Saturday, April 14, 2007

نقطة

حينما قام باهدائي نقطة النور لبهاء طاهر توقفت امام الرواية قليلا .. فلم تكن روايته الاخيرة .. سألته هل كان على علم بأني اريدها .. فأجابني بأنه اختارها لأنني نقطة النور في حياته .. وبعد ان قرأت الرواية مرتين في اسبوع واحد أصبحت كلما انظر اليه تتردد في ذهني جملة واحدة .. لأن كل الأرواح جميلة
*********
بعثت لي صديقة في يوم رسالة على هاتفي تخبرني فيها ان حبها لي مرهون بنقطة مياه قامت بالقائها في المحيط .. ثم طلبت من الناس ان يجدوها ليجبروها ان تتوقف عن حبي .. ثم صارت تبحث هي بنفسها عنها حتى لا يستطيع احد ان يمنعها من ذلك ابدا .. لا اعرف لماذا عندما قرأت الرسالة وقفت قليلا متمنية ان اطلب منها استبدال كلمة نقطة بقطرة .. واعادة ارسال الرسالة مرة اخرى .. في كل الاحوال اعتقد ان هناك من وجد النقطة من قبلها
**********
في شهر نوفمبر مررت بأيام اعتبرها البعض نقطة التحول في حياتي .. وحدي كنت اعلم انها فقط نقطة العودة
***********
حينما وقف امامي ليحبرني ان كلماتي كانت النقطة الزائدة التي جعلت الكوب ينسكب .. وجعلته يأخذ قرار بترك البلد .. اعتبرت قوله هي نقطة زائدة في ذلك العبء على كاهلي
**********
دائما ما يستعين والدي في اقواله بتلك النظرية التي تخبرك ان أقصر طريق بين نقطتين هو الخط المستقيم .. لا اعرف السبب في رسوخها في ذهني .. ان اقصر طريق بين نقطتين هو خط مستقيم وزاوية !!!
********
عندما كنت لم اتجاوز بعد سنيني العشر .. كانت هناك تلك المعلمة التي تعطينا حصة الاملاء .. وكنت اعشق طريقتها في قول نقطة ومن اول السطر .. فقد كانت تتمهل قليلا عند القاف .. ثم تضغط على الطاء .. وتفارق بين شفتيها قليلا في التاء المربوطة .. ثم تقولها سريعا جدا ومن اول السطر .. كنت انتظر حصة الاملاء لاراها تقول هذه الكلمات والمعلم بالفصل المقابل يراقبها كلما قالت تلك الكلمة ويبتسم ابتسامة لم افهمها وقتها
*********
افتقد نقطة التواصل معها منذ فترة لا بأس بها على الاطلاق .. اقف ناظرة اليها وكل ما ارغب في قوله .. وحشتيني يا صاحبتي
فقط احتاج الى تلك النقطة
******
توضيح .. دي مساحة اكتب فيها اللي بحبه ولو حتى كانت اعلانات عن محل بيع خس .. او قعدت حتى اتكلم عن فرخة ماتت وهي بتبيض .. واللي عايز يقرا يقرا واللي مش عايز يقلب الصفحة .. اعتقد الموضوع سهل .. وده طبعا مش للناس اللي بحبهم وبستنى كومنتاتهم دول حيقروا يعني حيقروا

68 comments:

Amira Hassan said...

انها فقط نقطة العودة

فعلا هي نقطة العودة

حمد الله على السلامة

و الظاهر ان صاحبتنا و احشانا كلنا

Anonymous said...

حمدالله على السلامه واحلى عوده لتكونى نقطة النور فى حياته دايما وان يكون هو ايضا نقطة النور فى حياتك ..لان مافيش كلام يكفى حبكوا ربنا يسعد ايامكو سلمى

shimaa said...

جمييل قوي البوست يا لميا بجد..

و بالنسبة لصاحبتك اللي وحشاكي ..فنقطة التواصل بينكوا هتفضل موجودة تحت اي ظرف ..حتى لو مكنتش "هي" نفسها موجودة..انتوا "نقطة النور" اللي في حياتها ..وهي اسفة انها عاملة لكوا قلق في حياتكوا ..حاولوا تستحملوها و تسامحوها ..
ذنبكوا بقى انكوا أصحابها;)
بنا يخليكوا ليها
و انا نيابة عنها بقولك..شكرا ليكي كتييييييييير

LAMIA MAHMOUD said...

