Sunday, February 04, 2007

انهيار

الو
ايوة .. ازيك يا لولو عاملة اية يا جميلة
ازيك يا لمي .. مالك يا بنتي الف سلامة كلمتك عمو قالي تعبانة
سيبك سيبك .. انتي عاملة اية
كويسة .. تمام
يارب دايما
لحظة صمت
لاء مش كويسة .. مش كويسة خالص
اية ده بس مالك في اية
انا و ..... سيبنا بعض امبارح .. اخر مرة حشوفه حتبقى امبارح .. انا حساني لسة مش فاهمة
صحيت من النوم بصت لمرايتها
الكحل من الدمع تحت عنيها كان سايح
والروج سايب لسة رتوش من ليلة امبارح
جت تغسل وشها خافت
تمسح بايدها اخر اثر
لشيء كان طول العمر بينهم ..
وامبارح بس انكسر
دي مش قصيدة ومش شعر .. دي بقرر موقف حصل

59 comments:

shaimaa said...

ummm gmeel ya lamia bs ana nfsi b2a tms7 kol 2sr mesh bs wshha w t3di..kolo be3di ..mesh kda brdo?

كلمه said...

2a7san 7aga en elwa7ed mayfkrsh fe karar nafezo ..... 3`alat 2w sa7 .... mesh mohem w mesh far2a keteer
elkarar 2etnafez 5alas

Mony The Angel said...

:( :( :(
ra2e3a ya lmy
bgad ra2e3a
msh adraa 2ool haga tania :(

الوردة السوداء said...

جميلة خالص يالمى
بس غصب عنها لازم تمسح الاثر

Anonymous said...

ازيك يالومى ياحبيبتى بقالى كتير بعيد بس واحشانى وواحشنى كلامك الجميل... تفتكرى الاثر ممكن يروح ماعتقدش دايما موجود حتى لو مر الزمن مابيتمحيش الاثر وبيكون مؤلم حتى مع مرور الوقت .....سلمى

we2am said...

ana t3bt mnk awe..7ram 3leke b2a msh kida..maby3mlosh kida!!!! :S :S
ana etwg3t ya she7'a..w b3den?
ya rab kolo y3dy b2a..ana t3btttttt mn wag3k elle fe om el blog dah!! :S

A L A B D E L R H M A N . said...

مساء الخير عزيزتي دي او زيارة ليا
ودايما يارب
ــــ
اممممم بصراحة عادي الحياة دي
تلاقي وفراق
حب او عذاب
ظل او حقيقة
نفاق او صدق


عادي جدا الأهم ان نستمر في الحياة ونتعلم من كل يوم ومن كل تجربة
حتي نصل إلى الصورة الاى بنتمنا نعيشها

تحياتى
.العَبدِالرَحَمن

مـحـمـد مـفـيـد said...

الحالمه لمياء
الحياه هكذا كالقطار الكل يهبط في محطه معينه فمتي نهبط ومتي نصعد لا احد يعلم
ولكن البكاء لا يفيد خذي الدرس والعبره لكي تعودي قويه كما كنتي

nour said...

:(((
حاسه انا بالموقف ده مع انه محصليش يعنى
بس الحكايه دى بتوجع على فكرة
انا مضايقه لها
:(((
بس لو انا منها
همسح كل حاجة من اثر امبارح
اشطاط يعنى

ody911 said...

ربنا يصبرها

وصدقينى إن شاء الله ربنا هيعوضها غيرووا

وعادى بقة
أودى

آه فى مفاجئة ليكى عندى

عدى عليا

LAMIA MAHMOUD said...

