليك وحشة كبيرة
كنت مستخبي فين
_____________
اسكندراني
مرسي ابن المعلم الزناتي اتهزم يا مينز
:)
نورت

Tamer silit said...

بوست غاضب جدا وثورى حتى فى اسلوبه واستخدام الكلمات

المشكلة ان هذه الزحمة اصبحت صاخبه فى عقولنا جميعا فلم نعد نعلم متى نتوقف او اين ولم نعد ختى نستطيع الخروج بنتيجة منطقية من هذا الزحام فى اى شئ

فقط اصبح التمردد للتمرد شئ واجب

والرفض للرفض شئ طبيعى

والبحث عن شماعة لنلقى عليها كل شئ اصبح هو الحل الوحيد

انعدام الحلول ينبع من صعوبت تحقيق الهدف حتى لو وجد ولا يثبت عدم وجودها

بالفعل الزحام اصبح اصعب من ان يحتمل

وكلمة مثقف اصبحت سبه لان لا احد يستطيع ان يستمع او حتى يريد ذلك

دخولى هنا كان صدفة

لكن بالتأكيد سوف اعود هنا كثيرا

دمت بخير

LAMIA MAHMOUD said...

تامر سليط
بانتظار عودتك اكيد
حاسة ان الكي بورد طلعت ريحة شياط وانت بتكتب التعليق:)