Saturday, December 16, 2006

منتهى ...........




بالآمس كنا سويا وضعت رأسي على الوسادة ..

جلس بجواري .. مر بيديه على ملامح وجهي ..

ثم أخذ يعبث بخصلات شعري ..

استسلمت له شاعرة بحنانه وهو يلملم الليل من فوق خصلات شعري ..

حنانه الخالي من الزيف والادعاءات احنى ليطبع قبلة على وجنتي .. ثم انسل معي تحت الغطاء الدافئ واحتضنني

انا بحبك أوي يا لميا

وانا كمان بحبك أوي يا حبيبي

لم يعرف ابن اخي ذو العامان والنصف انه في تلك اللحظة كان بمثابة قطعة الثلج التي وضعت فوق مشاعري

لتخفف من الام الصفعات المنهالة عليها ..

فمن خلال مشاعره البدائية اللاهادفة عرفت انه قد يكون مازال هناك بالدنيا القليل من الضؤ

بابا لميا بتحبني أوي

احتويته بين يدي محاولة مداراة دمعة كانت تحاول شق طريقها الى النور .. دمعة ليس لها مبرر

39 comments:

We2am said...

mm..ya hal tra ellil el7zeen?..msh 3arf leheftkrt elo3'nyya deh?..la2 ana 3arf w enty 3arfa..ahneke 3la enny tfa3lt tmamn..w eftkrto 7bebk..w kaman tfa3lt aktr..lama 3rfto eno 6fl..el7'yal dah ele haywdena fe dahya..wtg ya bnte :))

shimaa said...

ummm..good b3ta..ana 2olt lamia mlha;)..anyway ya gmela fe3ln el2tfal btb2a msh3rhom pure w sadka w tstahl en 3neki tdm3 ama baby y2olk kda 3shan u r sure that he mean it ...but by the way kda ye3ni el friends kman eli mbtgm3homsh 2e msl7a 3'er enhom bet7mo fe b3d btb2a msh3rhom pure wiz eachother..remember that

مـحـمـد مـفـيـد said...

الله عليكي يا لمياء يا حالمه
فلم اقلا لكي هذا اللقب من فراغ

LAMIA MAHMOUD said...

وئام
يا هل ترى الليل الحزين..؟؟
انا وانتي عارفين افتكرتيها ليه ..بس يا هل ترى فعلا يا وئام؟؟
بس تعالي هنا .. افتكرتيه حبيبي من انهي ناحية .. حبيبي اللي هو مين اصلا ما احنا دافنينه سوا
ده انا لسة مشردة ومسيحة لنفسي وقايلة مفيش في السكة:)
معاكي حق يا بنتي هو الخيال اللي حيجيب لنا خبال



شوشو
بعته اه انتي التانية حتعملي زي وئام .. وقال اية لميا مالها يعني لو مكمنتيش كملتي البوست للاخر كان زمانك عندنا جايباني من رقبتي :)
لاء بجد فرحانة قوي ان اصحابي اتبعتوا والله انتو مسخرة
فعلا نشاعر الاطفال بتبقى بيور وصادقة بس انتي عارفة آسر ما تضمنيهوش بيرشق مع اي مزة ولحد دلوقتي مش مقتنع اني عمته:)
وبعدين يا حبيب قلبي انا عارفة ان المشاعر البيور والصادقة برده بتبقى مشاعر الاصحاب اللي مفيش بينهم مصالح واللي بيتحامو في بعض ويارب نفضل نتامى في بعض كده على طول ونقعد مع بعض كمان عشرين سنة واقولك فاكرة اجري اجري اجري ونضحك
ولو كنا متجوزين وسالونا يعني اية نقولهم ده القط بتاع شيماء;)



محمد مفيد
شكرا ليك .. وانا بعتز بهذا اللقب جدا .. فوق تصورك:)

Amira Hassan said...

