Tuesday, August 21, 2007

اعود لأنه هو


بعيون عبقرية وشخصية تجبرك على الاصغاء والتوقف عن الافتعال لدقائق .. سيجذبك من بين المحيطين بك مخبرا اياك ومجبرا اياك في نفس الوقت ان كن انت كما انت .. فلا وقت نضيعه في افتعال شخصيات لا نملكها .. فالوقت المتبقي كافي فقط ليتعرف كلانا على حقيقة الاخر


بعد دقائق ستكتشف انه يملك عالمه الخاص .. الذي يصنعه هو باحباطاته وسعادته وموسيقاه وافلامه .. وستجد نفسك امام اختيارين .. اما ان تعشقه _كما فعلت انا _ او تكرهه .. انه هو صديقي العزيز


مر عام الآن من عمره .. ومر عام واكثر على ما ادعوه صداقتنا .. اخذتنا اكثر الحوار عبثية واستمع اليها هو وناقشها بمنطقية متناهية .. اذكرها كالامس تلك اللحظة التي جلس مستمعا لكلماتي واضعا ساقا فوق ساق متمسكا بسيجارته راسما فوق عينيه نظرة من نوعية لا يعجبني ما تقولين او من تتحدثين عنه ولكن اكملي


بعد عام او عامين من الآن عزيزي ..اراك تتحدث الى تلك من سيختارها قلبك _وانا من موقعي هذا احسدها بنفس راضية_ وتخبرها ان : البت لميا دي بت جدعة اوي وحنينة اوي وحقيقية وخسارة فيه .. وان كنت لا ادري من هو الا انني سأكون كذلك لأنني في نظرك "خسارة فيهم جميعا " .. وهذا لو تعلم عندي امر عظيم

واتمنى قبل مرور العام الآخر ان احقق امنيتي في ان آتي الى الاسكندرية واجلس معك كثيرا امام البحر .. سأخبرك عن مكاني المفضل حينما آتي .. ولكن ارجو ان تعود الى تدخين نوع سجائرك القديم وقتها

ولأنك من هؤلاء من يثيرون الجدل حولهم .. ليس فقط لعالمه الخاص بل ولأنه من القليلين الذين يجيدون بالفعل ما يفعلون .. فنصيحة في اول لحظات عامه الجديد

انهم يقولون .. ماذا يقولون؟؟! .. دعهم يقولون

عزيزي .. كل سنة وانت افضل

51 comments:

Feras othman said...

you asked me if i have a picture for this post that can express whats inside it ....i think maybe if i read it again i will sugest a picture of two birds flying together ;)

what a nice words and a lovely post
greetings to you and ur friend

Reemo said...

3arfa a7la 7aga fel post eh enk reg3ty tany :)
we bgd bgd
enty 5esara fehom kolhom
kol sana we howa tyb
we yarb 3o2bal 100 sana sdaka we e7tram we m3za we ehtmam
welcome back :D
(K)

altwati said...

لمياء
أنا أحسد هذا الرجل

حمدا لله على سلامتك
نورتي من جديد
البلوج كان كصحراء
بدونك
تحياتي

اسكندراني اوي said...

هناك اشخاصا يئسرونك الى عالمهم الخاص
فلا نستطيع فكاكا
هؤلاء نقول عليهم المميزون
هم من يستطيعون فقط تحريك الاحاسيس

اهو منهم
انتي وحدك القادره على الرد


تحياتي

Amira Hassan said...

كل سنة و هو طيب و يا بخته انه عنده عالمه الخاص عقبالنا يار ب

Mony The Angel said...

welcome baaaaaaaaaaaaaaaaaack :D
heeeeeeeeeeeeeeeeeey
heeeeeeeeeeeeeeeeeeeeeeeey
heeeeeeeeeeeeeeeeeeeeeeeeeeeeey
lemy rege3et :party:

kol sana w hwa tayeb wlawenny ma3rafsh hwa meen lol
bas bardo kol sana w hwa tayeb
kfaya enek rege3ty 3shano :cute:

Loveing u (K)

MoHaMmAd said...

welcome back lamya;) nawarty el blogger.com men gedeeed :) ...
طب يا ستى صديقك ده ليه بيقولك انك خسارة فيهم كلهم بس ؟؟؟

والله حرام عليه ..مش يمكن تقابلى واحد ليه عالمه الخاص و تعشقين ذلك العالم برضه و تحبيه و يكون أحسن و تنبهرى بيه أكتر من صديقك ده ؟؟؟ ...

