Tuesday, February 13, 2007

كل سنة وانت حبيبي



في البداية كنت اقول رايي بصراحة تامة فيما تعارف على تسميته عيد العشاق .. او الفالانتين داي .. وقد كان رأيي وبكل صراحة انه لم يوجد ابدا من يدعى بالقديس فالانتين .. ولم يكن هناك منعا للزواج .. او .. او .. او كل هذا العبث الذي يقال عن اصل هذا اليوم .. وانما هي اتفاقية تصالح عليها اصحاب المحلات التجارية لابتزاز العشاق في هذا اليوم .. طريقة لمنع بضاعتهم من البوار .. او بمعنى اكثر دقة هي وسيلة وضعها احد الاقتصاديين لمنع الكساد في تجارة التيدي بيرز
وبالرغم من رأيي هذا الا انني لن انكر انني في سنوات مراهقتي كنت اسمح للتجار بابتزازي ولكن دون ادنى شعور بقيمة اليوم .. لازلت متمسكة برأيي كنت ولكن من انا لاتحدى ابتزاز يتقبل الاغلبية الخضوع له
تطورت بي السنوات .. واصبحت اتمسك بفكرتي ورأيي ومنطقي في هذا اليوم .. وكنت اصر على قضاء اليوم مع صديقتي العزيزتين بدون اي تدخل ذكوري .. فان اصرو على تسميته عيد الحب فنحن نكن بعضنا لبعض الحب الكافي .. ام يجب ان نلخص الحب فقط في نظرة رجل وامرأة بعضهما الى بعض
والآن وبعد سنوات .. وبعد ان اعتقدت ان شخصيتي قد استقرت تماما ورست على ميناء تبلورها النهائي .. وانني لن اغير رأي من ارائي .. قابلتك
اليوم اجدني اجلس لافكر كيف سيكون يوم الغد .. هل سأراك .. بالطبع سأراك .. وان كنت احتفظت بفكرة وجود اصدقائي .. ولكنني سأراك .. فاليوم هو يوم احتفال بالحب كمبدأ .. وما انت الا الحب ملخص في شخص .. اذن فاليوم هو احتفال بك
انطلق بخيالي بعيدا عن ارض الواقع .. فبغض النظر عن اننا سنقضي اليوم برفقة اصدقائي .. الا انني احاول تصور كيف كنت اريد ان اقضي هذا اليوم وانا احتفل بك في حياتي .. هل نقضيه سويا في مركب شراعي تبحر بنا في النيل كما كنت تحلم .. ام على شاطئ المتوسط في الاسكندرية ورقصة سلو على اغنيتك المفضلة .." فهي لا تجيد الرقص وانا لا اجيد الرقص ولكن كيف اقاوم ان تكون في احضاني"..الم تكن تلك جملتك في حلمك الذي كتبته من قبل ان نلتقي .. ولكن اسفة فانا اجيد الرقص حبيبي .. حسنا اليوم سآخذ بيديك .. وأعلمك اولى الخطوات ولنرقص سويا على اغنيتك المفضلة وعلى شاطئ البحر .. هل هي وسيلة كافية للاحتفال بك؟ .. لا ادري
دائما ما تقلها لي .. ان اسعد لحظاتك حينما تراني سعيدة .. اذن فلنجرب تحقيق حلمي انا .. انا وانت في مكان على البحر ايضا ولكن بحر وصخر .. وليس بحر ورمال .. لست مولعة بالرمال حبيبي .. ولكنني سأعشقها حينما نرقص عليها رقصتك المفضلة
اتدري .. ولما نفتصر حلمي على مكان واحد .. فلاحتفل بك في خيالي على طريقتي .. سنبدأ بالابحار ازلا في ذلك المركب الشراعي الذي تريده .. فقط انا وانت في مياه النيل .. فلتنظر اليوم في عيني لتراك .. لالا تخلص من ثوب المحرر الآن فالجملة لا تحتوي على اخطاء لغوية .. ستنظر الى عيني لتراك .. سترى نفسك بكل تفاصيها .. الان اخبرني كم تحبني فأنا متلهفة لارد عليك الكلمة .. احبك
الان سنرسو بمركبنا .. وننطلق الى الاسكندرية .. نقف على اهدأ شواطئها .. وسنترك سيلين ديون تغني .. وين اي نيد يو .. هيا امسك بيدي .. سأعلمك اولى خطوات الرقصة .. او دعك من ان تتعلم يكفي اننا هنا ومعا .. ها هو البحر .. وها هي الرمال .. واغنيتك المفضلة .. ورقصتنا الاولى حبيبي .. وهذه المرة سأبدأ انا .. سأخبرك انا كم انا احبك
الآن فلذهب الى بير مسعود .. اغلب الظن انه هو المكان الوحيد في مصر الذي يجمع بين مياة البحر والصخر .. ولن احاول ان ابتعد بحلمي عن ارض مصر .. فقد جعلتني اعشقها .. من خلال حديثك عن نيلها والبيوت القديمة جعلتني اعشقها .. سنجلس الان في اي مساحة خالية .. ابتعد عن زحام العاشقين .. فأنت الحب بذاته .. متجاورين .. ننظر الى البحر .. صامتين .. لن يبدأ احدنا .. فأنا اسمعها دون كلمات .. اراها في عينيك .. وتسمعها من همهماتي الغير واضحة المعالم
اعتقد اني سأخبرك اني كنت اعشق الجلوس في هذا المكان بمفردي .. وانك اول من يشاركني تلك الجلسة .. ولكنك تعرف بالفعل .. تقرأ ما بداخلي .. حتى احيانا اشعر انك ستصيبني بالجنون .. حينما تخبرني بما افعل خلال حديثي معك .. اجدني رغما عني لالتفت لاراك علك تجلس بجواري دون ان ادري .. وفي النهاية ابتسم ابتسامة خافتة لاني اخبر نفسي انك بالفعل هنا .. فانت بداخلي .. لم الاستغراب من ان تعرف ما افعل
انتهى اليوم حبيبي .. هل اعجبك؟.. ولكنه للاسف كان احتفالي الخاص بك ولكن في خيالي .. فقط في خيالي .. ولكن لا يهم .. المهم انني سأراك غدا .. ستكون معي .. اين؟ .. وكيف؟ .. وفي وسط من؟ .. لا يهم
وسأحتفل بك .. وبدخولك حياتي .. وبأنك هنا ومعي
علمتني ان احلم دون نوم
بعشقك

