Saturday, February 17, 2007

نافذة

كانت جلسته دائما ما تأتي امام نافذتها .. يراقب دائما منتظرا ظهورها .. قلما كانت تخرج الى نافذتها الا لتقوم بنشر الملابس .. كان يراقبها وهي تفعل .. يفلت حبل الغسيل من يديها لتعود ضاحكة الى الامساك به مرة اخرى .. يقف بجانبها اخيها الصغير يمازحها فتضحك .. دائما ما كانت تضحك بزاوية فم واحدة
كان ينتظر دائما ان تظهر من خلال نافذتها .. فقد كان يعتبر ان تلك النافذة هي مدخله الى عالمها .. لم يعتقد انه من الممكن ان تواتيه الجرأة ليدخل الى عاملها .. حتى عندما كانت تسير امامه في الشارع مسرعة من خطواتها خجولة .. لم يفكر ابدا ان يستوقفها .. او ان ينظر لها .. كان يكتفي دائما بالنظر ارضا .. وينتظر حتى تصعد لتفتح نافذتها
كان يعتبر تلك النافذة مدخله الى عالم الملائكة فلا يمكن ان تمتلك انسانة تلك الضحكة الصافية .. هل سمع احدكم من قبل عن ضحكة تشعرك بالطيبة .. انها تملك ضحكة طيبة .. تضحكها في وجه ابشع الشياطين ليتحول امامها هي فقط الى ملاك
يذكر جيدا يوما كانت تسير في الشارع .. ورأت ثلاثة قطط رضيعة وحيدة بلا ام .. تذكر وقتها انه وهو يختلس النظر ثم يعاود النظر ارضا لمح على وجهها نظرة الم من حال تلك القطط .. يذكر جيدا ان هذا اليوم كان من اسعد ايام حياته .. فقد ظلت تقف بنافذتها طيلة اليوم بانتظار ان ترى اذا كان للقطط الثلاثة ام ستأتي ام لا
ثم فجاة رآها تخرج مسرعة من منزلها .. تحمل القطط الثلاثة الى صدرها .. قم تصعد الى منزلها .. يومها بقدر ما دهش من رقة قلبها .. بقدر ما حقد على القطط .. فقد ضمت القطط الى صدرها .. فقد مكثوا بجانبها .. وسرح بخياله هو يتخيلها تطعمهم بيديها وتمنحهم تلك الابتسامة الطيبة
حتى اتى اليوم الذي اعتبر نفسه من اسعد الخلق .. لقد فتحت نافذتها .. وقفت لا تفعل شيئا بعينه .. تتظاهر بالانهماك في الحديث مع اخيها .. تلتفت اليه .. تثبت عينيها عليه .. ثم تمنحه ابتسامتها .. لم يبادلها الابتسام .. فقد كان فقد قدرته على الاستيعاب من هول الصدمة .. واغلقت هي نافذتها مسرعة بخجل
جلس اياما امام نافذتها يحلم بتلك اللحظة التي ستنفتح فيها ليرد ابتسامتها .. وقف كثيرا اما مرآته يتدرب على انواع الابتسامات المختلفة وايها التي قد تبرز قليل من الوسامة في وجهه الذي يفتقد الى اي اثر منها
واخيرا استقر على ابتسامة .. وانتظر ناظرا الى نافذتها راسما تلك الابتسامة على وجهه .. ومر يوم واخر وثالث ولم تفتح نافذتها .. ووبدا في ان تمحى ابتسامته من فوق وجهه .. قم تلاشت وحلت محلها نظرة قلقة
اليوم التالي يجلس امام منزلها يراقب .. اشخاص يتوافدون يرتدون السواد .. وجميعهم يبكون في صمت

35 comments:

Mony The Angel said...

:|
7araam 3aleeky bgad..
msh 3arfa akteb haga tania asasan
:(

Amira Hassan said...

ليه كده يا مؤذيه

بس عمتا البوست تحفة

انا اساسا حبيت البنت

:)

shimaa said...

كانت جلسته دائما ما تأتي امام نافذتها .. يراقب دائما منتظرا ظهورها .. قلما كانت تخرج الى نافذتها الا لتقوم بنشر الملابس .. كان يراقبها وهي تفعل .. يفلت حبل الغسيل من يديها لتعود ضاحكة الى الامساك به مرة

fkrteny b2yam kont nsetha mn kotr ma hya mn zaman..kont mdbsa fe elblkona..tb3n enti 3rfa

bs leh moteha fe el27'er ya 7'ne2a..elwad da ye3ml eh fe nfso nw..yent7r..gtko el2rf mleto elbld"wsh mtl3 lsano"

LAMIA MAHMOUD said...