بجد الأحساس عالي اوي في البوست دي يا لميا
فعلا الاطفال و الحيوانات اللي ممكن تطمني ان تصرفتهم حقيقة

mariam said...

احلى حاجة فى الأطفال برائتهم
علشان كدة بيدوا مشاعر صادقه
من غير تزييف
تحياتى

Anonymous said...

جميل جدا
نور

بين الأمل و اليأس said...

انا قلت انك غيرتي رايك وقلت ايه هي العيله ضغطت اوي كدا وجابت مفعول بسرعه
بس يالله حصل خير والحمد لله انك لسه على موقفك
بس معلش سؤال هل الحنين لكلمة جميله من شخص معين لانه لم يظهر بعد ام لانك فاقدة الامل في ظهورهام انه ليس وقته خالص ومش من اولوياتك ولكن القلب يشتكي من الحنين؟؟؟؟؟
وربنا يرزقك بابن الحلال والذريه الصالحه
على فكره ابن اخوكي عسل اوي وربنا يخليهلكم

وربنا يسترها

LAMIA MAHMOUD said...

ميرو
معاكي حق .. بس ما تظيكيش على رأي شيماء في مشاعر تانية زي مشاعر الاصحاب اللي مفيش بينهم مصالح برده بتبقى مشاعر صادقة



mano
احلى حاجة في الاطفال انك متعرفش مين اللي بيدي مين احساس بالأمان هما ولا احنا
ه عموما الحنان من المشاعر التي يتشابه اعطائها مع تلقيها


نور
شكرا

LAMIA MAHMOUD said...

بين الامل واليأس
لاء العيلة لسة ما جابتش نتيجة ما تقلقش :)
هو الحنين لكل الاشياء لشخص رحل ولا اتمنى رجوعه ولكن فقط الحنين للذكريات .. الحنين لكلمة لم تسمعها اذناي يوما دون ان تكون هادفة او ساعية .. الحنين الى شيء ليس وقته ولا اوانه ولا انا على استعداد ان اقابله ولكن.... الحنين الى كل ما هو دافئ صادق برئ .. خالي من الزيف والاصباغ
الفكرة مش في استعجال او في ابن حلال لأني اصلا مش مستعدة نفسيا .. الفكرة في افتقاد الملامح الصادقة من حياتنا .. ربنا يخليك وعقبال ولادك .. طالع لعمته:)

Anonymous said...

just reminds me of me and my youngest sis, Heba..they are innocence incarnate!!

Anonymous said...

لا تعليق
فقط احييك على الرقة والصدق

كلمه said...

no comment ..... kont 3yz 2a2ol nafs kalam Shaima bs heya saba2etny

3agabny 2a5er 7aga ya limy ;)

LAMIA MAHMOUD said...

آبي
ربنا يخليهالك يارب .. براءة الاطفال دي حاجة روعة



سردية
شكرا ليكي :)



كلمة
اية ده اوعى تكون اتبعت .. يبقى عيب حتى :)
اما بقى لو كنت عايز تقول ان فيه اصحاب ودول برده مشاعرهم صافية زي ما شيماء قالت فدي حاجة انا عارفاها ربنا يخليهم ليا يعني كلهم:)
لو عايز تقول ان الاطفال صادقة فتبقى غريبة لانك قلتلي قبل كده انك ما بتحبهومش :)

frozen love said...

wlahy de bra3a mnk enna nsh3r kl hazhy elmsha3r fe post wa7d..a7yeky bgd ya lmy..wlahy a7eyky..nice post...we nice feeling..we nice writer....we lesa msh 7ass eny 3brtlk 3n e3gaby bel2slob wlahy

albida said...

أنا فاهمة قصدك كويس أوى.. لأن ابن أخويا عنده 3 سنين وبموت فيه

بيبقوا عساسيل أوى لما بتكون الغزالة رايقة.. غير كده.. أجارك الله!! طبعا أنتى فاهمة قصدى
:) :)

manal

LAMIA MAHMOUD said...
This comment has been removed by a blog administrator.
Anonymous said...

