في كافة والبنات في كافة

في جمال كده؟
الله اكبر .. يا دوبك ابربش تحلو

إمبارح لما كلمتيني يا بنت الأية وقلتيلي زعلانة منك عشان مجتيش مع جدو وتيتة حسستيني إني وحشة أوي

كل سنة وأنتي طيبة يا بقيتي

ولما تكبري وتعدي هنا ابقي افتكري خالتو بتموت في حضنك قد اية وتعالي احضنيني لو كنت عايشة

دي توتة بنت اختي يا جدعان

كل سنة وانا عايشة

تنويه لابد منه
لو حد لقى تعليق جارح في المدونة عنده مني الفترة اللي فاتت .. فانا اسفة لان الاكونت بتاع اتهاك عليه ومعرفتش الا من حد صديق انه اتسابله تعليق فيه تجريح ليه .. ومن تعليق عندي حد فيه بيستخف دمه او بيوصل رسالة وانا غيرت الباس وورد والميل منعا لاي اخطاء لاحقه




الى كل من سيذكر اسمه وكل من سبعرف نفسه .. بالتأكيد احدثتم اثر في حياتي

منحتموني قوة المواجهة دائما .. وجعلتوني على يقين انني استحق ما هو اكثر .. اعتدتم دائما ان توبخوني عند محاولتي الرضاء بانصاف الحلول او اشباه الحلول .. مذكرين اياي اني لم ابغ ابدا الا الاشياء الجلية على طريق اكثر وضوحا .. لم اعد اذكر كم من الزمن مر وانتم معي .. ونحن هكذا وللحقيقة فانا اعود دائما لانكم انتم .. شيماء واميرة .. شيماء بهدوئها الظاهر وباطنها الذي اعرفه واميرة بتعبيرات وجهها التي تكشف ما تراه داخلي من خير ان كنت على صواب ومن استنكار ان اعتقدت اني "بهوبص" كما تقولها
عزيزتي شيماء .. اول ما فعلت عند وصولي للمنزل برغم كل شيء كان ارتدائي لذلك القرط الفضي الذي اهديتيني اياه .. لبساطته التي ستذكرني بك دائما ان احتجت الى تذكرة وهذا من المحال
اما اميرة بتلك الرواية التي عشقت اسمها من اول لحظة وذلك الاهداء المتناسب .. فكوني واثقة ان كان النبيذ الاحمر هو نخب صداقتنا فالخمر يزداد قيمة كلما قدم .. فليكن نبيذا احمر يذهب بعقلنا عن كل ما مر وسبب الم وكل ما قد ياتي ويحاول ان يفعل
لن يكفي بعمري قلبا لمحبتكم

صديقتي الصغيرة وئام .. بقدر عشقي لاصلان واحياؤه القديمة بقدر تقديري لهديتك .. اما عن اهدائك فلن اتوفق في التعبير .. فكما قلتي نقلا عن العبقري محمود درويش .. اذا كان لابد من قمر فليكن كاملا كاملا لا كقرن من الموز .. اعتذر باذلة اقصى جهدي في انني يوما كدت ان ارضى بالمحاق والقي بتلك الرأس اسفل اقدام المارة .. اعذريني لعدة اشياء وتحملتيني كثيرا .. وان كنت اتمنى ان تعتبريني قمت بالعودة .. ولتتوقف ابتساماتك عن الاعتذار بعد اليوم


نورا جارتي العزيزة .. تعرفين جيدا ان هديتك تأتيني دائما كما احبها وفي وقتها الصحيح .. وان كنت لا احتاج منك لاثبات صدق من بعد كل ما مررنا به من مواقف .. "انتي جدعة اوي" والله

القريب البعيد .. والذي انا عن يقين انه الوحيد الذي لن يدرك انني اتحدث عنه .. اشكرك لثقتي بأنك كنت تعنيها عندما قلتها كل سنة وانتي طيبة .. ونقلا عن الرائعة عزة سلطان مع بعض التغيير ان سمحت لي .. انت الرجل الوحيد الذي لم يبرح اعماقي برغم الغزو فاعرف انني هنا

ما عن ايمان فقد جعلتني استمد من اسمها عونا واؤمن بأن مكانتي ستبقى بداخل من يستحق وان قصرت انا .. عن تلك الاحتفالية التي قامت بها من اجلي اتحدث .. شكرا وبالفعل احبك صديقتي العزيزة

فؤاد .. شكرا لوجودك الصامت المؤثر


امي وابي كل عام وانتم معي .. وآسفة ان كنت مصدر ازعاج بعض الاوقات .. فلنبحث عن نقاط تواصل اخرى

الطير الذي احتل مكانا اخر في الروض .. شكرا على تذكرك وشكرا على البطاقة التي ارسلتها كثيرا

