Sunday, November 19, 2006

عودة

امس قرأت تدوينة لصديقتي .. وئام .. بغض النظر عن روعة التدوينة .. الا انني لمسني جزء محدد فيها
تفاصيلنا الصغيرة .. كم من تفصيلة صغيرة تعبر في حياتنا .. في الفترة السابقة كنت احاول لملمة جزء مبعثر من روحي .. جزء اعتبرته يوما تفصيلة من تفصيلات حياتي .. جزء من كياني .. لاكتشف انني فجأة لا اهوى الخنازير
وفجأة .. انا في مكان وحدي .. محاطة بجموع من الناس .. الكثير منهم قلق .. والاكثر مشفق .. والاغلبية شامت
ولم اعد اشعر باي يد من الايادي التي تحاول الوصول الي


ولكن للحظة توقفت لالملم كل تفصيلة من حياتي .. تفاصيلها الحقيقية .. التفصيلة الاولى التي قابلتني كانت انا .. انا برائحة عطري النفاذ وادوات مكياجي التي اضعها صباحا لارتدي قناع .. قناع لفتاة اخرى
تشبهني كثيرا في الملامح .. ولكنها لا تشبهني في اي شيء اخر .. لا الضحكة .. ولا طريقة السير .. تختلف عني في الاداء
امسكت بقطنة .. ازلت كل ما كنت اضعه .. امعنت النظر الى خطوط وجهي .. ياااااه كم كنت نسيتها
ولون عيني الذي كان يختفي وراء تلك العدسات الملونة
خلعتها هي الاخرى .. كم كرهت الآن كل صرخات الاعجاب التي كانت تقال عن مدى تناسقها مع وجهي .. امعنت النظر لعيني .. لاجد لمعة .. بلا هوية تتسلل محاولة ان تأخذ طريقها بين كل الدموع التي تراكمت .. تشبثت بها
علني اجد خلف تلك اللمعة تفصيلة اخرى .. لقد كنت محقة
وجدت صديقتين .. نعم ها هي تفصيلة اخرى حقيقية في حياتي .. حضن لارتمي به ..يد لتمسح دموعي لتظهر تلك اللمعة بعيني اكثر
اغسل وجهي الآن .. اغتسل انا نفسي .. والآن .. فلاحمد الله على وجودي .. على وجود تفصيلتين في حياتي منحهما لي
تفصيلة ضائعة اخرى .. ايماني ,, اين كان قد ذهب .. لماذا في لحظة كنت اضعته .. اتذكر اوقات صلاتي وصيامي وقيام الليل .. وكم كنت اشعر براحة نفسية لا حدود لها في وسط العديد من الصدمات والكوارث .. كيف لاحظ الجميع اني تحولت لاصبح انسانة افضل .. لماذا انقطعت من فترة .. فلاعود الى ربي لاحمده على حياتي التي منحها لي
اين بقية تفاصيلي .. ها هي .. هناك تفصيلة ملقاة في ركن صدء من روحي .. انها قلبي
نعم قلبي المقسم الى اجزاء .. فلالملمه .. لقد كان اروع تفاصيلي في يوم من الايام .. كيف تركته في يد من يشوهه .. لملمت جزء جزء .. جزء كان قد كسر من سنتين .. واخرمن سنة .. واخر من فترة قريبة
تبقى تفصيلة صغيرة .. هل ساعطي قلبي بعد ما اكتمل الى احد .. ام سأتركه بين يدي أخر
اخذت ابحث في حافظتي .. ولكن قبل ان ابدأ البحث وجدتك تقفز في ذهني .. وان لم اكن مخطئة في الاعتقاد .. فانت تمارس الحب الصامت منذ فترة .. خالي انت من الافتعال .. اتمنة الا اكون مخطئة في مشاعري .. او فلنقل اعتقادي .. لم تفتعل مشاعرك في لحظة واصبحت انت الآخر تفصيلة من تفصيلات حياتي
لم اكن اسأل نفسي قبل الآن لما في كل مرة اخرج بها من المنزل اقوم بمطالبتك بالمجئ .. او لما تركت كل شيء في يوم فقط لاراك .. ولكني الان في وسط زحام التفاصيل وجدتك
تبقت تفصيلة اخرى .. تفصيلة مؤلمة .. تلك التفصيلة مكانها سلة المهملات في جانب روحي .. لا اجد مكانا آخر يناسبها
تفاصيلي هي انا .. اصدقائي .. ضحكتي الصاخبة .. وجهي الخالي من الاصباغ .. المي .. جرحي .. وتلك التدوينة المبعثرة الغير مفهومة .. والحمد لله .. وايماني العائد
ورسالة موجهة
-------
جديد اللي انت بتقوله .. بجد طريقة مختلفة
برافو قدرت تخدعني .. وخاني ذكائي معترفة
خلاص المستخبي اهو بان .. في ناس في الغش محترفة
بجد طريقة مختلفة
-------------
ايام الدنيا احلى .. من احلام الاغاني
فيها الشارع وبيتنا .. والحب الاولاني
وفيها اتربى قلبي .. في حضن الناس حبايبي
----------
وفي الآخر بقى .. شيماء واميرة .. انتوا ال2 شكرا لوجودكوا جنبي في اسوأ فترة في حياتي .. شكرا للقلق اللي كان في عينيكم .. شكرا يا شيماء لعنيكي اللي دمعت وحاولتي تداريها على اساس اني ما انهارش .. بس على فكرة استمديت منها قوتي .. شكرا على كلامك التقيل اللي فوقني
شكرا يا اميرة على الجدعنة اللي على ابوها ..ووقوفك معايا .. والاحساس اللي وصلتيهولي انك حتكوني جنبي في جميع الاحوال .. رغم صعوبة الموقف عليكي
شكرا يا سلمى بجد .. تعبتي معايا قوي .. واسفة على وجع البطن اللي جبتهولك من القلق .. واحساسك بالمسئولية من ناحيتي
-------------------
معلش طولت عليكوا بس ده بقى وعد لكل الناس اللي عرفت اني اهمهم قوي
ساتوقف عن التصرف كطفلة .. حتى لا تلتزموا بعد اليوم بمعاملتي كواحدة
بس مش في كل حاجة حعرف ابطل .. بس وعد حبذل جهدي

