Subscribe to:
Post Comments (Atom)
skip to main |
skip to sidebar
بغلة العرش
ريبيكا لدافني موريية
صاحبة الجاذبية النفسية المهلكة ;)
seasone 3
U can download the movie by clicking on the pic
يا ورقي الاصفر عم نكبر .. عم نكبر
Facebook Badge
I'm now reading
بغلة العرش
A book with memories
ريبيكا لدافني موريية
My Mood
صاحبة الجاذبية النفسية المهلكة ;)
I'm now watching
seasone 3
آخر حاجة شوفتها تقريبا
U can download the movie by clicking on the pic
Poetry
ساعات باسمع
على سريرك
آهات بتونس الغربه
وبتصاحب .. بيوت الصبر
والحرمان
سواقي العمر ده لفت
وتعبت م الفرح والحزن
تقولش الدنيا كات حالفه
تموت زعلان
وباتذكّر
خطاك في النور
خطى خايف ل يتكسر
عشان خايف تعيش مكسور
وحالف ع البيوت تفرح
وتضحك في الوشوش كداب
مابانش المعنى في القصه
وزيف الفجر ع الابواب
ماحِلـْمتش البنات بعينيك
وماقدرتش
تلامس م السما شعره
وماوصلتش
لسر الفجر في الصوره
وكيف الواد
ماداقش النشوه في التأويل
وكيف ان الميدان مغرور
وكيف ان الغنا بالليل
بيكشف زحمة المستور
ويلعن ضِحكة العِمدان
تقولش الفجر كان عارف
بإن نهايتك اللي عشان ماصدقهاش
تكون في عينيه
في عز الصمت والحيره
وعز الوحده في الانعاش
خلاص مافضلش الا الموت
ولاجل يزيد مرارك .. مر
ويبقا الفجر متعلم بروحك وانت بتقول شعر
وتقرا الوِرد
للشارع وللماشيين
مفيش فاضل
ما بين الموت وبينك غير
يادوب لحظه
ماتتحسش
عشان عايشين
كبصة بنت ع الفستان
في نُص الشارع المردوم
تراب فتارين
خيوط مُرّه
تقيس البنت فستانها على المانيكان
يقيس الناس عليها الحزن
من برّه
شهادة طفل ان الشارع امبارح
ماكانش سعيد
عشان أصله
بيقرا الحزن في العواميد
وشايف من عيون صادقه
ملامحك خارجه م الجامع
برغم الدنيا داخله عشان
تصلي العيد
خلاص صدقت ان الموت .. قرار نافذ
وان مفيش زياره عشان ماتتعلقش بالحافز
خلاص .. هاتموت
مافيش داعي لدمعاتك
وموت مبسوط
وانا هافضل هنا ع الارض
أجيب سيرتك
وأقول الشِعر بالاكراه
وأوطّي الصوت
عشان ترتاح من الزيطه
واداري جيوب قميص الخوف
واسد الشق في الحيطه
وأخبي الفجر عن عينك
وهاستنى
صدور الأمر بالوحده
وصمت الآيه هايشيله
خلاص صدقت
إن الموت ماجاش عندك
وإن إنت بتمشيله
وإن الموت على سريرك
صديق الصمت والحيره
خلاص صدقت
إن الشِعر والإصحاب
ماجوش يزوروك
وان في قعدة القهوه
ماعدتش تيجي ع السيره
فلو جالك ملاك الموت
ماتضحكلوش
وماتدمّعش
عشان في الصوره تلمحني
واحس بعزتك .وانت
مابتسلِّمش للنهايات
وماسمعشي في طلوع الروح
بان القلب مات محني
وصَلِّي الوحده للاخر
وإضحك للكلام والصمت
وعَـلّي الصبر ع الآخر
ما ياما ضحكت واتلصمت
هاتشرق روحك البنور
عشان النور خلاص حاضر
وحضّر قلبك المجروح
عشان يُسأل
ورد بكل حزن وقول
أنا أشهد
بإن الرب ده وحده
وإن العمر ده وحده
وإن القلب ده بالذات
ماداقش الفرح ولا حاجه
وان مطارح اللذات
ماجاتش تزوره ولا حاجه
ده حتى جاي هنا وحده
ممدوح زيكا
غرفة 315
عني انا نتحدث
- LAMIA MAHMOUD
- cairo, egypt
- مبحبش نوم التوابيت مجنونة معجونة بمية عفاريت ... بتجادل كتير وترد وكعب جزمتها مهاودها ع الحنجلة ع الأرض
82 comments:
احيانا نشعر بحيره ونحس باننا تائهين ولانعرف لماذا او نعرف ولكن لانستطيع فك اللغز بس بجد لازم تفسرى حيرتك دى وتوصلى لحل علشان ماتتعبيش هى يمكن الامتحانات ولو انى ماعتقدش دورى جواكى كويس ..... سلمى
مش بقولك رايقه
يخرب بيت ده موود بجد
عليتي الدماغ اكتر ماهي عليت معاكي واحنا اون لاين
بس ايه اصهين دي
كلمه عجيبه عجيبه يعني
السلام عليكم ورحمة الله وبركاته
--------------------------
أحب الشتاء ولكن الصيف يحملني بشعور لا ادري نوعه أو اسمه .. اشرب القهوة ولكني احتسي الشاي كثيرا .. وتصر والدتي على اني لا اشرب القهوة ولا احبها ، واصر أنا على انها لا تدري الكثير عن تفاصيلي .. ويصر والدي على أني اعشق المناقشات البيزنطية .. أنظر الآن الى ما نقرت من كلمات ولا ادري لما كتبتها من الاساس .. ربما فقط حتى اتخلص من تلك الجملة التي تلح علي وتتردد في ذهني بأن اكتبها
-----------------------
سعات بتكتبى لانك لازم تتكلمى تحسى او تشعرى
بس انا شاف انك بتحبى النسكافية اكتر..
