Tuesday, September 11, 2007

كلنا ليلى


شاركت السنة الماضية بكلنا ليلى .. وتابعت ما كتب عنها وما ورد في تعلقات البعض من اهانات .. ولم اسلم انا نفسي من بعضها اما عن هذا العام .. فتأتي كلنا ليلى ببعض من الاسئلة التي قامت بتمريرها الي العزيزة ابيتاف
وسأقوم بالرد عليها عل الناس تكون قد صارت اكثر نضجا

هل انتي سعيدة كفتاة وبدورك في الحياة؟
سعيدة كفتاة اه لاعتزازي الشديد ينفسي .. اما دوري في الحياة فاعتراضي عليه لست كفتاة وانما كانسان في مجتمع يفتقد للوعي الكافي



ما الذي يعجبك في المجتمع اتجاه نظرته لليلى؟
تلك النظرة التي تهمش دورها وتقصره على كونها خلقت لتتزوج او لتغازل فقط .. ان تجاوز ذلك المجتمع مناطق العينين والجسد والوجه وبدأ في التجول داخل عقلها قليلا .. ربما كانت اسهل .. ونطرية المحرمات على الفتيات والتوقف عن تطبيها امام نظائرهم من الفتيان


ما رأيك في دور الاعلام في ترسيخ صورة نمطية عن المرأة؟ومعالجات قضايا المرأة؟ وتأثيره؟
الاعلام الذي يجعل من هن مثيلات هيفا هن القدوة للفتيات الصغيرات .. ام ذلك الاعلام الذي يسلط الضوء على فتيات الليل .. ام اعلانات الفياجرا التي تاتينا ليل نهار تظهر من خلالها فتاة في سن العشرين تتزوج من رجل في سن والدها وتساله بمنتهى البجاحة ان كان شغال ام لا؟



ما رأيك في يوم ليلى؟
وسيلة لاظهار نوعيات البنات الموجودة الخارجة عن نطاق الموديلز والتي تملك اهتمامات اخرى بعيدا عن الهاي لايت


اول خطوة اقتراح لتغيير مشاكل معينة؟
من البيت كما قالتها ابيتاف .. اذا ربينا الولد على ان الانثى هي كائن موازي له .. وقمنا بتربية الفتاة على ان تتجاوز بعض عقد النقص ستتم المعادلة




هل تحبين نفسك ام تتظاهرين بالقوة؟
احبها جدا



هل تعرفين دورك في الحياة ام تتسايقين وتلعبين ادوار مرسومة فقط؟
انا آخر من يستسلم للادوار المرسومة .. اكره النمطية


هل انت مستعدة ان تدافعي عن وجهة نظرك عموما ام تتجبنين عند المواجهة؟ وهل ترين جبنك صفة شخصية ام يغذيها من حولك؟
ادافع عن وجهة نظري واحاول جاهدة انا اقاوم الجبن ان حاول احدهم زرعه بداخلي



ما مشاكل ليلى الملحة في المجتمع من وجهة نظرك؟ ما مصدرها؟ هل يمكن حلها؟وهل عندك موقف شخصي من واقع الحياة؟
التحرشات الجنسية ومصدرها هي قلة الرباية من الآخر والنظر الى الفتاة على انها كائن يصلح للاستخدام .. ولن يجد القدرة على الاعتراض
الزواج وعند دخول الفتاة في بداية سن العشرين يبدأ الضغط النفسي والعصبي عليها من جميع من حولها بان تقوم بالزواج من اول الطارقين ويؤدي ذلك الى فشل معظم الزيجات او رضاء بعض الفتيات باداء معيشة لن يمكنهم من تحقيق ادنى معدلات السعادة
العمل والذي اصبحت الفتيات تستخدم فيه ليس لانها قادرة بقدر ما لانهم يريدون "فتيات حسنة المظهر" والمعنى في بطن الشاعر
ربما يمكن حل هذه المشاكل اذا بدأنا بان نغير المفهوم السائد عن كون الفتاة اداة وضعيفة ويجب ان تغلب على امرها



هل تري المرأة اقل من الرجل في اي مستوى من المستويات؟ وان كان فعلا فما هي هذه المستويات؟
لاء مفيش .. معتقدش



منذ مرور سنة منذ يوم ليلى الاول ماذا تغير في وضع ليلى؟
ولا اي حاجة .. كل اللي اتغير اننا حسينا ببعض اكتر




امرر التاج الى
اميرة حسن العروسة
ياسمين .. الى كل نساء الشرق





36 comments:

shimaa said...