50 comments:

We2am said...

mmm...ana nmt 3la ktfk t2rebn w enty btklmy! :)
gameel awe ya lmy..happy valantine's day enty w 7bebk elle "bt3sh2eh" ;)
esloob floating..ka2nk bthzy 6fl fel sreer..a7lam 7elwa..ya reet tob2a waq3 bokra..bokra bokra :)))

dead man said...

حبيبتي..
لم يكن يوما القديس فالنتين موجود قبل مجيئك.. ولااى من القديسين..

جبال الأوليمب لم تكن يوما هنا لكي يقف عليها زيوس متأملا البشر مخاطبا كيوبيد الصغير بين الحين والاخر.. فكلهم كانو في انتظار ظهورك كي يبدأو عملهم..

صغيرتي لا يوجد حلمي الان بل هو حلمنا.. فلا مكان في قلبي لحلم لا تظهري فيه.. فلا معني للنيل بدون وجهك.. وماذا تساوي رمال وشاطيء وصخور العالم بدونك..

ب
ح
ب
ك

mariam said...

ياه بعد كل ده يطلع خيال
اسلوبك حلو يا لمى
بس عجبنى قوى تمسكك بقضاء اليوم مع صحابك
بحب قوى الناس اللى يقدروا قيمة الصداقه
كل سنه و انتى طيبه يا لمى

LAMIA MAHMOUD said...