وبحتبى الشتاء والمطر والشعور بالبرد
والشعور الى بتحسى بية فى ليالي الصيف هوا الشجن
المهم انك تحسى الى بتكتبية وتكتبي الى تحسيى وبس
سلمى
حسيتي فعلا بحيرة في الكلام .. امممممم
مش عارفة!!
__________
اوما
اتفضلي معايا يا جميل .. ما تغلاش عليكي .. الاجواء يا بنتي شيء لابد منه
اصهين يا ستي يعني انفض .. اكبر .. اطنش .. اعمل عبيطة
___________
الغزالي
وعليكم السلام ورحمة الله وبركاته
مش عارفة ساعات بحس اني من الناس اللي لازم تخرج اللي جواها على ورق .. يمكن مبعرفش اعبر لفظيا اوي .. او يمكن بحسه بيخرج بشكل الطف .. لكن الاكيد اني في الغالب مبقاش عارفة الهدف من اني بكتب اية يمكن لان مفيش حاجة محددة
بحب النسكافية جدا فعلا:)
اكتر من ال2
الغزالي تاني
نسيت اقولك اني فعلا بعشق الشتا .. بالنسبة للكومنت اللي فات لاني حسيته مش واضح ومش مفهوم فانا كنت اقصد اني ساعات بمسك القلم وانا مش عارفة حكتب اية وبلاقي كلام كتير ساعات بيوصفني وساعات بحسه مبهم عني
انتي عارفة احلي حاجة في اللي انتي كتبتيه ايه؟
انك كتبتي اللي انتي بتحسيه وبس من غير ماتفكري فيه ولا تشوفيه هيطلع ايه
البوست حلو طبعا يا لميا بس انا ليا مزاج ارخم عليكي
ومازلت تصرين على العبث بأطواق نزار للياسمين"
ومازلت تصرين على العبث بأطواق نزار للياسمين"
ومازلت تصرين على العبث بأطواق نزار للياسمين"
ومازلت تصرين على العبث بأطواق نزار للياسمين"
ومازلت تصرين على العبث بأطواق نزار للياسمين"
أكيد ليها معنى او ليها صلة بحاجة بس انتي مش قادرة تفهمي ايه هي..دوري في اللاشعور عندك
النوع الرديىء من القهوة ....بتفكرني بنفسي....هههه....انا اشتري قهوة مخصوص لية
هي رحلة البحث عن الذات نلتبس فيها احيانا عند الاخرين و احيانا على انفسنا المهم الوثوق والاستمرار في البحث...ليصبح صباح الهدوء الداخلي
لمياء الكلام جميل لكن واضح ان قلق الامتحانات له تأثير كبير فى الموضوع - اما عن اطواق الياسمين وأغانى منير - مش عارفه افسر لك يمكن تكون نتيجةحالة الحب اللى جواك؟؟؟
والله ما انا فاهم اي حاجة
--
يمكن عشان لسة مصحتش من النوم
يلا
ماعلينا
خالص تحياتي
simple ... and sweet :)
greetings
لامى........انت من عادتك تسيبى التليفون يرن كدة
صحيح ان فنجان القهوة الصباحى مهم جدا ولو مش مضبوط بيكون يوم منيل ونهار مش معدى على خير لكن ده مش معناه انك تعانى من كل الكلمات دى
خديها ببساطة اكتبى اللى جواك فرغى كل الزحمة اللى عندك
هتحسى بارتياح اكثر
وكونى واثقة اننا مش زعلانين من ده لانه بيكشف لنا لامى الجميلة اكثر
كونى فرحة وغير مكترثة بهموم الافكار والكلمات
شوفي انا معرفش اجامل ممكن اكون دبلوماسي او ذوق او مبحبش ازعل حد زي ما اصدقائي بيقولولي انما بصراحة انا لما بدخل مدونتك بحس اني دخلت عالم تاني بنفعل بكل بوست بتكتبيه وبعيش معاه لدرجة اني ببقي عايز اتخيلك وانتي قاعدة علي الكمبيوتر بيبقي شكلك ازاي مدونتك حالة مختلفة واسلوبك وان كان غامض في بعض الاحيان انما بيعبر عنك بطريقة جميلة احييكي معلش انا طولت
