اتنين ولا قبلنا ولا بعد منا اتنين
فين زي حبي انا وزي حبك فين
اتنين ولا زين قلبين وشقايق
لايق علينا الهنا وكأنه توب عايق
صلاح جاهين
___________________
بكره حجيلك
لما نخلف
حب ما يعرف معنى كآبة
حب منور
عمره ما يلقى الحزن سحابة
حب حاييجي يقولك يا امه
واما يشوفني حينطق يا ابه
محمود يونس
__________________
يا صوت بيسري ويا ضؤ القمر
ويا طيور بتطير
باتصورك من اجمل التصاوير
عيون جميلة
وقلب لون الشجر
رجب الصاوي
___________________
ارجوك ما تحلمشي بشايفي البديعة
ولا بعيوني الوديعة
ولا بالميلاد والموت
خلي اللي فاضل مني يحكيلك
عن بيت صغير
وحبال غسيل شايله لي منديلك
واسمح لي اقولك كلمتين في السر
لو عزت تضحك يوم
ما تجيبشي حد .. يزغزغك
رجب الصاوي
31 comments:
جميله الكلمات المنقوله سعات بيكون فى خواء العقل ازدحام فقط اختيارك معبر
ان كانت تلك حالتك
*******************
وتعليقى على الصوره السابقه للبوست اللى فات
اصدق تعبير بيكون من اى طفل لم تلوثه المظاهر ولم تغطيه اختلاجات الكذب
حلو ابن اخوكى ربنا يخلهولكو ويكون عندك زيو
اعتبر دي حالة حب جديدة؟؟!!
ولا امل في حالة حب جديدة؟؟!
في الحالتين بحمد ربنا على انتهاء الحالة القديمة
guess who
جميلة ال3 مدونات
انا رحت فيهم يمين وشمال
قرات معظم البوستات ان لم يكن كلها
عندك انتقال سريع وذكى
تقدرى تعيشى باكثر من مود
الى حد ما ملامسة للواقع بشكل كويس
كنت عايز اقدم اوراقى فى موضوع المواصفات ده وان لم تكن تتنطبق الى حد ما لكن لا قيت المتقدمين كتير فخفت اتوه فى وسطيهم
مقدماتك جميلة تقدرى من خلالها تنهى نهايات كويسة
ينقصك الخبرة وده طبعاً مالوش علاقة بالسن ده تجارب اكتر فى الحياة بنقدر من خلالها نعرف تفاصيل الامور
المهم كلك على بعضك جميلة والبلوج بتاعك جميل
ربنا يوفقك
اسف على التحليل من غير اذنك لكن هو ده اسلوبى
والسلام
همس الليل
هي مش حالتي .. بس حبيت انقل نفسي لجو مختلف عن حالتي ..شكرا ليكي
---------------
مشاعر الاطفال كما قلت هي مشاعر بدائية .. وكل شيء بدائي فهو خالي من الزيف
ربنا يخليكي :)
guess who
رغم اني بستسخف الاشتغالات لكن حرد عليك
هي لا حالة حب جديدة ولا امل في حالة حب جديدة .. هي حالة حنين
وبالنسبة لانتهاء حالة الحب القديمة فاعتقد انها انتهت وبلا رجعة
cast2way
مبسوطة قوي ان التلت مدونات عجبوك ومبسوطة اكتر انك قريت معظم البوستات ده شيء بجد بيفرحني
بالنسبة للخبرة فجميعنا ينقصنا الخبرة في الحياة فكل خطوة بتزيدنا عن اللي قبلها وان كنت لا انكر ان تجاربي في الحياة محدودة الى حد ما
والتحليل ده شيء يسعدني لاننه بيعتبر تاكيد لانك قريت فعلا مش مجرد اثبات وجود ورد زيارة:)
شكرا ليك
اه نسيت بالنسبة للمواصفات فدي كانت نوبة من نوبات السخرية في حالة الحب بتتلغي كل هذه المواصفات بكلمة .. وبالنسبة للطلبات المتقدمة فكهلا سوف يتم النظر فيها مهما كثر عددها دي امانة :)))))))))))))
like your choices!!
full of meaning and feelings!