اما عن ذلك الذي ينسى دائما انه يكبرني بست سنوات الا اربعة ايام .. فلم افتقدك اليوم كثيرا .. شكرا عن كل طيب الخاطر الموجود بتلك الدنيا .. ما عاد مكان بقلبي لاحمل ضغائن غير منسقة


كلمة صديقي العزيز حملت رسالتك الي معاني كثيرة وانت طيب .. واأسف لعدم تواجدي اليوم .. "حبقى احكيلك

تسنيم وكانت الاولى في التهنئة .. عمرو واكتشافي اني اكبره بعامين الا يومين وتمسكه بسن التاسعة عشر .. منة ودائما ما تعتذر عن وصولها المتأخر ودائما ما اخبرها ان وصولها يحمل في حد ذاته قيمة .. اسراء تلك الاميرة التائهة وان كنت لا اعتقد انها تائهة بعد اليوم .. بهاء وانت طيب .. حامد وانت ايضا ... علا كل عام وانتي كما انتي .. محمد اعذرني لعدم استطاعتي الرد على مكالمتك كنت اتمنى ان الحق بها



ريم وتلك الرنة التي اقلقت هاتفي اليوم بعد الافطار لا اعرف ان كانت تحمل معنى كل سنة وانتي طيبة .. ام كما اعتادت انتابها قلق مفاجئ على حالي فارادت الاطمئنان .. احتللتي مكانة في قلبي سريعا ولن تزول بمرور الزمن

اما عني انا فمازلت كما انا .. الح على شيماء ان تتذكر اني احتسي قهوتي زيادة .. وتقنعني هي انها تتذكر دائما وتنسى فقط حينما تقوم باعداد القهوة .. مازلت اعجز عن مواجهة الاخرين بعيوبهم وارددها بداخلي محاولة ان اخرجها فقط .. ومازلت اضحك بدلا من البكاء فلم اعشقه ابدا .. تتراكم الافيهات الحمضانة وتخرج مني لتجعل اصدقائي يحاولوا الاستيعاب قليلا ثم ينطلقوا في ضحكة موحدة الاداء .. ومازلت احتسي الشاي كثيرا وانا لا احبه .. ومازلت اهرب .. لكني فقط امنت ان توالي الاحزان لن يزيدني هما .. وانه هناك اشياء اخرى افضل .. دائما افضل
ومازلت اقدرك انت يا من اعرفه .. والجأ اليك كلما انتابني اليأس لأراني بعينيك افضل

******
فقط للتنوية ذكر الاسماء لا يرتبط بحجم الحب الذي اكنه لاحدكم

officialy confirmed

خطوبة اغلى الناس .. اميرة حسن صاحبتي الانتييييييخ واحمد فؤاد الدين باشا

اعود لأنه هو

بعيون عبقرية وشخصية تجبرك على الاصغاء والتوقف عن الافتعال لدقائق .. سيجذبك من بين المحيطين بك مخبرا اياك ومجبرا اياك في نفس الوقت ان كن انت كما انت .. فلا وقت نضيعه في افتعال شخصيات لا نملكها .. فالوقت المتبقي كافي فقط ليتعرف كلانا على حقيقة الاخر


بعد دقائق ستكتشف انه يملك عالمه الخاص .. الذي يصنعه هو باحباطاته وسعادته وموسيقاه وافلامه .. وستجد نفسك امام اختيارين .. اما ان تعشقه _كما فعلت انا _ او تكرهه .. انه هو صديقي العزيز


مر عام الآن من عمره .. ومر عام واكثر على ما ادعوه صداقتنا .. اخذتنا اكثر الحوار عبثية واستمع اليها هو وناقشها بمنطقية متناهية .. اذكرها كالامس تلك اللحظة التي جلس مستمعا لكلماتي واضعا ساقا فوق ساق متمسكا بسيجارته راسما فوق عينيه نظرة من نوعية لا يعجبني ما تقولين او من تتحدثين عنه ولكن اكملي


بعد عام او عامين من الآن عزيزي ..اراك تتحدث الى تلك من سيختارها قلبك _وانا من موقعي هذا احسدها بنفس راضية_ وتخبرها ان : البت لميا دي بت جدعة اوي وحنينة اوي وحقيقية وخسارة فيه .. وان كنت لا ادري من هو الا انني سأكون كذلك لأنني في نظرك "خسارة فيهم جميعا " .. وهذا لو تعلم عندي امر عظيم

واتمنى قبل مرور العام الآخر ان احقق امنيتي في ان آتي الى الاسكندرية واجلس معك كثيرا امام البحر .. سأخبرك عن مكاني المفضل حينما آتي .. ولكن ارجو ان تعود الى تدخين نوع سجائرك القديم وقتها