شوشو
كله بيعدي يا شوشو .. كله بيعدي:)



كلمة
حقولها حاضر .. عنيا ال2
اه وموبايلي بايظ .. مش بعرف ارد على حد محدش بيسمعني:)



موني
شكرا يا خبث .. سوري اقصد يا موني:)
شكرا يا جميلة



الوردة السودة
ان شاء الله حتمسحه بس لازم تاخد وقتها يعني




سلمى
وحشتيني يا بنتي ووحشتني نظرتك التشاؤمية للحياة .. كل حاجة بتروح يا سلمى .. ومع مرور الوقت بتبقى اتفه مما نتصور .. اصالة بتقولك خدت الحكاية وقتها وكل شيء بينا انتهلا .. وبقيت اشوفه زي اي حد عادي واقل من عادي:)
وحشاني يا بنتي



وئام
لاء الف سلامة عليكي .. مش عاجبك وبتيجي تقري وبتحبيه .. خلاص بقى مش حواري .. اية الكومنت اللي تحسيه ناقص سب دين ده يا بنتي:)
المهم انه عجبك..مش لاقية وش بيطلع لسانه هنا .. يلا ما علينا




العبد الرحمن
اكيد حتستمر .. هو انا قلت ان البنت حتموت .. انا بقول امبارح وهي موجوعة النهاردة .. ده حقها المنطقي جدا على فكرة .. نورتني في اول زيارة ويارب ما تكونش الاخيرة




محمد مفيد
العبرة مش ليا .. بس حوصلها لصاحبة الشان ان شاء الله :)




نور
هو الموقف صعب وبايخ و.... و... و...
بس اوعدك اني حخليها ان شاء الله تمسح اقر كل الايام .. مش امبارح بس

Epitaph said...

temsa7 el ko7l w kol 7aga!!
w terag3 raseha li wara
w tensa!!

Ma-3lina said...

remove ur makeup , erase everything from ur memory , nd try to start over again telling ur self that ur strong , u will find someone special that will appreciate u one day

dont ever lose hope , or quit living

mano said...

حلوه قوى يا لميا
بس لازم تمسحه
لو مش النهاره يبقى بكره

Amira Hassan said...

مش عارفة اتكلم

بجد مش عارفة

عيني مدمعه

و متنحة

افتكرت حاجات كتير اوي مكنتش انا برده عايزة اسمح اثرها

سواء حاجات بمزاجي او غصب عني

و سواء كانت حاجة حلوة او حاجة و حشة

عارفة افتكرت كمان حاجة عبيطة اوي بس انا واثقه انك هتفهميها

لما باكل ااشيكولاته مش بحب اشرب ميا و لا اكل حاجة فطرة بعديها
عشان طعمها يفضل في بقي
عشان انا بعشقها زي ما انت عارفة

بس عارفة بعد كده بشتاق للبيتزا

لانه مينفعش اكل شيكولاته طول عمري مهما ما كنت بحبها

لميا..دوسي في البيتزا بقى

LAMIA MAHMOUD said...

ابي
وقد كان



ما علينا
da b2a tb3 nezam .. I 'll survive:)
i am sure 2n fe hope in every step of our life




مانو
هو الاكيد انها لازم تمسحه عشان المكياج كذا يوم مضر لبشرتها .. والمعنى في بطن الشاعر:)



ميرو
حبيبة قلبي
معلش على الدموع ومعلش على اي حاجة .. بس عايزة اقولك ان الشيكولاتة مش مفيدة لاي حاجة اما البيتزا فبتشبع فمن غير ما تقولي هي واحدة بيتزا فاميلي سايز لبقية العمر

sara said...

ايه ده يعنى مش هتغسلي وشك خالص يا اوختشى........
؟؟؟؟

sara said...

على فكرة عجبتنى والله مع انها مش قصيده زى ما انتى قولتى

sara said...
This comment has been removed by a blog administrator.
frozen love said...

جت تغسل وشها خافت
تمسح بايدها اخر اثر
لشيء كان طول العمر بينهم ..
وامبارح بس انكسر



no comment....khoof msh mkano...we dm3 msh zmano

Feras othman said...