معلش يا وئام حرد على احمد الاول

حبيبي
انت كتبت كلام بالبوست كله .. طبعا مش حعرف اقول نص اللي انت قلته وانا برد عليك .. بس حقولك ان برده مفيش اي حاجة ليها طعم من غير ما تكون موجود .. بحبك اوي .. ب..ح..ب..ك

LAMIA MAHMOUD said...

وئام
وئام وئام .. اصحي بابا جاب موز .. قومي يا بنتي .. ميرسي على كلامك انتي عارفة رايك يهمنا .. طبعا هي الاحلام حلوة والاحلى منها انها تكون احلام مع حد صح اوي
___________________
مانو
معلش بقى طلع خيال بس ان شاء الله يتحقق .. طبعا اصحابي موجودين .. وحبيبي موجود .. يعني اليوم ده انا اسعد حد في الدنيا عشن كل الناس الي بحبها موجودة .. ابقي قوليلي حتقضيه فين يا جميلة

shimaa said...

ana b2a nmt 3la ktfk eltany ya lmy:)
happy valentine' day ya gmela leki w leeh ..w rbna ye7'leko lb3d
el27sa 3ali 2wii.ana ro7t m3ko el2mkan eli 2olte 3leha..sorry 3la eltatfol:)
w brdo 27na 2s7ab w hnfdl swa isa kol valentine

ola salem said...

وسأحتفل بك .. وبدخولك حياتي .. وبأنك هنا ومعي
طالعة من القلب بجد
هابى فالنتين داى يا قمر

Amira Hassan said...

بجد مش عارفة اقولك ايه يوصلك اد ايه انا فرحانه انك حبيتبي بجد
هقولك بس فاكرة لما كنت بقولك انك تستاهلي حد يحبك بجد عشان انتي بتعرفي تحبي اوي...و لما كنت بقولك ان من حقك انك تلاقي حد يضحي عشانك و و لما انتي تضحي عشانه تعرفي ان حبه ليكي يستاهل التضحية دي...و كنتي ساعتها مش مصدقاني..


ربنا يخليكوا لبعض يارب يا لمي يا حبيبة قلبي

يارب يحافظ عليكي
و انتي تحافظي عليه

LAMIA MAHMOUD said...

شوشو
اه يا انتي على كتف ووئام على التاني وجايين معانا .. طيب اية يا جماعة مش اصول دي:) .. طيب سيبوا كتف فاضي .. راس وكتف يا شيماء .. قرياني انتي طبعا:) .. ربنا يخليكي ليا يا حبيبتي
______________________
علا
ما هي من القلب فعلا يا جميلة
__________________________
ميرو
اه فاكرة يا اميرة .. وفاكرة اني مكنتش متوقعة اني حعرف احب اصلا .. وفاكرة اوي انك طلع معاكي حق .. ومش حنسالك انك انتي اللي عرفتينا على بعض يا ستي:) .. اه وفؤش اللي عرفك على احمد .. يعني فؤش الاساس
انا عارفة انك فرحانة عشان انا ساعة فؤاد كنت طايرة .. ربنا يخليكي ليا يارب

frozen love said...

lesa knt h2ol ana 2ret el7lm elgame da 2bl kda fe 7eta aw 7aga shbho..eftkrt lama 2ret comment " dead man"...el7lm dl2ty ektml...nice post ya lmy..klam r2ee2 awyyy..we mn el2lb

Mirage said...

ربنا يكتب لك السعادة دايما

مش عارفة ليه حسيت إنها كبيرة .. بس بجد فرحانة قوى علشانك

nohamy said...

كل سنة وانتى طيبة ...
بنسبة للموضوع التجارى
مش عيد الحب بس اللى بيتم استغلاله تجارى ..كل الاعياد
شم النسيم و الاضحى و الصغير و

bagabigo said...