ميرو
دي الحقيقة يا باشا .. وحشانا اوي بس ما تقلقيش هي راجعة قريب
_________
سلمى
الله يسلمك يا جميلة .. وانتي وردتنا يا قمر
__________
شوشو
ربنا يخليكي البوست ده كنت ببعثر .. بالنسبة لصاحبتنا قوليلها اننا بنحبها اوي اوي اوي وعيب لما تقول ذنبنا وهي شافت على ايدينا ايام كتير .. وقلقت عشاني وعيطت عشاني .. وفرحت من قلبها اوي عشاني وحترقص ان شاء الله عشاني .. ربنا يخليها ليا .. ابسط حق ليها انها توحشني .. واني اقلق عليها .. كفاية حاجات كتير اوي .. بس قوليلها ما تتاخرش
عشان فعلا فعلا فعلا .. وحشتني
وقوليلها بجد بحبها اوي يا شوشو

ody911 said...

طبعا عاوزين نقرأ الكلام الجميل دة

والأحاسيس العالة دى

ربنا يكرمكوا يا رب

وتفضلوا متهنيين على طووول

وسلامى ليكى وله

وعادى بقة
أودى

حصان بري said...

لخصتي حياتك في كام نقطه
نقطه الاملاء
ونقطه زائده
ونقطه صداقه
ونقطه نور
ايه الحلاوه دي
واضح ان نقطه النور الجديده هتحسن كتاباتك يوم عن يوم
بجد عبقريه يالميا

SomeOne said...

.
.
.
.
.
.
.
.
شكلك بتحبي النقط
ربنا يسطر و ما تنقطيش من كومنتي المنقط ده
:)

طبعا انا غايب عن التدوين ومش فاهم سبب التوضيح اللي في الاخر ده

بس خير

خير

طب انا مش عاجبني الكلام وقريت
:)

هو الكلام كان بخط صغير شوية ولون مزغلل
وانا نظري
-6

:)

Feras othman said...

glad that u r back with a sweet simple post but has so many meanings in it :)

. . . . . fill in the spaces my happiness for finding a new post for you


greetings

حلم الحرية said...

ما بين كل نقطة ونقطة يكمن المعني

مجموعة من النقاط هي ما تكون سطور الحياة

موضوعك جميل



تحياتي

Muhammad said...

أدخل النص محتشدا بالتداعيات التي أثارتها السطور الأولى عن بهاء .. تملؤني التذكّرات .. و بالأخص ذلك الدفء الذي عرفته في أعماله: دفء الحكي و دفء اللغة و دفء الحزن و أخيرا دفء التصوف في نقطة نوره .. أصِل إلى "لأن كل الأرواح جميلة" فأترك نفسي - عن طيب خاطر - للجمال. تستعرضين تاريخك الشخصيّ استنادا للأحداث البسيطة التي مرت و التي - ربما - صنعت فارقا في ذلك التاريخ. و لأن الأحداث بسيطة، فلا غرابة أن يكون التعبير عنها على نفس القدر من السهولة .. السهولة التي تجعلني - كقاريء - أشعر أن ماضيك هو ماضيّ، فيتحول الخاص إلى عام حتى و إن لم أمر بنفس الخبرات. أعيد قراءة النص أكثر من مرة محاولا كشفَ ما استعصى على القراءة الأولى (و النص الذي لا يستحق القراءة مرتين، لا يستحق القراءة مرة واحدة) لأجد نفسي طفلا صغيرا يترقب معلمته في حصة الإملاء .. أفرح بنطقها و أعجز عن فهم دلالة نظرة الرجل المترقب - مثلي - في الفصل المقابل

أتشكك في قدرة الحواس على إخبارنا بالحقيقة، فالنقطة ليست صغيرة كما تبدو، حتى و إن لم نجدها في المحيط .. النقطة التي اعتبروها تحولا، و اعتبرتِها عودة في نوفمبر .. و النقطة التي جعلت الكوب ينسكب، و جعلته يرحل .. و النقطة التي يبدأ بها الخط المستقيم لينتهي عند أخرى .. و النقطة التي جعلته ينظر ناحيتها من الفصل المقابل .. و النقطة التي تبحثين عنها لإقامة التواصل .. لا يمكن أبدا أن تكون هذه النقاط أشياء صغيرة، بل أغلب الظن أن الحياة نفسها تكمن هناك .. خصوصا لو كانت نقاط نور

***

محمد مستجاب بيكتب مقال شهري في مجلة العربي الكويتية بعنوان "واحة العربي" بطريقة مشابهة لطريقة كتابة البوست ده .. يمسك أحد المشتقات اللغوية و يفضل يتنطط حواليها من اليمين و الشمال زي حالاتك كده برده:)
يعني لما حد يتنطط و يقولنا محمد مستجاب هنتنطط احنا كمان و نقول لميا محمود - و محدش احسن من حد و لا مؤاخذة .. و سلام سلاح للي رافعين راسنا وسط الادباتية:)

***

اقصر طريق بين نقطتين هو خط مستقيم و زاوية ... يا سيدي يا سيدي على التجليات .. حسدتك اوي على الجملة دي، بس عموما متعوضة - هسرقها و اقول انا اللي ألفتها
:D

***

اه صحيح فكرتيني .. الله يخلليكي عاوزين اعلان عن محل كويس بيبيع دقيق، عاوزين نخبز و مبحبش اشتري من عبد الحي ... قال خس و فراخ بتبيض قال

صباحك سكر يا ام مخ طاقق:D

bagabigo said...