ولأنك من هؤلاء من يثيرون الجدل حولهم .. ليس فقط لعالمه الخاص بل ولأنه من القليلين الذين يجيدون بالفعل ما يفعلون .. فنصيحة في اول لحظات عامه الجديد

انهم يقولون .. ماذا يقولون؟؟! .. دعهم يقولون

عزيزي .. كل سنة وانت افضل

اميرة قلبي

بصي بقى .. انا كنت عايزة اكتب البوست ده عبقري .. مليان بقى كلام كبير من بتاع خريطة مشاعري .. ودهاليز روحي .. وابواب العواطف وكده
بس لقيت ان ده بالذات واي كلام عنك لازم ادلقه .. مش انسقه ولا ارتبه
بحبك قوي يا اميرة
احنا اصحاب من 15 سنة مثلا .. بنبقى اصحاب ونقطع ونرجع وناتم وكده .. بس اخر فترة في ثانوي كنا متمسكين بشدة ومصرين على ان كل واحدة فينا مصرة على كره التانية .. بس انا كان مع شعور عدم الحب كان في شعور بالحنين لايام ابتدائي وايام ما كنا اصحاب
معرفش انتي اية بقى .. الا صحيح انتي كنتي حاسة باية وقتها
فاكرة بقى اول يوم حسيت فيه ان في احتمال نبقى اصحاب .. فاكرة يومها كويس كان بعد خطوبتك للاخ اللي مش عايزين نجيب سيرته تاني
وانا كنت سبت الاخ اللي يجعل كلامنا خفيف عليه
ولقيتني بتصل بيكي بقولك وراكي اية بكرة
فاكرة اليوم ده .. رحنا الاول الكلية عندك نخلص حاجات .. وبعدها طلعنا على بكري زقعدتي تتريقي عشان دفعت هناك فلوس كتير .. ورحنا كلنا كشري في هند واتمشينا في الكربة .. وروحنا على عندك ورحتي جبتيلي صورة البت اللي كنا عايزين نعلقها في المروحة فاكراها .. يجعل كلامنا خفيف عليها برده
اليوم ده حسيت ان ممكن انا وانتي نرجع اصحاب وقد كان .. التلت سنين اللي من اليوم ده لحد النهاردة
كانو احلى سنين حياتي بجد .. هونتي عليا كتير .. استمديت منك القوة في مواقف لو كنت اتعرضتلها وانتي مش جنبي كنت حنفعل ..
فاكرالك كل حاجة يا اميرة
فاكرة لما عيطت يوم خطوبة ........... وانتي خدتيني في حضنك واحتوتيني قوي مع ان موقفك حساس
فاكرالك لما شوفت في عنيكي دموع عشان انا متضايقة .. ومن غير ما اعيط حتى قومتي حضنتيني بس عشان حسيتي اني محتاجاه
وبموت فيكي لما تحسي اني مخنوقة فتقوليلي بت يا لميا انا لوحدي قومي البسي وتعالي .. اشطاط يا معلم ونقضيها بقى قعدة وبيبسي
ولما بتقفي بقى تدافعي عني قدام ناس قريبة منك قوي عشان ما يظلمونيش وتبيني انهم بيهرجوا
ولما بتقريني من غير ما اتكلم .. ولما بنتجنن سوا وبتستوعبي اي فكرة مجنونة بقولهالك
بني ادمة بجد وطيبة قوي وبحبك قوي .. لاء ما هي بحبك مش كفاية
كفاية اني اقولك ان الناس اللي كنت ممكن اعمل الدنيا كلها عشانهم بلوك وانتي قرياني بقى .. بضايق لما بيكونوا موجودين عشان معنى كده انك مش حتعرفي تبقي معايا على النت
مع اني ببقى لسة سايباكي
بتوحشيني قوي
والعبقرية بقى اني النهاردة اول ما فتحت البلوج وقلت حكتب عنك .ز دخلتي اون لاين ولقيتك بتقوليلي بت يا لميا انا بكتب بوست عنك
بجد يا بنتي انتي والبت شوشو بس دي اتكلمنا عنها قبل كده احلى حاجة في حياتي
كل سنة وانتي طيبة يا احلى اميرة
يا اميرة قلبي
واخبار منحياتك العاطفية اية .. ما هو لازم اكتب كلمة كبيرة في البوست
كل سنة وانتي طيبة يا جميلة .. بحبك قوي يا بت
اشطاط عليكي يا معلم واللي فات ده مكانش عبث وانتي عارفة من غير ما اقول