كل سنة و انتى طيبة يا لميا و يا رب كل احلامك تتحقق

smraa alnil said...

انا قلبي هيقف بجد

انتي واحمد

انتي عارفة احمد دة اخويا يا لميا

بقولك ايه
انا حماتك من اولها

تفكري للحظة انك تزعليه او مش يفوت عليك لحظة ومش تقوليله انك مش بتحبيه

شوفي بقي اللي هيحصلك مني


بجد انتو الاتنين مش ليكم حل

مش تتخيلي اد ايه مبسوطة

ربنا يهنيكم ببعض
ويسعدكم ببعض ويجمعكم في الخير

وبما ان احمد اخويا فاكيد انا هشوفك بفي
مش هبقي حماتك
هههههههه
خلي بالك منه يا لمي

بجد مش هتلاقيه زيه ابدا
احمد ملاك ماشي علي ارض البشر

LAMIA MAHMOUD said...

حامد
yes .. i think that the dream is complete now .. thnx .. ma t3'ebsh keda tany
_____________________

Mirage
شكرا يا جميلة .. فرحتك دي كمان عندي كبيرة:)
____________________
بني ادم مع وقف التنفيذ
تمام .. معاك حق كل الاعياد بتستغل بطريقة تجارية بحتة
____________________

bagabigo
وانتي طيبة ويارب وانتي كمان كل احلامك تتتحقق
____________________
سمرا
والله يا امجي انا حواتي كتير اوي .. وحموات احمد كتير اوي:)
بس سيبك انتي انتي حما زي العسل .. ما تخافيش على احمد احمد في عينيا ومش حنعدي لحظة مابقولوش بحبك .. ومش حعرف ازعله اصلا .. حتى اهو هو عندك اسأليه .. ربنا يخليكي يارب يا جميلة .. احمد فعلا ملاك .. فرحانة بيكي اوي

Anonymous said...

شو يالمي انت راح تركبيني الشعور

بجد يوم مميز جدا وماإلنا غير اننا نحلم ونعيش بهاحلم لحد مايجي اليوم ونلاقي فيه حبيبنا او بيجي اليوم يلي بنهرم فيه بدونه حتى ههه

مش راح اعملك احباط بس احنى البنات رومنسيين اكتر من اللازم ومابعتقد الشاب على قد ماهو رومنسي راح يكون بالشكل يلي وصفتيه


كل التحية حبيبتي

وكل عام وانت بخير وربنا يهنيك مع محبوب القلب

Oma said...

yaaaaaaaaaaah
ana 3la fekra mosh mo2mena belvanelntine de...la2en elly bey7bo ba3d betkon elsana kolha valentine 3andohom ;)

bas enharda ana mabsota awi begad wlahi..3shan nas kter es7abi mabsoten enharda w bey2olo lebad ba7ebk :)...w mabsota aktar eni awel lma s7et shoft elpost el raw3a da..bedaya mobashera lelyoum..w awel far7a leya..mabsota 3shanek awi w 7asa eni 3ayza agy abosek w a7donek w a2olek ya rab dayman w rabena maye7remko men ba3d..wenaby ya loomy 5aliko keda 7elwen w bet7bo ba3d..7afzo 3la ba3d :)..w ana 3arfa eni mosh hawaseki..

kont 3ayza aklmk today bs 4 sry ma5adtsh rakmk w aked enti mosh hatkoni online mosh fadyalna ba2a ;)..let me say it here..Happy valentine w happy life 4 ever

w 3ayza a2olek 7aga kaman..7asa eni ba7ebk,,w kol mashofek mabsota ba7es eni far7ana leki w ba7ebk aktar...

bas 5alas 3shan tawelt 3aliki,mestanya aklmk soooo soon
hope u have anice time in this moment;)

Ayat said...

إيه الحب ده كله؟!! أوعدنا يارب :) .. رائع يا لمياء

ody911 said...