لكل منا عدة نقط تكون حياته
احييكى بشدة

محمد عبد الغفار said...

التوضيح الأخير اضاع متعتى بكتاباتك فوقه من عقلى

ان جاز لى النصح لم يكن ضروره

Anonymous said...

نقطة..نظام..:)
توبيك جميل ز اسلوب جذاب كالعاده...
و ان كان لي نقطة خاطر عندك متبقيش تتأخري كل ده....
نقطة..و من اول البلوج :)

Unknown said...

هو البنى ادم
اية غير شوية نقط فوق بعض

بجد بحييكى على البوست دة
قد اية معبر

linda said...

عزيزتي لم تكن ابدا المسافة بين نقتين هي خطا مستقيما فالخط المستقيم هو عبارة عن مجموعة نقاط صغيرة تمتل خطا
وهذا الفرق الذي تبحتين عنه !

اما عزيزتي عن نقطة او قطرة صديقتك فتيقني انه لم يعثر عليها احد لربما وجد قطرة اخرة منك ولكنها أبدا ليست تلك التى هي ملك صديقتك وحدها
على العموم بهني صحبتك على هالقطرة الرائعة وكان أختيارها بالمحيط أروع لانها بهيك راح تكبر بس أبدا ماراح تنقص

تحياتي لك ولها
ومسرورة بعودتك

vetrinary said...
This comment has been removed by the author.
Anonymous said...

لغاية دلوقت فيه حد لم يحضر يلملم النقط دى 00000000000مين ؟؟؟؟؟؟؟؟؟؟؟؟؟؟؟؟

Unknown said...

بتاعك score الـ
زاد حوالي عشرين نقطة مرة واحدة

لميا
نفسي تفتكري كمان الخطوط
هيّا صحيح النقط بتشكل حياتنا، لكن خطوط الإتصال مابينهم ليها برضه دور مهم
من نقطة للتانية ، بنكون إتغيرنا كتير قوي

تحياتي على التدوينة الجميلة

Amira Hassan said...

vetrinary
تؤ تؤ تؤ انتي هنا يا كميلة انتي

مش كنتي قلتي في بلوج شيماء عندك امتحانات
..روحي ذاكري يا قطة بقى عشان بابا مش يزعق لك ...عشان الابله تديك عشرة من عشرة و نجمة

shimaa said...

vetrinary:
امممممممم فيه حاجة غلط فعلا..يا ترى هي ايه ..يمكن يور كومنت مثلا

LAMIA MAHMOUD said...

اودي
الله يسلمك يا باشا .. ويوصل السلام لاحمد ان شاء الله :)
صدقني مش كل الناس زيك وعايزة (تقرا)
______________
حصان بري
اعتقد ان الحياة كلها لازم تتلخص في مجموعة من النقط الاساسية .. النقطو حاجة صغيرة اوي وبتعمل فرق كبير اوي
___________
شادي فايد
لو على الخط بس يبقى المرة الجاية حغير الخط واكبره
________
فراس
glad 2 see ur comment .. thnx 4 ur sweet words really
and thnx gedan 3la el 2ehtmam:)
_____________
واحدة من الاخوان بتحب البلد دي
مجموعة من النقط هي اللي بتكونا احنا نفسنا .. شكرا
ونورتي اول زيارة
_________
فريكيكو
بهاء طاهر من الناس اللي في الغالب لا جدال عليها .. رأيك بقى زالكلام الكيبر اليل قلته ده مش قادرة اقولك فرحني قد اية .. لأنك حد بجد كويس اوي فلما يكون ده رأيك يبقى ده شيء عبقري



اشك دائما في ان الحواس نسبية .. والنقطة بالفعل شيء صغير له تأثير كبير


انا معرفش محمد مستجاب (وش مكسوف ) بس الكلمتين دول سايبين اثر عندي اوي:))))))))))))))


يعني من نفسي انا ببقى بحسدك على البوست كله .. يعني بقراه وانا بقول يخربيت حشيشك التلقائي سوري في التعبير بجد .. بس دماغك في كتابتك فعلا عالية اوي اوي اوي



بالنسبة للتنويه الاخير ده مش ليك يعني لو خدت بالك انا قلت الناس اللي بستنى تعليقها لازم تقرا
________
بجابيجو
لكل منا عدة نقط تكونه .. شكرا بشدة:)
______________
محمد عبد الغفار
انا آسفه اوي بس التنويه الاخير كان موجه فعلا
كان لازم يتكتب لدواعي امنية
المهم رأيك؟؟
_____________

LAMIA MAHMOUD said...