شيماء

في الرحلة في الطريق صعب تقابل صديق .. حب بحق وحقيقي
لالالالا .. البداية دي مش عاجباني خالص
طظ فيكي يا اميرة بداتي قبلي وكنا متفقين نبدا سوا .. وانا دلوقتي مبقتش عارفة اقول اية
بني ادمة تحفة ورقيقة .. محلقة
وعشان اغيظكوا دي بقى صاحبتي واعز اصحابي
بجد يا شوشو ليكي تاثير كبير في حياتي .. ومن غيرك ما كنتش عديت الفترة دي .. ولا اللي قبلها وانتي عارفة يعني اية اللي قبلها
مش كفاية عليكي اي كلام حقوله مش حيعبر بجد .. ممكن يعني اقولك ان قرارات كتير ما خدتهاش لاني تخيلت شكلك بعد ما تعرفي بيها .. وانتي بتحاولي ما تزعقيش ووشك مبقع احمر
بجد المنظر ده كان كفيل اني اعقل
ممكن اقول انك بتكوني موجودة وبتسمعيني الكلام اللي عايزة اسمعه في وقته
ممكن اقعد اقول من هنا للسنة الجاية بس بجد .. مش حوفيكي حقك
كفاية انك انتي والبت اميرة بس الناس الوحيدة اللي بحسها بتقول ازيك وهما قاصدينها وانتي فاهماني بقى
بحبك .. بمووووووووووووووووووووووووووت فيكي
كل سنة وانتي طيبة يا جميلة
وعقبال كل سنة نبقى سوا ومع بعض

بقالي كتيييييييييييييييير حاسة ان في حاجة بتتغير فيا ومكنتش فاهمة اية هي .. النهاردة اعز اصحابي قالت لي كلمة عرفت منها اية اللي متغير
او اية اللي كان متغير
انتي شكلك لميا
يعني اية
عنيكي شكلها لميا
عشان من غير العدسات يعني
عشان من غير حاجات كتير
ركزت في كلامها اكتشفت انها معاها حق انا بقالي كتير بلاقي لميا اللي كنت قافلة عليها لسة حفرح بصيت لها
لمعة الحزن اللي في عنيها .. انكسار ساخر .. ملامح وتعبيرات بقالي زمن ما شوفتهاش في عنيها
فترات كتير عدت سوا .. ضحكنا وهرتلنا .. وزعلنا .. وعيطنا
عرفت انواع حزنها واشكاله
وعرفت ان اصعب نظرة حشوفها في عنيها هي نظرة الفقد المصحوب بمحاولة هزيلة للتماسك
ياااااااااااااه فد اية الوقت اللي عشناه سوا
والايام اللي عرفناها .. والايام اللي عدناها .. وكل مرة كان بينتهي بينا الوقت بنضحك على الدنيا .. او سايبينها تضحك علينا
مرة واحدة شفت في عنيها نظرة الفقد دي .. وحسيت بالعجز مفيش في ايدي حاجة اعملها .. ولا حاجة حقولها حتصلح حاجة
والنهاردة اترعبت .. شفت نظرة قريبة منها ..
لمعة حزن .. نني قزاز بيحاول يهرب او يستخبى يمكن يخبي .. بس برده في النني ده فيه شرخ شوفت حاجة
وانا مروحة وقفت بصيتلها .. سلمت عليها من بعيد .. كان نفسي ما امشيش واخدها في حضني .. كان نفسي
كان نفسي اقولها انت النهاردة حاسة ان انا لميا .. وانا النهاردة حاسة انك مش هنا

كلام لازق في بقنا

..انا

ها .. واية كمان .. والله انت هايل

(ودي لما تبقى في حاجة مش عاجباني خالص بتتقال قدامي)

..اميرة حسن

يا دييييييييييييييييييين امي

(كنوع من انواع الاعتراض)

..شيماء السعودي

وماله يا حبيبتي مش عيب

(كنوع من انواع الاعتراض بردة)

.. اسلام كمال

ايوة يا مزة

(تحية خاصة لي كلما قابلني او حادثني)

..شريف حسن

عيب عليكي .. انتي تعرفي عني كده برضه

(دائما ما تقال كلما كان يكذب على نفسه)

.. نورا علي

يا شيخة .. والله العظيم؟ .. حاجة وسخة والله

(كل الحاجات وسخة مفيش حاجة عدلة ابدا)

..وائل محمد

وحشتيني من قلبي

كلمة غريبة جدا اصلا .. بس بحسها من قلبي

..ماما

بتعملي اية يا بيضة

دعاء اختي

انتي يا بت عايزة شاي

شريف اخويا

صباح الخير

(الساعة غالبا بتكون التاسعة ليلا مثلا)

Thanx both of u 4 being here in my life

cause of u i am not all by my self

u giving me strenght 2 stand in my way

u taought me how 2 take a decision whatever what will happened after

cause in every step in that way i know u will be here 4 me

thnx 4 being my best friends all this time

ثلاثتنا اليوم