بصي مبدئيا اول حاجة لفتت نظري ان فات سنة على حملة كلنا ليلى مش مقتنعة يا بنتي ..حساها من شهرين تلاتة بالكتير..
ثانيا حاجة ملهاش دعوة بالبوست جملة
"لم اعد كما كنت بالامس" عجباني قوي
البوست حلو طبعا..متفقة معاكي في كل اللي قلتية
و عجبتني قوي العروسة اميرة حسن
اميرة عروسة هييييييييييييييييية

altwati said...

نحن نطلب من ليلى
أن تنظر إلينا بعين العطف
كل سنة وليلى طيبة
وكل الليليات

Amira Hassan said...

زي ما شوشو قالن انا فاكرة كويس اليوم اللي بنت مصرية بعتت لي و قالت لي على الحملةو انا كنت مسافرة لظروف طارئة ..مش حسا انها سنة خالص

ياريت بس كل ده يجيب فايدة

~ Bato0ot ~ said...

ana bardo msh 7asa enha sana ragham eny mashrktsh bas kont mtb3a el mawdo3 mn be3ed .. 7asa eno kan 7aga oryba awy

mariam said...

اجاباتك قالت حاجات كتير جوايا
فعلا ليلى بتعانى فى المجتمع
انا نفسى يتم تفعيل حملة كلنا ليلى تانى بقوه زى الأول

كل سنه وانت طيبه يا لمى
رمضان كريم

kafrawy said...

كل سنة و انتى طيبة


بتمررى التاج لكل نساء الشرق



اية العنصرية دى


فعلا


ربنا يخليلكوا ماما سوزان


سلام

هناء said...

آسفة لكن حواء اليوم تساهم أيضا في ترسيخ فكرة انها فرخة للتزواج و التكاثر و اذا كانت محظوظة للغزل

عين ضيقة said...

لسنا كلنا ليلى

ومبروك لصاحبتك

وكمان كل سنة وانت طيبة .. رمضان كريم

كرانيش said...

كلنا ليلى كلنا عبد السميع


مبقتش تفرق كتير يا لميا

المهم انتى عامله ايه وايه اخبارك؟؟

Mony The Angel said...

kol sana wenty tayeba al awel :))
hagy tany beleel a2ra al post 3ala rawaa2a waseeb comment ;)
love u (K)

Unknown said...

كل سنة وانت طيبه ياجميله

ورمضان كريم (:

Muhammad said...

انا بقول نهني بمناسبة رمضان و نمشي:)

كل سنة و انت طيب يا عمي. و السنة الجاية ان شاء الله تكون الاوضاع افضل

هستنى تحددي يوم تعزموني فيه ع الفطار. بلاش بخل مليتوا البلد

سلام يا سكر

Mony The Angel said...

ana geet any zay ma2oltelek aho (A)

"هل تحبين نفسك ام تتظاهرين بالقوة؟
احبها جدا"

me too :))

wana kaman 3agabtny awe lam a3od kama kont bel ams de :))
gamda teneeeeeeeeeeeeen :D

love u

sherif gharib said...

اولا كل سنه و انتى طيبه يا لميا
و رمضان كريم
اجوبتك حلوه يا باشا
بس انا مختلف معاكى فى حاجه واحده
المشكله مش فى البيت بنسبه ميه فى الميه يعنى المشكله مش فى اننا نربى الولاد على ان البنت موازيه للولد فى كل اجه بس
بدليل ان فى اى دوله اوروبيه او امريكيه بيتربى الناس كلها على المبدا ده و بالرغم من كده بنلاقى تير قوى من حالات التحرش على الرغم من ان المجتمعات ديع عارفه قوى دور المراه ايه و فى نفس الوقت موضوع الجنس عندهم مباح قوى يبقى اكيد فيه سبب تانى
مجرد وجهه نظر
تحياتى

.:.-=- ELGaZaLy-=-.:. said...

