Monday, March 26, 2007

لا تنتظر احد فقد.........

اديش كان في ناس عالمفرق تنطر ناس .. وتشتي الدني ويحملوا شمسية .. وانا بقية من الصحو وما حدا نطرني
*********
منذ وقت ليس ببعيد .. وليس بقريب ايضا .. وقفت تراقب نفسهابعد ان احترق احدى جناحيها عندما حاولت الاقتراب من شعاع النور .. ثم تبين انه نار .. وقفت لتراجع ما كان وتخبر نفسها بان ليس كل ما يلمع بذهب .. ولتبتعد أفضل عن كل ما يبرق .. لملمت اشلاء جناحها المحروق وحاولت تضميد المتبقي منه .. بحثت عن تفاصيلها الغائبة وتمسكت بتفاصيلها القريبة .. تشبثت بها .. اعتمدت عليها لتتصنع القوة .. اصبحت في حاجة الى شيء حتى لتستمد منه تصنع القوة .. ولدورهم في حياتها كتبت عنهم .. المعجزة انهم في حياتي .. ليفاجئها صديق ليس من متابعيها .. عقبال ما تقولي المعجزة انه في حياتي .. لم تعرف هل كان مازحا ام صادقا في الدعاء .. هي فقط اكتفت بالقاء نظرة مريرة الى جناحها المحترق .. ثم اكتفت بأن تجاوبه بسخرية دفينة .. يسمع منك يا سيدي بس مش دلوقتي خالص
*********
تقابل العديد .. تمارس حياتها اليومية بتفاصيلها المعتادة .. رتابة .. ملل .. لاجديد .. ولكن هو ذلك الهدوء النسبي .. يخبرها الجميع ان
"عندي احساس انك بتعيدي اكتشاف نفسك"
"انتي مشرقة اوي"
اية يا بنتي احلويتي كده ليه؟ .. حب جديد ولا اية؟! .. ترد دائما بنفس الاداء الساخر .. لاء خلصت من القديم"
اخبرتها صديقتها المقربة مرة ان تلك قد تكون الاجابة بالفعل عن جميع التساؤلات او عن كافة التغييرات
"ايه ده حاسك مشرقة؟!"
"انتي مش ملاحظة انك بقيتي بتسمعي الكلمة دي كتير الايام دي؟" .. صديقتها المقربة الاخرى وهي تصاحب ادائها بابتسامة سعادة من اجلها
*********
صار لي شي مية سنة عم قلب في عناوين مش معروفة لمين ووديلهن اخبار
*********
وحدها كانت تعرف .. لقد انتهى الحريق .. ولكن تبقت اثاره .. مازالت محتفظة بالرماد المتبقي من جناحها لتتذكره كلما عبر شخص ما .. او كلما رات شرارة ضوء اخرى ولو على مسافة .. فقط يكفيها ان تنظر لرماد جناحها وتلك الضمادة التي احتفظت بها فقط لتؤرقها .. لتفيقها .. وكيف بكل تلك الانفعالات قد تكون كما يقولون .. هي فقط تبتسم وتمزح .. وتكتفي بالجلوس ليلا دائما مع فيروز لتخبرها بان .. اذا ما بكينا ولا دمعنا لا تفتكروا فرحانين
*********
حتى اتى هو .. منذ التقته كانت تعرف جيدا انها ستكون مجبرة على ممارسة هوايتها المفضلة في الهروب .. ستؤدي دور الصديقة الصدوق .. ستضع نفسها فقط في كادر الاخت .. سترسم له الصورة فلن يستطيع ان يراها الا كواحدة .. ستقوم بادائها الافضل على الاطلاق .. ستبني ذلك الجدار بينها وبينه .. في اول لقاء ستضع حجر الاساس .. فعلت لتجده يركله بعيدا .. حاولت ان تبنيه في غفلة منه .. وعند المنتصف اقتحم الجدار واقتحمها هي نفسها .. عبث بمفاتيح روحها .. ليتجول في دهاليز روحها حرا
*********
وقبل ان تدري .. وجدته يأخذها الى وجيه عزيز والنيل والسينما .. وتاخذه الى فيروز والبخور برائحة التفاح والبحر وروايتها المفضلة .. ويلتقوا دون موعد عند منير وبيبان القلب .. ويتفقوا على ان يفتحوا بيبان القلب للهوى .. ومنع الهوى من ان يغلقه الى الابد
**********
ودون ان تدري وجدته يخبرها بأن .. حاسس اني بحب الحيطان على رأيك .. وتخبره هي بأن .. مقشعرة من السعادة على رأيك .. ودون ان يدري وجده يجلس بمكتبه يستنشق رائحة عود بخور برائحة التفاح ويقرأ رائحة البحر .. وهي تدندن مع وجيه عزيز الليلة فرحان شوية وتفكر في اي فيلم ستنتقي لتشاهد
سويا يجلسان مع صديقتها المقربة الاخرى .. ليحادثها هي .. يفكر .. يعقد حاجبيه ثم يقول اممممم ليتبعها بسينك سينك سينك .. ثم يعرض ما توصل اليه .. لتجاوبه .. تمام .. فتبتسم صديقتها في خبث .. لتلفت نظرها لما يحدث .. لقد استعار منها كلماتها واقترضت هي كلماته
يحادثها عنها افضل مما تفعل هي .. يضع تعاريف جديدة لمشاعرها .. يحتويها .. بين عينيه يحتويها
***********
يختفي الرماد في ظروف غامضة .. وكلما حاولت الالتفات لتنظر الى جناحها .. كلما رأت تلك الابتسامة التي يراقص من خلالها قلبها .. ليأخذه في رقصة على لحن صامت .. ونظرة حانية .. فقط حانية .. فقط مؤثرة .. ثم صورته وهو ينفث دخان سيجارته في هدوء
**************
منذ يومين اوقفهما صديقها .. انا بقالي كتيرعايز اقولهالكو ربنا يهنيكوا ببعض
.
.
.
......
واللي اتذكر كل الناس في الآخر ذكرني