لمي
ربما يكون في كلامك نوع من التفريغ ولكن من ناحية اخرى قد هربت من جملتك ولم تعبري بها او تصرحي بها
اختلي بنفسك وراجعي صداها لربما توصلك الى حيت تريدين
تحياتي
السلام عليكم ورحمة الله وبركاته
هممممممممممممم
بصى يا لميا انتى بتحبى فى النسكافية انة بيجمع بين القهوة والشاى
بس بطعم مختلف يعنى بيديكى تركيز القهوة وسرعة عمل الشاى
همممممممممممم
وكلامك كلة واضح ومفهوم جداا
ساعات بمسك القلم وانا مش عارفة حكتب اية وبلاقي كلام كتير ساعات بيوصفني وساعات بحسه مبهم عني
بالنسبة بقى لانك بتمسكى القلم وكدة
فبجد كل العمالقة فى كل المجلات كة
ودة مش تريقة
عبد الوهاب كان بيالف المزيكا كدة
علشان كدة قالو انة بيالف فى الحمام لانة سعات كان كدة فعلا
احمد شوقى كان بيشى معاه قلم وورقة علشان يكتب فيهم الشعر الى بيطير منة
بلاش الناس الكبيرة دى
البوست الى عجبك عندى الى هوا جزء من قصة
دة جزء عاشر من قصة 11 جزء انا لحد دلوقتى معرفش كتبتهم ازاى
تحياتى
ايه يا لملومتى
انتى فين يا حجة وحشانى يعنى ولا مؤاخدة
بتذاكرى على كده بجى ولا ايه عاااااااد؟
انجزى بقى يا بنتى مش هفضل ادفعلك فى دروس خصوصية يعنى
بعدين ايه الشو الجامد ده؟
الصورة حلوة نقاوة عبدو نقاوة
هاهاها
اميرة هشام
اه بس المشكلة لما بيطلع هرتلة او مش مفهوم:)
_______
شوشو
صباحه زن .. مصاحبة نحلة انا .. والله يا شوشو انا دورت تحت الدولاب ملقيتش حاجةP:
___________
ندا
وفي تلك الرحلة قد تتوه معظم الاشياء .. نورتيني:)
___________
ماما
نورتي يا مامتي
شادي فايد
طيب اصحى وتعالى جرب تاني
___________
فراس
thnx my fear friend
___________
سكومونس
هو زي ما انت قلت مجرد تفريغ للكلمات او للزحمة اللي موجودة .. شكرا على مجاملاتك:)
__________
سندباد
كل الكلام الكبير ده :)
عموما شكرا اوي اوي اوي .. وطول زي ما تحب
_________
ليندا
اكتفيت بكتابتها لاتخلص منها .. لم احاول للحظة تفسير معناها .. او ربما كنت ادري معناها واهرب منه
مش عارفة
____________
الغزالي
وعليكم السلام ورحمة الله وبركاته .. كلامك صح جدا .. بالنسبة بقى للهمالقة يمكن انا ما اعتبرتهاش تريقة بس اعتبرتها مجاملة .. مش عارفة .. على فكر كده مستنيه الجزء ال11
________
اوريكا
وانتي كمان يا بنتي وحشاني جدا .. معلش يا ستي في حوار الدروس الخصوصية lol
المهم انا فعلا كان لازم اكتب تنوزيه تحت اقول الصورة بمساعة الاخت اوريكا
تحفة انتي
أجمل حاجة انك بتكتبى احساسك من غير تزويق
وده اللى بيوصلك للقلب بسرعة
تحياتى
اول زيارة يا لمياء و مش هاتكون الأخيره
أكيد
أسلوبك جميل جدا و رائع
" لا شيءَ يستدعي انحناءَكَ ..