موني
ليه كده طيب .. ما هو ما تاخدوش على الورد والفل طول الوقت يعني .. عموما جيتي المرة دي قبل كل الناس اهو
______________
ميرو
مزاجي كده .. اراهن انك حبيتي البنت عشان القطط :)
___________________
شوشو
سوري يا شوشو .. بس بعد الشر عليكي .. وبالنسبة لموت البنت سيبيه يخبط دماغه في الحيط .. والله انا تقريبا ريحتهم هما ال2

basma saghir said...

مش عارفة ايه جو الاكتئاب الي سارح على العالم اليومين دول
عموما هي جميلة ورقيقة بس حزينة
راعي ان الناس مش ناقصة نكد..بس لو هي طالبة معاكي نكد احنا معاكي
وكلنا ايد واحدة يابهجت

Oma said...

leeh bas keda ya re5ma
kont 7abetha..de ra2e2a w katkota 5ales..w howa kaman
ya3eniii..e5es 3leki begad kanet 2amora w 7enayena..
mosh 3arfa eh ba2a tani
aked elly 5alani a7es beha w a7ebha awi keda eslobek...bas 5alas mosh 3arfa atklm tani

cast2way said...

ابوها طبعاً ها؟
اكيد كان تعبان عنده الكبد الوبائى مثلاً شلل اى حاجة والسلام المهم انه مات
الله يرحمه
او ممكن تكون امها مثلاً يعنى
ولا ايه؟
هههههههههه

جميلة البعته


اتذكرتك يا عليا
واتذكرت عيونك
يخرب بيت عيونك يا
عليا
شووووووو حلوين

والسلام

محمد حمدي said...

اموت وافهم سر حبك ان ابطال قصصك يموتو يا لميا ... قصه الراجل الى قابل ست فى الاتوبيس طلع ابنها ميت , وعموم بوستاتك بتفضل ماشيه زى العسل وتيجى مرة واحدة تقلب بسواد على اخر سطر او سطرين , بس هل اقدر اقول ان البوست وحش ؟ هل اقدر اقول انى محبتش البنت والقطط والواد الخجول ؟ ابقى كداب لو قلت ان البوست معجبنيش

وانتى لو كملتى كدة هتبقى روائيه كبيرة فى يوم .. وهدفعلك 30 جنيه فى مجموعه روايات ليكى من معرض الكتاب , واقول لولادى أنا كنت اعرف البنت دى لما كانت لسه مبتدئه ....

ربنا يوفقك
سلام

Anonymous said...

من الفرح قوى والحب قوى قوى الى النكد قوى اكيد انتى جواكى حاجه بتخوفك من الايام - عموماً هى حلوه

LAMIA MAHMOUD said...

بيسوو
مجتيش ليه طيب ايام الرومانسية .. فاتتك .. واضح بقى ان انتي اللي طالبة معاكي نكده .. وكلنا ايد واحدة يا بهجت:)
________________________
اوما
بصي معلش المرة الجاية حجوزهم .. ويجيبوا عيال بقى واعملكوا فرح هنا
_____________________
cast2way
انت عايزه ابوها براحتك .. عايزها امها يبقى افضل .. بس بلاش اصدمك بالحقيقة:)
_________________
محمد حمدي
بريحهم يا محمد .. بس مش كلها كتنكرش في حاجات بتكلم حلو للاخر .. بص هو انا اوعدك انك ممكن تقول لولادك البنت دي انا كنت اعرفها لكن روائية وكتاب و30 جنية .. متوقعش:)
__________________________
انونيموس
ومين مفيش جواه خوف من الايام .. انا معرفش مين بس الاكيد اني حسال سؤال واحد .. انت او انتي ما بتخافوش من الايام .. عموما كويس انها حلوة .. بغض النظر عن ان التعليق كان على شحصي ودي مجرد قصة ملهاش دعوة بيا

mariam said...

لمى حرام عليكى

اولا اسلوب السرد بتاعك جميل جدا
ثانيا و صفك للمشهد كأنى جواه

على فكره انا بحب النهايات الحزينه
رغم انها بتكون مؤلمه

الوردة السوداء said...

حلوة اوى
البوست كلوه حلوة
انتى بجد اجمدة جدا فى اللون ده
وبحس انك بتبذلى فى مجهود جامد
استمرى

SomeOne said...

من الواضح من الكومنتات انك متميزة في كتابة هذه النوعية من البعتات

تعرفي انت لو كنتي جوزتيهم

مكنش ينفع بوست

استمري

ادينا في البعتات

LAMIA MAHMOUD said...