29 comments:

ody911 said...

تدوينة توجع القلب
لانى فى كل واحد مننا تفاصيل زى تفاصيلك دى
والحمد لله على الهداية
وربنا يوفقك
وعادى برضوا
أودى

Amira Hassan said...

مفيش داعي للشكر ولا العبث ده الشكر الحقيقي ممكن اخده لما الاقيكي بقيتي فعلا لا تتصرفين كطفله

No Fear said...

السلام عليكم
بصراحة أنا كنت بقرأ البوست ده و مش عارف هو لمين أنت و لا شيماء و لا أميرة
بس بصراحة بعد أما خلصته مكنتش أتوقع أنك لمياء مش عارف ليه
بس فوجئت انك أنت
أنا يعني اللي كنت متخيله منك أنك أقوي من كده أنا طيعا مش عارف تفاصيل الموضوع بس إن شاء الله الأمور تمر بسلام و بعدين كفاية أنك تأكدتي من صداقة شيماء و أميرة أو يعني شفتي هم ممكن يقدموا لكي أية
هو في موضوع نفسي أفكرك به بس مش عارف هتضحكي و لا لا هي محاولة يمكن تخرجك من الحالة اللي أنت فيها
هو موقف مش عارف مين اللي أتعرض له بالتحديد هم أتنين منكم فاكرة موقف المترو

LAMIA MAHMOUD said...

اودي
سلامة قلبك من الوجع .. والحمد الله على كل شيء في حياتنا .. كلنا مليانين تفاصيل المهم بجد ننقي انهي تفصيلة اللي صح وانهي تفصيلة اللي مزيفة



ميرو
يا حبيبة قلبي انا لو قعدت اقول شكرا من هنا للاسبوعين اللي جايين مش كفاية .. بس العبث ان شكرا دي مبقاش ليها مكان بينا بس كنت عايزة انك تعرفي اني بعدي الليلة دي بوجودكوا جنبي وبس .. بحبكوا والله باداء هاني شاكر


no fear
صدقني بكم اللي كان حاصل في حياتي فانا اقوى من حاجات كتير .. وما تخافش ما خدتش وقت قمت بسرعة وحسيت ان حياتي فيها حاجات كتير تستاهل اني اخاف عليها وما استسلمش للحظة حزن واحدة بس عشانها .. وموقف المترو كان شيماء واميرة انا كنت روحت في تاكسي وبعتهم
بس اكيد بفتكر الموقف ده وغيره وبعرف ان الدنيا دي بتروح في لحظة

أحمد فؤاد الدين said...