ربنا يخليكوا لبعض ويخلى الحب ليكوا ويخليكوا له

ويدومها عليكوا نعمة

يارب

كل سنه وإنتوا بتحبوا بعض يارب

happy valentine day

والأغنية إللى هترقصوا عليها عندى

تعالوا شوفوها وقولولى رأيكوا

3aziz 3eni said...

لم يكن قديسا بل هو شخص عادى جدا ودى معلومة مهمة جدا

حلمت مع همساتك وتنهداتك وكان نفسى افضل جو الحلم ماصحاش

بياترتس said...

اللهم اتم عشقها بدوام الفرح وسكينة قلبها لها ولحبيبها

SomeOne said...

سلامووووووووو عليكووووووو

فالنتين سعيد على كل اتنين بيحبو بعض حب حقيقي

وايه يعني قصته حقيقية ولا لأ

يخدوا فلوسنا مش مشكلة

بس الناس كلها تحب

دعواتي للجميع بالسعادة

متغيرة شوية said...

كل سنة وانت بتحبي وتتحبي

Hamed Ibrahim said...

السنة قبل اللي فاتت كنت بسمع أغنية شيرين وفضل شاكر
كانت أغنية معبرة
السنادي كاتب قصة واحد مهبول عمال يدور على حبيبته
والمفروض يسمع كلامك
لا تنتظر أحدا فلن يأتي أحد
!!

السنة الجاية إن شاء الله وللأبد يتحقق الحلم

~ Bato0ot ~ said...

gameeel el kalam .. ana ba2aly kaza youm bafkar momkn aktb eh w msh la2ya 7aga aktbha 3al youm da m3 eno kan youm 7elw awy :D bas enty kalamek 7ew awy awy :) rabna yehneko b b3d ya gamil

vetrinary said...

متشكر على زيارتك للمدونه
والموضوع جميل
مع انى كنت عايز العكس

LAMIA MAHMOUD said...

ليندا
ياريت يا ستي تحسي بنفس الشعور .. انتي تستاهلي اكتر من كده .. اقولك كلمة في سرك وخليها بينا .. ساعات بخاف مبقاش انا اللي رومانسية بالقدر الكافي .. جايز البنات رومانسيين اوي في كل الحالات بس الاكيد ان الشاب لما بيحب بجد .. ودي بتحصل نادرا يعني .. بيكون رومانسي فوق ما تتصوري .. بتمنى حلمك الخاص يتحقق قريب واقراه واشوفه .. وتعيشيه .. نورتيني .. وبعدين مفيش احباك لازم يا بنتي نواجه بعض بالواقع .. صديقتي .. بتسعديني لما بتيجي هنا اوي
___________________________
اوما
عارفة انا كمان مكنتش مؤمنة بالفالنتاين .. لاسباب كتير اوي .. منها ان الحب مش ولد وبنت بس .. الحب اصحابي واهلي والناس الي زيك كده .. اللي بيحبوا الناس حتى من غير ما يعرفوهم ويخلوهم هما كمان يحبوهم .. بس اقولك على حاجة .. اليوم بيبقى مميز لما يكون معاكي حد بيحب بجد .. مش شرط لما تكوني عايشة قصة حب وخلاص .. لاء لازم تكوني عايشاها صح .. عارفة بقى انك فرحتيني بالبوست بتاعك وانا كنت مستنية اشوفك اون لاين امبارح بالليل بس انتي مجيتيش .. انا فرحانة بيكي اوي .. طولي في الكومنت زي ما تحب .. بحب اقراه
__________________
me
يارب يوعدك يارب .. انتي اللي رائعة
__________________
اودي
ربنا يخليك .. ويوعدك كده .. حروح اشوف السونج مع اننا محددين السونج اللي حنرقص عليها:)
____________________