فى مقولة لسيمون دي بوفوار بتقول الرجل يعرف على انه انسان. المرأة تعرف على أنها أنثى. وحينما تتصرف المرأة كإنسان، يقال لها انها تقلد الرجل
مش عارف من اول مقريت حملة ليلى وانا قارى حاسس المقولة دى اوى

....

رمضان كريم وكل سنة وانتى طيبة يا لمياء

Young entrepreneur said...

يلا يا شباب مصر, تعالوا اعرفونا و نعرفكم Trateesh Kalam

سندباد said...

رمضان كريم
تحياتي

أسوور said...

اجاباتك اكثر من رائعة
واثقة فى نفسك وعارفة انتى عايزة ايه فعلا

اقولك حاجة
انا اتمرر لى تيجان كتيرة جدا جدا
ولم اقبل اى منها ابدا
تعجبت لما لقيتك ممررة لى التاج

أشكرك يا لمياء
انتى مررتى التاج دة عشان عارفة كويس انه تاج مختلف
و اكيد كنتى واثقة انى هأرد عليه وهقبله

انا فعلا هقبله
وهأرد عليه

بجد اشكرك .. لأنك عرفتنيى قوى .. حاسة انك بجد عرفتينى رغم اننا لم نتقابل الا مرة واحدة

تحياتى لكى يا ست البنات

el2ahwagi said...

رمضان كريم

كل سنة و انتى طيبة

linda said...

عجبتني اجابتك يالمي

الأسئلة تحفة واجاباتك اروع

تسمحيلي اعمل التاج دا؟

إنسان || Human said...

كل سنة وانتي طيبة يا لمياء ...الفكرة عموماً جميلة ..بس محتاجين شوية إن احنا نفكر إزاي نقوي دور ليلى داخل المجتمع وليس خارجه

Anonymous said...

مش عارفه انتم نظرتم لليلى من ناحيه واحده - ليلى هى الام والاخت والزوجه والابنة وهى اللى ربت وكبرت الاثنين الولد والبنت يبقى مين اللى غلط ليلى والا هو اعطى لنفسه هذه الحقوق لوحده بيتهيألى نبدأ بليلى نفسها وطريقة تربيتها لابنائها ومفهوم الولد والبنت عندها

سندباد said...

مرة تانية رمضان كريم ومبروك لاميرة
تحياتي

Reemo said...

متفقه معاكى فى أغلب كلامك يا لومى
اعتقد ان ردودنا تشابهت كتير
قبلاتى

LAMIA MAHMOUD said...

شوشو
وانا كمان والله يا شوشو حساها من قريب جدا :)عجزنا يا بنتي
لم اعد كما كنت بالامس ودي حقيقة يا شوشو فسعيدة انها عجبتك
متفقين

هييييييييييييييه
لولولولييي
__________
التواتي
عين العطف!!!:)
وانت طيب وبصحة وسلامة
__________
ميرو
اه لظروف طارئة:)
تفتكري يا اميرة؟؟!!
سعد زفلول قالها يا بنتي مفيش فايدة
____________
بطوط
هو شكله كان قريب ولا اية
الواد كده بدأ يشك في نفسه:)
__________
مريم
والله انا كان نفسي فعلا تبقى بنفس القوة مش مجرد شوية اسئلة يترد عليها
عموما مبسوطة اني قلت حاجة جواكي
كل سنة وانتي طيبة
الله اكرم
___________
كفراوي
وانت طيب يا سيدي
بس الى كل نساء الشرق ده اسم مدونة
مش تمرير مني لكل نساء الشرق بالفعل
وعموما عنصرية عنصرية هو التاج حريمي
كل سنة وانت طيب تاني
___________
Es lo Que me Hace FeLiz
وضحي وجهة نظرك ولكن دون تعميم
فالشخصيات تختلف
سعيدة بيكي
_________
عين ضيقة
امتنع عن التصويت:)
الله يبارك فيكي وعقبالك
الله اكرم
:)))
___________
كرانيش
المهم ان كلنا ايد واحدة يا بهجت:)
انا كويسة يا قمر
كل سنة وانتي طيبة
________
موني
وانتي طيبة يلا حروح ارد عالتاني بسرعة:)
(K)
__________
اسراء
وانتي طيبة يا قمر
الله اكرم
:)
_______
فريكيو
وانت طيب يا سيدي
طيب خليك قاعد شوية
بقولك اية هز انت طولك بس وعزومة الفطار عليا:)
سلام يا عسل;)

LAMIA MAHMOUD said...