76 comments:

ert3ashat said...

على فكره ياميا جميل اوي البوست اوييييي...ربنا يهنيكوا ببعض اولا..و ثانيا ديه قصه متكرره...والله مش ب ايد الواحد يني جدار بينه و بن ح ولو عرف يبنيه يقى يتأكد 300% انه مبيحبوش...
جميل البوست و الله

كلمه said...

yaaaaaaaaaa salam 3l romancyaaa :D

no comment 3`eer rbna yekremko w yedmhaa 3leko

dead man said...

حبيتي..

دعينا نتحدث قليلا عن الطيران بدون أجنحة.. فلن تحترق اجنحة اخرى.. ولا حاجة لأن ينبت غيرها..

فهذه المرة ستطير الروح ولن الجسد.. فعن الارتقاء النفسي نتحدث هذه المرة..

لن نقترب من من النور حتى ولم يكن نار.. فنقطة النور هي انتى.. والنور ياتي منك..

LAMIA MAHMOUD said...

ارتعاشات
ربنا يخليك ده اولا .. ثانيا مش دايما ده صح ساعات بنقدر وبنعرف نبعد وممكن نكون بنحب .. بس في خوف وجرح و .. و .. و .. كذا حاجة تتحط في الحساب
_________
كلمة
يا سيدي
ربنا يخليك يا معلم

LAMIA MAHMOUD said...

احمد
حبيبي لكل الاشياء عندك معنى اسمى

Oreka d'jadrool said...

سيدى يا سيدى
حبيبتى.....
حبيبى......

عالرومانسية وحبيبها يا عم لميا

ايه يا بت الحلاوة دى؟؟

shaimaa said...

وقبل ان تدري .. وجدته يأخذها الى وجيه عزيز والنيل والسينما .. وتاخذه الى فيروز والبخور برائحة التفاح والبحر وروايتها المفضلة .. ويلتقوا دون موعد عند منير وبيبان القلب .. ويتفقوا على ان يفتحوا بيبان القلب للهوى .. ومنع الهوى من ان يغلقه الى الابد

hummm..el7ta de leha tkmla en shaimaa kant btr2os fe bethom w fr7ana mooot..to7fa ya bnty bgd
rbna ye7'leko lb3d ..yarab
w ad3ely ana kman 3shan ana gn7y at7r2 mn elnoor w b3deen eldonya mtrt ftlz2t 3la el2zaz w mn youmha msh 3rfa at7rk "d7ka kbera"

yarab yarab yarab yarab yarab

w mts2lnesh yarab eh mtd7'lesh beny w ben rbna ;)

مصـ( الخير )ـعب said...

دي مش كلمات.. دي مشاعر خام محطوطة زي ما هي..

ربنا ياااااااااااااااااااااااارب يحميكم لبعض

LAMIA MAHMOUD said...

oreka
اية يا بت النق ده:)
_________
شوشو
حعمل تحديث واكتب فيه شوشو كانت فرحانة وبترقص في بيتهم .. عقبال يارب يا حبيبتي لما حد ييجي يشدك من القزاز وتطلعي وتنورينا كده .. وانا عندي الكثير من الخطط الشريرة(شيطان صغنن)
______________
مصعب
كتير كده والله .. ربنا يخليك يارب

OMA said...

ايه يابنتي ده ارحميني بقى
متنحه وحاطه ايدي على خدي وكنت بسمع منير قفلتو حسيت اني دبت في الكلام
رهيبه
بس خلاص
مش لاقيالك كلام بقى شوفيلك حل في اللي بتعمليه فيا ده
ربنا مايحرمكوش من بعض ولا لحظه يارب

نبيــذ said...