ارتعاشة
كومنت دمه خفيف .. شكرا كالعادة .. بتحرجني يا ابني بكلامك ده
مش حتأخر تاني ان شاء الله:)
__________
مش فاهم حاجة
وحاجات صغننة فوق بعضها
شكرا:)
__________________
ليندا
الزاوية هي الاساس صديقتي ;)
اما بالنسبة لنقطة صديقتي فلا اعرف
ممكن
وانا بهني نفسي على كلامك ده .. واعتقد انك اروع قطرة
__________
vetrinary
بما انك قريت البوست .. انت ما شوفتش التحذير اللي في اخره ولا اية .. البوست خطر على الصحة يا سيدي بالنسبة لاشخاص معينة

ومش لازم تعرف .. مش مهم يعني
والتحذير كان فعلا موجه .. تيجي نتعامل بنفس الطريقة بتاعت اول كومنت ليك؟

لو كانت للنظرات مفعول لك ان تخمن ما و مفعول نظرتي لتعليقك عليك الآن
don't take it personal
u r not welcome here anymore
____________
ماما
كان بايت بره امبارح وحيعلق النهاردة اكيد
مع انه مش واجب قومي
نورتيني يا مامتي(K)
___________
اميرة
وحروح فين في ur score

كل حاجة بتعدي في حياتنا كبيرة او صغيرة بتسيب اثر

جربي انتي تكلمينا عن الخطوط وقوليلي عشان اقرا:)
______________
ميرو
ايه ده عنده امتحانات
ما انا قلتله فوق خلاص يا ميرو ميجيش تاني عشان خايفين عليه وعايزينه يخلص مذاكرة
نياهاهاها
(وش بريء)
_________
شوشو
لاء مش مثلا يا بنتي ده اكيد ..يبقى كده فيه حاجة غلط عندك انتي كمان

khaled said...

النقطه دى النك بتاعى على الميل من زمان
بحس انها اكتر شىء ملخص لحياتنا
ويا سلام لما ارسم النقطه دى فى صفحه بيضه
بحس انها حاجه اساسيه موش مجرد نقطه
.
هذه النقطه ليكى

Reemo said...

كثيرا ما تكون مجرد نقاط صغيره
لكنها فى معناها كبيره
تحياتى

مجـلة جــوا نـا said...

يافندم البلوجات أصلا اتعملت
علشان نبيع فيها أي حاجة عايزين نبيعها
من أول الخس لحد الصاروخ
حقك تقوللي اللي عايزاه
جميل بجد

محمد حمدي said...

كعادتى بيكى يا اميرة مبدعه

وكعادتى بيكى مش عارف اكتب كومنت .. مش عاوز اخرج من الحاله الى بقيت فيها لما قريت كلامك

اما عن توصيحك فى اخر التدوينه يا رب يكون وصل لكل الناس

وعود حميد يا ليمو

سلام

dead man said...

طالما قال لكي أنكى نقطة النور في حياته.. فهذا معناه انه لا يرى من كل النقاط إلا انتى

ملحوظة: اقصر الطرق بين نقطين على الرغم من أنى افضله خط مستقيم الا انه ايحانا بتوقف علي طبيعة النقطتين

أسوور said...

تعرفى أحسن حاجة كتبتيها هى آخر
صح هى مساحة نكتب فيها اللى عاوزينه واللى عاجبه يقرا يقرا واللى مشع عاجبه بلاش
بافكر أكتب كلمتين زيهم فى آخر كل بوست

مـحـمـد مـفـيـد said...

كم انتي رائعه ايتها الحالمه
:)
هنقرالك ونعلق عندك ونرخم عليكي كمان

Mony The Angel said...

ana geet met2a7'ar kal3aada :(
haagy a-comment tany 3shan tasneem 3aiza al pc now :/
bas olt a3alla2 3altayer kda abl ma2oom

about sa7betkom
I Miss her three..
so much..
w raberna ye7'aleeko leba3d wetlaa2o alno2ta ya amara ;)
haagy tany ok ;)

salam mo2aqat (F)

LAMIA MAHMOUD said...

خالد
المقطة في صفحة بيضة شيء ملهم جدا .. وياه لو رسمت النقطة دي بقلم حبر اسود وبصلها واستحالة تحس انها نقطة صغيرة
شكرا على النقطة بتاعتي:)
____________
ريمو
اعتقد ان اغلب الاشياء المؤثرة هي صغيرة في الاساس
تحيات متبادلة:)
__________
جوانا
ايوة قوليلهم:)
شكرا ليكي يا قمر
____________
محمد حمدي
اولا كده انا لميا :)
عارفة انا اللخطبة اللي بنلخبطها احنا ال3 لناس
انت بتعليقك قلت كل حاجة والتنويه وصل
وشكرا ليك اوي يا محمد .. كلامك فرق معايا كتير
مش بتكلم على الكومنت:))

LAMIA MAHMOUD said...