عموماً انتى وهو أدرى بأحوالكم :) صح ؟؟

و بالنسبة للأشخاص دى اللى ليها عالمها الخاص و عندما تقابليها تنبهرى بيها ...ما أقلهم يا لمياء انتى محظوظة وانا كمان محظوظ حيث إن عندى صديق فنان بمعنى كلمة فنان فاأنا لا أؤمن بأن تتبع كلمة فنان بكلمة تانية فقط فنان فى كل شئ لوحاته التى يصورها كلامه الذى يتحدث به و موسيقاه الذى يسمعنى اليها و اجلس لأسمع وانا شاغراً فمى ...بس عارفة ماكنش بيحب و جيه عزيز وانااللى خليته يحبه:) ...ومن ده كتير بأه الأيام جاية هاحكيلك عنهم ان شاء الله

We2am said...

يا ولا يا ولا يا ولاااااااا..
اشطاط..نزول خاص جدا..
الحياة حلوة يا لاميا بس نفهمها :)

بيجاسوس المصرى said...

دعهم يقولون
تجمل ما سمعت اليوم
عل العموم

كل سنة و هو طيب و يارب تلقوا بخير و سعادة دايما بأذن الله

و يبعد عنكم اعين الناس الحاقدين

sherif gharib said...

كل سنه و انتى و هو طيبين يا لميا
اعرف ان انتى مختلفه و اكيد الطيور على اشكالها تقع
و اعرف ايضا انه يقصد فعلا جملته انك خساره فيهم جميعا
بس من يدرى يا لميا
لو بصيتى لحياتنا كلنا هتلاقى فيها من كانوا ينظرون الينا على اننا مختلفين تماما عن الباقين و لكن تتبدل الاحوال و نصبح عاديين جدا بالنسبه لهم
و العكس ايضا صحيح
حمد لله على السلامه و كفاره يا معلم
ايه الغيبه ديه
و على علشان تعرفى بس
انتى ضيعتى فى اسكندريه حته صيف ايه
فلاحين و زحمه بقى مش قادر اقولك
يا رب السنه الجايه تكونى فى افضل حال
تحيتى يا باشا

Oma said...

esh6aaa6
ya ba5to ya ba5to
kol sna w howa tayeb
welcome baaaaaaaaack...so happy beki..fokek mn kol el donya
just be ur self w TOOOOZ

تــسنيـم said...

ها قد عدتي وماكان الطائر الصغير ليستطيع البعد عن السماء الرحيبة ويقرر أن يهجر الطيران والتحليق إلى النهاية وهو مازال يملك جناحان....


الصديق : هو من إذا رأى دمعتك الأولى جفف الثانية ومنعك من الثالثة.. وضعهم الله في الأرض وأعطاهم قليلا من روحه ليكفكفوا دموعنا ويربتوا على ظهورنا ولولاهم لما نهضنا من جديد :)


اشترك أنا معه في يوم الميلاد ولو استطعتي أن تلجي شاطئي لقرأت تدوينة عيد ميلادي ولكن لا ترهقي نفسك الأن بعبور شطي فقلبك مازال واهنا.. أما أنا فقد بدأت عاما جديد بمفردي ومضطرة أنا أكمله وحدي بعدما تركني على أعتابه وأعترف أنا من أول السطر أن أمـــس انتهينا.. فلا كنا ولا كانا



محبتي وقبلاااااااااااااااااااتي

linda said...

هناك دائما اشخاصا مميزين بحياتنا

الحمد لله على سلامتك ورجعتك لألنا

mariam said...

مبروك لينا رجوعك يا قمر
و منوره المدونات

الرجل ده مختلف فعلا
نادر لما نقابل حد مختلف
احسده انه يملك عالمه الخاص

احلى جمله هى كن انت كما انت

اتمنى ان تحققى امنيت و تسافرى اسكندريه

LAMIA MAHMOUD said...