مانو
طبيعي ان الواحد يحب النهايات الحزينة .. فليست كل النهايات سعيدة في الحياة .. ده بيعتبر نوع من انواع تجهيز النفس .. شكرا لمرورك
_________________
الوردة السودة
لكل منا لونه الخاص .. بس انا بحاول انوع يعني عشان الملل .. وشعان امشي احيانا مع حالتي النفسية بما اني مش بالكآبة دي .. نورتي
___________________
شادي فايد
ليست كل النهايات سعيدة .. من الحزن والالم تولد الكلمات .. ويولد ابدا تقدير السعادة حين نجدها

We2am said...

eh ya bt enty elsawad dah?b2a bd ma7beet elbnt we 3esht m3a el wad..tro7y memwtaha fel27'er ya ka2eeba?..eh ya 27md..matshoof el bt deh malaha?3aiza gor3a 7nan wla eh? :P :D

تــسنيـم said...

حرااااااااااااام عليكي والله :’(( بس أنا قلبي كان حاسس لما خرجت ووقفت في الشباك وضحكتله إن الحكاية دي مش هتعدي على خيير وإنك ناوية على نية سودا عاااااااااااااااا مش حرام عليكي يعني كان هيحصل إييه لو سيبتيها عايشة.. انتو بقيتوا تخصص نهايات مأساوية إنتي وأميرة وشيماء..

قصة كمان بالشكل ده وهقاطعك خالص يا وحشة.. قبلاتي

el2ahwagi said...

احيانا هكذا هى الحياه...
ما ان تمنحنا ابتسامه ...
الا وتسلبنا اياها ثانية ..
لتبقى الابتسامة حلم نسعى اليه مجرد ان نراه اصبح ذكرى...

...

gameel el post kal3ada..!!

Unknown said...

اه يا مؤذيه... وقعتك سوده بس لما اشوفك..

LAMIA MAHMOUD said...

وئام
هو انا موتها عشن اريحها .. كانت سو جود تو بي ترو يعني.. وبعدين ملكيش دعوة باحمد قايم بالواجب يعني .. ما تقلقيش عليه
___________________
تسنيم
كويس ان قلبك كان حاسس .. معلش بقى انا وشيماء واميرة بنطلع اكتئابنا عليكم .. المرة الجاية حتبقى احسن يا عسل
______________
القهوجي
الغريب ان البوست فعلا مش عاجبني .. والكلمتين اللي كتبتهم دول بالبوست كله
______________
مويا
اهلا اهلا اهلا .. نورتيييييييييييييني .. فينك يا بنتي ولا ليكي تعليق من زمااااااااااااان .. واول ما تيجي تقوليلي وقعتك سودة .. ماشي يا جميل مقبولة مادام على ايدك

.:.-=- ELGaZaLy-=-.:. said...

جميلة اوى يا لمياء ورقيقة بجد

مستنى جدااا

dead man said...

معلش يا حبيبتي اتأخرت في التعليق
المهم انا مش عارف ليه حاسس انها مماتتش ..

لما الواحد بيكتب حاجة بيبقى ليها انعكاس من نفسه وذاكرته.. اى حاجة بيكتبها ليها مردود نفسي جواه..

وممكن تكون البنت مماتتش.. بس هي حست انه مبقاش ليه في حياتها اى معنى تاني..

ممكن تكون بتغيب عنه.. المهم صحيح القطط كان مصيرها ايه؟

Anonymous said...

تصدقى هى العمليه مش ناقصه يابنتى بس عموما دى نهاية الملائكه لانهم لن يندمجوا مع البشر فى الارض وانت لااعتقد انك تتذكرين ان فيه واحده فى عيلتنا علشان برضه كانت ملاك راحت لربها ومن حمل نعشها هو الانسان الذى احبها بصدق بس لانى يالومى اكبر منك انا الى عارفه الحكايه...وشكرا ياحبى على النكد ده حبيبتك الى بتعزك سلمى

sofinqoraso said...

عارفة بجد أحلى حاجة فى كتاباتك
أنها بتاخدك من موود تحطك فى موود تانى خالص
ما احنا كنا ماشيين كويس
بس تعرفى برضه
أنا القصة ودتنى حتة تانية خالص
هيعيش طوول عمره حاسس بعقدة الذنب انه مبتسملهاش ويمكن يتعقد من الأبتسامة ويبطل يبتسم تانى نهائى
رسالة بتوجهالنا الحياة والموت سوا
رغم اننا لازم نفكر فى كل حاجة كويس ونعملها الف حساب
لازم منضيعش اى فرصة من إيدينا

أنا مش مؤذية ولا هى ليها ذنب بس يستاهل كل اللى يجراله

حبيتها أوى ... فكرتنى بفرص كتير ضاعت منى أو يمكن ماتت من غير ما تموت

LAMIA MAHMOUD said...