موني
اهو اتنين اهو بيحبوا نفسهم
حد يقول لاميرة:)
اتفضليييييييييييهاااا
:)))
_________-
شريف
وانت طيب يا شيكو
نتناقش على جنب يا معلم بلاش شردة في الكومنتات:)
وحقنعك
___________
الغزالي
اممممممم
وانت طيب
رمضان كريم
_________
محمد
وماله مش عيب
نياهاهاها
_________
سندباد
الله اكرم :)
_________
ياسمين
اشكرك انتي يا جميلة للمشاركة
بدخل ومش بلاقيكي اون لاين
عموما مستنية ردودك اللي عارفة انها اكيد حتبقى اكثر امتلاءا بالثقة والوضوح
:))
__________
القهوجي
الله اكرم
وانت طيب
:))
_________
ليندا
ياريت تعملي التاج ده
ياريييييييت
كل سنة وانتي طيبة:)
_________
human
وانت طيب:)
حنحاول بس هي المرةدي اسئلة محددة مع الاسف
__________
ماما
هو ده الكلام ولا فلا
الناس كده حتقول علينا عيلة تقدمية يا والدتي
نتناقض على جنب انا وانتي لوحدينا بعيد عن الناس دي
:))
________-
سندباد
مرة تانية الله اكرم:))
الله يبارك فيك عقالك لو مكنتش متجوز
وعقال اولادك لو كنت:)
_________-
ريمو
متاكدة ان اجابتنا واحدة يا جميلة طبعا
كل سنة وانتي طيبة

إنسان || Human said...

دعوة لكل المدونين ..للإشتراك في إقتراحات لتدوينة في حب الرسول صلى الله عليه وعلى إله وسلم..للرد على الإهانة بكل اللغتين العربية والإنجليزية

momken said...

روددك حلوة مع انى لا اؤمن بمايسمى قضايا المرأه
يعنى ايه قضايا المرأه
واين قضايا الرجل وقضايا العصافير
وقضايا الزرع والشجر
وقضايا الطوب
ونقلبها محكمه بدل ما هى دنيا

البوست بتاعك جميل
ومبروك لصحبتك وعقبالك

تحياتى

Dr. Eyad Harfoush said...

عزيزتي لمياء
نعم، مشكلتنا هي مشكلة مجتمع لا يعتنق العقل كمبدأ للحياة، و العنصرية هي عرض من أعراض المرض سواء كانت ضد المرأة أو ضد دين الأقلية أو أو الخ
تحياتي و تقديري

ياسر مدني ...دينامو الإخوان said...

لصاحب المدونه وكل زواره
أدعوكم لإبداء الرأي والمشاركه في فوازير رمضان الإسلاميه بعنوان خلق وصحابي

shady said...

http://www.who-is-wael-abbas.blogspot.com/
اعرف حقيقة وائل عباس ده لو كنت بتفكر
وتعال وشارك معانا وقوا رايك في وائل عباس

linda said...

وحشتيني

Feras othman said...

lamia hi !!
how are you ?
its been time since we last talked with each other ..how are you and do u recieve my e mails
where r u hidding
where is the new post ?!

be fine !!

Anonymous said...

كل سنة وانتي طيبة يا اغلى الناس

كل سنة وانتي جميلة

u know

simple girl.. ..simple dream said...

لما الست تبطل تلغى شخصيتها عشان جوزها
وتطالب بحقوقها بدل ماتعيش دور الضحية
حال ليلى ممكن يتصلح

Unknown said...

السلام عليكم و رحمة الله و بركاته
_____________________________

انا جاية اعيد عليك يا لمياء:)
كل سنة و انت طيبة..
عيدكم مبارك و عسى كل ايامكم سعيدة ..
عساكم من الفائزين و العائدين باذن الله الى رمضان اعواماً عديدة ..

______

بخصوص ليلى ..
انا يا لمياء ماكنتش اعرف اي حاجة عن موضوع ليلى دة خالص
الا لما عديت على سهى السباعي
و لقيت اسمك في كلنا ليلى
:)
تحية و سلام