:)

تسـنيم said...

أجمل ما حدث أن نبت لفراشتنا الجميلة جناحان آخران عوضا عن اللذان احتراقا اترفرف بهما عاليا في عوالم السعادة.

محبتي ودعواتي

Anonymous said...

بجد ربنا يحميكوا وبجد بحبكوا. انتوا الاتنين بالنسبالى حياه لقلبى الحزين لما بشوفكوا بحس بدنيتى الى تايهه منى ويارب دايما مع بعض واشوف كل الى بتمناه فيكم ... سلمى الى بتعشق حبكم

smraa alnil said...

لميااااااااا

تعبتوني يا ولاد
مش هقولكم غير اللي بشوفه معاكم
ربنا يهنيكم ببعض يارب ويخليكم لبعض
يلا بقي يا ولاد
عايزة ارقص قريب
خلينا نخلص منكم انتو الاتنين

ert3ashat said...

معرفش و الله بس لو حب بجد..صعب اوي نبعد او نحط صور..صعب جدا.....

Mohamed Hamdy said...

إنتى كل بوست بتبعدى فيه أكتر من الى قبله

لو كنت أعرف ان الحب هيعمل فيكى كدة كنت جوزتك من زماااااااااان

ربنا يهنيكو ببعض يارب

Mony The Angel said...

ana geet met2a7'ar :((
bas ana waraia dars now w lazem a2oom 3shan albes
msh ha3raf a-comment now
ana hageelek tany beleel lama arga3 ok?
ba7ebbek awe w ba7eb 7oboko awe awe :)
rabena ye7'aleeko le ba3d
salaam mo2aqatan :)

LAMIA MAHMOUD said...

اوما
لاء بصي شوفيلك حل انتي في التثبيت اللي بتثبتيهولي .. منوراني فعلا
___________
نبيذ
فعلا؟
اتمنى:)
_____________
تسنيم
ومن اجمل ما حدث برده تعليقك ده:)
__________________
سلمى
يا لهوي على الكلام الكبير .. ربنا يخليكي ليا يا قمر يارب .. دعواتك معانا
_______________
سمرا
انجيييييييييييييييييييي
عنينا ليكي بس حعتبر ده وعد وحترقصي يا قمر
_______________
ارتعاشات
الخلاف في الرأي لا يفسد للود قضية .. كل الاشياء نسبية يا ارتعاشة
_____________
محمد حمدي
يا كاسفني انت .. اخجلتم تواضعنا .. بس العبرة مش باي جواز يا محمد .. ادعيلنا بس:)
_____________
موني
نورتي يا جميلة .. حستناكي الحقي يلا الدرس

Ferekico .. La Talomni said...

لم أستطع التغلب على شعور النشوة الذي صاحبني مع نهايات الكلام .. الشجن الذي اكتمل مع اكتمال الدورة - دورة العنقاء التي تحترق لتولد من رمادها .. أعادت الافتتاحية إليّ كلمات أمل دنقل بصياغة أخرى: رفسة من فرس, تركت في جبيني شجا و علمت القلب أن يحترس .. لكن المرارة زالت مع مواصلة القراءة .. إذ يتطور الحدث, و يكون الميلاد الجديد بخلفية فيروزية مدهشة .. الميلاد الذي يصير فيه بعضا منكِ و تصيرين فيه بعضا منه - يستعير الواحد منكما كلمات الآخر - قدرته المدهشة على التعبير عن مشاعرك...إلخ .. لتتحول "لا تنتظر أحدا فلن يأتي أحد" بقسوتها إلى "لا تنتظر أحدا فقد" بما تحمله من أمل

أمتن جدا لهذه العلاقة التي تنشر حبا وسط كل هذا الكم من الضجيج السياسي .. ما أحوجنا إلى الكثير من الحب, و الكثير من هذه الكلمات

أما على المستوى الشخصي: فلعلها تكون آخر الاحتراقات, و تشرق الفراشة في علاقة ناجحة يتوجها بناء أسرة جميلة .. إن شاء الله

بوست مميز .. ربنا يسعدك

vetrinary said...

هوا انا معلقتش فعلا
انا كنت فاكر انى علقت
انه الزهايمر سيدتى

اقلك ايه
اقل من اللى فات
حاسس انك بتكتبى لغرض الكتابه وخلاص
افتكرت انك هتخدينى لبحر من الرمزيه
وفجاه اتصدمت بواقعيه بحته

elkamhawi said...

البوست جميل خالص وباين انه صادق جداً
ربنا يفرحنا بيكم ويفرحكم ببعض

REEMOO said...