Sokomonoce
شكرا على المعلومة .. وصحيت ليه كنت اقفل البوست وشغل فيروز انا لحبيبي وحبيبي الي .. وكمل الحلم
__________________
بياترتس
شكرا على الدعاء .. وشكرا على الزيارة
__________________
شادي فايد
اه يا سيدي ياخدوا فلوسنا .. ما هو ابتزاز برضانا .. يارب الناس كلها في حب .. هابي فالنتاين
___________________
متغيرة شوية
كل سنة وانتي في حب .. وكل الناس اللي حواليكي كمان .. نورتي
________________________
حامد ابراهيم
جرب تبطل تدور على حبيبتك .. جرب فعلا لا تنتظر احد .. فقد يأتي احد دون ان تنتظره .. سيبها كده تيجي بظرةفها .. اردم على اللي فات .. عقبالك يارب
_______________________
بطوط
حستنى اجي واشوف حتكتبي اية على اليوم ده .. عيشينا اليوم معاكي .. ربنا يهنيكي بحبيبك لو موجود .. وتلاقيه لو مش موجود مع اني عندي احساس كده والله اعلم انه موجود;)
______________________

vetrinary
العفو .. بس انا ما بزورش عشان متشكر .. انا باجي عشان اقرا ولو معجبنيش ما بسيبش كومنت خالص .. سعيدة انه عجبك .. كرر الزيارة تاني .. وياريت نبطل نتمنى العكس :)

Anonymous said...

الحب شىء جميل زى الورد الجميل زى اى حاجه حلوه بس المهم اننا ما ننجرحش منه وكمان انه يكمل فى الاطار الشرعى زى كل حاجة نحب نحافظ عليها ونخاف عليهاونحب انها تدوم على طول ، ولما نمشى فى شارع او نروح اى مكان مانخافش حد يشوفنا ويسرق فرحتنا ونتمنى انه يدوم طول العمر بفرحه كبيرة فى بيت صغير يضمنا وطفل يلعب وسطنا طبعاً انتم فاهمينى
وتمنياتى لكم بكل ما قلته وقصدته

Anonymous said...

ازيك يالومى ياحبى كل عيد حب وانتى بخير وحب دائم طبعا كالعاده انتى عارفه راى فى احساسك وكلامك فانتى رائعه بس عارفه احساسك ده لو عملتى توارد خواطر مع الى بيحبوا هاتلاقى الى بيرقصوا جنبك بنفس الحلم كتير وبرضوا بيسمعوا تقريبا نفس الاغنيه انا عن نفسى بحبها يعنى هاتلاقى زحمه فى الموضوع هاهاها ربنا يحقق الاحلام دى ومش هاقولك راى فى الفالنتين انتى عرفاه طبعا .... سلمى نفسى بس اقول حاجه نفسى الى بيكتب تعليق يبقى عنده الجرأه ويكتب اسمه

Memo said...

allahy wenta gahy ys3dak we ygbr ba7'trak ya benty we ybrklak
tahiatshyyyyy

~ Bato0ot ~ said...

3refty mnen :D:D ya sha2ya :D aho mawgod w ktbtlo klmten :D eb2y 2olili ra2yek :D:D

محمد حمدي said...

مانتو كدة يا مدونين ... تحبو بعض وتملو الدنيا بوستات عن الحب ... وما ينوب الى بيعمل كومنتس ومش بيحب زيى إلا إنه يتفرج ويتحسر ...

ربنا يوفقكم ويحرسكم من العين ...

خلو بالكو على بعض ...

سلام .

Mony The Angel said...

msh 3arfa a2olek eh..
awalan ana asfa awe 3shan met2a7'ara kal3ada, bas bgad ana hata makontsh barod 3al comments ally 3andy.. lsa rada 3alehom mn shwaia bas w getlek 3ala tool..
bossy hwa ana tool mana ba2ra al post wana 3amla kda " :) "
i think en al face da " :) "
fee kol haga momken a2olha mn hna lebokra asasan :)
kol sana wento bet7ebbo ba3d ya lmy (L)

sara... said...