احمد
حبيبي ان كنت نقطة النور بحياته فهو حياتي:)
متفقين يا احمد انه حسب نوع النقطة .. بس اغلبية النقط محتاجة خط مستقيم وزاوية يا حبيبي

LAMIA MAHMOUD said...

ياسمين
الاول كده ياسمين باشا عندنا :)
منورة
بعد كده بالنسبة للتنويه اللي عجبك اكتبيه .. بس يا ياسمين اختلاف الرأي لا يفسد للود قضية
التنويه ده كنوع من انواع رفض الاهانة والاستهزاء
وللحوار قصة
_____________
محمد مفيد
حضرتك تعمل اللي انت عايزه
بقيت بتتأخر علينا
:(
__________
موني
حستناكي .. بالنسبة لصاحبتنا روحي عندها وانتي تعرفي هي بقت معانا تاني:)

تــسنيـم said...

عارفة.. عنيا اتملت دموع وانا بقرا البوست ده ربنا يسامحك انتي وموودي على الصبح هو الأول في بوست اي يانا من الحنين وبعدين انتي.. أصل النقطة اللي انتي بتتكلمي عنها هيا محور الحنين وانا كنت بحاول أتناساها علشان أقدر اكمل بس انتي نشننتي على التعويرة يا فالحة.


أيها الحنين رجاااااء مني ارحل آخذا معك نقطتك.

مفيش قبلات ليكي هروح الشغل كده ازاي؟؟ :(( يا وحشة

Anonymous said...

العزيزة لمياء ...مبسوط اني لاقيت ليكي بوست جديد وعلى الرغم انه ممرش عليا وقت كبير في البلوجز بتاعتك ..لاكن لا اعلم لماذا انجزبت اليها سريعا ....
انت حالمة واخاف على من يحلمون ..
ومبروك على بداية الارتباط الأبدي ..
تمنياتي لكي بالسعادة...
انتظر مناقشاتك ان كنت تفتكرين ..

Hamed Ibrahim said...

أنا ما كملتش البوست علشان الرواية ما تتحرقش
نقطة النور دي عندي بقالها سنتين ولحد دلوقتي مش عارف ليه ما قريتهاش مع إني عايز
أمر غريب والله
!!

MoHaMeD HoSSaM said...

عجبنى البوست اوى

خلتينى افتكر حاجات كتير بجد
منها الى ضحكنى ومنها الى ديقنى
بس فى الاخر كنت مبسوط

كان فى جملة كنت فاكر انك حتكتبيها من اول ما قريت البوست-
لازم نحط النقط فوق الحروف

مصر كلها بتقولها

أخف دم said...

عدنااااااااااااا
ازيكيا لميا
آسف جدا والله على الغياب بس انتى كنتى عارفة الظروف والتعب .. والحمد لله أنا جيييييت
كالعادة أسلوبك رائع وانتى عارفة انى مبتكلمش عشان اعلق يعنى .. بس فيه تعليقين اولا بلاش التعقيب اللى تحت ده لأنك من غير ما تقوليه فهوه واصل ده كلامك وخواطرك انتى حرة فيها وايا كان راى غيرك فده مش هيأثر على تفكيرك إلا بالإيجاب لو لقيتى فيه حاجة مفيدة .. وبعدين زى ما قلتى اللى يقرى يقرى فبلاش تكتبيها يعنى
ثانيا
البوست بتاعك بيتكلم عن النقطة .. أنا بقة جالى النقطة من ام الخط اللى انتى بتكتبى بيه ده .. يا ستى كبرى الخط شوية ببلاش والله وبعدين غيرى اللون .. اعملى اى حاجة بحيث نتجنب عمى الألوان يعنى ..
أنا لسة طالع من دور عيا يعنى

el2ahwagi said...

قطرة هى إذن ...


و هذه ذابت فى المحيط الواسع و لن يجدها أحد

فقط أخفاها المحيط عن الإنس ... لتهنئى


(كما أخفاها عن المعلم من قبل)

:)

Ahmed taher said...

مرة اخرة قرأتها واعجبتني ...
انتظر مشاركتك في البوست الجديد عندي لو عندك وقت طبعا ولو تحبي يعني
http://atcreation.blogspot.com/2007/04/blog-post_17.html
بانتظار ايميلك عل الهوتميل حتي استطيع التواصل لو امكن
تحياتي لك
انت وصديقاتك شيماء واميرة
حافظي عليهم

~ Bato0ot ~ said...

meen da ely 3ndo e3terad da enty tktby ely enty 3yzaaaaaaaaaaah :D

w b3den enty fakrteny b wa7da sa7bty awy ko ma tshofny te2oly " ya no2tety"

واحد said...

نقطة ضياء أيضا

LAMIA MAHMOUD said...