بصى بقى انا قريت البوست بتاعك ده وانا فى حاله غريبه بجد
كنت لسه قاريه كذا بوست ى كذا بلوج مخلينى متنحه ومش عارفه مالى
بس كل اللى اقدر اقوله ان النهارده اجتمعتو كلكم على كلام رائع بجد
يارب تبقى فى حاله الحب دى دايما
جميل اوى البوست يا قمر

shams said...

البوست تحفة جداً وأسلوبك كما تعودنا دائماً أكثر من رائع وشيق
أحلى حاجة بقى اني لقيت نفسي في الحتة اللي انت بتقولي فيها

"كانت تعرف جيدا انها ستكون مجبرة على ممارسة هوايتها المفضلة في الهروب .. ستؤدي دور الصديقة الصدوق .. ستضع نفسها فقط في كادر الاخت .. سترسم له الصورة فلن يستطيع ان يراها الا كواحدة .. ستقوم بادائها الافضل على الاطلاق .. ستبني ذلك الجدار بينها وبينه"

أنا بحس ان دي أنا وفعلاً مش هيهد الجدار ده إلا واحد يقدر يخترقه ويخترقني وهو ياخدني لفيروز وأنا اخده لمنير

الله عليك يا لميا انت والحب اللي جواك
ربنا يهنيكم ببعض وتفضلوا تحبو بعض علطول

ert3ashat said...

لا يفسد ي لميا...وياسلام لو خللنا الاحتلاف او شلناه في التلاجه...عمره ما هيفسد...:):):)...
بهرج طبعا
فعلا كل حاجه نسبيه

Anima said...

No comment :)

أحمد ندا said...

من قلبي يالميا .. وانتي عارفة .. دعوتي دي من قلبي ...يارب على طول ..ونشوفك مدام هواري

علشان نفرح بالكبير هواري باشا

LAMIA MAHMOUD said...

فريكيكو
يعني بجد مش عارفة .. فيه ناس كده بتستنى الكلام اللي حتعلق بيه .. ومؤخرا اصبحت منهم .. مش حعرف اقولك قد اية التعليق ده بيعني عندي .. شكرا ليك:)
عقبال ما نقرالك بوستات اكثر تميزا في نفس النطاق
___________

vetrinary
امممممممممممممممممم
_______________
القمحاوي
شكرا:)
________
ريمو
من الواضح ان انتي اللي رقيقة وبتتاثري بسرعة .. ربنا يخليكي يارب:)
_________
شمس
عارفة انا فهماكي وعشان كده بقولك ان لما تلاقي اللي يهد الجدار وياخدك لفيروز حتبقى احلى من اي حاجة تانية .. عشان اللي مش بيحب بسرعة بيحب اوي:)
يارب
_____________
ارتعاشة
طيب ابقى حط طبقة زيت على الوش:)
_________
انيما
:)
_________
ندا باشا
طيب كمل دعا من قلبك بقى يا معلم .. شكلك حيطلع دعاك مستجاب
تورتني

bani-adam said...

تعظيم سلام,اجمل ما قرأت من فتره ليست بالقليله.
ربنا يخليكم لبعض.

Mony The Angel said...

ana geeeeeeeeeeeeeeet :)))

bosyy al post kollo y3a2ad
ana lesa fakraah mn embare7 ma2retoosh tany
kol 7aga kol 7aga
altashbeeh btaa3 alfarasha wegna7ha almo7tareq
3abqaria yabenty

"فقط يكفيها ان تنظر لرماد جناحها وتلك الضمادة التي احتفظت بها فقط لتؤرقها .. لتفيقها .. "
alsoor ally enty baniaah elnafsek 3shan matshofeesh 7ad gdeed

"منذ التقته كانت تعرف جيدا انها ستكون مجبرة على ممارسة هوايتها المفضلة في الهروب .. ستؤدي دور الصديقة الصدوق .. ستضع نفسها فقط في كادر الاخت .. سترسم له الصورة فلن يستطيع ان يراها الا كواحدة .. ستقوم بادائها الافضل على الاطلاق .. ستبني ذلك الجدار بينها وبينه .. في اول لقاء ستضع حجر الاساس .. "

:))
3arfaah ana al nezaam da :))

" يعقد حاجبيه ثم يقول اممممم ليتبعها بسينك سينك سينك .. ثم يعرض ما توصل اليه .. لتجاوبه .. تمام .. فتبتسم صديقتها في خبث .. لتلفت نظرها لما يحدث .. لقد استعار منها كلماتها واقترضت هي كلماته"
i loves this part :)))

rabena yehaneeko beba3d :))

Yosif said...