ذاكَ طوقُ الياسمينْ.. "
الغريب ان أقرب الناس لنا
لا يعرفوننا كما نعرف نحن أنفسنا دائما
لمي بجد البوست عبقري..و فيه شجن رغم انه بيحاول يوحي بعكس كده
انا كمان الصيف بيحسسني بحاجات كتير بس عارفه ايه هي و بحبها و بحب الشا بردو بس كل واحد فيهم له مميزاته و عيوبه
رائع يا لميا البوست ده خصوصا اسلوبك عالي فيه اوووووووووي
لقطة حية
مش عارفه ليه البوست ده لميا بس بشكل مختلف
حاسه ان فيه تفاصيل مختلفه عما اتعودت عنك
مش عارفه بس حسيت قريبه فى احساس معين بالنسبالى
الصيف عندى انا كمان بيخلق احساس من نوع خاص رغم انى بعشق الشتا وبميل لهدوءه وصوت المطر لكن الصيف بيصحى جوايا احساس بحبه كتبته فى اخر بوست اللى علقتى فيه
وكمان بحس ان كتير قريبين منى بس مش عارفين تفاصيلى لدرجه ان اختى الكبيره فوجئت لما قرأت مدونتى انى ممكن اكون بكتب كده او جوايا الكلام ده
وكمان الجمله اللى بتعلق فى ذهنى حتى لو لم تكن مرتبطه باى تفصيله من تفاصيل حياتى
البوست ده تقريبا بيحكى عنى :)
يمكن هو ده سبب انى شفتك بشكل جديد النهارده
تحياتى ليكى يا رائعه
:)
احيانا اقرب الناس لينا مابيبقوش عارفين تفاصيلنا الدقيقة يمكن العيب فينا احيانا احنا مبنبقاش كاشفين نفسنا قوي حتي للقرييبين جدا واللي واثقين من حبهم
واخيرا اقولك
انشد يا قلبي غنوتك للجمال
وارقص في قلبي ماليمين للشمال
ماهوش بعيد تفضل لبكره سعيد
ماهو كل يوم فيه الف الف احتمال
عجبي
ولازم تعلييييييييي صوتك بالغنا
في مقولة مشهوورة قوي
تقريبا تشيكوف
بيقول
---لست ادري ما الذي احبه
ولكني احبه بشده---
هو ده الشباب
وهي دي روحه
هتعملي ايه بقى
voice of love
شكرا ليكي:)
_______
اسلام يوسف
نورت في اول زيارة واتمنى متكونش الاخيرة .. شكرا ليك :)
_________
انونيموس
انا عارفة القصيدة كويس .. بس مش قادرة افهم اية المطلوب مني بالظبط
__________
hesterua
مشهد داخلي جدا:)
_________
نبيذ
الطبيعي اننا اكتر حد عارفين نفسنا عشان احنا اللي عارفين بنداري اية على الناس وبنظهر اية .. بس المؤلم ان ابسط التفاصيل الواضحة ما تكونش واضحة
________
ميرو
اه الصيف تحسيه "كده" .. ما تسالنيش اية هي "كده" ... هي "كده" الرد على الكومنت بقى عبقري على فكرة نياهاهاها
الله يكرمك يا جميل
_____________
ريمو
مش عارفة اقولك اية .. اعتقد ان كلنا فينا حتة من بعض .. يعني حتلاقي في نصنا حاجات شبه بعض وفي النص تاني حاجات تانية برد تشبه بعض
مش عارفة ردي مفهوم ولا بهرتل بس ده ردي (وش مكسوف)
نورتيني يا جميلة .. يسعدني اكتشافك ان في بينا نقاط مشتركة
________
عشقك ندى
ساعات بتبقى المشكلة انهم مش عايزين يشوفوا حاجات معينة
شكرا على جاهين
بس قبل ما نعلي صوتنا بالغنى .. ننزل للحقايق
____________
احمد سلامة
اقدر اقولك ان في الغالب انا بحب كل حاجة .. بس بحاول اكتشف بحب اية اوي
لا تشعري بالذنب
فإن كل امرأة احببتها
قد اورثتني ذبحة في القلب
وحشني كلامك الحلو ده
ايوه كده ابسيطينا
ياسيتي صهيني براحتك محدش ليه عندك حاجه
حلو البوست
ومعبرة جدا كلمة اصهين
بس هل فعلا بنقدر نصهين؟
أشك
اللى زيك يا لمياء مش ممكن يصهينوا على ادق ادق تفاصيل الحياة
يلاحظون .. يتأملون .. يفكرون .. يحللون بلا توقف كل ما حولهم وكل من حولهم
اعتقد انك مرهقة دائما من كثرة التأمل فيما حولك وفيمن حولك
الظاهر ان كل الأمهات يركزون دائما على ما نأكل وما نشرب وكل الآبائ يركزون دائما على النقد لكل ما نقول ونفعل
تحياتى على بوست يعبر عن ذاتك فى كلمات قليلة
الكلمات تستمد جمالها من عفوية الإسترسال فى تفاصيل صغيرة تصنعنا
كشواهد مبعثرة أو مرتبكة كالتى نراها فى أحلامنا
يربطها كلها فقط من نكون نحن
فنحس فى طياتنا بمعقوليتها التى يعجز العقل عن البوح به
قد يكون هروباً
أو للإبقاء على سحر الكلمات
لو كنت مكانك ... سأبدأ مما يثيره طوق الياسمين هذا من نوازع فى نفسى
خاصة تلك التى قد لا تدركها أمى
أو يحرمها أبى
أو لا تصرح به نفسى
كعشقى للقهوة الذى لا تدركه أمى
و الحوار الدائم الذى يصر والدى أنه بيزنطى
اعشق
القهوة ولكني احتسي الشاي كثيرا
مش عارف ليه حبيت الجملة دى أوى ؟؟
ويدق وأنا اصهين
جامد جداً
هذه الجمل التى تسيطر على العقل لدرجة الجنون
لو شفتى الترابيزة بتاعتى فى الاتيليه مكتوب عليها ايه
كل ما يمكنك تخيله من هذه الجمل المسيطرة فظيييييييييعه
كالعادة
رائعه
صباح الخير
قهوة رديئة
جملة ملحة
يوم لا تتكرر تفاصيله
وصيف لايأتي عقب الشتاء
ربما لن يأتي هذا العام
هدف غريب لكتابة بوست
بس أكاد اجزم اني تفهمته
والأسلوب في الكتابة أذهلني لسبب بسيط
لأنك علي حد قولك كتبتيه من غير ترتيب ومن غير هدف
ومع كده اسلوب الكلام أسلوب حد عارف هو هيكتب إيه
بس ليه التليفون بيدق ..المفروض يرن :(فاتتك دي معلش :)
بس التفاصيل اللي في البوست عجبتني ..مش عارف ليه بس يمكن لأني وصلت لمرحلة مبقيتش مدرك فيها تفاصيلي ..مش هحسدك طبعاً .