الكلام حلو اوى ساعات الواحد بيفتكر حاجات قراها وتقعد تزن على دماغه علشان يكتبها و يرجع يقراها ويفتكرها
المهم انها حلوة اوى وشكرا انك خلتين نقراها
لو على الكلمات اكيد هقولك اختيار رائع و خصوصا الرباعيه
لانى بعشق الرباعيات
اما لو على المضمون للحاله او المود فلا تعليق شكرا
آبي
شكرا :)
اماني
فرحانة انها عجبتك :)
شريف
اولا دي مش رباعية .. دي جزء من قصيدة كملة لصلاح جاهين
ثانيا بقى ليه لا تعليق على الحالة
مش عاجباك؟؟
ana mn ktr ma rgb elsawy 3agbny aslan..m2drtsh k3adty ashkr fe 2staz el2satza sla7 jaheen elly msh m7tag tb3an my comment..lol
lkn bgd rgb elsawy da 3bkry..alfazo klha gdeda btkhtf kdaaa...we bt3lm..thx ...nice awy ya lmy
awl mrra ana a3rf elnas dool mn elpost aslan..3'er 3mn jahen tab3an..
3gbny kalam rgb elsawy esra7a..weltanya aktr.."law 3aiz ted7k..matgbshy 7ad yez3'z3'k"7ekmt eldahr fe3lan :D
and grrr @anonymous..dah 7ad 3'tet w re7'm msh shr6 ykon entzar aw nadm..enty 7ad fanan w zo2o 3aly w byfhm..dah mood ya3ni :)) 7'leh yro7 yel3b fe 7etta nashf b2a :$
الشعر بتاع محمود يونس حلو اوي
تذوقك رائع كالعاده
يا معلمة
sala7 jaheen"ya gamalo"
m7moued younes"2tmna..de 27la 7aga momkn t7sl-7ob mn 3'er k2aba"
elsaway:خلي اللي فاضل مني يحكيلك
عن بيت صغير
وحبال غسيل شايله لي منديلك
7lw mn el7ta de l7d mtgbsh 7d yz3'z3'k
nice words ya lmy 4 very nice ppl
عمره ما يلقى الحزن سحابة
حب حاييجي يقولك يا امه
واما يشوفني حينطق يا ابه
7elwa 2wy .... gebteha meneen de ya moseba enty :D
nice chice ya limy ;)
حامد
انا عارفة اعجابك برجب الصاوي من ساعة اول بيت شعر وريتهولك ليه .. عندي يا حامد والله اول ما اشوفك حجيبلك الكتاب
وئام
واله شيء كويس ان انا جبت ناس جديدة اهو غير طبعا عم الكل صلاح جاهين
وبالنسبة بقى للتعليق اللي من مجهول يا بنتي دي ناس فاضية انا مش عارفة ليه ما يدخلش يكتب التعليق ويكتب اسمه
بيضرب ويجري
على رأيك يقعد في حتة ناشفة:)
ربنا يخليكي يا جميلة انتي اللي فنانة وذوقك اعلى
ميرو
الله يكرمك .. ما يجيش من بعد خيرك:)
شوشو
صباح الخير يا بنتي .. اخيرا صحيتي احنا بعد كده نتقابل في الكومنتات بقى:)
كويس انهم عجبوكي يا قمر
كلمة
اية يا معلم جبتها منين .. انت عارفني يعني ميخفاش عليا حاجة .. انت بس أأمر
والمرة الجاية ححط حاجات احلى ليهم
منور يا باشا
اولا شكرك لردك على التعليق
ثانيا بقى انا مش حزعل من كلامك وكلام صاحبتك او البنت اللي بتعلق عندك لانك لو كنتي عارفة انا مين مكنتيش عمرك حتسيبي حد يتكلم كده
ولمجرد التلميح لو انتي فاكراها قوليلي ولو لاء برده قولي وساعتها وعد حبطل تعليقاتي خالص
حبك يا عميقة العينين
تصوف وعبادة
حبك مثل الموت والولادة
صعب ان يعاد مرتين
على فكرة انا اسعد حد بان قصة الحب القديمة انتهت
واتمنى ليكي قصة جديدة حد يستاهلك فعلا;)
guess who
nice choices ..