جت تغسل وشها خافت تمسح بايدها اخر اثر لشيء كان طول العمر بينهم ..

then ....she decided to have a bath and after she finished she went with slowly steps to the stereo because since yesterday there was a tone in her mind she was singing un contiously saying : ana la 7beebee w 7beebe eli ya 3sfoura bayda la b2a tes2li ..la y3tab 7da wla yes2al 7da ..ana L 7bibi w 7bibi 2elli !!! and was playing the song over and over ..by..(FAIRUZ)

Feras othman said...
This comment has been removed by a blog administrator.
Feras othman said...
This comment has been removed by a blog administrator.
Feras othman said...
This comment has been removed by a blog administrator.
Feras othman said...
This comment has been removed by a blog administrator.
أخف دم said...

أحلى حاجة انها مش قصيدة ومش شعر..
يكفى انها بتعبر عن موقف حصل.. وبأسلوب جميل رقيق..
تحياتى

LAMIA MAHMOUD said...

سارة
اه يا ستي حتسيبه كده بعفانته:)
يارب دايما كده اعجبك




حامد
ده هو ده زمانه .. وهو ده مكانه




فراس
سيناريو رائع تكمل بيه الحدوتة:)
اختيار موفق للاغنية




اخف دم
اكدب يعني واقول شعر:)
مبكتبش شعر .. المهم انها عجبتك

لولا said...

بيقولوا اصعب لحظات الحب هي الاشتياق وابشعها الفراق
فعلا الفراق صعب اوي على اي حد يتحمله وزي مابيقولو برده
ليه اللقا مثل الفجر يمر عابر؟وليه الفراق مثل البحر ماله اخر؟
لكن هقولك حاجه اللقا ده قدر والفراق قدر ولازم نرضى بالقدر

بنى أدم مع وقف التنفيذ said...

ساعات ما حد يقولك حاجة متعرفيش ترد
لانك كلامك ملوش لزمة ..كلامك مش هيغير حاجة

ربنا معكى

Feras othman said...

lamia

:P sorry 3l comments el ktar elli kano sd2eni ma b3ref keef sar hek ;P

but i keep saying ur posts are very nice .

be fine my friend

Amr Ahmed said...

اجمل مافي البوست صدقه

لانه واقعي
تحياتي اليكي

وتجربة وعدت

Anonymous said...

قوليلها ان كل حاجة بتاخد وقتها .. انا كنت اعرف واحدة بتحب واحد حب اكبر من الدنيا كلها وصدقي انه انتهى


وكنت اعرف واحد بيحب واحدة وفاكر انه عمره ما حينساها ولما شافها قريب حس بالحنين بس الحنين .. والحنين مش كافي انه يكون حب


قوليلها كله بيتنسي
u know

LAMIA MAHMOUD said...

لولا
والله يا جميلة انتي معاكي حق .. في مرة كومنت كان جايلي من اوما بتقول انك لما بتقعدي تفكري كتير في الاخر بيغلبك ان فيه كلمة سحرية اسمها النصيب وبتنسي وبتعدي .. ومحدش عارف الاحسن فين .. نورتيني يا قمر




بني ادم مع وقف التنفيذ
والله في مواقف كتير جدا بتبقى الناس محتاجة حد يسمعها بس .. ربنا معانا كلنا





فراس
be sure that ur comments made me happy .. so there is no need 2 be sorry .. thanx again 4 ur opinion
take care




عمرو احمد
كل التجارب بتعدي .. شكرا ليك ونورت :)





u know
i 'll tell her that we can forget anything .. and i 'll tell her ur stories i think i know them .. thnx 4 passing

Utopian said...

ساعات بنطحط في مواقف
نفتكر بعدها ان الحياه مستحيله

بعدها بفتره بنكتشف انه كان مستحيل نكمل حياتنا كده

sherif gharib said...

لميا
على فكره واضح انها بتمسح الاثر الخارجى بس للصوره
الرتوش الخارجيه يعنى بس لسه ملامح الصوره جواها و الله اعلم ايه اللى يقدى يشيلها اكيد مش شويه ميه
تحياتى

توهة said...

مش حفيدك قوى بالتعليق بتاعى لأنى اساسا مابقتنعش بالحب وحواديته

مش عشان حاجه بس يعنى مهمش بالنسبه لاحلامى


المهم انك تفوقى من اللى حصل والله مافى حد يستاهل نزعل عشانه

وبالتدريج مع الوقت الذكرى بتزول



حاولت ادخل على اول بلوج بس لاقيته كله عنجليزى وانا بزتلذ القراءه بالعربى


يلا تحياااااتى

smraa alnil said...