جميلة التلقائية دي أوي يا لمياء
سلام عليكم
كل دة ومفيش بوست جديد!!
صباح محمل برائحه التفاح والصندل
أكيد صباح مميز!!
متناقضه انت !!!!
لا فعلا يا لميا وحشانى والله
جميل جدا النص ده طالع من القلب ...بس كمان حاله متاخده حلو اوى...حسيت بيه كانه ميه تحت ايدى
احساس جميل يعنى منساب
بس انا نفسي اعرف ايه الصندل ده...عجبنى جدا ان منير يطالبك بالغنا فى حين ان تردد الجمله جواكى عن انك تصهينى
وانت تلعبين بطوق الياسمين...وبتحبي الشتا والقهوة على انك جوة الصيف وبتشربي شاى
كانك بتجربي تخرجى برة نفسك وترجعى تانى....لاكتشاف الاجواء المختلفه جواكى
على فكره باه انا جيت وعلقت على البوست دا قبل كدا
بس ما علينا مش مشكله
كله يهون عشانك يا لومه
على فكره دا بيحصل معايا كتير اوى اوى اوى
انه تتمكلنى جمله او حتى كلمه فى اغنيه او بيت شعر
او حتى حته من مسرحيه او فيلم
ومش بتروح الا بحدث قوى او انه جمله تانيه تحتل مكانها
بجد كلماتك صادقه اوى
ولما باجى هنا
بجد بحس انه كلماتى بتنطلق لواحدها
بجد البلوج بتاعك من البلوجات اللى بحس انها مكانى وا عالمى
شكرا ليكى
فعلا
:)
لا ادرى لماذا اشعر دائما بمعانى الحيره عند حديثك عن ذاتك و عن تفاصيلك الداخليه و عن رفضك الدائم لكل من يحاول الانتقاد او حتى التلميح لاشياء يدرك البعض انه يعلمها عنك و هى فى الحقيقه لا تمت اليكى بصله قريبه
و لا اقول ان هذا انفراد منك بذلك و لكن هى الطبيعه التى يحيا معظمنا ى ثناياها هذا الايام
فكرتينى باغنيه منير
اديا ى جيوبى و قلبى طرب
سارح فى غربه بس مش مغترب
المهم يا لميا انتى ايه اخبارك
؟
معلش انا مش بعلق كتير الايام ديه علشان ببقى اغلب الوقت ى الشغل
تحياتى
انونيموس
حاضر عنيا الاتنين
مين سيادتك معلش؟؟!
____________
ياسمينا
بحاول والله اهو .. حصهين وولا حيهمني:)
نورتيني يا قمر بجد بجد يعني
_________
ياسمين
هي محاولة قد تحتمل الفشل او النجاح . اللذيذ بقى انك اصبتي جدا في استخدام اللفظ فانا فعلا مرهقة مش عارفة بقى من كثرة التدقيق في التفاصيل زي ما قلتي ولا من اشياء اخرى بس انا مرهقة وبجد محتاجةى اصهين
شكرا يا جميلة:)
____________
القهوجي
ربما ان بدات بما يثيره طوق الياسمين في تفسي اضطر الى اجراء مواجهة بيني وبين ما تهرب نفسي من التصريح به
هناك بعض التعليقات اعجز تماما عن الرد عليها .. وتعليقك واحد منها
______________
علاء
شكرا جدا:)
_____________
نور
اية ده يعني مطلعتش لوحدي .. هايل جدا احسن بجد بفتكرني حتججن
طيب بما ان الموضوع كده بقى ممكن اسأل مجرب .. قدرتي توصلي لاكتشاف ان الجمل دي بيبقى الهدف الاصلي منها اية؟؟!!