يا بخته الصراحة;)
guess who

LAMIA MAHMOUD said...

حامد
كل الكلام ده ولسة معبرتش عن اعجابك يا ابني والله انت فنان
ويسعدني بجد انك حسيت الكلام ولو حتى حالة واحدة مش كل الحالات:)



elbida
بيبقوا زي السكر طول ما الغزالة رأيك او ما يتجننوا بقى حدثي ولا حرج:)



guess who
يا سقالته الصراحة
طبعا ده مش آسر

Adel said...

ياختى كاميلة الواد شسكله ماشاء الله عسولة شبه عمتو يا خواتى عاوز اموته من البوس ما شاء الله وانتم منجدينه هدوم كده ده اكيد فالصيف هايبقى فضيحه هههه على فكرة انا اتحدى اي حدعنده طفل زنان انه يشيلهولي ولو زن انا مستعد اموت نفسي فالحال

الحمد لله انا باموت فالاطفال وهما كمان بيموتوا في


بقولك ايه ما تيجي نعمل المشهد بتاع الواد ده انا وانت يا عمتوههههههههه
واسئلك بتحبينى يا لولو
تقومى متنهده وباصة فالسقف وتقولي...............






اعمل ايه اخرة صبري ههههههههه
ربتا يخللي لكم

linda said...

فعلا يالمياء

الاطفال حين يغمروننا بحنانهم وخاصة ونحن بأشد الحاجة لهدا الحنان لا نعبر بكلمات بل نكتفي بدمعات الساقطة على وجنتينا

ربنا يحفظهولك ويحفظك انت ليه يارب

وانشاء الله بنلاقي صورة ابنك او بنت يوم بالايام:)

وعلى فكرة كتبت مرة بالبلوق تبعي فكرة مشابهة

كان اسمها
عالم ألأطفال

ياريت تتطلعي عليها

تحياتي لك ياعزيزتي

elkamhawi said...

مهما تسود الدنيا اكيد بيكون فى سنة امل وربنا يببعت لينا حاجات عشان تخفف علينا وتفكرنا ان الدنيا لسه بخير وفى حاجات الواحد ممكن يعيش عشانها

بين الأمل و اليأس said...

و فعلا عندك حق مفيش حد اصبح صادق كل كلمه بقه تحمل معنى وهدف غير اللي مكتوب او حتى نظرة اعين بقه فيها خبث لكن بيتهيالي لسه الحاجه الوحيده النقيه هي المحبه والطفوله
وبما ان فيه ناس كتر بتنخدع في الي يحبوهم وبيتهموا الحب فيها فمبقاش غير الاطفال اللي ربنا يستر ونقدر نحافظ على مرحلة الطفوله في نفس كل انسان مش بشر فيه فرق بين الانسان والبشر
وربنا يسترها ويحمي بني الانسان وعقبال مايبقه كل البشر انسان والاطفال ترجع تبتسم زي زمان ونقول عليهم اطفال
زالحمد لله على كل حال وربنا يجعله سعيد يارب ويوفقه وياريت رجاء خاص مني متحرمهوش من معنى الطفوله وساعديه بما انك بتحبيه وبما انه طالعلك كدا انه يعرف معنى الطفوله ويعيش كل مره صح بس علميه الحذر من البشر وازاي يتغلب عليهم وازاي يكون انسان ويقدر يفرق بين البشر والانسان
وربنا يسترها

media said...

الاطفال دول ملايكه احلى حاجه فيهم انهم اطفال تحسي ببرائتهم

media said...

الاطفال دول ملايكه احلى حاجه فيهم انهم اطفال تحسي ببرائتهم

Carmen said...

فمن خلال مشاعره البدائية اللاهادفة عرفت انه قد يكون مازال هناك بالدنيا القليل من الضؤ

فعلا يالميا مفيش احلى من مشاعر طفل صغير بكل برائته

طفل بيحب حب مجرد من اى هدف


وربنا يخليهولك زى القمر

LAMIA MAHMOUD said...