فراس
first .. thnx 4 the pic and I think this pic is the perfect one .. thnx alot:)
___________
ريمو
thnx sweety 4 being here 4 me .. teftkry??;)
love u
_________
التواتي
لا داعي للحسد:)
فلكل انسان خصائصه
شكرا لك
__________
اسكندراني اوي
هو منهم جدا
___________
ميرة
صباحه قر يا ستي
وانتي طيبة يا معلمة
________
موني
thnxxxxxx (K)
heeeeeeeeeeeh
I'm back
w 2enty tayba
love u
____________
محمد
منور باللي فيه يا فندم
شاكرين مهللين
والله حوار خسارة فيهم ده دي مزحة او دعابة :)
يمكن اكيد .. ثم ان الصداقة اعلى من الانبهار .. فانا مش منبهرة بيه .. انا بقدره كصديق
ادعيلي بقى الاقي اللي يبهرني
LooooooooL
وبالنسبة للنوعية دي من الاشحاص
فانا اعتقد اننا بالفعل محظوظين لمقابلتهم
___________
وئام
صباح عالي المقامات حضرتكم
الدنيا ريشة في هوا يا اخت وئام
_______________
بيجاسوس
وانت طيب:)
امين
__________
شريف
وانت طيب يا شيكو
مين قالك انه يقصد ها؟؟
بيني وبينك ومش عايزين سياح
وبعدين بزمتك تقولي ضيعتي وبعدين تقولي فلاحين وزحمة
انا ناقصة
عندنا عرب يا سيدي تعالى
_________
اوما
ya ba7'to yes w malo mosh 3eb
I'm here ya sety
and I'm me as u know me
w tooooooz
____________
تسنيم
وما كنت لاعود لولا مجموعة من الاشخاص انتي على رأس القائمة:)

الصديق هو انجح العلاقات على ما اعتقد

كل عام وانتي بخير .. والعام القادم تصيرين افضل

وكما قالتها فيروز يا صاحب الوعد خل الوعد نسيانا
انسي
___________________
ليندا
الله يسلمك ويخليكي :)

LAMIA MAHMOUD said...

مريم
ربنا يخليكي يا جميلة
هو فنان يا ستي
ادعي بس بذمة اوي والنب ياحسن الموضوع بقى في قائمة الامنيات:)

Anonymous said...

حمد الله على السلامه وان كنت اود ان يكون رجوعك بقرار داخلى خاص بك جائز ان يكون للاصدقاء دور فيه ولكن فى النهاية يكون قرارك - دائماً ما اخاف ان اصادق بشده او احب بشده حتى لا اصدم فى يوم من الايام لطبيعة الحال ان الاشخاص دائماً وابداً يتغيرون يتحولون وحينها يتركون جرحاً او حزن ما بداخلنا اما ما اود قوله ان لا احد خساره فى احد اكيد لكل منا مزاياه وعيوبه وجميعنا بشر ومن الافضل ان نقييم انفسنا قبل ان نقيم الاخرين - وهذا ليس معناه ان تكونى صغيره فى نظر ونفسك
ولكن الا ننظر للاخرين من فوق وقانا الله شر انفسنا

shimaa said...

الله ...حلوة قوي العلاقة اللي بينكوا دي ..وكل سنة وهو طيب
وحلوة قوي الصورة اللي على البوست يا لمي

اسكندراني في الغربة said...

انتي بتحسديها علية
هو مش عاجبة حد ليكي
احنا زعلنين عشانكوا
كل دة مش مشكلة
انا عاوز اعرف حاجة واحدة بس

فين مكانك المفضل في الاسكندرية؟

عين ضيقة said...

عودا حميدا

وكل سنه وانت وهو وكل الناس بخير يارب

LAMIA MAHMOUD said...

ماما
الله يسلمك يا حبيبتي
قراري يا ستي والله:)
_____________
شوشو
العيلة كلها في الرد المرة دي ولا اية
كل سنة وهو طيب .. والله يا شوشو هي حلوة جدا وانتي عارفة بقى
نقي نقي
:)
بس هي مزة الصراحة
الصورة ذوق فراس حبقى اقوله
_________
اسكندراني في الغربة
منورني يا فندم
لاء ده سر سيادتك:)
________
عين ضيقة
ربنا يخليكي:)
وانتي طيبة يا قمر

yousef said...