m3 eny kan nfsy ba3d el gheba de agy ala2y 7aga enty katbaha :))) good luck dayman ya lamiaa
ايه الكلام الكبير دة
بجد اختياراتك موفقة جدا وجميلة جدا
وبصراحة اول مرة اسمع عن رجب الصاوي
دة انا طلعت جهلة اوي
بجد اختيارك بتدل أنك انسانة بتفهمى
تحياتى ليكى
:)
manal
guess who
فاكرة
طنطاوي
شكرا .. ولو على اللي انا كاتباه ممكن تشوف البوست اللي قبليه او اللي قبليه
يعني اهو تغيير
سمراء النيل
شكرا .. وبعيدن مش جاهلة ولا حاجة يا بنتي لو تعرفي كل الكتب والشعرا اللي في الدنيا ده اللي كان حيبقى صعب يتصدق:)
احنا بس نوصل لمستواكي يا جميلة
منال
ربنا يكرمك يارب:) .. تحيات متبادلة
i like this mix ....
sweet emotions and feelings are easy to deliver there message and warmth , what ever was the way,medium or the style
they all walking to the same spot
life full of happiness and peace .
wish that to u lamia and to everyone who reads this .
very nice selection of words
عن جد حلوة كثــــــــــــــــــير
وبهنيك على اختيار المقتطفات
وربنا يسمعنا الخير:)
just kidding
لمياء ازيك
اختياراتك جميلة وهايلة
وجميلة الحالات اللي بتاخدنا في الشعر والكلام
تحياتي
ياه الله نظرة جميله وحلوه اوي
وتجميع راقي لعبارات راقيه
يا صوت بيسري ويا ضوء القمر وياطيور بتطير باتصورك من اجمل التصاوير عيون جميلةوقلب لون الشجر
دنيا جميله مونه بالامل والضحكة الصافيه مزروعه بالحب الفطري لكل شيء جميل ومرويه بنظرة تفاؤل وثقه في الغد
ربنا يسعدك واستمري في هذا المنحنى الى الامل يارب
وربنا يسترها
فراس
بقيت دايما اصدق ان برده فيه حاجة في الدنيا حلةو تستاهل ان احنا نعيش عشانها
مليانة حاجات كتير بتجيب السعادة
اتمنى ليك حياة مليئة بالسعادة
مفقوعة
شكرا..
ليندا
مبسوطة قوي انها عجبتك
وربنا يسمعنا الخير عنا كلنا بس انا لسة بدري:)))))
تامر العفيفي
شكرا .. كويس انها عجبت شاعر كبير زيك:)
بين الامل واليأس
هو منحنى للامل ملوش اي علاقة بيا .. بس حبيت اغير حالة مزاجية
اختياراتك رائعه جدا يا لميا
والموضوعات اللى تحت حلوة اوى
ابن اخوكى بوسيهولى
ده سكر جدا
لمياء
أولا آسف على البعد الفترة إللى فاتت دى بس بجد كنت تعبان شوية
والحمد لله دلوقتى
وبجد الكلام جميل جدا
وأختيار موفق للقصاقيص
وهتفضلى دايما كدة حساسة
حساسة أوى
أودى
(لايق علينا الهنا وكأنه توب عايق)
حد يعرف يقول كده ف الدنيا؟
سارة
مبسوطة قوي انها عجبتك :)
وحاضر حبسهولك ربنا يخليكي يارب وعقبال ما يكون عندك زيه
اودي
حمد الله على سلامتك .. الف لا بأس عليك .. كنت وحشتنا
شكرا على المجاملة:)
مخلوف
مش اي حد طبعا .. ده عم الكل .. نورتني يا فنان
يارب تفضل تطق في دماغك كتير كده وتتحفينا بالحاجات الجامده اوي دي
محمد مفيد
انشاء الله
Post a Comment