__________
film69
اوجزت البوست بأسلوبك الخاص:)
_________
ضياء
نورت مرة تانية .. كان فينك انت كمان من زمان .. المهم .. معرفش ليه بحس ان اغلبية الاشياء اللي بتخرج من جوانا بعشوائية هي اكثر الاشياء ترتيبا .. على فكرة يدق تمشي عادي يعني
_____________
الغزالي
معلش الامتحانات مش سايبة حد في حاله ادعيلنا:)
______
صابرينا
مميز ولكنه غير مختلف .. اعترف بتناقضي فجميعنا يملؤنا التناقض ولكن بدرجات مختلفة
منورة وما تبقيش تغيبي كده كتير:)
__________
سارة
وانتي كمان وحشتيني يا جميلة :)
الصندل يا ستي هو نوع من انواع العطور الطبيعية يتم استخراجه من خشب الصندل .. في حالتي هو بخور ممزوج بريحة الصندل ..شكرا لكلامك الجميل ده
___________
ساعة الغروب
معلش البتاع ده بياكل الكومنتات:)
طسي كويس جدا اهو تاني حد طلع زيي .. يارب دايما تحسي ان هنا مكانك والكلام بيخرج لوحده منك .. بس ده مش غريب في بوست فات اتفقنا اني لما بدخل عندك واقرا بحس كلامك اوي برده فكده يبقى ده الطبيعي:)
________________
شريف
تعلم عني تماما عزيزي انني ابحث عن مرساي النهائي في اغلب الاشياء بعد .. ولذلك فانا كلما وجدت مرسى لسفينة من سفن حياتي فاني اتفرغ تماما للشعور بالحيرة وانا ابحث عن مرسى لسفينة اخرى
وتعلم عني تماما ايضا الرفض لكل ما هو عكسي
مبحبش اعمل حاجة ولا اكلم حد مش شبهي
:)
المهم انا تمام .. انت اية؟؟!
واية حوار الشغل ده؟؟!
نصوصك الأخيرة طافحة بالصدق. أقصد الصدق الفني. بأت بتستهويني جدا نبراتها و تيماتها. نصوص تُقرأ في برد الشتاء أو نسيم ليالي الصيف، فيكتمل المشهد
عنوان مدهش "عن الجملة التي"، و جملة افتتاحية مألوفة و إن لم تفقد - على الأقل بالنسبة لي - بكارتها و طزاجتها
أعشق تلك النصوص التي تدع المجال للصوت المفرد أن يبرز بما يحمله من دفء الذاتية. ربما يصفها البعض بالرومانسية، لكن يظل المصطلح قاصرا عن استيعابها
يبدو انك صرتِ مغرمة بالجمل غير المكتملة .. عن الجملة التي ، و لا تنتظر أحدا فقد. و كلاهما شديدتا الموسيقية
لوحة متكاملة: رائحة تفاح و صندل و قهوة. صوت منير، و الهاتف. صورة الراوي نفسه وسط كل هذا الزخم إلخ
ببساطة: أحب كتاباتك الأخيرة جدا. كتابات تشف و لا تبين
بس خلاص
سلام عليكم
مزيج بالكلمات ووصف سعيد مشجون
وتحريك سريع لمحرك السياره يصاحبه ارتفاع
لصوت الراديو اذا به منير يصرخ
شىء من بعييد
بينما اشفط شفطه من القهوه والقهوه سخنه ومعنتش هشرب قهوه تانى وى الحياه حلوه
وعم حسين وامه وانا وانتا ورقصنى ياجدع
عشان تعرفى بس موش انتم بس الى ليكم فى النظام
بس جامد ياباشا الحوارات دى
لأ مليش دعوة ما يطلبه القراء ..أنا قريتها يرن وأنتي كتبتيها يدق :) مش مشكلة
وأنا كنت في اللي مقدرش أحكيه
بس عموماً لحد ما يبقي عندي جهاز ..مش عندي ليست مدونات أدخل منه علي أي مدونة بانتظام.فاللي مش بلاقي اللينك بتاعه مش بعرف أروحله كتير ..
وبعدين مش بقيت شغال في سايبر...بس يا ستي
المهم انتي كويسة ؟
وفعلاً التلقائية أجمل بكتير
very nice post lamia .. ba2aly keter ma2aretlekesh bas tamam lou7a faneya begad ..
we lamo2a5za asl el keyboard mabyektebsh arabic ..
we beltawfe2 fe emte7anat
darweshe
أظنها عادة الشعراء والرومانسيين, أن تتوارد أفكار وكلمات على أذهانهم ... لا علاقة لها بالكلام ولا بالمواقف التى هم فيها
ولكنها تلح على أذهانهم .. أكتبنى .. أكتبنى
ولا يدرى غلا وهو يكتبها
تحياتى يا صاحبة الكلمة
ah mn elgml de we ely bt3mloo...7ata lw msh 7d 2aylha..aw e7na msh fakrenha...bs sebk
3agbny 2slobk fe elklam kl3ada ya lmyyyy..nice post
وظننت انك تعرفين معني سوار الياسمين
دماغ عاليه وفيها صهينه علي كتير من المجموع وتركيز في التفاصيل
اعتقد اجمل الاحاسيس هي اللي بنطلعها واحنا مش عارفين ليه بنكتب
وعموما لا شيء يستدعي انحنائك ذاك طوق الياسمين
بوست بسيط وجميل يا لمي
وتصر والدتي على اني لا اشرب القهوة ولا احبها ، واصر أنا على انها لا تدري الكثير عن تفاصيلي ..