مفيش شكرا لاحمد يا جزمة عموما أ،ا سعيد جداااااااااااااااااااااااا
انك رجعتي لميا
ممكن نتعرف

LAMIA MAHMOUD said...

احمد فؤاد الدين باشا
شكرا ليييييييييييك بجد بجد بجد .. انا قلتلهالك كده كده انت فعلا عرفت تفوقني .. وبعدين ممكن نتعرف عادي يعني
انا لميا 21 سنة من مصر
وانت؟
بتنور المدونة يا باشا .. ونشوفك قريب بقى

Anonymous said...

la tozref al dam3 alra5es tarafaq falam ta3od al domo3 tother fo2ady.... ya rab waga3 batny yegy befayda wa a3taqed eno geh 3la shan tesma3y el kalam wenty 3arfa kalam eh....ta7eyaty leshaimaa we amera allah yekon fe 3onhom 3ayzeen naql dam......salma

LAMIA MAHMOUD said...

سلمى
بنت عمتي حبيبة قلبي نورتيني في اول تعليق .. جه بفايدة قوي يا سلمى وما عادش في اي حاجة بتثير فؤادي
الموضوع كده اترمى في الزبالة وده مكانه الاصلي يا بنتي من زمان
كان لازم اسمع كلام ناس كتير مش كلامك انتي بس
بس انا كنت فاكرة ان الدنيا فيها خير .. هبلة بقى تعملي اية
واميرة وشيماء وانا وانتي حنروح لاقرب مستشفى ننقل دم لان كلنا دمنا نشف اصلا في اليومين اللي فاتو دول .. انا بقيت احسن وباكل وبشرب وبتنطط وبتشقلب
زي الفل يعني .. هي كانت خبطة وراحت لحالها
بحبكوا كلكوا بجد وشكرا تاني يا عيوني

saso said...

حمدلله علي سلامتك يا جميلة..يا بنتي كلنا اقوي مما نتخيل.بس هوا الوجع اول مايهدا وتطولي روحك وتقعدي معاها بتلملمي اللي انكسر وترتبي دنيتك

صحابك وانتي معاهم هيرجعوكي احسن من الاول كتير
باي باي يا لميا يا قوية

مـحـمـد مـفـيـد said...

لمياء الحالمه كما كنت اناديكي
الجرح ده سمه اساسيه في كل واحد لكن الجدع هو اللي ياخد من الجرح الدروس ويعرف يتعلم منها ميبعدش ويقعد لوحده
بمرور الوقت هتلاقي الموضوع هدي وترجع المياه لمجاريها
وعودا حميدا

linda said...

عن ماذا أعزيك لكاماتي فقد كان العزاء لك بينك وبين مرآتك

عن ماذا أطريكي وقد كنت زنبقة في وحل دامس

عن ماذا أطلعك وقد كنا رفيقاتك أجمل هبة منحك الله ايها

أشعر بالفرح لانك أدركتي ضعف تصرفاتك وعلى هدا أحسدك واحسدك ايضا على رفيقاتك

فتشبثي بهم علك تجدين عندهم مايسمي براحة وسعادة لحظية والأكيد الغير مكتملة


تحياتي لك أختاه

والحمد لله على سلامتك

shimaa said...

btly hbl ya bnty..we r all here 4 u anytime u need us ,bs wanby rga2 bgd try fe3ln enk tfo2y lnfsk shwya b2a w tfkry feha w tfkry fe eltfseel elso3'yra eli l2teha in ur life w 7bteha w 2ftkry dayemn en 2e mwkf be3dy 3lena mbebash 3bs kda beb2a leh m3'za & i hope u saw rhe sign which was a crystal clear
Rbna ye7fzk dayemn yarab & be wiz u in all ur steps