عارفه احسن من البوست اللى انتى كاتباه ايه
انك تقوليله الكلام ده ليه هو انا اتعودت انى محبسش اى حاجه جوايا
وابقى قوليلى عالنتيجه
ومستنى زيارة لمدونتى
regards

Dr. Eyad Harfoush said...

عزيزتي لمياء
عود حميد لمدونتك، و أرجو أن تعرفينا بمدونة هذا الصديق لو كانت له مدونة، فقد شوقتنا بالتعرف على عقله، تحياتي

S H A H said...

الحقيقة مش عارف انتي فين و عايزة تروحي اسكندرية

يعني جوا مصر و لا برة مصر يا لمياء

بس ان شاء الله تحققي امنيتك قريب و تكوني فيها و معاكي كل اللي بيحبوكي

سلام مؤقت

S H A H said...

سمعت انك كنتي غايبة

حمداالله على سلامتك

LAMIA MAHMOUD said...

يوسف
الكلام ده وصله مني قبل البوست وقرا البوست كمان
مش عيب ابدا ان الواحد يقول حاجة حاسسها خصوصا لو كانت كويسة:)
جاية حالا
______________
دكتور اياد
شكرا ليك .. استئذن الاول في اعلان الشخصية:)
تحيات متبادلة
____________
shah
انا يا سيدي من القاهرة .. ومسافرتش السنة دي اسكندرية خالص فوحشتني جدا
الله يسلمك وشكرا ليك:)
ياريت اعرف الاسم بالعربي بيتكتب ازاي

حصان بري said...

اعود لانه هو
سيبك من باقي الشعب طيب:)

حمد الله علي السلامه يا جميل
واشكريه لانه كان هو
جميل الصديق لما يقف جنبك وانتي محتاجاه
تحياتي يا لميا وويلكم باك

~ Bato0ot ~ said...

lamia .. kol sana w howa afdal b wogodek gnbo .. 3ashan el ensan byb2a a7san b so7abo ..
gamila awy ya lamia kalematek w gamil el post w gamil el sadaqa el keda .. w el agmal
enek f3ln khosara fehom kolohom :D

dr.Roufy said...

كل عام وهو أفضل..وأقرب لقلبك
مدونتك بجد جميلة
أول زيارة ليا بس مش الأخيرة
ان شاء الله

محمد حمدي said...

وانا اقول برضو اسكندريه وحشتك اوى كدة ليه .. بس على فكرة ايا كان هو مين هو انسان بيفهم اوى .. بدليل انه قلك انك خسارة فيهم كلهم ... فعلا انتى خسارة فيهم كلهم واولهم انا :)

يلا ربنا يوفقك فى حياتك وكل عودة وانتى اطيب واطيب

horas said...

كل عام وهو افضل
واجمل شيء في العالم
الصداقه
فحافظى على صداقته
لانه من كلماتك
يستحقها
عن جدارة

LAMIA MAHMOUD said...

حصان بري
اسيبني من باقي الشعب ليه بس:)
ةاحنا نستغنى
الله يسلمك يا باشا وميرسي على السؤال
_____________
بطوط
كل سنة وانتي جميلة:)
ربنا يخليكي يارب .. كده حبتدي اصدق ومحدش حيعرف يكلمني عشن تبقي فاهمة
_________________
دكتور روفي
كل سنة وانت طيب
اتمنى متكونش الاخيرة:)
نورتني
_______________
محمد حمدي
اسكندرية وحشتني عشان ناسها قبل البحر
كل سنة وانت بخير مش كلهم اوي يعني:)
___________
حورس
هو يستحق كل ما في تلك الدنيا عن جدارة
كل سنة وهو افضل

Anonymous said...

hi ya lamyaaaaa .. kefek ??? tab3an mesh 3arfaany bossy ya setty ana mohammad btaaa3 blog el nay الناى we de ma new blog wiz salma el emam ma gurl see it .. bye

Radwa said...


اشعر اننى لى عالم خاص بهرت به الكثير ربما يزعجنى انا
على فكره بوسطى الجديد ان شاء الله دا موضوعه حتى اسمه عالمى الخاص

تحياتى لبوستك بجد اكثر من رائع

momken said...
This comment has been removed by the author.
momken said...