تسنيم
نا اسفة اني خليت عينك الحلوة دي تتملي دموع .. ده من رقتك .. عارفة اصعب مرحلة في النسيان الحنين .. بس هي مرحلة مبشرة .. لانك الاول بتحني بعدين تتعبي من الحنين وتقسي وتكرهي وبعدين تنسي خالص .. اسأل مجرب يا سمسم
انا حستنى وردة في البوست اللي جي ليا عندك حق كده:)
____________
احمد طاهر
الحلم مش وحش اذا كان مش مستحيل .. حلو انك تحلم بابسط حقوقك .. وفاكرة طبعا مناقشتنا واتطلع لاننا نكملها ان شاء الله بس عشان يبقى اسهل ياريت تسيبلي الميل بتاع الهوت ميل
حيبقى افضل لاني مش بدخل ياهو كتير :)
نورتني هنا كمان واتمنى بقاء التواصل
______
حامد ابراهيم
اللبوست بعيد تماما عن الرواية .. ما تخافش مش حتتحرق
هو الجزء الاولاني بس اليل مستمد من موقف متعلق بالرواية
بالنسبة للرواية اقراها لان كده فاتك كتير
___________
محمد حسام
شكرا ليك
بس الموضوع بعيد شوية عن النقط اللي فوق الحروف
وبعدين مصر كلها بتقولها انا مقولهاش هو ده التفرد:))))))))))
_________
اشرف
معلش على التعقيب يا سيدي والله انت فاهم واتكلمنا .. كان لازم صدقني
بالنسبة بقى للخط يا سيدي فعنيا ليك حغير اللون .. وبعدين ما انا لما غيرته انت بطلت تيجي .. الظاهر ان الليون ده بيشدك:)
عودون احمد يا اشرف
D:
_______________
القهوجي
فقط اتمنى ان يتوقف الناس عن البحث عنها
:)
___________
احمد طاهر
شوفت البوست الجديد طبعا وكومنت كمان:)
بالنسبة لايميلي على الهوت فانا مش معايا ميلك عشان اضيفك ومش حعرف اكتبه هنا .. على العموم ممكن تسيبلي الميل في كومنت وانا حضيفك ان شاء الله
اما شيماء واميرة فدي صداقة عمر محدش فينا ناوي انها تنتهي ان شاء الله .. ربنا يخليك
___________
بطوط
والله يا انجي من الواضح ان في ناس كتير عندها اعتراض .. بس المهم اوي الناس اللي زيك يا قمر
بس عارفة سيبك انتي .. باين على صاحبتك بتحبك اوي شوفتي النقطة قد اية مهمة:)
____________
احمد ندا
النقط كتير يا ندا
نورتنا يا معلم .. فينك اصلا محدش بيشوفك ليه

Oma said...

جميل اوي حوار النقط ده
بس عجبتني طريقتك انك جمعتي نقط كتير في حياتك
دماغك عاليه انتي يابت يالميا اوي
انا بحب النقط اوي على فكره
كل مااكتب حاجه لازم اسيب نقط كتير اوي بين جمل معينه كده
اصحابي بيقولولي ان ده له مدلول اني مريضه نفسيه او حاجه زي كده بس انا ماباخدش من الكلام ده :D
احييكي بحراره ياجميييييله اووي

Mony The Angel said...

ana geet tany :)
3arfa enno met2a7'ar bas bma enoko konto na2leen al7waar 3and blog shosho fana kont lag2a henaak b2a :D
thanks ya gameela enek darabty beia almasal msh 3arfa a2ollek eh bgad (blush)

neegy lel post b2a

sure he is right about that u r his life's spot light :)


:s


w ay 3awda ;)
welcome back :)


shereef da msh kda :D
m3akay 3al7'at ana azay :))
(btw fe haga kda 7'adt baaly mnha msh 3arfa hwa tashaboh asmaa2 bas walla eh alnezaam bas 3aiza afham ya3ny bas lazem 3ala conv private b2a mainfa3sh altasiee7 hna :D)


msh mot7'ailaaha alzawia de :D


3asal awe al Miss bta3tek de..
asasan wana baqra2 al post lama wasalt lel7etta de a3adt aqra2ha kda noqq..ta
w mn awel alsatr bsor3a :D
lehad magebtaha we3reft a2olha zay manty 7akia kda :)
3asal awe al miss bta3tek de


sa7betek 3ala2telek 3aleeha fe comment lwa7edha :)

w akeed altanweeh da msh leiia :))

salam ya amar

elkamhawi said...

استبدال نقطة بقطرة

Ahmed taher said...

ازيك يا لميا كلاكيت ثالث مرة
شكلي انسان مزعج (ههههه)اتمني ان لا اكون..
اكيد اتمني التواصل وايميلي عل الهوتميل
taher2all@hotmail.com
ومتشكر على تعليقك عندي بجد نورتيني جدا ورديت عليكي بان الحب ياتي ولم اقل انه لا ياتي مرة واحدة
فالحب دائم بدوام حياتك ان كنت تريدين
بانتظار التواصل دائما ايتها الجريئة
الجميلة...تحياتي

LAMIA MAHMOUD said...