We2am said...

woow..woow ya3ni..ana b2et masdar elham w bta3 :D
tafaselna heya alte tasn3na fe3lan..a7yeke 3la gr2et et7'az elqarar..feen lmy bta3tna b2a..kol ama ashof 7ad..y2ole ente mashoftehsh 2bl kida..esh6a..ana mestanya lmy new version :D
7bebte el 6efla..kolna ta7t amrk fe3lan..bla mobal3'a..m3aky lnahytk aw nhaytna :)

LAMIA MAHMOUD said...

ساسو
كلنا بييجي علينا وقت بنكتشف اننا اقوى مما كنا نتخيل .. والحاجات اللي كنا فاكرين انها عمرنا ما حنقدر عليها بنلاقيها عدت اتفه مما اي حد يتصور .. وطول ما في شيء حقيقي في حياتنا لازم نتمسك بيه



محمد مفيد
خدت منه الدروس ورجعت في وسط كل الناس اللي اهمها .. واللي بجد نفسي اعمل تدوينة شكر ليهم كلهم بس الكلام مش حيكفي عشرين مدونة .. والله يسلمك
وعلى فكرة انا بحب اللقب ده منك جدا


ليندا
الله يسلمك .. جميعنا نحاول التشبث بلحظات السعادة الوقتية .. واسوأ قرار نتخذه حينما نترك ما هو حقيقي من اجل ما هو مزيف
اشعر بالفرح انا ايضا لانني ايقنت ضعف تصرفاتي وضعف مشاعري .. واشعر بالخجل لاني لفترة قصيرة من الزمن كنت قد اعتقدت ان الابتعاد عن الناس هو الحل ... وكدت ان اغرق نفسي في احزاني
ولكن بلا حقد ولا حسد تعالي لنلحق ما تبقى من العمر حتى وان كان ايام
تعالي نعيشها صح


شريف
اعتقد ان لحظة القاء الاقنعة .. هي اللحظة الاكثر صراحة مع النفس وبتتطلب مجهود بشع بينك وبين نفسك .. معتقدش ان فيه شخص ممكن يجرؤ انه يتخذها ويرجع فيها
ربنا يخليك ويارب بجد يفضل كل الناس اللي بتحبني حواليا .. بس اللي بيحبوني بجد
تحياتي


شوشو
حبطل هبل .. بس صدقيني يا شيماء اللي حصل بجد ساب اثره .. وبجد مش اعتبرته علامة على حاجة واحدة .. لاء ده على عدة حاجات .. اولها ان ربنا فعلا بيقولي انه جنبي .. وان مش كل حاجة احنا عايزينها فهي دي الخير لينا
وان اهم الحاجات في حياتي هي الحاجات الحقيقة الخالية من اي زيف او ادعاء
بحبك



وئام
هيصي يا ستي بقيتي مصدر الهام .. ولاء مش لاي حد ده ليا انا
واوعدك ان لمي جاية قريب وحتشوفيها يا ستي لمي بتاعتكم تاني .. من غير اي اضافات .. اهي كانت خبطة وعدت



خاص باميرة وشيماء ووئام وسلمى
اية يا جماعة .. محدش ينكر برده اني مخدتش وقت واني رجعت بسرعة .. مفيش سقفة على الكلام ده ولا اية

shimaa said...

3la allah tkon rg3a bgd ..lw hya kda fa s2fa kbera gdn tb3n
b7bk brdo

Amira Hassan said...

بص شوف لميا بتعمل ايه

هيييييييييييييييييييييييييه

LAMIA MAHMOUD said...

شوشو
بجد يا بنتي والله يلا سقفي .. برافووووووووووووووو


ميرو
هههههههه
واحد اتنين هوب هوب
يا بنتي دي النسخة الجديدة ونازلة السوق خلاص اهي

Anonymous said...

wenaby lasa2af waza3'rat wa aroslek 3ashara balady wa3melek 7afla ya amar .... salma

LAMIA MAHMOUD said...