تحياتي وتهانئي المخلصة
كان لي استفسار بعد قراءة البوست المميز ..ولست متشائما لكني أبغي حقا المعرفة ..لقد حطم الجدار أو اخترقه رغما عنها وتوالت الأحداث حتي أن كلامنهمايستعير كلام وأفكار الاخر..يحادثها عنها أفضل مما تفعل هي يحتويها بين عينيه ..وأخيرا يختفي الرماد في ظروف غامضة ..هل وصلت الآن الي النهاية ؟ هل كل هذا يمثل الدليل ؟ يضمن أنه شعاع النورالمرجو هذه المرة وليس النار المحرقة ؟ هل امتلكت اليقين فعلا بأن الأمر سيستمر ويستمرويستمر؟..أم أنه ما من دليل يلتمس ..الحدس هو مصباحنا الوحيد في هذه الامور؟ ..أسألك فعلا بغرض العلم و أخذ الرأي ..فلست متشائما اطلاقا ..ولكني أهنئك ثانية وأتمني لك أوقاتا أجمل وأفضل
تحياتي

Anonymous said...

اموت عليك
وقبل الرحيل
سأكتب سطرا وحيدا بدمي
أحبك انت
زمانا من الحلم

(بالمستحيل)

LAMIA MAHMOUD said...
This comment has been removed by the author.
يا مصر اكتب إليكي رسائلي said...

بمناسبة ذكرى المولد النبوي الشريف ،
يسعدني انت انتهز الفرصة لأتقدم بخالص التهاني
وأطيب التمنيات القلبية
لكم والأسرة والأصدقاء ، وكل عام وانتم بخير

الوردة السوداء said...

انتى بقيتى بتكتبى قصص روعة

بس بتهيقلى لو شيلتى فيروز من الموضوع هيبقى احسن

دخول اغنية فى القصة هيفقدها اسمها
وهنعتبره بوست عادى

بس فعلا
اسلوبك رائع يالمى

~ Bato0ot ~ said...

bosy ba2a enty fe3ln m7lwa el yomen dol :D:D:D
rabna yehneko b b3d
w bgd fe3ln 7ekyet en kol wa7ed byakhod mn el tany 7agat w tedob shakhsytahom fe b3d
ykmlo b3d w ye2rbo mn 7ayat ba3d
bgd rabna yehneky :)

Amira Hassan said...

بعيد عن ان الفراشات زادوا اوي في شلتنا
الا ان بجد البوست ده احساسة عالي اوي يا لمي بجد
و فيه حقيقة كتير اوي

ربنا يارب يخليكم لبعض و افرح بيكن بقى

اميرة هشام said...

جميلة اوي اوي اوي اوي يالمي

ياااااااااااااااااااااااااارب
ربنا يخليكوا لبعض
ونفرح بيكوا قريب

بس اوعي تنسي تعزميني عالفرح لاحسن ازعل منك اوي

sherif gharib said...

اللهحلو قوى يا لميا انك قدرتى تعبرى عن فترات كتيره و يمكن تكون متباعده فى سطور كده حالات كتير قوى و انفعلات اكتر و احاسيس مختلفه
مجموعه علاقات و مفردات و تفاصيل كلها مختلفه باختلاف الاشخاص و العلاقات
اللى انا عايز اقولهولك حاجه واحده صدقتينى لما قولتلك ان مافيش حاجه اسمها اكيد ابدا لان ما حدش فينا عارف هو هيقابل مين او ايه اللى مخبيه القدر لهيعنى كلنا بنبقا فاكرين ان اللى جاى اسوا من الى فات و بنبقى خايفين منه و بيطلع انه هو رمز السعاده و هو اللى بينسينا الرماد اللى سلكن جوانا و يمكن كمان يكون هو اللى بيحط مكانه كل رواح البخور جوانا
ربنا يوفقك و يوفقه
ما تنسيش بقى تعزمينا
ههههه

Feras othman said...

soooo sweet ...i enjoyed reading this post really its wounderfull ,and lamia dear just one thing i wana say to you

when love comes so strong there is no right or wrong your love will be shared again for the best and fulfil your heart :)

mbrook

ody911 said...

أحساسك دايما عالى


ربنا يهنيكوا يا رب

ويقربكوا أكتر وأكتر


أحمد


خلى بالك منها بقة


أحنا آه لسة معرفناش بعض أكتر


بس إنته إنساء هايل بمعنى الكلمة


ربنا يوفقوا


أودى

LAMIA MAHMOUD said...