شفت بعيني محدش قالي :)
اعشق القهوة ولكني احتسي الشاي كثيرا.
ربما يبدو الشاي علي كثرته هو الأقرب لليد .. وتمثل القهوة علي قلتها لحظات استمتاع للقلب.. واٌقل منهما لحظات التلذذ باسترخاء النسكافيه في لحظة تأمل
ربما تحني الى الياسمين حينما يغرز في عتمة شعرك الاسباني
فريكيكو
عن الجملة الافتتحاية كنت اعلم انها مكررة ولكنها كانت الحقيقة .. عن العنوان .. ربما اصبحت مولعة بتلك العناوين لاني لم اعد اجد بنفس القدرة على الوصول الى نهاية حتمية للاشياء
رأيك يحترم بالنسبة لي جدا .. اعتقد انك عارف .. بقرى الكلمتين دول بحس بجد اني عملت حاجة
وعليكم السلام ورحمة الله وبركاته
__________
خالد
اذا كان احنا لينا في النظام فاكيد انتم اللي عملتم النظام:)
بس مين احنا وانتم هما كتير كده:)
نورت يا باشا
___________
ضياء
خلاص يا سيدي ما يطلبه القراء:)
امال صحيح شغال فين دلوقتي ؟؟؟
اية كمية التغييرات دي
___________
درويشي
بقالك كتير مجيتش الغلطة من عندك مش من عندي
:))))))
المهم .. متبقاش تتاخر
ومين توفيق ده؟؟!!
____________
اسلام
قد استطيع ان اضعني بين الرومانسيين .. لست متاكدة تماما ولكني على استعداد لقبول هذا التصنيف .. اما عن الشعراء فلا اظن
شكرا على المجاملة واسلوب الكومنت نفسه هايل
________________
حامد
كالعادة يا حامد ربنا يكرمك يارب:)
كده بدات اكتشف ان الموضوع بيسيطر على ناس كتير مش عليا انا بس
كويس
_________________
جواد بري
ربما يستدعي انحنائك
احمد
اه شوفت بعينك اهو .. عشان محدش يقول عليا بجيب كلام من بره:)
وكل اللي قلته بعد كده ده حقيقة
__________
u know
في عتمة شعر اسباني:)
اخبارك اية؟؟
فليتك كنت قرأتي الخبر
تكلم كى اعرف انك ما زلت حيا
فى البدء كانت الكلمه فبس من نور الله
ومن الكلمه وبالكلمه وجدت كل الاشياء
تكلمى حتى افكر فيكى فالصمت يا صديقتى لا يبقيكى
جاي اسال واطمن عليكي فين بوستاتك
لا يا شيخه
الكلام ده بيحصل بجد
انا عارف انها قديمه
لمياء
آسف بجد مش عارف أدخل ولا أعلق اليومين دوول
عملية نفسية بحته
يارب تكونى بخير وأحمد كمان
آسف مره تانى
وعادى بقة
أودى
ربما
تحياتى
لميا انتى فين
بجد قلقتينى عليكى
اكتبى او ردى حتى على التعليقات
او لو ممكن
اان ايميلى موجود عندى على البروفيل لو ممكن تضيفينى عشان بس اطمن عليكى
سلام ويا رب تكونى بخير
:)
خواطر جميله يا لمياء...عجبتني جدا
تحياتي
ya nhar eswd!!!! :S
u know
الطير الذكي لا يكرر الغناء
______
ممكن
الكلمة نجمة كهربية في الضباب
_________
سندباد
انا هو بس شوية ظروف وحتعدي الى جانب الامتحانات .. شكرا اوي على سؤالك
___________
انونيموس
اممممممم .. قديمة
___________
اودي
مش محتاجة اسف .. مالك بس وكانت ليه الغيبة
احمد كويس تمام
انت اية اخبارك؟؟!!
طمنا عليك
___________
عين ضيقة
تحيات متبادلة
________
ساعة الغروب
انا اهو يا جميلة شوية ظروف كده
انا ضيفتك ومستنية نتكلم في اقرب فرصة ان شاء الله .. شكرا اوي اوي اوي على السؤال:)
___________
مايكل
شكرا:)
_________
وئام
اتاخرتي دي واحد
اتنين بقى لما نتقابل يا قمر
عاملة اية فى الامتحانات؟؟
يارب تكون رافع راسنا
يا خوفى يا بدران
...
بس ان شاء الله خير
انا كمان بمتحن وعايش اهوة
وجيت مصر وهاسيبها تانى والحياة ورد وبكتب بوستات ابقى طمنا عليك
بعيدا عن البوست ربنا يعديك من امتحاناتك على خير يا لميا .. وشدى حيلك فى المذاكرة .. ربنا معاك
أنظر الآن الى ما نقرت من كلمات ولا ادري لما كتبتها من الاساس .. ربما فقط حتى اتخلص من تلك الجملة التي تلح علي وتتردد في ذهني بأن اكتبها
.
.