انا هطير خارج السرب... وارحب بعودتك

وارجع تانى احلق ضمن سربى وااقولك انتى سيده التفاصيل الدقيقه
كم احب شرحك ووصفك للتفاصيل والدقائق الصغيره

تحياتى

جوستيـن said...

لن يأتي احد

كرانيش said...

هو مين اللى رايح فين

انا مش فاهمه حاجه

عالعموم انتى فكرتينى بعماد

تــــ(حـنة)ــــر said...

هاى
بصي بجد انا روعة ... و اللى ميباش صديقك هو الخسران بصداقتك
ويارب السنة الجاية تبقى تمام
تحياتى
تمر حنة

تــــ(حـنة)ــــر said...

هاى
بصي بجد انا روعة ... و اللى ميباش صديقك هو الخسران بصداقتك
ويارب السنة الجاية تبقى تمام
تحياتى
تمر حنة

LAMIA MAHMOUD said...

محمد
هاي يا محمد انا تمام
اية يا ابني نفتح مدونة ونقفل التانية
طيب فل جدا ربنا يخليكوا لبعض وحعدي اتطفل عليكوا:)
________
سندريلا
تحياتي لعالمك الخاص .. اعشقيه حتى وان سبب لك المشاكل
حمر اشوفه :)
_______
ممكن
ربنا يخليك يارب :)
ازاي افضل بعيد بالالقاب اللي بعتز بيها دي
_____________
جوستين
وده ليه مش فاهمة
وماله يا ستي مش عيب
________
كرانيش
وهو ده المطلوب
بس مين عماد؟
__________
تمر حنة
منوراني يا فندم .. اول مرة تزوريني وتيجي تكسفيني كده
ربنا يخليكي يارب
وان شاء الله السنة الجاية كل الناس افضل

كرانيش said...

عماد ده اخويه اللى امه مولدتهوش

عارفه يا لميا؟
لما ببقى فى عز احتياجى لاى حد اتكلم معاه والله بالاقيه قدامى معرفش ازاى
بمنتهى الصدفه

لدرجه انى بقوله

انا مش عارفه يا عماد هو ربنا بيبعتك ليه عشان تحسسنى انك اخويه اكتر منا حاسه
ولا عشان لما بشوفك ببقى لازم واقعه فى مشكله وبذلك انت نحسسسسسسسسس

طبعا بهزر معاه
وبيضحك وبيقولى ياه يابنتى احنا كده ليه؟؟

كرانيش said...

قصدى اقول امى على فكره لان امه ولدته والله العظيم

احنا كده هنشبه الواد

micheal said...

مرحبا بالعوده يا لمياء
تحياتي لكي

اميرة هشام said...

حمدالله علي سلامتك ياحبيبتي

rana 3amra said...

صعب انك تلاقى حد مازال محتفظا باسطورته الشخصية

كل سنة وهو طيب :)

Unknown said...

كل سنة وانتوا الاتنين طيبين

جميل ان حد يبقي عنده صديق كده

ربنا يخليكوا لبعض (:

LAMIA MAHMOUD said...

كرانيش
ربنا يخليلك عماد يا ستي ويخليكي ليه :)
فهمت المعنى بدون توضيح
ربنا ما يجيب مصايب
___________
مايكل
شكرا ليك
تحيات متبادلة
___________
اميرة هشام
الله يسلمك يا جميلة
______________
رنا عمارة
انما هي خصائص شخصية
________
اسراء
كل سنة وانتي زي العسل
ربنا يخليكي يا جميلة

Anonymous said...

بلاش احسن


u know

سندباد said...

اولا اسف علي التقصير
ثانيا
البوست المرادي طعمه مختلف
في حاجة جديدة غير البوستات اللي فاتت
جميل اوي القدرة علي التنوع والتنويع
ودائما يكون الدخول لمدونتك حالة خاصة عندي
تحياتي

LAMIA MAHMOUD said...

u know
بلاش اية يا ابني
احنا مش اتكلمنا عشرتاشر مرة
فهمنيييييييييي
هو انت لازم في التعليقات تقول كلام مفهموش!!!!
___________
سندباد
الاول حمد الله على السلامة
بعد كده بقى اتاخرت ليييييه؟؟!
اتمنى ان يكون الدخول بمدونتي حالة لا تنتهي والاهم انها تكون حالة حلوة