بني ادم
ربنا يخليك يا باشا:)
_________
موني
تشبيه الفراشة بس لاني بحس اي انسان بيروح للجرح برجليه زي الفراشة لما بيشدها النور وتطلع نار .. السور ده اغلبية اللي اتجرحوا عارفينه اوي .. ربنا ما يجيب جرح يعني;)
ربنا يخليكي يا قمر .. يارب تخلصي بقى وتخلصي من الدروس اللي واخداكي مننا:)
___________
يوسف
في حاجات بتيجي في صورة الدليل تفاصيل صغيرة اوي تخلي الانسان اكثر يقين ... لكن النهاية بايد ربنا محدش عارف بكرة فيه اية .. كل اللي بايدينا نحاول نخلي بكرة احلى
_____________
انونيموس
مش فاهمة .. فعلا مش فاهمة
__________
يا مصر اكتب اليك رسائلي
وانت طيب
_________
الوردة السودة
حمد الله على السلامة يا جميل
وحشتينا يا بنتي
شكرا اوي على رأيك وححاول المرة الجاية اخليها من غير اغنية
_____________
بطوط
يا عم الفاهم انت
ربنا يهنيكي انتي كمان يا ستي :)
ربنا يخليكي يا جميلة
______________
ميرو
يا بنتي احنا ال3 فراشات وزهور ;)
سيبك انتي اشطة ان البوست عجبك فعلا .. وان كان على الحقيقة فانا ممكن اكتب بعد البوست
strange but true
اية رأيك؟
ربنا يخليكي ليا يا قمر
_____________
اميرة هشام
عيب عليكي اول المعازيم .. بس اعملي حسابك كل اللي حييجي لازم يكون بيعرف يعمل حاجة من ال2 يا يرقص يا يزغرط
عشان انا معنديش حد بيعرف يعمل لا دي ولا دي
__________
شريف غريب
فعلا يا شريف مفيش اكيد لمسئلة كلها احتمالات .. عموما يعني صدقتك اهو .. واول ما نيجي نعمل الفرح حقولك بس تيجي بقى ساعتها :)
_______________
فراس
fenk .. missed u really .. welcome back feras .. thnx 4 ur sweet words
3o2balk
___________
اودي
ده هو من ذوقك بس .. ربنا يخليك يارب .. وعقبالك كده:)

اثناء الحياه said...

علشان اكون صريح موش فاهم قوى بس كلام رومانسى من داخل قلب مفعم بالحب
ربنا يوفق

كرانيش said...

فى كل مره بتنجحى فى انك تاخدى عطف ودعوتين كده منى
المرادى كمان عرفتى تخلينى اقول يا جماعه البنت دى ملهاش حل
كانسانه وككاتبه
حقيقى برافو عليكى وربنا يوفقكم ويجمعكوا على حب الله يارب

yasmina said...

خلال لفي على المدونات استوقفتني مدونتك
ولما جيت اكتبلك كومنت الوقتي وقف الكلام
قصه حنين ابكتني
بجد وحسيتها بطريقه متتخيليهاش معرفش ليه يمكن عشان احساسه بيها ولا يمكن عشان تفكيره فأققل تفاصيلها والي كان نفسي احسها من حد فيوم من الايام
ولا يمكن عشان حاله الحنين الي هوا حس بيها وكانت مالكاه للدرجه دي
بجد مش عارفه ااقولك ايه
اما لاتنتظر احد
فهي اكتر من رائعه
التسلسل الرهيب الي انتي مشيتي بيه
عارفه انتقالك لللآحداث نفسه
مش زي اي قصه عاديه بقراها لآ انتي كنتي بتنتقلي من حدث لحدث بطريقه تاخد قوي الي بيقرا معاه تحسي كأنك شايفه الحدث قدامك وببتفرجي على اللقطات من لقطه للقطه بتجري قدامك
اما بالنسبه للحدث نفسه
ففي مقوله بتقول
يمكن لصوت الحب ان يكسب اكثر القلوب عنادا
عارفا فعلا الحب ده بياخدنا قوي بيخلينا نبقى الحد الي بنحبه
نبقى هوا فتفكيره فكلامه فلبسه مقصدش نفس اللبس يعني
ااقصد الالوان الطريقه
نظرتنا لحجات كتير قوي
وده الي انتي عبرتي عنه بشكل رائع فلا تنتظر احد
ومن احساسك بالكلام بين اد ايه انتي حد جميل
ورومانسي كمان
سعيده بزيارتي ليكي

صحيح اخترتي اغلى الاغاني على قلبي من اغاني فيروز
اديش كان في ناس

ert3ashat said...

يا بنتي فينك....
مفيش بوستات ممن فتره...
يلا الجماهير هتكسر البلوج كده..:)

مبرمج حر said...
This comment has been removed by the author.
مبرمج حر said...

معلش , بره موضوع البوست

I tagged you

إبراهيم محسن said...