هابي فلانتين
هابي فلانتين
هابي فلانتين

Anonymous said...

على فكره لما باقول اى كلام ده جد جدا وعلى فكره انا باحبها اكتر واحده واكتر من اى كلام ممكن يتقال وهى عارفانى كويس واسألوها حاتقولكم على طول دى اغلى انسانه عندى فى الوجود وربنا يخلينا لبعض مش كده يالولو

LAMIA MAHMOUD said...

ماما
علم وسيتم التنفيذ ان شاء الله يا حبيبتي .. وشكرا على حسن تعاونكم معنا .. المخابرات المصرية .. نورتيني والله يا ماما في اول كومنت وان مكنتش اول زيارة يعني .. ايميلات بقى يا ماما وظبطيني كومنتات
____________________
سلمى
المرة دي طلعت اوت مننا يا سلمى وطلعت ماما .. بس ربنا يخليكي ليا يارب .. وكل عيد حب وانتي طيبة .. واكيد وانتي احسن
_____________________
ميمو
يجبر بخاطرك كده نورتيني يا عسل .. خدي دي .. اموااااااااااه
__________________
بطوط
العصفورة قالت لي .. جاية حالا اهو اشوف
_______________
محمد حمدي
ربنا يخليك يارب .. حب يا سيدي حد حايشك .. انسى اللي فات وحب .. واملا بقى الدنيا بوستات انت كمان عشان نتفرج
_______________
موني
ما انا قلتلك بقى .. تيجي متاخر تيجي بدري المهم تيجي .. احلى حاجة انك ابتسمتي وانتي بتقريه .. مبقاش عايزة اكتر من كده .. كل سنة وانتي زي العسل كده زي ما انتي
___________________
سارة
هابي فلانتاين بال3
_____________________
ماما تاني
تاني كومنت على نفس البوست يا لهون يا لهون .. ربنا يخليكي ليا يا حبيبتي
بوسة كبيرة اهو على الفضائيات يا ماما

Yasmine Adel Fouad said...

ايه الاحساس الرائع ده
ربنا يخليكم لبعض
و دايما سعيدة

LAMIA MAHMOUD said...

انا حرة
ربنا يخليكي يارب .. وزعلت اني ما شوفتكيش

~ Bato0ot ~ said...

lamia .. we miss u .. mstnya 7aga gedida

LAMIA MAHMOUD said...

بطوط
فيه حاجتين جداد يا قمر حاجي عندك واقولك

~ Bato0ot ~ said...

ma2oltlish :'( .. i miss u moot

LAMIA MAHMOUD said...

بطوط
عشان ده شيء بديهي مش محتاجة اني اقوله .. هو اللي في قلبي مش واصلك


والله انتي بجد زي العسل

~ Bato0ot ~ said...

:$:$:$ waslny waslny :$:$:$
enty ely zay el 3asal :$:$

LAMIA MAHMOUD said...

بطوط
حلو حوار الكومنتات المتبادلة ده اوي .. طيب اية ما تجيبي ايميلك بدل ما مبنشيت كومنتس:)

~ Bato0ot ~ said...

look send me ur hotmail on bato0otlilangel@gmail

LAMIA MAHMOUD said...

بطوط
طيب ما انا عندي فكرة احلى .ز الميل عندك على البروفايل .. ولو معرفتيش تجيبيه اهو يا ستي
lmy20_incomplete@hotmail.com

~ Bato0ot ~ said...

i added u ya loma

LAMIA MAHMOUD said...

بطوط
تمام جدا

Malek said...

يا خبر أبيض
كل ده
فكك با بنتى من كليه التجاره دى و شوفيلك كليه تليق بمواهبك دى
انا تقريبا كنت هدور على معجم من قوه اللغه

LAMIA MAHMOUD said...

محمد مالك
باشا .. نورت .. طيب اقول اية بس اروح فين واجية منين انا في الكلام ده .. بس اية التعليقات المتأخرة دي يا معلم:)