الغزالي
شكرا ونورتني
________________
حبيبي
اعتقد ان ممكن تكون البنت عايشة حياة تانية اسعد:) .. ده لو تبع المردود النفسي
بالنسبة للقصة فهي ماتت .. القطط بقى كبروا ونزلوا الشارع تاني
بحبك
وما تتاخرش تاني .. انت اول واحد بيقرا البوست :)
_________________
سلمى
صباحه نكد على ابوه .. اية يا بنتي حوار حدث بالفعل ده انا عرفت الكلام ده من كام يوم مش من كتير .. بس مكنتش اعرف البنت .. حبقى اكتب قصتها في مرة .. حجرب
________________

sofinqoraso
تصدقي كلامك صح اوي .. عشان محدش يضيع فرص بعد كده .. والله انتي دماغ

heba said...

البوست جمييييل يا لميا بس المفروض كان يعمل خطوة لقدام وميقعدش جنب النافذة مستني .. اهو ضيعها من ايده .. كان زمانهم واقفين جنب بعض في النافذة سوا .. كتاباتك دائماً رائعة ونهاياتها غير متوقعة سواء كانت سعيدة ام حزينة

elkamhawi said...

كبرى فونت الخط شوية ارجوكى

smraa alnil said...

بصي انا قريتها بس فاكرة اني حطيت تعليق قبل كدة
بس واضح ان الزهايمر بقي

لا هو مش زهايمر
انا ساعتها عيطت
وجعتيني يا لميا

Feras othman said...

dear lamia

happy endings are somthng rare nowadays and day after day the life is getting harder , so why wont we try to make a diffrence and try to bring the happy endings even in our writtings ?!! at leastlets dream , wish that you
understood my point.

once there was a famous writer in france he wrote a series and most of the people was following the story part after the other but , he decided to kill the main character in his story as a kind of change or somthn in his mind , so a lady came to him and knock his door , so when he opened she was crying and slapped him saying :why even the storys cant have happy endings ?! is it much on us ?@@

...its a true story i read but cant remember the names :)

be safe my friend

nour said...

اوووووووووه
ضربة جامدة اوى يا لميا
و انا اللى داخلة علشان اقرا شوية رومانسية و حركات:)))
بس جامدة جدااا

نغم said...

القصة جميلة جدا
وعلى اد ماهى حزينة
لكن مؤثرة
لكن انتى كنتى مطولة فى تفاصيل نظراته واحساسه بيها

Unknown said...

ليه كده بس؟
أنا بحب النهايات السعيده, ليه كده؟
بجد كان نفسي تعرف هو بيحبها أد ايه, كان نفسي أوي.

Muhammad said...

قليل البخت يلاقي العضم في الكرشة .. و الاقل منه يلاقي الكرشة في العضم .. و المنحوس تماما اللي بعد ما يجرب كل الابتسامات تموت اللي هيبتسملها .. رفقا به يا اخت لميا .. ما زالت يداك ملوثتين بدم البطلة .. قتلللللللللللللة

LAMIA MAHMOUD said...

شمس
والله يا شمس الحياة نفسها نهياتها مش متوقعة .. يعني شوية كده وشوية كده .. نورتيني يا جميلة
_______________
القمحاوي
حفكر:)
__________________
انجي
بصي هو انا مش عارفة اية حكاية العياط دي .. يا بنتي دي الحقيقة الوحيدة في الدنيا
بس عموما انتي منورة
_____________________
فراس
promise i will write more of happy ends .. don't worry .. thnx 4 ur opinion and the infromation my dear friedn
______________
نور
ما تقلقيش .. الرومانسية جاية جاية .. كله باوانه يا بنتي .. عايزين نشوفك
______________
نغم
بتشدني الاراء الجديدة .. رايك في الاعتبار جداااااااااااااا
_______________
اسراء
الاول منورة .. العيلة دي كلها بتنورني لما بتيجي .. مع انك مش بتيجي كتير زي تسنيم وموني بس منورة .. عموما هي زمانها عرفت كان بيحبها قد اية .. لكن كان ممكن نقول انا كان نفسي يعرفوا بعض
_________________
فريكيو
بص بعيدا ان القصة دي مش عاجباني .. ومحبيتهاش اصلا ومش حلوة .. بس انا يدي ملوثة بدم قلوب معظم ابطال قصصي .. او بدمهم هم نفسهم .. النهايات السعيدة قليلة عندي

~ Bato0ot ~ said...

leh keda :@ 7aram 3aliki el wad kan mestneha .. da ana kont a3da mstnya ashof hyksar khagalo da w yklmha ezay :M ya sherera
bas 7elw awy

LAMIA MAHMOUD said...

بطوط
حبيت اغلس عليه .. عشان الناس اليل بتقعد ساكتة زيادة عن اللزوم
:)