بصي
انا حاسة بيها اوي
بس هي لازم تمسح الاثر غصب عنها او برضاها
هيجي عليها يوم وتفوق
وتشوفه بعد كدة عيني عينك وتقنع نفسها انها نسيته
ربنا يصبرها علي المها يارب

عروسة النيل said...

those lovely words telling u r strong
and u r on yr way to get over this
good luck :)

إنـســانة said...

جت تغسل وشها خافت
تمسح بايدها اخر اثر
لشيء كان طول العمر بينهم ..
وامبارح بس انكسر

الأثر هيتمسح برضاها او من غير رضاها
لأن الزمن بينسى كل حاجة
ومسيرلها تلاقى الشخص اللى ينسيها كل معانتها وحزنها

يارب آمين

مُزمُز said...

خليها متغسلوش

عادي يعني

هي أصلا حتى لو غسلته مش هيتغسل غير بأثار تانية جديدة هي دي طبيعة الحياة يعني الأثر بيغسل اللي قبله مش احنا اللي بنغسله وأحيانا على فكرة بنبقى فاكرين وشنا عايز يتغسل وكده بس هو أصلا معليهوش أي اثر من أي حاجة فاتت إنما احنا اللي بنتوهم بمزاجنا إن عليه اثر ما وبنفضل متوهمين كده لحد ما يحصل الحدث الجديد اللي احنا مستنيينه ويبنلنا فعلا إن وشنا مكانش فيه أي اثر لأي حاجة وإنما احنا كنا بنتلكك في انتظار شئ ما

إيه اللي أنا بقوله ده
أنا بصراحة مش فاهمني

el2ahwagi said...

awalan elta3beer 3an elmawqef.. ra2e3..ta7yati le2ebda3ik felketaba...!

amma 3an elmawqef nafso... fa da beyetkarrar fi kol 3elaqa feeha wa7ed ba3... ma3 en eltani eshtara ...

law yenfa3 mas7 elzekrayaat beasteeka kont a2olik khaleeha temsa7ha... lel2asaf elzekrayaat beteb2a ma7foora...momken elayaam yekhali loonha bahet bas mosh momken tem7eeha.... khaleeha temsa7 elko7l wel rouge yemken elgar7 ylem raghm enno hayseeb 3alama bas mosh haykoon maftoo7..!!

LAMIA MAHMOUD said...

Utopian
هو ده الكلام الصح .. ساعات كتير بيعدي علينا مواقف بتكون احسن انها تحصل واحنا بنتصور انها نهاية العالم
_____________________
توهة
هو في الاول منوراني هنا وانتي تروحي مكان ما تحبي .. بعد كده رأيك صح مفيش حد باع ويستاهل ويتبكي عليه .. نورتيني
_____________________
سمرا
انتي عارفة انا كمان حاسة بيها اوي .. وعشان كده عارفة ان الاثر مش حيتمحي بسهولة حياخد وقته .. بس المهم انه ميكسرش بس يقوي
________________________
عروسة النيل
it's not my story .. but it's my words .. any way thank u 4 ur wishes .. and nwrteny ya gamela
_____________________________
انسانة
ادعيلها .. بس تعدي الفترة دي لحد ما الاثر يتمحي
________________________
مزمز
لاء انا فاهماك .. وكلامك صح اوي
_______________________
القهوجي
اولا شكرا اوي .. ثانيا انا عارفة ان الموقف ده بيتكرر كتير .. بس المهم فعلا انه حتى لو ساب اثر زي ما بتقول ميفضلش الاثر ده يوجع ويرد عليها كل شوية
شكرا

Lion king™ said...