اوما
دماغي عالية اية بس يا بنتي .. يا كثوفي
بالنسبة بقى لاصحابك اللي يقول يقول اعملي الحاجة اللي بتعجبك .. انتي اجمل يا بنتي طبعا
____________
موني
نورتي تاني .. تيجي متاخر او بدري البيت بيتك .. حوار بلوج شوشو بقى والله الاخ اعتذر وكده مش حنعرف نقول حاجة .. وبعدين يا بنتي طبيعي اني اضرب بيكي المثل قلتلك قبل كده اني بستنى يور كومنتس انتي وتسنيم مع انها زعلت مني المرة دي:)
نيجي بقى للبوست
دايما كرماني زيادة عن اللزوم .. بس هو كمان كل حاجة حلوة في حياتي


واي عودة فعلا .. احلى باك يا ستي;)

هو مش شريف .. بس انتي معايا على الخط برده .. هو يا ستي صديق عزيز عليا .. بالنسبة لتشابه الاسماء اه دي حقيقة:)
بس دي نقرة ودي نقرة اخرى .. يعني عاملين فصل علاقات:)


الزاوية انا عارفة انك لو سيبتي نفسك شوية حتتخيليها اوي


الميس بقى كانت زي السكر وانا كمان وانا صغيرة كنت بقلدها .. ولما كبرت بقى عرفت المستر كان بيبص ليه اصلها كانت زي القمر:))))))))))


والله صاحبتي دي تستاهل بلوج لوحدها .. او نت وورك كاملة:)


اكيد التنويه ده مش ليكي خالص .. انتي من الناس اللي مجبرة تقرا:)

باي يا قمر .. بحب كومنتاتك لما بتطول اوي:)
______________
القمحاوي
تغيير
طفيف
شامل
____________
احمد طاهر
الايميل وصل .. شكرا على المجاملة الرقيقة دي

We2am said...
This comment has been removed by a blog administrator.
Anonymous said...

el samaka nzlet ya lamiaaa
w battaly tt2khry 3alena kda b2a :)..

Anonymous said...

التوضيح فى النهاية
أزال سحر الكلمات

3aziz 3eni said...

صدقينى احنا كلنا بنحبك وبنحب نقرالك بوستات تحفة زى دى كالعادة يعنى

النقطة هى اقل شىء فى الحروف ولكنها اهم شىء فى الهجاء فبدون النقطة يتغير المعنى تماما ولهذا هى مجرد نقطة فقط نقطة ولكنها اعظم نقطة حين نستدير عندها ونحول دفة الكلام الى سطر جديد او ان نوضح حرفا كان غامضا للبعض فتهياء للاخرين اننا لا نهتم بهم
العزيزة الغالية اننا جميعا نقف عند نقطة لا ندرى متى ستقابلنا ولكن سنقف عندها وستتحول كل خططنا وكما يفيض الكوب من نقطة كذلك يحتاج كوب اخر لنقطة كى يمتلىء فيروى عطشان

اما ذاك الذى يبحث عن نقطة النور اقول له هل وصل الظلام الى هذا الحد نقطة نور هل الحياة سوداء تماما لتبحث عن فقط نقطة نور!!؟


جميل هو التشبث بالامل والنور هو كل الامل فهل لنا ان نستعطفك بان تضيئ علينا بنور كلماتك الجميلة فاكيد صديقتك ستحتاج الى نورك كفنار يرشد السفينة البعيدة للمرفاء

انت غاية فى الدقة للوصول الى قمة الحقيقة
انت حقا نور ليست مجرد نقطة
مع انك لميا

الوردة السوداء said...

البوست فكرتته
حلوة بجد
انك تجمعى كل المواقف والافكار دى
حوالين كلمة واحدة

ده بجد ابداع


بالنسبة للتنويه اللى انتى كاتباه تحت

انا معاكى فى كل سطر فيه

الله يسهلهم بقى اللى

Amira Hassan said...
This comment has been removed by a blog administrator.
dead man said...
This comment has been removed by the author.
dead man said...
This comment has been removed by the author.
Yassmina said...

طبعا لازم اعمل كومنت
انا بقيت احب ادخل عندك بقى وااقرا حجاتك بقيت معجبه ياسيتي

نقطه نقطه نقطه
احيانا بنحس انو في حجات فحياتنا متوقفه بس على نقطه
النقطه دي بتفرق فحجات كتير مع انها مجرد نقطه

عجبتني قوي الميس بتاعت النقطه

Ahmed taher said...

ازيك يا لمياء
هو انت يا بنتي تنزلي البوست من دول وبعدين تحلفي متنزلي التاني الا بعده بسنة فين جديدك ...
عل العموم انا اشطر منك مع اني جديد يعني بالنسبالك لاكن نزلت بوست جديد ياريت اشوف رايك فيه
تحياتي ليكي دائما

nour said...