صار ليشي مية سنة مجروحة بها الدكات
ضجرت مني الحيطان ومستحية تقول
وانا عيني عالحنا والحنا عالطرق
_________________________
فكرتيني بنظرية الفراشات ترحل مضيئة
أنا وانا في بلد ماما.. ريف .. بلد كلها نموس وحاجات كده بتبهدل الجسم.. علشان نبعدها عنا بنولع لمبة جاز القدام دول ونحط عليها القرص
ونقفل النور
جو اسطوري مهيب
فعلاً الناموس يجري ناحية مصدر النور والرائحة ويموت
لكن للأسف الفراشات بتتخدع بالنور هيه كمان.. وتجري ناحيته وتولع وتطير مولعة.. لحد ما تختفي
هي رحلت عن عالمنا مضيئة

يا ترى أين ذهب الجناح؟
ربما طار مرة أخرى دون أن تدري

REEMOO said...

3andy leky tag fe a5r post ya 2mr eb2y shofeh :)

LAMIA MAHMOUD said...

اثناء الحياة
مش فاهم اية طيب ؟
عموما شكرا:)
__________
كرانيش
ربنا يخليكي ايوة اهم حاجة الدعوات .. قلبك معانا والنبي .. احسن احنا في عنق الزجاجة .. حلوه عنق الزجاجة دي:)
___________
ياسمينا
انا طبعا فرحانة انك اول مرة تيجي وكل كمية الكلام الجميل ده .. بجد كومنت عبقري طالع من حد بيحس:)
___________
ارتعاشة
عنيا حالا .. بس كده:)
_____________
مبرمج حر
حاضر .. علم وسيتم التنفيذ:)
_________
ابراهيم محسن
هو اكيد الجناح عرف يطير مرة تانية .. ده مما لا شك فيه
__________
ريممو
عنينا ليكي .. انتي تأمري

Mony The Angel said...

w ba3deen ya3ny :/
mafesh post gedeed walla eh :/
yenfa3 kda :/

Anonymous said...

يا ترى بيحب جاهين؟
بيحب منير؟
بيحب يغني؟
بيحب عينيكي.. بيكتب فيهم شعر؟
بيحب القهوة من ايدك؟
البن محوج ولا؟
عارفك .. فاهمك .. بيحسك وانتي بعيد؟

Anonymous said...

لم اتخلص بعد سيدتي من تلك العادة الحمقاء التي تلازمني .. ان ابحث عن ملامحك في كل شخصية اقرأها في اي كتاب

فأنت مازلت في خيالي تلك الشخصية الاسطورية التي تصلح كمادة لفيلم او رواية

مميزة بتلك العيون السوداء الكبيرة المليئة بالتعابير .. مميزة بشعرك الحالك السواد وتلك البشرة الخمرية

سيدتي .. لم اتوقف حتى اليوم عن التساؤل هل كان حظي العاسر الذي جعل كلماتك تلك تخط لغيري .. ام انه فقط هو القدر .. اهنئه بقلب حاسد .. ان كانت القلوب الحاسدة تعي يوما للتهنئة سبيلا

خواطر شاب غاضب said...

علي فكره كلامك رقيق جدا جدا
فاروق الجمل صحفي

حصان بري said...

المره دي تفوقتي علي نفسك بجد يا لمياء
الجناح المحترق والضماده
عقبال ماتقولي انه موجود في حياتك
محاوله بناء الجدار
تفاصيلكم التي امتزجت
بجد روووووووووووووعه
وربنا يهنيكم ببعض

Anonymous said...

بوست رائع قوي قوي قوي
بقالك فتره طويله مكتبتيش
عودي سريعا من فضلك

LAMIA MAHMOUD said...

موني
عنيا حاضر بس كده:)
_______
Anonymous
والله هو كل الحاجات دي متوافره بس الاحلى منهم انه بيحبني .. والاحلى اوي اني فعلا بحبه
_____
Anonymous
فعلا؟
واية كمان
________
فاروق الجمل
شكرا ليك .. حصلنا الشرف
_________
حصان بري
بجد شكرا اوييييييييييي .. من بعض ما عندكم .. وربنا يهنيك:)
__________
Anonymous
شكرا على الاهتمام .. وشكرا على السؤال .. وشكرا اكتر على رأيك في البوست
بس مين؟:)

إبراهيم محسن said...

انا جاي بنفسي بعزمك يا فندم
يا ترى هترديني فرحان؟
http://hearttrainer.blogspot.com/2007/04/wama.html
ده لينك العزومة ومنتظر ردك فورا الوقت ضيق
سلام

الأرمـوطــي said...

مش عايزة كلام الحب كده

إبراهيم محسن said...

والله يا لميا المعاد اتحدد الاتنين بالليل وأول ما روحت بعتلك على طول وبصي على تاريخ كتابة البوست بتاع الموضوع هتلاقيه التلات الفجر وفعلاً أنا حاولت اسرع الموضوع فبعت للناس في مدوناتهم ومستنيتش حد ييجي يقرا

بس عيب عليكي انتي بقى.. انا زعلان بجد

فعلاً لا تنتظر أحد
فلن يأتي أحد

معاكي حق

إبراهيم محسن said...