هذا حال المهمومين دائما
تحياتي والسلام
شكرا
لهذه الكلمات التي تشبه طوق الياسمين
لكن ألا تتفقين معي أنك مازلت صغيرة على القهوة
يبدو أنك مختلفة دون أن تتحيري في ماذا ترتدين
لقد نقرت كلماتك لتقولي لأحد ما أنك هناك
تحيتي
اسمعى كلام منير
وعلى صوتك بالغنا
يخرب عقلك
طب المفروض ان انا اقول ايه في الكومنت على الكلام ده ؟
يا مزاجك العالى
ومودك التحفة
الغزالي
الامتحانات لسة خلصانة اهو وربنا يستر .. وانا اقول مصر منورة :)
شكرا اوي على السؤال:)
______
اخف دم
اشرف باشا
بعيدا عن البوست ليه :)
عموما يا سيدي شكرا على سؤالك ادعيلي يا اشرف النبي يخليك
ويلا بسرعة نور القاهرة
________
ادم
اذن هذا هو حال الجميع
نورت:)
___________
التواتي
ربمات .. لا احد صغير على اي شيء .. تحياتي المتبادلة لمدونة من بدايتها مميزة.. اما عن الاختلاف فكل منا نختلف بطريقته:)
شكرا ليك على التعليق الاكثر من رائع
____________
كرانيش
حاضر .. ححاول:)
بس تفتكري لسة الاغاني ممكنة؟!
____________
درش
ربنا يخليك يارب
منور .. قول اللي انت عايزه:)
__________
الوردة السودة
مش اعلى من مزاجك يا جميلة بجد
:))))
ايييه يالمياء طولتي قوي كده
مليش دعوه بقى نزلي بوست جديد
هاى
انا عامله فكره جديده وياريت تلاقي منك التشجيع
يارب تقولى ايه رايك في الفكره دي ويارب تكون اول استفتاحي
مستنياااااااااااااااك
تحياتى
أول مرة آجي هنا
بس مبسوط بجد
ويمكن بعمل اللي بتقولي عليه بس بالليل على السطح
مدلدل رجليا من فوق السور
وبرضه أمي بتنكر اني بموت في القهوة
ههههههههههه
تحياتي
انا خلصت امتحانات وقلت الواحد يلقى نظرة
لقتنى تنحت مش نظرت
بجد عجبنى البوست اوى
انا اساسا ساعات بردة حوار الكلمة
الى بتتردد دى بردة بتحصل معايا
مش عارف دا مرض ولا ايه
تحياتى
بيحصل :) بس عايز دماغ رايقه اوي و مفيهاش اي مشاكل :) معقول لسه في حد في مصر دماغه رايقه و مش مهمومه بخمسين الف مصيبه ههههه
تحياتي يا رقيقه :)
انا حبيت اكتبلك هنا لاني هعلق علي بوست قديم ليكي(اهداء خاص/ورده حمرا) بجد انتي نزلتي الدمعه من عيني عشان خلتيني انا كمان ارجع لحجات كنت افتكرت نفسي نسيتها ونسيت الحب خلاص معاها بس بجد.............. مش عارف اكمل لاني هقوم اعيط واحاول اقنع نفسي اني نسيت تاني
انتى طريقه عرضك جميله اوى بس تقريبا مافيش فكره تقريبا غرضك تعرضى حاله
بيتهيالى او يمكن اكون مافهمتش
أحب الشتاء ولكن الصيف يحملني بشعور لا ادري نوعه أو اسمه
كلماتك رقيقه اوى وهاديه وواقيعه بتوصف حال سهل ان الواحد يعيش فيه بس مش سهل انه يعبر عنه
بحب جدا التفاصيل الداخلية الصغيرة دي
بحس إن ده الإنسان البسيط
ياسمينا
اسفة يا بنوتة على الغيبة عليكي وعلى كل الناس حتى في زيارة البلوجات اصلي كنت مزنوقة في الامتحانات
________
فرفشة
عنيا وماله
_________
حلاوة
مساء القشطة وكده حنلزق:)
يارب دايما مبسوط .. مود وحالة
__________
محمد حسام
عملت اية في الامتحانات يا ابني
طمنا عليك كانت عجيبة السنة دي
يارب كل ما تدخل هنا تتنح كده
اشطة جدا كلنا يعني هذا الرجل
___________
طنطاوي
ياااااااه .. طولت الغيبة
لا والله الموضوع مش موضوع روقان ليه ما تقولش ان الجملة دي ساعات بيبقى فيها نوع من انواع الاسقاط على المشاكل
ربنا يخليك .. رقيقة مرة واحدة:))))
________________-
شاركي
البوست ده من اعز البوستات لقلبي فعلا
ربنا معاك:)
___________
سندريلا
فعلا البوست ده كان حالة
فهمتي ونص يا جميلة:)
__________
حامد ابراهيم
او الانسان بطريقة مبسطة .. نورتني
مش شغال خالص...
عادي بقي..أحياناً مش بيبقي في نفس يعني
ومعلش رديت متأخر
ضياء
ربنا معاك:)
متاخر احسن من مفيش
Post a Comment