مزاجه
ربنا يخليك على حوار شبه عمتو ده .. ويا سيدي حبقى اجيبهولك قطعه من البوس زي ما انت عايز بس اعمل حسابك ده في الصيف مش بس فضيحة لاء وجرسة كمان بيبقى مسخرة عامل زي البرص
وبعدين اية انا وانت نمثل المشهد ده موقف غير مستحب اطلاقا لأنسة زيي ويعتبر في القانون تهرش:)
ربنا يخليك يارب ويخليلك ولادك



ليندا
الحنان هو الشيء الوحيد في العالم الذي يتشابه اعطائه مع تلقيه



القمحاوي
اكيد في حاجات كتير الواحد لازم يعيش عشانها .. واكيد في في الدنيا حاجات حلوة زي مثلا مشاعر الاصحاب الخالية من الزيف


بين الامل واليأس
الاكيد انه لازم يتعلم الحذر والخوف من البشر والاكيد اكتر انه لازم يعيش حياته بكل مراحلها من غير تدخل من حد باختياره هو


لولا
فعلا الاطفال دول ملايكة



كارمن
ربنا يخليكي يارب :)

dead man said...

عارفة أنا أجمل حاجة بحبها ايه.. لما تسنيم بنت أختي تيجي تقعد جنبي وتلعب في شعري..
بحس أن الزمن وقف حبتين واقوم مشغل منير يا بنت يام المريلةكحلي وهي تقعد تسمعها معايا ..

سلامـــــــــــــه said...

ربنا يخلهولك
................
دمتي بود

LAMIA MAHMOUD said...

dead man
ربنا يخليلك تسنيم .. وتفضلوا تسمعوا سوا المريلة الكحلي
ويارب تلاقي حب بجد وعفوي تاني غير حب ياسمين



سلامة
اية ده انت هنا والناس هناك في البلوج التاني جايبة في سيرتك
في اشاعة بتقول انك غير مرتبط ومطابق للمواصفات ومطلوب القبض عليك فورا
الحق اهرب يا ابني .. يلا وانا حعمل ما شوفتكش:)

كلمه said...

loool ...2na 2keed matba3tesh .... soret (2aser) bsm elah ma sha2 allah menawra elblog w te5za2 3een el2a3ma :D

btw ..mesh ma3na eny mesh ba7eb el2atfal yeb2a homa mesh kwyseen msln :D ...la2 2na bas mesh basta7mel farhadet el3yal elso3`ayra

LAMIA MAHMOUD said...

كلمة
يا ابني ومن غير صورة آسر مفيش اي مجال للبعت .. ما احنا دافنينه سوا عيب عليك:)
بس اشطة يعني بكره يا سيدي نشوفك لما تخلف لو ربنا ادانا عمر وفضلنا اصحاب ونشوفك حتحبهم ولا لاء
وانشاء الله نفضل اصحاب

nour said...

الللله
سلميلى على القمر اخوكى اوىىى

LAMIA MAHMOUD said...

نور
القمر ده ابن اخويا:)
والله يسلمك يا جميلة

makhlouf said...

لمياء
جميل أوى اللى انتى كاتباه
تتويهة ومفاجأه
حلوة

LAMIA MAHMOUD said...

مخلوف
ربنا يكرمك يارب :)
من بعض ما عندكم

Anonymous said...

:) i know exactly what u r describing

wel 7add el wa7eed elly kan keda bel nesbaly, mat el sana elly fatet...

LAMIA MAHMOUD said...

*~Daisy~*
really don't know what 2 say .. raben yr7mo w ysbrk:(

Anonymous said...

It is the best work, which I ever ve seen Everything is so harmonious, that even such aggressive critic as I would not be desirable to change anything!
- lamiaamahmoad4810.blogspot.com f
spaghetti alla carbonara