سلمى
يلا قشطة .. حستنى الحفلة يا اختي .. والدعوة عامة وحتبقى لمة

We2am said...

wenabe ente 7elwa w gad3a..feen el 3walem wel zaffa wel r2asa el mere?!! wla 2lek..ar2os ana..
"MAZEKA YA WLA" TET tat tralm :D

No Fear said...

السلام عليكم
أزيك لمياء
بعد إذنك أنا مش عاوز كآبة في المدونة بتاعتي أنا مدونتي مملؤة تفاؤل

يا لمياء الحياة متستهالش كل اللي أنت عاملة ده
و لا يهمك الحياة فيها الحلو و المر و ممكن تعرفي الحلو من المر اللي تشوفيه فيها
أنا مش مصدق إن أنا اللي بقول كده
ربنا يجعله خير

LAMIA MAHMOUD said...

وئام
اس اس اس
وشمعني احلى صدى صوت


no fear
والله انا مش عاملة اي حاجة .. التدوينة مش كئيبة وكلامي مش كئيب بالعكس انا كل كلمة قلتها كان معناها ان مفيش حاجة في الدنيا تستاهل اننا نضايق نفسنا لان فيه حاجات حلوة كتيييييييييير
مش عارفة كآبة اية بس
عموما لو على الكلام اللي قلته في المدونة فده رايس ملوش اي علاقة باي حالة نفسية

Anonymous said...

اولا ..ربنا يخلى ليكى أصدقائك لان بجد الناس أغلى حاجة فى الدنيا

ثانيا التدوينة فعلا توجع القلب .. أنا مقدريش أكملها للأخر فى أول يوم .. لان جرعات الحزن و الاكتئاب عالية اوي

No Fear said...

السلام عليكم
أنا كنت بهرج بس

frozen love said...

ana s3ed b3wdtk wlahy b3d elfatra elly fatet..bs mday2 b3d ma 2retha..lol

ana 2ltlk 2bl keda t2dry tbkena bs msh bgd ya lamia y3ny...bgd 7seet klamk awy..mafehosh 7aga gher eno mn 2lbk

merci 3la elbog el7elw da

LAMIA MAHMOUD said...

توهامي
ربنا يخليهوملي يارب .. بس صدقني مش مقصود منها جرعات حزن واكتئاب .. لكن المقصود منها ان كل واحد يدور في نفسه على التفاصيل الصغيرة قوي اللي بتخليه سعيد .. كوباية الكوفي ميكس بتاعت الصبح .. خروجة وقاعدة مع العيال في القهوة .. لحظة الم اتعلم منها وما اتكسرش وعدت اقل مما كان فاكر



no fear
وعليكم السلام ورحمة الله وبركاته .. ماشي يا سيدي .. بس ارجع واقولك انا بجد احسن من اي وقت تاني



frozen love
شوفت قلتلي عايزني ابكيكوا ما قصرتش اهو .. اديني قلت كل الكلام اللي بيوجع .. بس ده بيوجع وبيفوق في نفس الوقت .. كل واحد كان حاطط نفسه في قمقم الجرح والالم .. يقدر يبتدي يبص اية في حياته حقيقي لان اكيد اللي سبب الجرح والالم في حياته ده شيء مزيف ومش حقيقي

islam said...

اغسل وجهي الآن .. اغتسل انا نفسي .. والآن .. فلاحمد الله على وجودي .. على
وجود تفصيلتين في حياتي منحهما لي

اغتسل أنا نفسى.... نعم حقا انها لحظة صادقة تلك التى يغتسل فيها الانسان كاشفا جوانب نفسه الحقيقة لا الزائفة ..متذكرا أجمل ما فيه والذى كان نسيه وسط الزيف

أتمنى أن ترجع أيامك الخوالى أيام الأنس بالله

Feras othman said...

:) very nice post
el 7mdolilah 3la kol shy2
after all thank god for everything

LAMIA MAHMOUD said...

اسلام
يارب .. بحاول ارجعها باقصى قوتي


فراس
الحمد الله على كل شيء طبعا .. وراء كل شيء بيحصل ممكن يكون من ظاهرة وحش .. حكمة ربنا اللي اكبر من كل شيء