والله يا لميا المعاد اتحدد الاتنين بالليل وأول ما روحت بعتلك على طول وبصي على تاريخ كتابة البوست بتاع الموضوع هتلاقيه التلات الفجر وفعلاً أنا حاولت اسرع الموضوع فبعت للناس في مدوناتهم ومستنيتش حد ييجي يقرا

بس عيب عليكي انتي بقى.. انا زعلان بجد

فعلاً لا تنتظر أحد
فلن يأتي أحد

معاكي حق

elkamhawi said...

اية ده اغيب ده كلة وارجع ملقيش حاجة جديدة

ert3ashat said...

هنفضل مستنين كتير يعني؟!!
يلا يا لميا متحرميناش من بوستاتك

Anonymous said...

معلش تصحيح بسيط بره الموضوع
فيروز بتقول : و أنا بأيام الصحو ما حدا نطرني .
يعني الناس بيستنوا حبايبهم رغم سوء الأحوال الجوية إنما هي ما حدش بيعبرها حتى و الجو حلو.

استنوا وثائقي عن فيروز قريبا على الجزيرة الوثائقية .

عاشق فيروز الأول "ما تحاولوش :) " .

el2ahwagi said...

دقيقة هى سيرتك الذاتية

و عندما تتخلصى من أجنحتك التى ذهبت بك الى نور محرق
الى شخص يصير هو اجنحة ترفعك الى نور يضمكما

أجنحته ... أجنحتك لا يهم
فقد اختلطت الوانكما الى لون يميزكما به الآخرين
فيروز أو منير عزيز
قد تختفى الخيوط الفاصلة
الى خيوط جامعة
ينسجها الإنتماء

مبروك على الأخبار الحلوة

we2am said...

eh dah?howa ana masebtsh comment 3al post b3d ma2reto a5er mra??eh eltahreg dah?
ma3lena..ana ya bnty 3ndy e3trad 3la esm elblog mn el2wl ;)

linda said...

وين هالغيبة يالمي؟

أن شاء الله خير؟

shabfa2re said...

الله يرزقنا الحب الحقيقى
:)

Ferekico .. La Talomni said...

ههههههههههه
باين كده الجهاز باظ تاني
البنت دي مبيعشلهاش اجهزة:)

Sokomonoce said...

ياريت الواحد بيعرف يزغرت بس للاسف

كلام جميل جدا ومشاعر رقيقة فى منتهى الرقة
مبروك

LAMIA MAHMOUD said...

الارموطي
الحب كله :)
______
ابراهيم محسن
والله يا ابراهيم كانت ظروف قهرية وما تزعلش في اول فرصة حتعرفها ان شاء الله
_______
القمحاوي
قريب يا معلم
_______
ارتعاشة
احب الناس المتابعة .. قريب اوي :)
________
انونيموس
نأسف لهذا الخطأ الفني .. مش حنحاول حاضر
_____
القهوجي
كلماتك اختصرت البوست في كام سطر .. الله يبارك فيك :)
__________
وئام
هي اخر مرة كانت امتى يا بت .. عموما يعني مش حغيره .. بس هو اتغير .. فاهمة حاجة؟!!
______
ليندا
ظروف قهرية والله :) .. شكرا اوي اوي اوي على السؤال
____________
شاب فقري
امين:)
___
فريكيكو
لاء الجهاز ما باظش ولا حاجة :)
ده عايش لسة .. ده احنا مسميينه عتريس
:)
___________
سكومونس
انا كمان بقول ياريت اعرف ازغرط
الله يبارك فيك:)

sendbad said...

دع الاقدار تلعب بنا كما تشاء
ربما يلاقينا علي درب السفر شئ من هناء
وربما نظل هكذا دائما تعساء

حصان بري said...

trrrrrrrrrn
u've been tagged

LAMIA MAHMOUD said...

سندباد
لاء هو شيئ من هناء ان شاء الله
______
حصان بري
ترررررررررن .. عملته

Soliman said...

غالبا لا يأتي أحد فعلا
و إذا أتى فانه يأتي بعد فوات الأوان
ربما كان بوسعي تقدير هذا القدوم لو انه كان مبكرا بعض الشيء ولاكن هذا التحرك المتأخر بسبب تحركاتنا المتأخرة و المتردده أيضا تذكر ان تقدمك نحو المبادرات الإجابية لا يتطلب ترددا كثيرا بادر بمساعدة نفسك قبل ان تبادر بمساعدة الأخرين ففاقد الشيء يدور عليه
thanx yo :)

LAMIA MAHMOUD said...

سليمان
اذا اتى شخص واعقدنا انه قد اتى بعد فوات الاوان .. فمن المؤكد انه ليس من انتظرناه لياتي من الاساس
شكرا ليك:)