:(
زعلتيني
:(

بس المهم متستسلمش
خليها تقوم من جديد
وكل اصحابها هيساعدوها
واكيد ازمه وهتعدي
المهم ان متكنش المصيبه في الدين

~ Bato0ot ~ said...

mmm... 7asetek awy m3 en ma7saleesh keda ..
gameela awy bas lazem tmsa7 el asar 3ashan she have to start new day..
The Show Must Go On ( moulin rouge ) m3rfsh leh fakrteny bel klma de awy !

LAMIA MAHMOUD said...

lion king
don't worry .. she will rise again
______________
batoot
i think u remembered this sentence cause it's true .. the show must goon

vetrinary said...

عدد المنافقين اللى عندك كبير اوى
بس انا هقلك على حاجه محدش هيفهمها غيرى انا وانت
فليبدا الفانون بالتحدث
وليعلمو ان الكذب هو خطيئتنا المفضله
ولا احد يكذب على ساده النجوم
دكتور لوسيفر
واخيرا
بكى اسعد ولكى قلبى يطرب

LAMIA MAHMOUD said...

vetrinary
طيب وانا دلوقتي اقولك شكرا على الزيارة .. ولا اسلوب مبتكر للاهانة .. عموما يا سيدي انت ما شوفتنيش كاتبة انها مدونة من مدونات اروع الكتاب في مصر .. دي مساحتي الخاصة ان شالله اكتب فيها عن البطاطس المحمرة وطريقة صنعها .. ثانيا بقى مش من حقك تهين حد معلق عندي .. عموما رايك يحترم .. وخصوصا انه اتقال باسلوب واضح فيه نوع من انواع الثقافة بشكل او باخر

Carmen said...

جت تغسل وشها
خافت تمسح بايدها اخر اثر
لشيء كان طول العمر بينهم .. وامبارح بس انكسر

حلوة قوى الجمل دى

بس هيا لازم تمسح الاثر مش بس من وشها
.....لا الاثر اللى جواها

لازم تعرف ان الدنيا مش بتقف عند حد

vetrinary said...

am apologize

اخر من الاخرين said...

حتي لو الاثر اتمسح من علي الوش عمرة ما هيتمسح من القلب . القلب لما يحب عمرة ما ينسي

بين الأمل و اليأس said...

انا جاي هنا اسلم والقي التحية بعد طول غيبه
بس لقيت ان الحب مابيتغغيرش واللي في القلب مش ممكن ننساه
ربنا يعين الكل
بجد فعلا اللي بيحب مش هاينسى لكن لازم نقفل عليه وننساه لان الدنيا مش هاتستنى بس الحزن من ابسط الحقوق
الاهم عدم الاستمرار
وربنا يسترها

LAMIA MAHMOUD said...

كارمن
تمام والله .. الدنيا عمرها ما بتقف عند حد




vetrinary
لاء مش محتاجة اعتذارات .. ده رايك ولازم يحترم .. ان كان في اعتذار يبقى لكلمة منافقين بس اللي اتقالت:)
نورتني




انسان
لاء هنا ممكن نختلف القلب لما بيحب بينسى بصعوبة .. بس مادام حد باع لازم ينسى

koukou el kemil said...

لو ممسحتش الكحل هيفضل الأثر ده يوجعها طول عمرها

LAMIA MAHMOUD said...

كوكي
ادعي انه يتمسح .. عشان انتي معاكي حق

LAMIA MAHMOUD said...

بين الامل واليأس
فيييينك .. اية الغبية دي .. اديك قلتها .. حينسى والاثر حيتمسح .. بس حاليا الحزن من ابسط الحقوق .. ما تغيبش تاني كده

camellia said...

حقيقي احساس عالي زي عادتك بس دايما كدة الفراق لعنة طعمها بطعم القمر أتمني أشوفك علي مدونتي http://inmytrain.blogspot.com

LAMIA MAHMOUD said...

كاميليا
لعنة بطعم القمر .. مش عارفة اقولك اية غير انه تعبير عبقري

Anonymous said...

كلماتك جميلة جدا ...بتدخل القلب بسهولة تامة
بالتوفيق

LAMIA MAHMOUD said...

Anonymous
شكرا .. نورت