هى الحياة ايه غير شويه نقط:)))
لا بجد نقطة نووور فظييعه ده مين اللى عنده ذوق عالى و جابهالك ده يا لميا هه؟هه؟هه؟:)))))
ماااشى
ليه دايما الواحد بيكون ليه ذكريات مع حصه الاملاء؟؟؟
حاجة عجيييبة
البوست جامد و اللى يقراه يا بنتى يبقى محظوظ و اللى ما يقراهوش فاته كتير:)))

LAMIA MAHMOUD said...

ارتعاشة
جيت وشفتها وكومنت .. شكرا انك قلتلي يا باشا:)
_________
نبيذ
التوضيح في النهاية كان لابد منه .. اسفة لو كان ضيع اي حاجة
بس صدقيني كان مطلوب
___________
سكومونوس
شاكرين مهللين:).. مختلفة معاك بقى انا في حوار ذلك الذي يبحث عن نقطة نور .. اولا بلاش ذلك دي وده مش تصحيح لغوي خااالص .. ده تصحيح بشري .. انا رأيي اللي بيبحث عن نقطة نور في حياته فهو من التفاؤل انه يدور على التفاصيل الصغيرة المفرحة .. والبني ادم في الاخر تفاصيل صغيرة هي اللي بتعمله .. باقي الكومنت كلام اكثر من رائع لخص البوست في سطور اقل .. بالنسبة لصديقتي ففي بعض الليالي بيبقى ضوء الفنار مش واضح بس كل ما بتقرب بيوضح .. الكومنت عبقري وثري جدا .. بحب الكومنتات اللي الاقي كلام كتير اكتبه في الرد .. شكرا ليك على مجاملتك بس صحيح انا لميا كده نور تزعل منك:)
______________
الوردة السودة
ابداع مرة واحدة .. كبيرة عليا الكلمة دي اوي يا بنتي .. بالنسبة بقى لاخر تنويه فمعاكي حق ربنات يسهلهم فعلا
ويرحمنا منهم
___________
ياسمين
نقدر نعتبره اعجاب متبادل .. عشان انا كمان معجبة بكومنتاتك جدا:)
انتي عسلاية خالص يا بنتي
عارفة تقريبا كل حاجة في حياتنا متوقفة على نقطة .. تستحملي كتير وتنفجري على نقطة خلاف صغيرة .. نقطة زيادة تبوظ الطبخة زي ما بيقولوا
الميس بقى كانت زي السكر
انتي بقى نورتييييييييييييييييييييينييييييي
_______
احمد طاهر
في بوست بس في البلوج التاني .. عموما حالا حروح اشوف جديدك
__________
نور
اللي عنده ذوق وجابهالي ده يا ستي حد حقولك عليه لما ابقى اشوفك تاني ;)
مش عارفة تفتكري لازم يغيروا اسم حصة الاملاء ويسموها حصة الذكريات؟؟!
انا الصراحة رأيي ان اللي مش عايز يقرا ميقراش وميصدعنيش بكلام فارغ

بلا بلا بلا بلا

المهم كنتي مختفية فييييييييييييييين
بس نورتي يا نور:)

كراكيب عادل said...

انا قريت

عجبني الكلام الي في الاخر هههههه
محل بيع خس وفرخة ماتت وهي بتبيض

Memo said...

الكتاب ده كل مره الواحد يقراه بيزرع نقطه نور فعلا
حمداله على السلامه يا ستي

LAMIA MAHMOUD said...

عادل
المهم ان في حاجة عجبتك:)
________
ميمو
الله يسلمك يا قمر

سابرينا said...

صعب قوي أن النقط ماتكملش
وتبقي عقد لولوي
علشان تزين حياتنا!!!!!!!!

كلمه said...

mesh fahem 7aga :D

LAMIA MAHMOUD said...

صابرينا
وممكن تكمل:)
___
كلمة
لاء مش عارفة الصراحة طيب اعمل اية .. اقولك نبقى نقعد سوا حفهمك:)
شد حيلك يا بوب

sharkee said...

هاي لميا بجد بوست حلو اوي انا اول مره ادخل في الموضوع ده بتاع البلوجر وعجبني جدا وكنت عايز اقلك اني شايف الانسان عايش بين مجموعه نقط نقطه ممكن تغير حياته وتانيه تقضي عليها نقطه تخليه عايش في حاله حب وسعاده وغيرها تخليه مكتئب
http://sharkeee35.blogspot.com/
ياريت تنوري البلوج بتاعي انا مكتبتش كتير بس ان شاء الله اكتب اكتر من كده

LAMIA MAHMOUD said...

شاركي
نورت البلوجرز يا سيدي .. حلو حكاية الموضوع بتاع بلوجرز:)
المهم نورتنا واكيد حاجي واشوف ان شاء الله